韓國屋 (已結業)

是日星期日去旺角睇咗場戲睇完都9點幾但我地係食完個TEA先去所以都唔太肚餓咁諗住求其搵啲嘢食就諗到去FOOD COURT食無聊想試下呢間公仔麵啦咁就五十蚊碗既講真既 五十蚊碗公仔麵 我諗佢賺到笑啦 如果多人食既話 之後我地就咁叫咗兩碗麵食兩碗都係辣既一個海鮮 一個牛肉兩碗辛辣麵黎啦同包裝韓國既辛辣麵味道差唔多啦海鮮冇味既 海底都係味精湯牛肉麵啲牛肉冇味 湯底都冇乜味同埋多隻蛋食包裝公仔麵既質素但賣五十蚊碗絕對唔抵既就係咁喇

下午喺尖沙咀飲，之後返旺角行街，到夜晚突然好肚餓，就喺food court搵野食，揀咗食韓國野。拿個粉絲好味就講唔上架啦，叫做夠飽囉，同埋個湯真係唔好飲，同水無分別，成個餐同期望好大落差囉。

幾年前食過呢間野，諗住都ok,點知食左幾啖，忍唔住開ac 留言警世！我叫左個泡菜牛肉湯粉絲連熱柚子蜜，一黎到成碗都係耶菜！泡菜只係得幾塊，個湯根本就係公仔麵味精湯！諗住個柚子蜜都係沖姐，應該ok,點知水味甚濃！職員服務態度又係一絕，可以落落下單搞唔清楚牛肉麵定粉絲既，諗左一輪又問返我叫乜，另外d 人唔幫不突止，仲單單打打咁睇戲，喂，落單都hold 住成分鐘真係好好野！食評打到呢度，其實仲有半碗未食，可以點算

首先野都已經好差，仲要問佢地拎水要用1蚊買，買都唔緊要，仲要比一杯全滾水，我買水緊係有需要先買啦，問佢比小小冰，佢又話無冰，咁凍飲d冰係邊到黎，仲依間野食物差，態度差，唔會再食

通常一個人在旺角做完運動，便到朗豪坊 foodcourt 食晚餐，而我大多數都會選擇韓國屋的「韓風飯配粉絲定食」，即 A 及 B 各選一款，再配飲品。而我慣常點「A1 BBQ 牛肉飯」加「B3 雜菇湯粉絲」，再配熱柚子茶。BBQ 牛肉飯，BBQ 牛肉，配上濃郁的醬汁，非常惹味。雜菇湯粉絲，粉絲雜菜都頗多，清清淡淡，不辣，很合我的口味。一邊味道較重，一邊清清地。一碗飯有兩種口味，抵食 ^_<最後再配熱柚子茶，清清地，不太甜

諗住咁耐無食過韓國屋，前幾日lunch 行過見到有就去食啦，我係第一次嬲到上網打食評，都諗到我有幾一肚氣！叫個飯食下姐，問多一句個收銀阿姐都厭煩咁樣又黑面又剩，仲要話番我轉頭！都幾攪笑架喎？佢仲叫我講清楚啲啦咁，其實會唔會係你自己都無心去聽呢？諗諗下都嬲！係我等緊個餐其間，下一個客人落order，係一個伯伯黎，佢又厭個伯伯點餐慢，係咁問佢講乜「係咪k餐呀？問你又唔答！」其實人地伯伯唔識英文都好正常，做乜要咁樣去話人？sorry，我唔會再去朗豪坊呢間！

無所事事，行街係最好嘅打發時間的活動。為了買頂cap帽，來到朗豪坊。午餐時間吾想排隊。於是決定食food court 。習慣性先影相先。然後選擇好想食的食物，到櫃檯付錢買飛，之後搵位坐好，等侍食物整好之後，大概5分鐘之後，餐已經弄好，好大碗：有八爪魚仔，蝦，蜆，蛋，生菜，椰菜，紅羅白等。顏色多彩，材料豐富，份量十足。味道屬於鹹鹹辣辣的，非常香口。麺比較淋的，非常惹味。而且份量十足，一碗已經好飽。價錢＄50，屬合理吧。

星期五，同女朋友去朗豪坊食個快嘅晚餐。On Friday, my girlfriend and I had a quick dinner at Langham Place.我地決定起四樓嘅food court食。我揀咗韓國屋。我叫咗韓式七彩牛肉鍋飯。We decided to eat in the food court at Level 4. I chose Korea House.I ordered BBQ beef with assorted vegetable & vermicelli pot rice.味道一般，但好足料，有泡菜、紫菜、粉絲、牛肉、菜、芽菜、蛋、飯。The taste was average, but it was sizeable. It included kimchi, nori, vermicelli, beef, vegetable, bean sprout, an egg and rice.

