韓國屋 (已結業)

這天在旺角工作在只有30分鐘的午飯時間下筆者選擇了到food court解決午饍韓國屋的A+B套餐是超划算的筆者要了個牛肉飯+炒粉絲還有柚子茶都只是$50 超抵食呢!牛肉飯的肉汁香濃牛味亦挺重加上粒粒芝麻令其香氣更強飯煮得軟綿配合煮過的牛肉是最佳配搭炒粉絲相信不用筆者多說看圖大家都看到這個條條分明的炒絲感受到其爽口而鹹香不過老實說炒粉絲的油份偏多吃到底時就看到薄薄的一層油啊但整體來說是可以的呢

咁岩行開朗豪坊，又到左晚飯時間，近近地行左過food court 度搵食。望住眾多選擇，又唔想次次食pepper lunch，諗左一陣之後決定試下韓國屋既雜綿石鍋飯，同埋因為唔想飲凍野同汽水，所以叫左熱柚子蜜。等左五至十分鐘左右就有得食，見到d餐具有d失望，因為唔係金屬筷子同匙羹，而係方型膠筷子同湯羹。但係食物賣相都ok，仲有一小盒韓國辣醬，俾人自行因應口味去撈。而且依個飯睇落好健康，因為菜多過牛肉好多。到我開始撈個飯同進食，就覺得d餐具好唔方便，特別係個羹！根本湯羹咁深就唔應該用黎食飯，就算撈個時都係咁攝實左，搞到撈又唔好，食又狼狽，好影響心情嫁嘛！而且味道唔係特別好，配料之中我最鐘意係d菜，食落都新鮮既。但個飯既口感一般，有少少太濕，同埋份量稍微多左d，我食唔哂，剩左d飯同鍋底既飯焦。不過個熱飲都可以，不過不失。但食完之後無乜滿足應，得飽肚感，始終比我食過既其他韓國食店略遜一籌。不過food court 唔可以太高要求既，何況依個food court 叫做坐得舒服。不過下次再黎應該唔會幫襯韓國屋lu。

如無意外應該係第一次去呢間野食午餐,由於未試過,咁就梗係睇清楚有咩好食 .咁岩撞正飯市,就試下個午餐(BBQ牛肉配炒粉絲連飲品,汽水或柚子蜜),我仲以為佢係用石頭鍋上.當我點完餐時,唔夠二分鐘就整好俾我,我第一個感覺就係覺得好hea.因為餸同炒粉絲都係預先整好,好似人地出面d三餸飯咁直接夾俾你,話晒都成五十蚊,印象分即時大打節扣 .現在就講返個味道係點:飯:飯質冇問題,但唔夠熱,第一敗筆 .牛肉:味道正常,但都係唔夠熱.唔難食亦唔係好好食,牛肉唔韌.炒粉絲:呢個夠熱,味道幾好,粉絲配埋d雜菜令到炒粉絲食落冇咁油膩,係成個餐的唯一亮點 .柚子茶:送既野唔會有期望,所以冇失望到.成杯野又係唔多熱,唔係太飲得出有柚子味,冇咩甜味 .因為又係預先沖定放埋一邊 .問題實在太多,好難唔俾喊,俾喊你簡直係實至名歸

又嚟到朗豪坊行街有點肚餓又差不多晚飯時間午餐時只係食三文治就係 food court 行左一個圈 最後決定又再試下韓國屋因為之前品嘗過覺得幾好，今次叫咗個一來到就立即品嘗而配料有豆腐，泡菜，金菇菜及海鮮就只得蜆肉，而味道就有小酸辣好開胃，豆腐就整得好滑而泡菜整得夠細塊一淡就可以入口不過海鮮配料就小咗些只得蜆肉，總捨這裡的食物出品幾好食，下次會再來。

