韓兄弟燒烤

營業中

休息中

昨晚一班朋友聚會，去咗喱間位於紅磡由韓國人開嘅韓式餐廳食飯。餐廳位置比較隔涉，有幾個朋友都唔係好識地埗，幸好有位朋友揸車，咁大顆兒先齊齊坐車一齊到！一入到店舖，就見到有一隻“睡著了”的玩具狗仔（好可愛啊！😄），但可能今天是星期四，店內人客及待應都不多，我們在門口等咗數分鐘及要行進餐廳內部才有人回應我們的到來。。。Anyway, 終於入座了，我們點了以下幾樣食品 ：豚肉燒肉套餐濟州島特色麵線凍湯蕎麥冷麵飛魚子蛋卷脆炸雞總括而言，其實食物水準非常一般，冷麵會黏在一起（唔知這是否正常🤔），飛魚子有欠新鮮，原來原味脆炸雞係非常辣嘅（又可能因為我唔食得辣啦！😝）但勝在份量足夠，就算有兩位男士都夠食。而且我地食完飯，一路响度傾計到他們要收舖嘅時間，佢地都沒有過來催促我們離開，而且我們臨走時都一直同我地都有傾有講，這是值得一讚的👍。

十幾年前跟團去韓國，導遊一定會叫你試食生八爪魚，試下被八爪魚吸咀感覺，而年少o既我敢睇唔敢試，直到而家都未有再踏足過Oppa國，所以無機會食較新鮮八爪魚。因為要食今年最後一餐生日飯關係，所以想食d特別食物，千揀萬揀決定食活章魚，我响Openrice只搵到一間食肆有，仲要响紅磡，地點比較唔太就腳，由黃埔地鐵A出口行10分鐘，但為咗完成我一個小願望，朋友們都會樂意一行o既。活章魚 $198為咗一定要食到，我打咗去預留同埋re-confirm未死，章魚上枱果刻大家都超興奮，見佢不停舞動，我哋就不停拍movie(見上)，不過要盡快食呀，唔係就試唔到被吸效果喇，因為細條，所以吸力無咁強勁，但感覺都得意，而味道方面幾清新，無生墨魚咁濃味，但加咗少少麻油同芝麻拌嚟食幾好味，口質煙煙靱靱幾過癮，必食推介！燒豬皮 $88朋友推介要食，但我嫌佢燒完唔會脆，同埋過煙靭到有點黐牙韓式烤牛脷 $128唔夠日式牛脷濃味，同埋太細片太薄切無乜口感精選牛肉套餐A $490 (牛肉眼扒+牛頸肉+牛五花腩)總括嚟講豬比牛好，三種牛都有牛味，推介肉眼扒，輕燒兩面已經熟，而五花腩比較似肥牛，炒埋洋蔥食一流，而洋蔥又係必食，因

想食韓燒又唔想食大型連鎖店，所以就搵左呢間由韓國人自家經營既韓燒店。一入門口已經見到一大班真既韓國人食住燒肉睇緊波，睇黎質素有保證🤣有爐邊蛋同芝士任食🤤，芝士仲可以卷起啲肉一齊食增加風味拼盤有齊不同豬既部位，份量極大，同朋友一行四人最後都飽到上心口特別中意佢個豬扒🤣，超級厚，新鮮而且燒完之後仲好juicy仲點左生韓式炸雞，甜酸醬炸雞令人好開胃仲有芝士捲蛋，即叫即做，所以都等左一陣。切開係流心架🤤，爆晒芝士，必點！

真韓國oppa主理-精選豬肉套餐B（$490）識食當然要先燒五花腩肉逼哂d豬油出黎，😜，再燒其他食物就會味道香d，五花腩燒到外面金黃，咬落表皮再點脆口，食落口感十分香嫩，豬肉嘅油香豐富。店嘅豬頸肉偏厚身，會食到肉質彈牙爽口😋，咬落去會滲出肉汁同油脂，夾埋生菜同泡菜一齊食會冇咁膩🤤。另外豬柳比較特別，食落肉比較嫩口，冇乜渣，豬肉味比較濃。梅頭肉嘅份量好大，肉質較細膩，食落會較咬口。雖然平時食韓燒會比較多食牛肉，但豬肉帶出黎嘅油香同較厚實嘅肉質，食完個感覺好滿足🤩！套餐份量都幾大，夠哂3-4個人一齊食😋。-芝士蛋卷($98)蛋卷大大個好紮實，裡面包左一啲芝士有少少拉絲效果，食落算滑，唔錯。-原味加甜辣炸雞($160)炸雞炸得幾脆口，新鮮熱辣，配埋甜辣醬夠曬惹味😋。

