韓兄弟燒烤

營業中

休息中

平時去紅磡食野都會諗起加太賀間日本野今次我地去左隔離街既韓兄弟韓燒!一坐低 未點菜就已經上左啲小食比我地 係我至愛 乜都有啲蜂蜜蒜蓉炸雞 甜辣醬炸雞 $148 做人緊係貪心啲好 老闆都比我地揀雙拼 可以試多啲味我較中意食蜂蜜蒜蓉味 佢唔會好多炸粉 雞肉又多喎梅頭肉泡菜湯 配白飯 $68呢個湯都幾多料吖 梅頭肉既份量都唔少! 又有豆腐 唔會太辣 岩岩好 : )重頭戲 port set A梅頭肉、五花腩肉、豬頸肉 $290一上菜就「嘩 好大塊 好厚身」佢地既比例係岩岩架 完全唔覺肥膩當然 要煎番耐少少 因為佢都真係幾厚肉下但係又好咬口架喎唔好見佢地份量唔多但其實包埋生菜呀蘿蔔粒呀 同埋佢地既秘制醬料食 係好飽肚架平時中意食韓燒就係因為佢有旁邊既芝士粟米同埋蛋漿今次啲蛋要趁佢半熟咁食都幾滑我地仲有叫左塊肉眼扒 肉質鮮美!仲好大塊添 

紅磡有個小韓國，原因就是韓兄弟燒烤、一間餐廳，聚集了真正的韓國人，旺埸亦是因為夠晒正宗。 未夠八點walk-in , 店子已經八成滿，眼見兩枱大party 已食得興高采烈，非常熱鬧我們點了燒烤，店員隨即有條不紊地擺放餐具、放上鐵鍋、之後是前菜六小牒、冰凍麥茶、主食配菜，越放越精彩，一下子滿枱都是食物，開心極了。點了精選豬肉套餐，一份有齊豬腩肉豬頸肉及大大塊豬扒，豬腩肉半肥瘦，用黎剪綵起鑊最啱，快熟有得食，煎出來的油再慢煎豬扒是常識吧，同時放入豬頸肉，傾吓計玩下煮飯仔，又係一件樂事。芝士泡菜煎餅，就如我們的薄撐，大大件軟綿綿，芝士面夾心泡菜小小辣，好開胃的，最啱係等食燒肉期間止下口痕韓式蒸蛋，深鍋蒸出來的蛋夠晒厚度，每湯匙盛上的內涵滑嘟嘟的，小小肉碎及芝麻純粹係提味，令蒸蛋不會太過單調，加碗白飯配蒸蛋，點下醬再食吓燒肉，真係好飽啊八爪魚🐙由韓國直送，用大量洋蔥豆瓣醬醃製，韓國🇰🇷辣辣風味，原隻鐵板燒，好有睇頭，八爪魚是爽口的，不會似橡皮般的靭，小小辣不會嗆喉，飲住啤酒食，特別有feel .兩杯落肚，燒下食下感覺好放鬆，成間餐廳都充滿歡樂嘅笑聲，最難忘嘅係韓籍廚師為咗遷就我們，落單時用半鹹

octopus $$198我第一次食生八爪魚感覺住住調理真係好特別一開頭都驚佢好腥但加咗啲麻油同埋醬汁之後就覺得超好食冇咗嗰種腥味亦都會食咗落後之後啜着住舌頭同埋好彈牙好有咬口份量都好大老細話其實平時都唔係好多貨量我之前嚟過食都冇所以今日真係好好彩有精選豬肉套餐A$290有三款唔同嘅豬肉點樣教我地要先煎食咗豬頸肉因為最多油又可以加大過火有四件豬頸肉一開頭都驚好油但呢款豬頸肉食呀會唔會好膩好油而且件件都好厚肉之後就整豬扒同埋五花腩我哋就一樣一樣黎🔥嗰啲豬肉係好好味唔會識到冰鮮或者好硬嘅豬肉所以都好高質海鮮煎$$98超級正呀一啲都唔油超大片入邊有蔥有蝦再加上食落去唔會好鹹味道都淡淡地覺得啱啱好因為我都好驚食得太鹹太高Sodium會影響身體健康所以食咗一個味道就覺得好安心

