韓兄弟燒烤

營業中

休息中

因近工作地點關係, 黎過依度幾次午飯平時食開石鍋飯, 冇咩特別所以冇寫食評但今次個生牛肉飯又幾正喎, 推介下外表四正, 有隻生蛋係面, 吸晴午餐有湯送, 都好幾飲講返個飯先, 牛肉好滑, 冇怪味好多配料, 將碗入面材料撈暈每啖都口感豐富, 可以再食以上食評只反映本人立場, 如有雷同, 實屬不幸

今天來附近睇醫生，順便吃個快lunch。叫了𠆤辣牛肉湯(韓國菜跟飯是常識)，前菜只有大豆芽和泡菜，主食更失望，一大個兜入面居然只有兩塊細牛肉？？？收$68蚊，連本來送的湯也沒給我。湯味道單一，只有辣味，等得耐，招呼又幾乎無，唉，超坤錢的一間韓菜，一定不會再來，大家小心。唯一好是有k-pop睇囉。

好少會食完之後特別寫評價今次真係忍5住要寫下時間:1月28號大約6點左右 個日同屋企人行紅磡個頭 準備搵野食由於我先生好鍾意食燒牛肉 又有要求加上有小朋友一定要搵有high chair嘅餐廳就比我搵依間想試下(見啲評價同相都吸引 又有韓國人 應該都唔錯)我媽咪因爲唔食牛例牌食豬肉 先生例牌食牛啲食物嚟到眼睇都唔差 但一食真係好麻麻一開始燒豬先 不嬲五舊腩冇預有咩驚喜 但依間係冇乜豬肉味 只可以叫做入得落口 之後燒牛五花 感覺自己食緊燒美國肥牛 我老公擰哂頭 連好鍾意食牛既仔仔都唔食🤦🏻‍♀️ 到我先生燒件肉眼 完全韌到𡁻唔到之餘係完全冇丁點肉味 食到佢燥燥地 我食左舊都覺得唔得 最尾到燒豬皮 係會令你燒到個人著燈 啲醃料多到你根本燒5到舊豬皮 因為痴底痴到傻 到入口個下你都5知自己食緊乜 得好大陣辣椒粉味 真心燒到成肚火無哂心機 舊梅頭都係比個外賣盒錢拎走冇燒到 全程坐左一個鐘左右無記錯 加埋兩碗$10白飯 埋單差唔多$800 其實收得咁既價錢 特別件牛五花加埋一都二百幾 絕對可以比返好些少嘅質素客人 真係未試過食餐飯食到感覺咁差要即刻走 要去第二間再食 真心想知啲好評點嚟P.s. 食物

今日相約朋友午餐，由於朋友在紅磡工作而且又是韓國粉絲，她說帶我吃地道韓國餐，聽到又有新野試，當然興奮。位於崇潔街的韓國兄弟，此店開在工廠區附近，所以一到午飯市段，吸引了很多附近上班族。午市其實是相當多食客的，還有很多外籍人士，只是這張照片是2:20pm 飯市過後時拍攝的，所以飯市過後，食客便一掃而空。食店午市不設訂坐，幸好店舖都算頗大，正午一點過來，很快便有位，而且可以選擇入內之卡位。卡位旁畫了一些可愛圖案。所有餐點只加$5選擇韓國飲品一罐，但也有自助水及冰茶免費供應。卡位對著開放式廚房，有時候會看到韓國兄弟。牆壁上有許多韓粉和㕑子的照片。朋友打開餐牌第一頁，雀躍地介紹這對韓國兄弟，筆者看著那照片，那迷人的Oppa 造型，又確實會令韓粉心花怒放。Lunch Special 地道韓式湯飯餐有八種之多，分別由$68-$78另外還有34個午市麵餐或飯餐選擇，各式其式。至於配菜方面，每兩人有一碟大豆牙和泡菜，由於我們只得兩位，店員待筆者拍照後，立即收回兩碟，相當均真。砂鍋芝士牛肉飯 + 湯$65~牛肉有著香酥味頗吸引，配上芝士，撈得滿滿，筆者很快消滅得一乾二淨，如果砂鍋能再煮耐一點，有飯焦就更