近年韓風吹得咁勁，連帶韓國菜喺香港都越嚟越普遍。我同大少都經常會食韓國嘢。上網見到有一間韓國餐廳係有韓國兩兄弟親自主理，我哋兩個都即刻慕名而去試一試。鋪入邊嘅裝修都十分之地道，真係好似去咗韓國咁呀！點完餐之後店員就已經即刻放底幾碟前菜，係可以追加嘅！唔少得有爐邊蛋同芝士粟米粒！燒肉我地就選擇左牛頸肉同豬五花肉。兩款肉都非常新鮮，肉味濃郁！食韓國野梗係唔少得要飲湯啦！我地就叫左一個泡菜排骨湯。排骨相當入味，而肉又炆得相當鬆軟，唔會嚡！個湯整體相當惹味，唔會太辣！值得推介😬最後嚟到嘅係蜂蜜蒜蓉炸雞！呢個炸雞絕對無令我地失望，上枱嘅時候已經聞到非常香嘅蜜糖味！咬落去個炸皮非常脆，又夠薄👍🏻入面嘅肉仲十分多汁！呢個炸雞值得一試！今次呢間韓國餐廳絕對有我地係韓國食嘅水準，又勾起我地去韓國條引啦！

今日飲食BUDDIES 約左我同老公去食韓國野慶祝我老公既生日. 佢地話香港有間真OPPA開既SHOP裡面仲要係齊晒我地在韓國都想食既野,因為好多時食有分食炸雞, 部隊鍋, 燒烤. 居酒屋.... 佢地話呢間齊晒又真係好難相信, 所以我地就去左試下.地點唔近地鐵不過巴士小巴都到所以都唔算唔方便. 一去到地方好大, 我地被安排到一張好長既枱放晒6款唔同既前菜. 前菜仲要無限添食嫁. 首先我地就係食左個炸雞先.... 係炸雞, 炸雞呀!!!! 上面用左D酸酸甜甜既汁令到炸雞冇咁熱氣. 炸雞都有韓國既味道, 外脆內嫩的炸雞仲要加埋D咁醒胃既汁, 真係令我地食到停唔到口. 呢個海鮮PANCAKE 都係香口野, 一開始大家都勁餓既時候就最PERFECT. 用料都好足啖啖都食到餡料, 口感滿足到~呢個就係我地生日壽星專登要叫既頹廢到盡頭既步隊鍋, 因為呢個係佢既至愛, 裡面其他都好足料. 有食完番唔到轉頭食其他公仔麵既韓公, 香腸, 年糕, 午餐肉, 洋蔥, 竹輪卷.... 又夠辣食到我地流晒鼻水.真係愈辣愈想食呀.食左一輪咁激既野, 都要食番小小溫和既食物. 呢個牛肉鐵板鍋真係好澎湃呀! 勁大堆

曾經聞名一時的土瓜灣崇潔街，每人慕名而來的人不勝其數。不過現今已風光不再，餐廳亦趨向多元化，而今晚就選擇了韓國菜…韓兄弟。韓式轉統的八小碟燉牛肋骨湯+米飯，今晚就不食炸雞，改食傳統啲啲，石鍋湯飯。牛肋骨很腍，湯很入味，每一啖均有牛味。精選豬肉套餐 A （五花腩肉、梅頭肉、特級豬頸肉），韓國菜，又點可以錯過韓燒呢一部分。我們今天選了豬，但點解要揀餐？咪因為順得哥情失嫂意，咁只好一次過滿足雙方的願望。餐廳建意我們由五花腩開始，再而是豬頸肉，最後是梅頭肉，主要是味道由淡至濃。在燒盤的旁加上了芝士粟米和蛋漿芝士蛋卷，既然來到，就要瘋一次，蛋捲很軟滑，加上濃香的芝士芯，真的魅力沒法擋。

蜜糖炸雞原味炸雞就食得多蜜糖炸雞都係第一次估唔到原來甜甜的炸雞都幾好味雞皮KEEP到好香脆, 而入面既肉就好嫩滑加埋上面有蜜糖香味既糖漿, 幾香口又唔會太甜 芝士蛋卷超RICH既芝士係蛋卷入面店員姐姐仲好好咁幫我地分切好咁多份 可以見到入面係勁多芝士!!正 韓式辣牛肉湯入面除左有牛肉同泡菜之外, 仲有豆腐, 而個湯底係帶小辣既味道, 特別係D泡菜, 食落入更加辣, 不過都幾惹味, 個隻韓式辣味係我鐘意既, 呢個湯仲附送一碗飯, 用黎餸飯真係一流!!!