首先老細已經係韓國人係兩個Oppa入邊嘅環境設施都係同韓國一樣樣而且書包可以放落椅子入邊重點係食完都唔會好大浸燒肉味一入到黎就會有泡菜青瓜蘿蔔等等嘅配菜可以用來開下胃味道都係超好食而且配菜份量都唔少添之後就喺燒肉爐邊嗰度有芝士同埋蛋啲芝士仲係拉絲配埋燒肉超好食你啲芝士都係我韓國食嘅芝士款嚟㗎真係一樣味啊再配上三款醬汁爐邊除咗芝士之外仲有蛋Orginal and Sweet&Spicy Chicken $$160超級無敵厚肉而且一邊係好甜嘅醬汁係超好食食落去都唔會好乾再加上口口肉都係好甜好鮮如果啲朋友唔想食咁甜同辣辣地嘅都可以食原味原味就會比較淡但係都可以食到雞嘅鮮甜味睇吓啲雞幾好肉特色梅頭肉泡菜湯泡菜湯超入味而且撈埋白飯食超正入面都有肉同埋泡菜味辣度中等我哋四個人食都可以一人飲到兩碗湯加埋白飯都得啊芝士蛋卷$$98超級好食嘅芝士蛋捲見到個蛋捲係超大食咩都有茄汁醬入邊仲包有芝士添仲包埋有沙律㗎

今日嚟到紅磡搵美食, 試咗一間極具特色嘅韓兄弟燒烤! 嚟呢度嘅原因係因為之前睇雜誌介紹 呢間餐廳有香港難得有得食嘅活章魚， 所以決定嚟試下!餐廳內算幾大!!五款配菜係蘿蔔，泡菜，芽菜，魚糕同埋薯仔，如果食可以refill,好有韓國食到既味道。我們四人在店員推薦下，點咗精選豬肉套餐，入面有五花腩肉 ，梅頭肉同特選豬頸肉， 可以話係一次過滿足曬三個願望!三款豬肉都各具特色， 雖然帶點肥肉但係口感非常q彈, 食落有咬口之餘亦又夠味!之後再點左期待已久嘅韓式活章魚第一次嘗試活章魚， 店員 活生生地將新鮮嘅章魚切開， 然後溝埋芝麻麻油， 夾幾章魚嘅時候章魚既觸鬚仲係咁郁，好新奇。 章魚嘅觸鬚放入口中會畀佢嘅吸盤吸住條脷，口感煙韌彈牙， 新鮮既章果然感覺唔同! 越咬越有味道!牛肉眼扒超大塊，足足有我兩塊面咁大，真係唔講得笑!牛肉眼扒嘅肉質肥美得黎好重牛味， 用韓式嘅食法包住生菜同埋配菜一齊食， 外凍內熱!食韓式燒烤又點少生菜包住嚟食呢， 而且仲要加埋韓式醬料一齊食先夠好味!芝士蛋捲估唔到會咁大碟， 起初還擔心會食唔晒， 但係呢種諗法真係大錯特錯， 唔使三分鐘已經被清空， 芝士蛋捲風鈴嘅時候已經非常

工作後同夥伴在紅磡附近搵食，原本以為滿街都是日本餐廳，行下竟然找到一間正宗韓燒店，難得有一間特別的店，我喜歡它那個既接近鬧市區夠方便卻又會比較安靜的地理位置。店內的侍應都非常親切有禮，一進店就已經受到熱情的歡迎聲。店內的裝飾以灰色牆為主，很多海報貼在牆上，帶點懷舊的味道，凝造出好像置身在韓國舊式餐廳感，侍應放下了一瓶麥茶，可以減輕因韓燒而帶來的油膩感，非常貼心侍應很快就把前菜都放下了，開胃的芽菜跟青菜，還有重要的韓式泡菜，韓風的辣醬，讓你配搭叫左以下咁多野食：精選五花腩肉，梅頭肉，特級豬頸肉。五花腩肉花紋十分靚仔。店員姐姐幫忙烤好nice，實在感謝！烤得剛好，外層金黃色，就咁食，外脆肉軟，豬味濃，一點肥豬肉的油膩感也沒有。沾上海鹽，大醬，蒜片及青辣椒，放在生菜上包起來一起食，十分清新，一點油膩感都沒有！濟州島特色豬肉湯麵，第一口湯便喝得出這豬肉湯味尚濃，另外麵有點硬黏成一團；豬肉肥瘦分明，非常香口原味炸雞，炸雞大大件好厚肉，肉質都嫩身又唔肥唔會炸得乾身，仍保留肉汁一半原味一半香辣汁原味炸雞嘅外皮好薄，外脆內嫩辣，不食辣的人，多食兩件會受不了

