韓兄弟燒烤

營業中

休息中

同韓藉人士共晉晚餐，佢帶左我來呢間。在紅磡神神祕祕的巷仔，原來係多年前好 hit 的日本街。現在日本料理店少左，反而成就了五花八門的各國特色餐廳。佢地頭，order 食物當然由佢發板，響佢忙碌的時候，而我就專心食附上的頭盤小食。有酸蘿蔔、芽菜、豆腐皮、醃青瓜同辣泡菜等，應有盡有十分精緻。原味炸雞+甜辣醬炸雞 $160大叔叫左韓式炸雞，係兩溝的。原味混有辣粉，入口好香脆好惹味，我會用 crispy 來形容。新鮮炸起，難以形容的好味道，個人覺得仲正過響首爾外送果D。辣味雞用上了韓式甜辣醬，多了一種甜甜酸酸的味道。醬太多，而炸雞反而冇咁香脆了，都係原味好食D。精選豬肉套餐 （五花腩肉 +梅頭肉 +特級豬頸肉）$290韓燒是主打，order 了燒豬肉套餐，件件豬肉都好精神，齋睇都令人眼前一亮。首先燒最肥最正的五花腩，好鬼香。用來包生菜食，加點特製醬油，油脂豐膩燒得有點脆口，是無敵的。然後再燒梅頭肉，厚肉唔韌好有豬味。旁邊仲有煎蛋，同埋芝士粟米，要趁嫰食，overcook 會乾曬。最後是特級豬頸肉，油脂如雪花般的分佈，食起來好爽囗，好好味的口感。我覺得係三款之中最正，還在回味。特色梅頭肉泡菜湯

今日過咗紅磡行街，行到差唔多晚飯嘅時間，突然想過去崇潔街嗰邊度食嘢，因為以前喺呢邊返工知道崇潔街入邊有好多美食，所以決定從臨舊地😂，去到果然同以前無變，好多唔同嘅嘢食，最吸引我眼光嘅就係呢一間韓兄弟燒肉，喺門口睇下佢個餐牌，發現都唔錯價錢又唔係好貴，所以決定入內試吓，入到去裝修非常韓風，同埋好闊落，服務生亦非常有禮貌，1）辣章魚🐙，好新鮮同好爽口，2）牛肉大醬湯，味道剛剛好不會太鹹，3）特級豬柳，好有豬味，不會太靱👍🏻👍🏻，4）sweet & spicy chicken 🍗, 甜甜地又辣辣地好開胃，炸完之後啲雞都仲係好滑，呢個幾好食

趁著萬聖節，重溫主君的太陽撞下鬼， 再次證明大叔都仲係我杯茶， 我想去韓國走一轉呢！！ 現實生活去唔到 ，又要去感受下韓風解毒， 今次去咗公司附近嘅崇潔街， 同事話係oppa主理， 當然要去一。鋪面都幾大， 我估唔到仲有個咁大嘅魚缸。入面啲魚同八爪魚好生猛全部都係韓劇入面嘅鋁臺,好有feel未叫嘢食,已經送上五小碟， 佢連水樽、杯所有嘅餐具，都同韓劇一模一樣， 猶如置身韓國一樣。煎鍋放咗芝士粟米， 另一邊就係蛋漿。傳說中嘅韓牛, 好大塊， 好新鮮，食落去有咬口。極邪惡嘅五花腩， 要用生菜包住先減輕我嘅罪惡感, 食落去冇我想像中咁肥膩,yummy。oppa早餐成日食嘅牛肉大醬湯, 有啲似辣板嘅羅宋湯， 好滾， 成碗白飯倒落去，好暖身。見到餐牌上面有一個蒸蛋， 好奇之下叫咗嚟試， 佢係畀我哋嘅蒸水蛋厚身一倍， 上面鋪咗芝麻同埋葱去蒸。食完呢餐，又解咗少少毒， 返去繼續睇我嘅主君大叔。

約朋友放工一齊去吃晚餐，佢話有間韓燒好地道又好味，不過要行多少少路。 我好耐冇食韓國燒烤，所以一聽到有好介紹，當然幾遠也會去啦！ 原來餐廳在紅磡近土瓜灣附近，如果由黃埔站出要行成15分鐘才到。 不過亦可出地鐡後轉乘小巴，幾個站就到，也算方便喔！一坐下來，即送上6 小碟，每碟味道也不錯，我一下子我就把它掃光。原味炸雞炸至外皮香脆肉仍嫩滑，外層炸粉帶微辣。生五花肉，燒至肥層香脆，用生菜包裹著吃。特級豬柳肉，肉質好稔好鬆軟。部隊鍋麵上好多配料，微辣，好味。