同朋友去食韓燒，無啦啦走咗去紅磡咁遠， 見係朋友介紹就試吓啦！呢度好多款式食物，唔一定要食韓燒，佢仲有啲熟食可以叫嘅！一坐底就比左個凍茶我地飲！我個人就唔怕熱氣所以叫咗好多熟食！蛋卷：呢個蛋捲好大碟好厚身！但係就熟咗少少！就咁食都唔錯！如果有多啲醬料就更好啦！炸雞：食韓國嘢梗係要食炸雞啦！配埋啤酒一流！呢度嘅炸雞食落5熱氣！好夠味啲雞肉都好滑！韓燒邊小食：佢行燒個盤執鞭有啲小食，一個係蛋一個係芝士粟米！呢個帶到驚喜比我，好好食呀！環境好安靜，坐得好舒服！

一大班朋友去韓燒慢慢坐，慢慢食就最開心啦！今戈去左紅磡，呢條街全部都係食！我都係第一次黎呢到！一入到去，好有去左韓國既感覺，不論環境同音樂，都充斥著韓風味道！果然係有心之店！一坐底，店員就送上一大堆小食，同去韓國一樣，多到好似只係食小食就飽咁！————————人蔘雞湯———————-一送到黎仲滾緊！好夠熱！好足料！雞都煲得好林，好好味！叫一碗夠晒四個人飲！——————-牛肉石頭鍋飯——————都煲好夠熱！（做到飯焦，我好鍾意食）冇加醬料食都好夠味！好滿意！牛肉好林唔會‘好銀’！————————部隊鍋———————-好大個！個味好似辛辣麵咁！但入面加左好多送，好似午餐肉咁！如果加多塊芝士就不得了！總結：環境好好！令到您有置身於韓國既感覺！食物都唔錯！一班朋友去食可以食多啲款野會更好！

韓風吹了好一陣子， 這類的餐廳也興了一排。今晚吹起秋風，又想食下曳野。先來梅頭肉泡菜湯，酸酸辣辣。叫了一個豬肉併盆，分別有五花腩，豬頸肉，及梅頭肉。 兩片五花腩足足成個燒烤盤咁長！ 夾住野菜及醬汁，氣氛翻哂嚟。 豬頸肉燒後肉質好彈牙！再來芝士蛋捲，好味！配菜小點都幾多。食嘢時還聽韓歌mv，氣氛唔錯， 不知不覺 酒時才發現裇衫上有很多點油漬，相信是燒肉時彈出來的，下次要小心。

久聞呢間韓燒店幾多好評，今晚就來試一試。入到餐廳都是充滿韓國的味道，隔離枱客人是韓國人，而電視播的都是韓國MV。不知不覺間令人感到身處韓國般。餐廳主要食韓燒，但都有好多定食選擇。由於朋友不吃牛肉，我們點了一個豬肉套餐、部隊鍋和煎餅。先來六小碟，十分重口味，尢其是泡菜，味道好像在韓國食，稍微鹹了一點。套餐有豬頸肉，梅頭肉及五花腩。先試梅頭肉，肥膏最少，絕對唔硬，入口鬆軟豬頸肉有咬口，剪開細細舊食會比較爽口。最後係最邪惡既豬腩肉，肥美，脂肪重，一定要用生菜伴食值得一提的是餐廳用的伴醬十分好味。海鮮煎餅亦是一個很好配搭燒烤的食物。薄薄的煎餅配帶甜酸的汁很惹味本身不喜歡食部隊鍋，但最愛垃圾食物的他堅持要食，好吧。好彩呢個部隊鍋的即食麵帶有彈性，師傅亦不會淥到淋晒湯底香濃，仲好足料，總算是一個不錯的部隊鍋

好耐未試过同啲舊同學出嚟聚會，今日终於可以有時間，因為要夾時間和地点，所以選擇咗係紅崇潔街嘅韓兄弟韓國燒烤店，因所在位置距離我公司比較遠，好在有地鉄，去到黃埔站，行十分鐘就到，去到嘅時候同學已到齊了，跟住大家你一言我一語係咁商討食啲乜，我提議問嗰店長啦，大家都冇意見，就問店長有乜推介，佢介绍一個精選豬肉套歺B，一個精選牛肉套歺A，飲品揀咗一支生馬格利(生米酒)洒先到，跟住係出名嘅六小碟侍應先將酒倒落嗰壶内，好特別，米酒味特濃，牛肉都來了，好大件，份量都好多，食入口牛味都好勁，又冧，燒咗一陣，豬肉都來，個人比較種意食豬頸肉，燒得好香脆，配埋啲特別醬汁，特別惹味。最後加多一個韓式炸雞，要嚟送酒，雞件入口有少少辣，簡直冇得顶，飲飽食醉後再約下次食过。