睇過電視介紹 一直都好想試下韓式活海鮮係點樣。 所以嚟到呢間餐廳門口已經有好幾個 魚缸裝住新鮮海鮮。 餐廳寬敞， 有好幾個卡位坐。黎得試韓式海鮮我們當然點了活章魚。味道好像醬油蟹做法，上面加一點芝麻，等你食出活章魚嘅鮮味。呢度嘅配菜點都要介紹下，佢唔會好似其他餐廳咁只係畀泡菜，大豆芽。佢仲有其他食材，如薯仔, 蘿蔔及青瓜。 而且味道可口， 味道 偏甜，小朋友都食得。除此之外店員推介 芝士蛋捲 及招牌炸雞， 芝士蛋捲 份量夠曬四個人食。 熱辣辣嘅芝士夾喺蛋捲中間別有一番滋味。 值得推介!招牌炸雞就揀咗兩隻味， 蜜糖味及香辣味。 外脆口感，炸雞肉多汁。 兩種口味都係比較甜， 小朋友都啱食。 牛扒嘅size 大塊過個燒烤板韓燒食物當然唔少得， 我們點了牛扒及豬肉拼盤。 餐廳用咗韓式醬料令到肉質鬆軟， 燒完之後 加埋生菜辣醬 一齊食分外多汁。

同事愛吃韓菜，捐窿捐罅搵到間地道韓式料理，原來是韓國人開，裝修以簡約韓風為主，而且燒烤用料從韓國直接入口，保証新鮮，難怪這麼多的韓國人來食，這天我們決定來是正常同事預先訂位，所以到步後就可以直接內進，而枱上早已放了數款前菜烤五花腩是每次韓燒指定必食菜吧！雖然知道濟州島黑毛豬五花腩會比較肥美，但朋友還是想試試普通的五花腩，叫左個精選豬肉套餐A：五花腩肉，梅頭肉，特級豬頸肉，看看兩者有什麼分別。梅頭豬肉，口質比一般豬肉更細膩、軟綿，而且肉味濃郁，要不是怕太多吃不完，可能也會再點一盤。凍湯蕎麥冷麵係凍食好啱夏天咁炎熱嘅時候去消暑，一上枱見到湯麵喺凍湯汁，面底為蕎麥麵蕎麥麵爽口兼彈牙，配合湯麵中嘅豬肉同埋青瓜食落去清新超大個飛魚子蛋捲，茄汁甜芥末的份量剛剛好，蛋卷上的飛魚子脆卜卜，不過略微有雪味，但還是很好味，喜歡蛋捲的蛋香

想食韓國菜，又唔想成日去尖沙咀韓國街咁悶，就約左朋友去試下呢間位於紅磡既韓兄弟😎 係尖沙咀碼頭撘5c去，落車行4分鐘左右就到，位置都唔算易搵，亦唔近地鐵站。前菜6小碟 🍽有泡菜、芽菜、魚蛋、酸蘿蔔、青瓜、薯仔全部都餣得好入味👍🏻泡菜偏辣🌶韓式燒肉 - Pork Set A🐷 $290🐽五花腩肉 厚薄剛剛好，易燒熟而且完全唔韌肥瘦係1:3唔太肥得黎又有腩油香👍🏻 仲有d軟骨位好有咬口☺️ 食完都唔會覺得好膩🤟🏻🐽梅頭肉比五花腩厚身，似厚切豬排肉質又軟又林，肉味較重較飽肚🐽特級豬頸肉極厚切豬頸肉好有咬口好好味🤤 比軟難燒熟，要有耐性燒耐d喔⚠️建議教細少少個火外面無咁易燶🥚圍住燒烤爐邊一邊係蛋漿，蛋味偏淡，半生熟時食質感好滑🌽另一邊係芝士粟米，芝士熔左可拉絲🤤粟米沾上芝士好香海鮮炖豆腐辣湯 🥘 $68湯底味道偏淡，唔辣豆腐嫩滑有原隻水煮流心蛋🤤 蜂蜜蒜容炸雞🍯🍗 $148雞炸得好脆，撈左醬汁都無令外皮林蜂蜜蒜容汁調得好好好好😳 夠濃又唔會太甜仲好香蒜味👍🏻👍🏻雞件有唔同部位，翼同脾嫩滑就梗嫁啦胸位雖然唔算好滑，但都幾juicy 韓只兄弟地理位置都幾唔就腳，千奇唔好諗住撘地鐵去，要行45分鐘😳