在網上看到這間由韓國人兄弟主理的韓式燒烤，就特意來嚐嚐！一進去非常韓國燒烤店的裝潢，而且還有Oppa招待，瞬間就置身了韓國一樣 哈哈！一坐下就送來六款韓式小菜，有泡菜、荳芽、醃製青瓜、蘿蔔、魚糕和薯仔。每樣味道都很不錯！個人最喜歡魚糕和薯仔！餐廳食物種類有很多，韓燒、炸雞、海鮮、湯麵、蛋卷等等。我們最後選了烤肉(精選豬肉套餐)、牛肋骨湯+米飯和芝士蛋卷！精選豬肉套餐A包括了兩大塊肥瘦層次分明的五花腩，厚切又juicy的梅頭扒和同樣厚身的特級豬頸肉！ 每款豬肉的肉質非常不錯，嫩滑有肉汁又容易咬開！ 而韓燒當然不能少的爐邊蛋和芝士粟米，也是超吸引的，不消一會已經吃光光 嘿嘿！烤肉過後，就來了燉牛肋骨湯！自從在韓國吃過雪濃湯後就非常欣賞韓式湯飯。湯裡除了牛肋骨外，還有有雞蛋絲、白蘿蔔和麵條！嚐一口湯，味道非常清甜，剛好解了燒肉的油膩感！ 最喜歡拿一匙米飯，浸在湯裡，感覺美味又舒服！ 牛肋骨充滿牛味，肉質軟稔！而麵條很煙韌，份量亦不少呢！蛋控又怎能錯過這個芝士蛋卷！一上來就被它的size嚇壞了，真的很巨大 哈哈。雞蛋煎的剛剛好，而內裡的芝士也很多，呈半溶的狀態非常惹味呢！題外話：在付款的位置

今次黎到紅磡食韓國菜~雖然位置比較隔sip，但味道好正宗！入到餐廳，見到唔少韓國人，睇到佢地叫左個豬肉拼盤好似好好味咁，於是我地都叫左碟黎試下🙊個豬肉拼盤有五花腩，豬頸肉同豬排。豬肉質素都幾唔錯，尤其係個豬排，肉質好嫩滑，好容易咬開，用生菜包住食，真係好快食完一啖又一啖。我地仲叫左個活章魚，個侍應唔講以為就咁生食😂我地燒左陣就食，個汁都幾入味，食落都幾爽口。反而個部隊鍋就不過不失，略嫌太多辛辣面，如果俾多d配料會好d😆。

另一半説今日早收工，可以去早前搭車經過的紅磡美食街(原來是崇潔街)，以前很多人到這裡找食的 。住土瓜灣附近的朋友說有間日本菜，有間韓燒都不錯，我說前天已食了拉麵，訂位食韓燒吧! 店鋪蠻大，在門外看有活的海鮮，原來是從韓國直送，侍應們好像都會說韓文。座位是個儲物箱，可以放自己的袋子在下面，不用隨處放。我們只點了三樣餸菜，原來已經很足夠了。沒有想過單是枱上的醃製冷盤，原來已有八小碟。最好味當然是泡菜、然後大豆芽、白蘿蔔也醃得好味。燒烤盤邊加上蛋漿(好像加了奶，香香滑滑)，粟米芝士作前菜，因為很快熟。韓式辣牛肉湯，加上米飯。很多泡菜及豆腐，湯是辣辣哋，牛肉變了做副選，哈哈，美味。鴛鴦炸雞 - 炸雞半隻，甜辣醬炸雞，半隻外皮粉漿不會太多，外脆內腍, 控制的時間剛好。另一半說食炸雞怎麼可以沒有啤酒呢，來一杯生啤吧! 炸雞要襯熱食!精選豬肉套餐。有五花腩肉、梅頭肉與特級豬頸肉，用來包生菜，醃菜，加上韓國辣椒醬，美味可口，因為我們把肉燒得很香脆，其中最好食的是五花腩肉，有肥有瘦沒有根，OK。