今天是朋友的生日飯局，我們是韓迷，當然選間韓國燒烤試下。所以來到他選的紅磡 《韓兄弟 》食番餐，這間店，由韓國人主理，大叔好好人，佢識講廣東話，入到店內他的裝修會令你覺得身處在韓國的烤肉店內一樣，所以有好多韓國人來吃飯，周邊好多人説韓語，感覺自己去左韓國咁。我們坐下後服務員就為我們先送上各式各樣的韓國泡茶前菜。看了餐牌後我們每人都點了一些東西，服務員先送上芝士碎和粟米。然後就為我們開爐，就在焼烤盤的邊位倒入蛋漿，我們就馬上加入芝士和粟米，第一碟來的就是精選豬肉套餐，這碟豬肉真是非常好味，之後來的就壽星仔最喜歡食的牛肉了，我們叫的是1+A 的韓牛肉眼扒，這塊肉在他憢的時候真是散發出很強列的牛肉味，韓牛的口感沒有日本牛的一咬即溶感覺，帶有質感和牛肉味較濃。這個時候爐邊的芝士粟米蛋也可以食了，這個也很不錯，很快便給我們吃清，我馬上就叫服務員為我們添加蛋漿，隨後再來的就是韓食店必點的炸雞。最後來的就是部隊鍋和芝士蛋捲。整體來說這家是一間不錯的韓國食店，充滿韓味，一解鄉愁。可以再來！

藉著母校的舊生活動，今天有緣可以跟分開咗好多年的大學同學重聚，想當年我哋幾個有咩講咩、有咩食咩、有咩玩咩，課餘後，經常到紅磡崇潔街流連，不過唔係去食嘢，而係去做兼職，幫補生計。活動完結後，舊同學發起，一起去崇潔街瞧瞧，幾個舊同學和應了，便駕車到了崇潔街。當然，當年的景況已不再，可是，我們的興致卻沒有減，還找了一間韓燒店吃飯，再談。店內氣氛一流，很多年青人在這裡聚腳，似足當年的我們 (出糧後，揮霍一點是人知常情)。如今，我們都遭社會蹂躪到發福不少，幸好個個都仍算健康，行得走得玩得食得。其中一位舊同學在首爾生活過一段日子，對食韓燒頗有心德，故此，今餐交由集發板，點了一個精選牛肉套餐A、一個精選豬肉套餐B、一份韓式炸雞、一份芝士蛋卷和一個部隊鍋。韓籍年輕店員好爽手，好快就set up 咗個烤爐和送上多款泡菜，其身手可拍得住那些年嘅我哋。豬肉餐有梅頭肉、豬柳肉、豬頸肉，仲有我至愛嘅五花腩肉。牛肉餐有肉眼扒、牛頸肉、五花腩肉。很快，我們就動起來，燒完牛肉就燒豬肉。牛肉和豬肉都非常高質，尤其是係牛肉的肉味超濃。兩者的肉與脂肪比例好適合韓燒，食到肉香之餘，又可感受到牛和豬的脂肪香。包著生菜來食，多了

通常到這條街的日本料理店。而今天我倆到此很有韓風的韓式料理店一嚐韓國燒烤。店員先端上前菜及把蛋汁及芝士粟米放在烤爐兩端作小食。到這裡必嚐燒烤吧😜今天經濟點吃豬吧！精選豬肉套餐A $290內有五花腩肉、梅頭肉及特級豬頸肉店員教我們先由五花腩肉開始吃，跟著是豬頸肉，最後是梅頭肉。按這個次序，會更有層次感。特色梅頭肉泡菜湯配白飯$68 很實惠😍Wow!😍我最喜歡的芝士蛋卷$96十分好吃😋👍🏻這間店的負責人相信是能說流利廣東話的韓國先生，十分有禮貌！而此店內不斷播K-pop music，加上裝修，很有韓風。