一個星期辛辛苦苦反工為咩就為左星期五晚同班fd岀去食餐大餐姐。所以呢個星期為食團又出動去左食韓燒，韓燒周圍都有啦不過唔想又係銅鑼灣尖沙咀個d咁悶，就揀左去試下係紅磡既韓兄弟。去到幾方便答巴士係附近落車行5分鐘就到啦。入面裝修滿滿的韓國風味又闊落，座位又舒服。只要係你諗到的韓國菜呢到都有！菜單豐富有燒肉幾種不同的肉類連海鮮都有得燒,仲有食韓國菜一定要有的泡菜煎餅，韓國湯你一定估韓燒無得食炸雞啦呢到都有！我地就揀左蜂蜜蒜蓉炸雞炸雞，蜂蜜同炸雞個配搭好夾！首先有幾個韓國開胃小菜食住先有泡菜 淹蘿蔔、淹薯仔、淹芽菜等......我覺得最好食係啲泡菜，正宗韓國的令我一食再食唔會太過辣但又夠味。然後就到我地嘅主菜啦我地叫左個豬肉套餐入面梅頭肉同埋豬頸肉燒過後食落十分香口！最岀色係五花腩肉脂肪同肉的比例完美食落有油脂的香味同肉好夾但又唔會好油！仲叫左個牛的肉眼排好大塊，肉質鮮美好吃。仲有海鮮豆腐辣湯同牛肉大醬湯有好豐富的既材料。年榚湯入面有好多年糕同韓式魚旦辣得黎好正！另外，鐘意食泡菜既我地一定要試下個芝士泡菜煎餅，岩曬鐘意食泡菜既朋友芝士同泡菜估唔到又好夾一啲都唔會膩!一邊食當然要一邊飲啦我地叫左

見聽日係星期五，後日係星期六又唔洗返工，一於約埋啲好姊妹食餐飯過個happyFriday！咁耐都無食過韓燒，就揀左去試下係紅磡既韓兄弟，地點好方便，巴士落左車行一條街，好容易就搵到，鋪頭入面好闊落，座位又坐得好舒服。落左單之後，好快就送左開胃小菜上黎，有泡菜 淹蘿蔔、淹薯仔、淹芽菜等......啲泡菜淹得好岩香港人口味，味道濃得黎又唔會太過辣。我就最鐘意啲淹蘿蔔，醒胃又好味。跟著飲品黎到，我地幾個都好鐘意個桃酒，有香醇既桃酒味得黎又好易入口，而個桃汁都好好飲，重有粒粒桃渣。主角精選豬肉套餐就到喇，有生五花腩肉、梅頭肉同埋特級豬頸肉。個生五花腩肉好厚肉，重厚過一塊消化餅，但食落又唔會韌，係好香既五花腩肉黎！梅頭肉同埋特級豬頸肉食落十分香口！而個牛肉眼好大塊，差唔多兩隻手掌咁大，食落一啲都唔油膩，超抵食！食燒肉食到口乾，就飲啲湯滋潤下，個海鮮豆腐辣湯同牛肉大醬湯好足料，啖啖都係好濃郁既湯料。而韓式年炒魚入面有好多年糕同韓式魚旦，岩曬鐘意食辣同年糕既我地！另外，重有芝士泡菜煎餅，岩曬鐘意食泡菜既朋友，可以試下唔同方法食泡菜，估唔到又好夾好好味，加埋濃厚芝士一啲都唔會膩！最後，食韓國菜一定唔可

呢排工作日日都加班，冇機會出去食飯：（ 難得今日可以準時走，就即興約左個friend去食好西lu舖頭由韓國人主理，所以環境擺設都十分之韓風入到去既感覺就好似去左韓國食飯甘舖頭有好多韓國人幫親，我地附近已經有3枱一路食飯不斷聽到simida simida，唔講都唔覺自己仲係香港點完餐之後店員極速送上6碟開胃、調味恰到好處的小食叫左個精選豬肉套餐A（$290）有400g既五花腩肉、梅頭肉同埋特級豬頸肉～又超標啦：“（舊舊都甘大，上菜見到個下都嚇左嚇份量都幾多 大約2-3人就啱啱好 本身仲唸近燒咩先好，點知店員神不知鬼不覺過左黎然後介紹番個食法同燒既次序仲幫我地落埋爐邊蛋同埋芝士粟米添驟啱睇d肉既油脂分佈好平均鍾意佢夠厚切，燒出黎口感唔錯肉質幾唸幾香，外脆內軟好香啊，正啊喂：“）我地呢d生手技工燒到個爐燶曬@@唔洗講店員已經迅速幫我地換上新爐啦叫左個好地道既主食 -- 冷蕎麥面份量幾多，係幅相度難d睇得出黎麵條本身已經剪左，就好似韓國d麵店甘湯底幾清，唔知點解會有淡淡既蕎麥茶味lol做法幾似韓國既～ 都值得推介既總括黎講，食物水準係唔錯既， service亦都唔錯，如果可以有多一兩個wait