韓式料理，午餐有很多選擇，先每人有前菜兩碟，是涼拌芽菜和泡菜。砂鍋雞肉飯+湯，熱辣辣砂鍋內有大半鍋飯，飯面全是雞肉塊，再淋上紫菜碎和奶滋醬，當用長匙把飯餸混合時，和底部的飯焦混和一起吃，趣卜卜又有微甜奶滋醬的味道，雞肉嫩滑，唔覺唔覺就成鍋飯食晒了。砂鍋牛肉飯+湯，牛肉醃得入味，配上洋蔥和畧甜的醬汁撈埋吃，真是與雞肉飯各有千秋，都值得一試。湯有白蘿蔔片和加入大量可胡椒碎煑成，飲時特別覺得滾熱，全身暖晒。部隊碢，有魚片、香腸、午餐肉，都是一般快速食物+辣泡麵的集合體，再加一碗白飯，的確是適合大胃口的食客。韓兄弟半半（豬肉飯），即飯和辣泡麵各一半，喜不同囗感，又唔怕辣的，是一個不錯的選擇。

今日中午諗住喺紅磡食野，見到係食韓國嘢，所以有興趣入去試下， 我點咗個泡菜壽司， 泡菜唔太辣， 平時唔食辣嘅人都可以試下， 另外點咗個芝士牛肉鍋飯，啲芝士熱辣辣，撈落啲牛肉到食，對於鍾意芝士嘅人嚟講，簡直係天堂吖！

我專門為個醬油蟹飯去試的 燒肉是不俗 但份量不太足夠。但個醬油蟹是真的好味道 非常新鮮 很有鮮味 大大舊蟹膏 但如果不配飯的話就有點咸。還有一個地方值得讚賞 這間韓國料理的前菜很豐富很有水準 不錯不錯 下次會再來光顧 每隔一段時間就很想念那醬油蟹飯

通常都係好逼夾，因為租金好貴所以都係好細又擠迫，變相食餐飯都好有壓迫感。但係呢度每張枱同每張枱之間都好闊落，我哋兩個人簡直係坐得好舒服！餐廳可以容納到好多人一齊共同食嘢啊正呀！呢間就係【韓兄弟燒烤】啦！！紅磡的崇潔街,應該很多人都會認識,雖然日本料理出名，但呢間【韓兄弟燒烤】都是一間寶物，因為韓兄弟的老闆是韓國人可以做到很韓式地道的韓燒餐廳，眼看這晚去光顧的坐了不少韓國人和一班慶生的客人，應該是隱世的低調高質的韓式餐廳吧！睇睇餐牌真係好地道既食物啊！叫左四樣食物再加前菜真係食到我地肚脹脹啊！坐低一會店員便送上前菜六小碟：「醃蘿蔔、醃青瓜、韓式泡菜、芽菜、魚蛋、青瓜」作為韓式食物的開端，真係夠晒開胃！同埋每一款都餣得好入味！只係泡菜辣了一點！但係六款確實算多，食完都佔了個胃既小量空間呢...不過我理解到晚係前菜你食得落係可以無限添食！haha!開爐邊係蛋醬、芝士、粟米。呢個配搭，實係包好食既！等佢燒耐啲熟啲，咁就可以將芝士同蛋加埋粟米咁就Perfect嚕！成件事好香口好惹味呢！先到既係特級豬頸肉！比想像中厚切得多了，外面吃的不會是這個厚度吧！但因為豬頸肉算係比較難燒熟既食物，我地就一度傾

第一次黎到呢條出名既紅磡美食街，崇志街同崇潔街。行左幾間餐廳，見到呢間幾多人食緊，份量又大，就選左呢間了。呢度既炸雞有成七種味道，原味、甜辣、醬油、奶油、蜂蜜蒜蓉、芝士和洋蔥圈。最後叫左蜂蜜蒜蓉味。碟「蜂蜜蒜蓉味炸雞」有成九大舊，我地三個人食已經有啲飽，不過由於個蜂蜜蒜蓉真係太香，今人食慾大增，食完係會想再食野。之後叫左道招牌菜「韓兄弟烤牛肉(首爾特色) 」。第一次用呢度既烤鍋，個鍋中心係有孔既板黎煎牛肉，個鍋邊係一條放滿雞腿菇、金針菇、冬菇同蔬菜等配菜既牛肉湯槽。邊燒中間啲肉，肉汁就會流返入側邊既槽，最後食返充滿肉汁既蔬菜。呢道菜牛肉質素唔錯之外，咁食都幾有特色。最後試左一個芝士蛋卷，好大份，我唸用左十隻蛋，芝士份都多，每舊夾出來，都拉出長長芝士絲。啲芝士好軟糯，蛋都唔會過熟，非常滋味，一定要試。呢間餐廳既食物份量好大同抵食，而且風味好正宗，啲炸雞真係令人回味無窮，下次再來會試奶油炸雞。😃