平日的朗豪坊food court，食飯時間，好不容易搵到位。　　原本想食pepper lunch，但見朋友買韓國野，我又跟埋去睇下，咦？係幾吸引喎。　　雞肉飯包野飲$52，內有泡菜、青菜、粉絲、雞肉和飯，好似仲有蛋？太耐前食了。只記得C/P值頗高。　　同Display一樣咁大碗。　　質素可以，樣樣無特別好食，都無特別難食，少許偏油，雞肉幾大舊，較喜愛的是粉絲。總括來講Average啦。　　朋友的牛肉飯，有埋醬汁，好香。　　呢日無食過野，所以食完仲有空間可食多個（當然我無），平時食就勁飽肚啦。　　跟餐野飲熱柚子茶，沖得濃淡恰宜，係咁嘈既foot court飲一啖，唔知點解有d睡意？

出開旺角買野黎到朗豪坊打算食午飯係 food court 行左一個圈 最後決定試下韓國屋因為都好耐無品嘗過韓國食品早幾年第一次食韓國菜後就喜歡咗，今次叫咗個泡菜純豆腐辛辣湯飯一來到就立即品嘗而配料有豆腐，泡菜，豬肉及金菇菜等而味道就有小酸辣好開胃，豆腐就整得好滑而泡菜整得夠細塊一淡就可以入口不過肉類就小咗些d，總捨這裡的食物出品幾好食。

今日好早就收工,因為無放到lunch就黎餓死喇不過,所以即刻就同同事去朗豪坊搵野食,行左就一陣就見到一個好靚好豐富既石頭鍋飯,即刻就流哂口水,即刻叫,仲諗住要等好耐,估唔到咁快有得食,5分鐘都唔洗,熱辣辣,香噴噴,又炸炸聲,真係幾吸引,真係想流口水,仲要咁餓,材料都十足,有牛肉呀,紫菜,紅蘿蔔個d咁樣,仲有隻煎蛋等等。首先牛肉就有少少筋同肥膏,肉都幾好味,有夠味,唔錯唔錯紫菜份量就真好多,我自己都幾鍾意,好味!其他配菜又係好多,但係我唔多鍾意食,正係鍾意食飯同d肉,至於隻蛋,如果一開始就整爆佢就可以撈飯,不過因為個飯太熱喇,個蛋黃好快就熟晒,本來以為佢份量唔多,點知好似愈食愈多,好味道!肚餓到咁都醫得飽,強!

費事喃lunch食咩直接铲上朗豪坊Food Court揾食見有韓國料理就即刻落order因為真系好肚餓韓國料理想食葛野有好多又想食粉絲又想食牛肉之後直接一個七彩牛肉飯就搞定朋友就要咗個牛肉飯我個七彩牛肉飯真系有齊七樣餸牛肉、粉絲、青菜、蛋、豆芽菜、紫菜、泡菜跟餐有辣醬其實真系唔系好辣材料好新鮮特別牛肉俾好高分總括來講都好滿意之後散叫咗樽韓國米漿第一次試米漿原來味道系同加糖玄米茶差唔多好香好濃朋友個牛肉飯我冇試但系都應該差唔多跟餐有送飲品但睇來都唔系好飲果隻

即使當日係紅日,仍有很多套餐供應~新推出一款之前未見過的 A(BBQ牛肉,雞肉 飯)+ B(炒粉絲/湯粉絲 ) 套餐 $37 配飲品:chopsticks: BBQ牛肉飯牛肉有好多件,味道不錯,唔會好韌,咸度適中,個醬汁不錯的~白飯飯球大,飯粒分明,軟度適中~雙併的份量充足,可以食飯又食粉絲,很不錯~創新的:chopsticks:炒粉絲唔算特別Q,味道還可以~有好多椰菜,紅蘿蔔絲~出菜的速度十分快,order後3min已經整好可以扲埋位食~:chopsticks: 熱柚子蜜味道很好,甜美~有柚子蜜碎!好飲,潤喉之選~好過飲汽水!!  