睇雜誌推薦話呢間係正宗韓國人開的店地方很偏僻, 要找都要一點時間 韓燒的爐和平時見到的都大同小異也是有一格是放蛋漿的這也是我最喜愛的一部份因為蛋漿是可以無限REFILL的 精選牛肉套餐A(牛肉眼扒+牛頸肉+牛五花腩)員工很好的都有幫我們燒同埋有教我地要燒幾耐咁樣就唔怕會燒唔熟OR燒燶 牛五花腩已經事先醃好, 所以不用再加什麼醬汁已經好有味道看到他的瘦肉和脂肪的分佈是很平均的燒大約幾分鐘就轉邊燒就OK!! 我覺得最好食既就係牛肉眼扒因為佢係超大塊, 已經唔易燒好彩有員工幫我地燒完再煎成功燒到一塊好成功既牛扒 牛味好重!! 岩哂我呢D牛魔王食將佢剪細後可以按自己個人喜好將佢入面煎到幾成熟好岩大家SHARE黎食 蛋係可以舉手就有我地都食左3,4轉!! 超正

好似由韓國番黎之後就無食過韓國野，今次特登約埋幾個朋友一齊去回味一下~ 係Open Rice呢到見到呢餐廳嘅選擇都好廣泛，基本上你想食嘅韓菜，都可以係呢到搵到，一次過可以滿足多個“胃腩”，就揀食呢間啦黎呢到其實唔係太方便，因為唔太近地鐵站，最好係有私家車啦，但係好彩我地幾個人，搭的士都唔係太貴。正如我之前所提及呢到韓菜選擇，就連香港非常少見嘅生八爪魚、海腸等都可以係呢到搵到，可惜朋友唔太好海鮮，就無叫到喇先黎係蜂蜜蒜蓉炸雞，份量都幾大下，相信係一隻雞黎，表面炸得香脆，仲沾滿甜甜嘅蜜糖，蒜蓉不太重，但係都可以食到，而雞肉都好嫩，唔會又乾又粗糙之後係韓兄弟炸牛肉(首爾特色)，呢道菜我之係韓國節目都有見過，不過就無食過，無得作比較，個鍋嘅中心係烤盤形，將醃咗嘅牛肉片同大蔥絲拌勻，放係上面烤，同平時嘅韓燒唔同就係牛肉嘅肉汁會沿住烤盤，流入鍋邊嘅湯中，個湯味道幾濃，略鹹，而湯中有韓式紛絲同雞脾菇，有啲似食牛肉邊爐咁由於前者霸住咗個爐，所以未食得韓燒住，唯有食住呢個海鮮煎餅先啦，呢個煎餅都好足料，加入咗八爪魚、蝦、韭菜等等，煎得微焦，又唔係燶，好惹味最後黎到壓軸，登登登登………………係韓菜必食嘅韓

韓籍店主同店員都好親切，未點菜已經上左小菜，有6款咁多，唔食辣既有芽菜菠菜蘿蔔，個人最中意菠菜，撈左芝麻同麻油好香，仲無左菠菜的澀味牛肉紫菜包飯唔算特別貴，牛肉唔肥無筋唔鞋，成個組合好好食餐廳野飲價錢平民，罐裝汽水$10, 其他凍飲都係十幾蚊，米水清甜好重米味，飲完喉嚨幾舒服芝麻牛肉湯好香，用來撈飯一流，唔食辣人士必選，牛肉浸左d湯有芝麻味，配菜都幾多，一啖湯一啖飯好快就食完魷魚炸雞炸得好靚，皮好脆但又未去到滴晒油咁，雞肉鮮嫩多汁仲好滑，魷魚香脆彈呀，個醬甜甜地好好食，少少辣泡菜年糕拉麵都算抵食，唔知點解出街食的韓國拉麵永遠都好食過自己整的，辣得黎有種說不出的甜味，連麵質都覺得香口d食左咁多野都唔過500蚊，抵食過好多韓國餐廳

見到tvb介紹同有好多明星相就入嚟食燒肉啦，大熱天食燒肉另風味。先食八樣韓國小食菠菜同黃豆芽最好味。菠菜有少少麻油。泡菜同青瓜都浸漬辣嫁，薯仔？以為係，但係大件黃蕃薯，似薯仔口感但帶有甜味。白蘿蔔就酸酸開胃，但薄少少，解辣。特色梅頭肉泡菜湯 fresh pork with kimchi stew配埋白飯，韓劇食法係放落湯，但我地想留啲食燒肉。泡菜湯有啲羅宋湯既味道，偏辣既。但多泡菜又有豆腐配合，唔會水水無味。泡菜都好多，食多菜健康啲。開爐邊係蛋醬蛋同芝士粟米，不過不失。蛋醬有芝士就好啦。芝士粟米溶左好多油呀，但粟米幾有咬感既。精選豬肉套餐包括豬肉眼扒 豬頸肉 豬五花腩 grilled assorted pork豬肉眼扒 全肉比較瘦，嘻嘻。依個包生菜配泡菜最夾。因為豬肉眼扒肉質外軟少少內有口感，但燒耐少少就有啲微脆邊。豬頸肉就有半肥瘦感覺，食落有點oily，但不過份。豬頸肉咬落真係好味既本身，燒一燒就油出哂嚟。豬五花腩最怕怕最邪惡既豬肉種類。佢油肉分佈一層層。燒耐左就會乾身啲，店員幫手燒，所以大部分都ok。豬皮薄左點，但少油啲！肥肉加腩肉食一係飯，一係點醬油碟中間個個燒肉醬汁，似蠟肉味。