今日同朋友去開紅磡果邊，揀左呢間韓國餐廳食晚飯。我覺得喱問餐廳嘅味道已經係我去過韓國餐廳中數一數二的，味道不錯。係到我地留意到見到有枱韓國人係到聚會，感覺應該係很正宗的韓國料理，哈哈 ！小食：幾好味醬油蟹:醬油蟹非常好味,很鮮甜,要配上佢那套餐嘅飯食，可僻除腥味。飯裡嘅麻油味很香。芝士蛋卷：當中最喜歡的是芝士蛋卷，一開始覺得價錢偏貴，不過上來時，發覺原來份量很大，很喜歡喱道菜。牛肉燉湯：牛肉燉湯偏淡 ，正好適合配韓國泡菜吃，咁就好完美。五花肉：我地點左個五花肉燒，都唔錯，肥瘦均勻，食落好香口。牛肉： 亦都唔錯，幾滑。最後，係洗手間見到的水龍頭熊貓款式亦都蠻可愛！唔錯唔錯。

有次探朋友家興祝他新居入伙, 結果到他家附近紅磡區食晚飯,就到韓兄弟燒烤。 店裝潢非常韓式街頭排擋感覺,燈光光猛,環境舒適,地方寬敞, 電視機播住 K-pop MV,一面聽睇及食,好有韓氣呢!* 首先送上韓國的開胃前菜**【精選豬肉套餐 A】 400g $290 有三款豬肉分別有五花腩肉丶 梅頭肉丶特級豬頸肉,色澤明顯好新鮮。*燒燒~~~ 首先店員提我們燒五花腩肉先,五花腩脂肪分布平均,燒後腩脂燒焦脆脆的,油潤富口感, 配配以生菜同吃,可沾點麵豉醬更好味呢!* 接下來就燒豬頸肉,好厚身口感十足,不會變得過分軟腍, 尤其豬頸外層香脆可口。* 最後燒梅頭肉帶有脂肪,香滑又充滿油香,香嫩多汁。* 爐邊已加上蛋漿及芝士玉米,十分好味!** 【韓式辣牛肉湯 + 米飯】 $88 韓式辣牛肉湯裡面有洋蔥絲、青蒜絲及厚實的牛肉,還有爽脆的菇, 牛肉片算超多,咀嚼間牛肉香不錯, 湯全帶辣辣地十分開胃好味 。**【海鮮煎餅】 $98 表面煎的香香酥酥的海鮮煎餅, 令人胃口大開,加入魷魚等海鮮, 口感味道不錯, 再搭配特製的煎餅沾醬熱呼呼的吃,大滿足呢!

同友人一行四人想食韓燒，就去左試呢間隱世既韓燒餐廳。一行到鋪頭，店面既裝修已經加分，好有韓國感覺。店面既裝修好韓式，唔係卡位咁坐，係坐圓枱，感覺仲開心。落左單之後，野食黎得好快，塊肉眼好大塊呀！厚薄岩岩好，四個人食份量都岩岩好！真係好大塊呀！燒完再剪黎食都唔會麻煩，都好易剪開仲叫左個豬肉套餐；全部都有落少少調味料醃過，唔會太鹹唔會太淡，味道岩岩好。好怕食豬肉會好多肥肉，但係呢幾舊肥瘦都適中，唔會太肥太多油彈到周圍都係！除左燒肉，仲嗌左兩款炸雞，蜜糖味周埋蒜蓉味，個人比較中意蒜蓉味，香d，食落感覺都唔會太熱氣。呢個梅頭肉泡菜湯都有驚喜，唔會太辣，入面d料都好足，唔會淨係得泡菜！最後我地4個人食到好飽，都係每人大概200蚊咋！食韓燒呢個價錢，性價比高