平時至鍾意食牛嘅我, 當然要久不久要食返一餐好好味嘅午飯啦！😎咁啱我公司附近好耐之前又開咗一間韓國菜餐廳, 小弟久不久都會去回味一下, 依間餐廳叫"韓兄弟" 間餐廳最特色之處就係無論你一個人或者十個人都可以喺午餐嘅時候免費食泡菜同埋芽菜仲有綠茶任飲！通常我系依間韓式餐廳就叫開兩個套餐, 一個就係一號餐, 砂鍋牛肉飯加例湯另一個就係十三號餐, 韓兄弟半半(牛肉飯), 半半意思即是一半飯及一半麵, 麵是用辛辣面去煮成, 而佢嘅湯唔係普通嘅例湯, 係用蜆肉加青瓜煲到淋曬煮成好有鮮味, 口感相當不俗。大家如果想重口味少少可以叫二號餐, 砂鍋芝士牛肉飯加湯, 我自己都耐唔耐食呢個餐, 因為有芝士芳香濃郁嘅味道, 一號同二號餐最特色就係用黑色瓦煲做器皿來烹調, 既可以保持外暖內熱, 仲維持住肉質嘅鮮味, 不可不提啲牛肉係用咗特別配料醃製而成, 食落帶點甘香甜味, 啲牛肉仲配以洋蔥加紅蘿蔔絲做配料, 既可以帶出食物的鮮味, 賣相嚟講都好好睇！大家去開土瓜灣不妨入舖內一試👍

韓國菜最開心就係一坐低係咁上前菜，慢慢食住等。前菜其實係上埋肉再提服務生先記得，味道都認真麻麻，薯仔仲帶爽又唔入味，青瓜醃到出哂水軟林林，泡菜應該係我食過最清淡的。此行嘅目標！活海鮮！外國遊水過嚟嘅八瓜魚，咁嘅價錢仲接受嘅。由於細隻，所以唔會粗身嗰啲咁肉感，但都係彈牙啜口。加麻油係一般嘅做法，不過要問服務生先比辣醬，wasabi 豉油。三款豬肉都幾油膩，好在店家嘅三款醬汁夾埋生菜食解一解。豬肉香同肉質整體都幾好，個人推介豬扒，因為油脂肉質同口感都最平均，但個爐好快黑，同張枱太窄一路燒要一路避煙和油彈。真係無諗過個芝士蛋捲成隻前臂咁長，不過蛋有點老，芝士味淡但可能係好事，如果唔係咁大舊應該會好溜哩個湯真係煮個辛辣麵個湯都好過，清到呢⋯⋯所謂嘅海鮮係又梅又乾嘅蝦仔同蜆。叫咗四樣菜，加埋前菜啲小小碟，張枱已經亂哂龍。服務員其實幾好，見到我彈到手，攞包濕紙巾同紙巾比我，但咁大地方得一個人，真係唔知佢點搞做燒烤嘅地方無抽氣，成晚煙霧離漫，多人小小開始頂唔順，急急腳走了。

以前嚟係因為一間日本餐，原來宜家多咗咁多嘢食。今日目標係嚟食OPPA....整嘅燒肉。前菜六小碟，酸酸的青瓜蘿蔔開開胃。食咁多次韓國嘢先發現小碟全都係蔬菜，係咪中和主菜多係肉同無咩蔬菜呢？豬肉拼盤，見到啖啖肉，塊塊厚切㗎唔係講笑。豬頸肉油脂豐富惹味啲，腩片肉味重啲肉都爽口啲，塊豬扒肉同油最平均叫咗個芝士蛋捲，上台嚇一嚇，咁大條。配茄汁同芥辣，好似蛋做嘅熱狗最後飲個海鮮泡菜湯暖下胃，解解肉膩，舒服哂兩個人叫三樣菜，已經抱住個肚走。