好耐冇食韓燒，經過土瓜灣呢頭，見到呢間好有韓式風味嘅餐廳就入咗嚟雖然係細巷仔入面，但係可以話係臥虎藏龍嘢食好多選擇，又有正宗嘅活章魚，牛肉等入到嚟點完菜，店員就即刻捧上9款前菜有泡菜，波菜，芽菜，薯仔，醃青瓜同白蘿蔔每一款都出奇哋啱口味，泡菜又唔太辣以前食韓國嘢，啲配菜總係有一兩碟好難食但係呢度嘅9碟竟然俾我哋清哂食到咁上下，已經迫不及待想燒嘢食啦精選豬肉套餐A豬肉拼盤有五花腩，豬頸肉，梅頭肉，雞髀菇同洋蔥望落肉質幾靚，肥瘦有致，切嘅厚薄適中容易燒然後店員幫我哋倒咗窩邊蛋，仲有一碗芝士粟米同生菜醬汁方面有韓式辣醬，豆瓣醬，同一隻燒肉嘅醬油，鹹鹹哋有芝麻香，三隻醬都好食五花肉好容易燒，剪開再燒香至金黃色鐘意食juicy啲嘅就燒熟即可，鐘意食香口啲嘅就可以燒到佢外層變得脆口因為落order嘅時候冇留意佢有窩邊蛋，所以另外叫咗個芝士蛋卷，點知都有驚喜蛋卷入面包住拉芝嘅濃厚芝士，啖啖都係香濃嘅芝士蛋香，加上茄汁同芥末醬，食多多都得旁邊仲有個少少嘅沙律到燒豬頸肉啦豬頸肉勁靚，雪花均勻唔會太肥，燒完邊邊位好脆，香口有油脂，肉質爽口彈牙，大推介之後燒嘅梅頭肉都好嫩滑，肉質靚，燒出嚟都好食最後要講吓佢

今日放工又去韓一韓，去左紅磡的小韓國- 韓兄弟，一路食一路都有好多韓國人幫襯! 睇下外面的魚缸有好多新鮮海鮮，韓國seafood好吸引！好想食醬油蟹，上次去韓國冇食到活章魚，今日可以食返！韓國產地直送海鮮，唔係唔試呀！五款小菜，有豆芽、菠菜、kimchi、蘿蔔片，本人最鐘意洋蔥、蘿蔔、魚糕，有點咸有點甜，很開胃。梨子 ($15)，粒粒梨肉，yumyum。活章魚($198)，以簡單的芝麻和麻油調味，八爪魚很生猛，上枱後依然在強烈跳躍，生命力超強！想夾都要用些力，吸住隻碟吸得超實，放入口還在動，章魚爽口有嚼勁，好有趣！原味炸雞 ($150)配沙律、酸蘿蔔和韓式醬，炸雞炸得超脆，肉質嫩滑，都幾辣，好惹味。點埋個韓式醬可以增加口感，層次更豐富！年糕餃子湯+米飯 ($88)有餃子、年糕、蛋和牛肉，湯頭牛味十足，餃子包得好靚，餡有粉絲和豬肉碎，很有地道特色。

來到了這家由韓國人主理的餐廳果然一入店聽到的都是韓語食物包羅萬有像個小韓國門外的大魚缸已說明一切餐單赫見活章魚比目魚海鞘海腸等以前只在韓國食到的都能有這裡找到我們先點一份原味加甜辣醬炸雞原味味道辛辣外皮脆脆感覺有點像某美式連鎖店甜辣醬味道口味比較重我個人偏好原味的微辣味另點了活章魚刺身甫上桌章魚腳在蠢蠢欲動夾入口吸盤會吸住嘴唇慢慢咀嚼會感受到鮮味章魚刺身已加入麻油調味雖然殘忍但不失為一個有趣經驗最後點了牛骨燉湯配白飯牛骨湯呈白濁色味道清雅鮮甜美味一啖白飯一啖湯大滿足為在香港吃到如此正宗的韓菜香港人真的好幸福