飯+粉絲=$42, 沒想過付款後, 姐姐就在面前左執一撮、右執一羮, 拼成這碗飯+粉絲。泡菜豬肉飯味道竟是甜＞辣, 豬瘦肉片大大塊因此有3塊左右, 豬肉片沒有被人工化學催殘過, 飯質普遍偏向腍；韓式炒粉絲的粉絲也是偏腍, 完全失掉了煙韌口感, 幸好蔬菜爽鮮多汁熱柚子茶亦是預早調好, 味道ok, 不濃不淡。

Like Korea food so much~平時喜歡吃辣的，特別是韓國泡菜，但是可是這個泡菜不夠啦~我吃的烤豬肉飯加一個面，可是豬肉肥了點~但總體上還是不錯的，菜很多，湯底也不錯~希望能多出點新品！

有時諗唔到食乜 , 或者同朋友有唔同意見o既時候 ,去 food court 都係一個唔錯o既選擇 , 大家可以分開揀食乜呢日同媽媽黎到朗豪坊 , 走入黎 food court 行左一個圈最後決定食韓國野 , 叫左個最簡單o既什錦石頭飯$ 48 連一杯熱柚子蜜 , 個飯都幾大 , 都唔算貴 , 中價啦 ~不過什錦o既意思 .... 似乎有 d 搵笨 , 只係得一堆醃菜 , 大概都係麻油味 , 加少少辣 , 係幾香幾惹味 , 幾易撈飯o既正式既送就有一隻全熟煎蛋 , 加幾片豬肉 , d 肉仲要又硬又韌又鞋 ....石頭窩夠熱 , 個飯一直都 keep 到 warm , 仲有少少脆 , 幾好食跟飯o個個韓式辣醬唔係幾好味 , 少少甜 , 又有 d 咸蝦味 , 少少辣我用黎點左少少肉 , 都係覺得拎 d 豉油撈飯會夾味 d , 不過想提一提 , 店內所提供o既豉油都幾咸 ,唔好一次過撈太多柚子蜜係正常味道 , 無乜柚子肉 , 都無過甜 ,ok## 下次如果再想食石頭飯 , 都可以再幫襯o既 , 不過唔會再叫什錦 ...

同友人行完朗豪坊為求方便就來FOOD COURT各自搵食, 我選左食韓國食品叫左個香辣豬肉拉麵一來不用試都知道這碗無色無水既拉麵絕對不會有香辣味道湯底清淡如水拉麵亦煮得過淋, 基本上自己係家煮都必定好味過此店.幸好個豬肉片都略為炒過才放入麵內, 總算整碗拉麵有一樣食物係有少少味道.

這天來到mk, 順道用了韓國屋的coupon $19 一個雜錦石頭飯+熱柚子茶. 真是超值.等了5分鐘就有了, 雜錦石頭飯很大個, 原價$42, 但沒有因團購而減份量, 內有很多配料, 蘿蔔絲, 青瓜絲之類, 但牛肉片就只有3-4薄片, 所以食起來其實都有點寡. 但好彩還有韓國的醬汁撈飯, 帶點微辣, 都不錯. 石頭窩不夠熱, 所以沒有飯焦了.$42 的話不太值得食, 不竟肉不是很多, 原價的話我會選擇其他食物.

到朗豪坊，每次看到都是人頭擁擁的，路過這裏都看見要等位。今晚可能晚了一點，所以很容易便找到座位。走了一圈，太太看見韓國屋的這個豆腐豚肉泡菜窩飯相當吸引，就算了這個。我因為想一起，所以也算了雞肉窩飯。先來的雞肉窩飯，可能比較簡單，弄熱了窩，加上飯，由廚房送到樓面，樓面的小姐就把雞肉、粉絲和其他配料加上去。所以除了飯比較熱外，其他的溫度都是暖至熱之間，稍為不足。味道不算濃，也不算咸，粉絲煙韌仍有質感，全部屬飽肚之作。對我來說已不錯的了，當然在味道上不算出眾。這窩需時較久，並且全部都是廚房弄的，出廚房就交給我，熱辣辣十分吸引。豆腐的份量出奇的多，豚肉和泡菜也足夠，外觀看似辣，但味道溫和。我們都十分滿意，下次仍可以選這個。