今日去朗豪坊食晏就，本來想食pepper lunch，但系成日食，所以想試下其他野，最後決定食韓國屋，因為一直聽人講都ok，點知就中招了系韓國屋叫左個辣海鮮豆腐湯，一飲第一淡好重味精，好似加左公仔面個種味精粉去煲個湯甘，個湯得辣味，完全失望配料既海鮮好似bb甘....超細粒豆腐就有好多同好大舊，但系都冇用，因為冇豆味加左杯飲品系蘋果綠茶，飲落去勁甜，好淡蘋果綠茶既味道，感覺似加左水同糖水而且food court冇比任何既前菜，睇番張單原來呢間野系韓食家既，但質素差太遠，收差5多既價錢，前菜又冇飲品又冇，好失望

試咗二人套餐 十分難食。石頭飯不是用石頭鍋，令食物不夠熱。白飯沒有飯味，只有水味。粉絲也沒有味道。$125的二人套餐的性價比非常低已將此餐廳加入黑名單，可一不可再。唯一比較正常的是豆腐湯

呢間好似都幾多人食又唔想食快餐所以揀左呢到食韓國料理我一直都幾鐘意份量都好夠仲有一堆配料味道好fresh 唔會覺得佢地擺左好奈呢次第一次食覺得幾好食下次一定會再去食

放左工諗住食個簡單既晚餐之後就去睇戲，所以是但係Food Court食個韓國野算數。泡菜牛肉粉絲，韓國既粉絲一直係都鐘意食，但今次個粉絲真係麻麻地，應該煮得過左時間林左少少，冇左平時食既煙韌口感牛肉有好多塊，不過好韌。湯底似公仔麵湯底，泡菜又少唔夠辣，食完仲要勁口渴

Lee間我食過好多次，每次必食海鮮豆腐湯，首先佢即做熱辣辣，一見到口水分泌旺盛，個湯有一碗白飯，材料有一隻流心蛋、金菇、翠肉瓜、蜆、蝦，魷魚、青口仔，size雖然少，但份量頗多，仲有勁多豆腐，一啖湯一啖飯，yummy，雖然食完係比較頸喝，但一次半次可以試試，以fog count價錢$55，正常！

自從韩国2002世界盃之后，再加上幾个韩国仔係澳洲working holiday蝦我之后，已經对韩国無好感，再加上mers同韩国三母子被姦事件后，已经blacklist韩国！可惜女人就已经俾啲垃圾毫無邏輯同剧情可言的韩剧洗左腦，一去到food court就已经話要食尼間，好啦惟有就下佢点尼個餐，点知真係俾尼間野点左！尼個好似係叫辣海鲜豆腐湯配個白反甘，但女人唔食辣所以走辣。但你唔講俾我聽我以為尼個係屋企煮既豆腐汤重手左味精！首先我搵混全個湯都只係搵到一小粒好似廚余甘既尤鱼同十粒内极細粒既蜆肉同好多旧百福豆腐…點解我知係百福？因为啲豆腐邊個啲紋…我顶真係一計已经知你碗野既成本唔洗五蚊…你賣我54…係咪甘阿你…之后個阿姐又勁無禮貌，全程黑面欠左佢甘，又粗声粗氣甘，十二點到就已经甘，你岩岩开工咋喎…

food court食物價錢唔貴，要求當然不能夠太高，所以這個泡菜豆腐辣湯，係唔錯選擇。因為夏天，想食啲濕濕地嘅，唔想乾爭爭，呢個好呀，加左啲泡菜味，酸辣開胃，又有豆腐唔使咁鹹，再加啲飯食，咁就啱啱好，只係啲豬肉好'鞋'，唔好食。如果唔想食咁辣可以叫少辣架！其實四周圍都有food court,都會有韓國屋食，不過佢係有味精，但本人唔太介意，因為唔係好多，第二通常都會有架啦～