崇潔街其實係紅磡既一條食街，不過唔係特別鄰近地鐵站既關係，比較少人會特別過黎呢邊食野😳不過作為紅磡人，兼且每星期都黎呢度幫人補習，所以都幾經常係度出沒同覓食😛呢日補完習後去左食韓燒，首先有韓國餐廳一貫既前菜，醃青瓜、醃蘿蔔、泡菜、芽菜、魚糕、薯仔🥔👁‍🗨 精選豬肉套餐A（7.5/10）💲290/400g首先爐邊倒滿蛋漿、粟米、芝士，見啲蛋漿唔係好凝固到之後就變左泡沫，後尾睇番其他人話原來要半熟就食，嗰陣會係最滑狀態，我完美錯過左嗰個時刻😭不過芝士粟米夠曬邪惡，可以比我補返數🌽套餐包三款豬，全部紋理都靚😍生五花腩肉，見到比平時既薄身，理論上亦都較快熟，食落半肥瘦，中間會有啲軟骨位😛特級豬頸肉都幾厚切，脆邊夠香口，肉質幾有彈性🥩梅頭肉係最大塊同厚身，肉質嫩豬味濃，配埋生菜、洋蔥、菇清新一下🍄👁‍🗨 海鮮純豆腐辣湯（7/10）💲68雖則望落好紅，而且帶點油光，不過其實唔太食得辣既我，一早叫左少辣，食落唔太辣，味道剛好可以接受🤭海鮮有蝦、蜆肉、八爪魚🐙身型相對地細小，所以需要花少少時間尋覓佢哋😂但係豆腐夠嫩滑，仲配有冬菇、金菇菜、流心蛋🍳配埋個飯都唔錯👁‍🗨 芝士泡菜煎餅（7/10）💲98煎餅

位於紅磡祟潔街的韓兄弟，聽說是一間韓國人主理的餐廳。門面及店內均十分整潔，門口還有一組巨型魚缸，海產都非常生猛！閒日未夠7點已經坐滿了大半，相信到周末和假日會非常旺場！店內的裝飾充滿韓式的感覺，這兩幅圖示亦相當可愛。先來的是韓式頭盤，泡菜夠酸夠開胃！蘿白片和青瓜片又薄又爽口！薯仔腍滑軟甜，很有驚喜！店員為我們加入爐邊蛋和芝士粟米，芝士粟米又香又甜，而且仲充滿牛油香，正到無朋友！特色梅頭肉泡菜湯 $68泡菜湯濃郁得有點像羅宋湯！味道酸中帶微辣，非常開胃，內裡的梅頭肉十分腍滑，撈埋白飯一齊食真係一流！不愧為廚師推介！海鮮煎餅 $98賣相精美，而且預先切開了9份，方便客人食用。比一般的煎餅香脆，不會出現吃粉漿的感覺。精選豬肉套餐A $290套餐有五花腩肉、梅頭豬扒和特級豬頸肉，仲有一棵精美松樹添！特級豬頸肉煎香咗之後，又爽又Juicy，點面豉醬同辣醬都好夾！五花腩肥大肉厚，仲要長過個爐！燒到出晒油，油份令腩肉充滿光澤，令人垂涎三尺！腩肉入口香甜，肉味濃郁，而且充滿油香，真係十級邪惡！用生菜包住黎食嘅話，可以增添一點爽脆的口感和清新感，亦有助減低邪惡度。

有好一段時間沒有吃韓式烤肉，今晚來到朋友介紹的這家韓兄弟燒烤，位置在紅磡崇潔街，餐廳不論裝潢、店員、食物都令人彷彿置身韓國。餐廳主打韓式燒烤，有豬肉、牛肉、海鮮可選擇，另外亦有近年大熱的韓式炸雞及各式主食。韓式六小碟甫上座韓籍侍者立即奉上六小碟韓式前菜，好讓我們邊吃邊選菜。生五花腩肉韓式燒烤不可或缺的五花腩，五花腩必須有肥有瘦，更宜厚而忌薄，唯有肥瘦均勻而又厚近半吋者，才有肉汁豐盈，甘腴可口之妙，大火烤炙將油脂逼出，烤至肉酥皮脆，再以奉送的生菜及韓式大醬包裹送入口，脂爽肉軟，滋味非凡。牛肉胸叉肉牛肉比五花腩較少脂肪，但卻多出豐厚的牛肉味道，紅肌白理，脂肪分佈勻稱，輕輕烤個幾十秒即可，切忌烤過熟以致肉汁盡失。芝士粟米/烤蛋同樣奉送的芝士粟米和烤蛋，則為味蕾帶來新鮮感，味道溫和的烤蛋滑膩柔美，芝士粟米入口香甜美味。原味/甜辣醬炸雞敵不過炸雞的引誘，炸雞外皮香脆，內裡嫩滑可口，原味可以仔細品嚐到軟嫩雞肉的豐盈肉汁，甜辣醬炸雞酸甜適口，醬香馥郁，味道微辣。牛肉大醬湯鹹鮮香辣俱全，不但十分美味而且層次豐富細緻，純粹天然眞味，沒有味精，有大量牛肉、豆腐、蘿蔔等材料，十分下飯。