韓兄弟燒烤

營業中

休息中

今日小弟好開心因為傾成左一單大 deal而家市道咁差有生意真係成個人都開心晒見手下妹妹仔咁辛苦一於請佢哋食好啲年輕人鍾意食炸雞我哋就叫咗客蜂蜜蒜蓉炸雞 share都成＄180 㗎手劃嘅呢隻雞都幾cute其實算小弟唔識欣賞我覺得只不過係好普通嘅炸雞淋咗啲蜜糖汁酸蘿蔔又好普通雞皮係幾脆嘅肉質OK啦價錢周街都差唔多$180到＄200我蜜糖汁就hea左啲佢呢度都有差唔多一隻雞Lunch 食好滿足

三條友去食晏晝，成條街都要等位，唯獨是呢間堂兄弟夠晒大唔使等位，裝修格局就係韓式感覺，又可以坐低試吓!幾鍾意佢 可以 refill 泡菜，送嘅餐湯係大豆芽，我覺得係好味精 feel. 加幾蚊有一罐韓國梨汁，都幾抵！至於個石鍋芝士牛肉飯, 質素就普普通通啦！同埋要等好耐，牛肉調味適中，份量比較少， cheese 又比較少， 同埋個飯好癡晒底.整體來講都幾好味！

Just went there for a late lunch with my wife and my 3 years old daughter. We were the only customers. 15:50 - 16:20, 17th September ,2016.Walked in, and a very unfriendly waitress was there, we asked if they're still serving food, the waitress ignored us. We were puzzled and therefore asked again. She then rolled her eyes, and instructed us to sit at one of the tables, with her eyes, not a verbal instruction.We sat down, read the menu and ordered, she came, took the order without saying a word.

食開嗰間韓國小店要等位，試下呢間。食物上得太慢，一個石頭鍋飯等咗半個鐘。菜牌上的泡菜餃子變成豬肉餃子。跟超市買的雪藏餃子一樣，皮還要是穿的。友人叫的石頭鍋飯，湯麵等都是單調的麻油味。冇下次。

朋友話試過呢度午餐唔錯，份量大又好味，甘就約埋食晚餐！一黎到就有D細細碟既泡菜，青瓜同大豆芽都醃得不錯，酸度適中，好開胃！五花腩~好失望梅左既，就算煎得幾香都冇用食材有問題！但伴邊無限量供應既芝士蛋反而好味！之後既牛，已經冇乜心機食落去，不過不失，冇大驚喜只適合來食午餐，晚餐甘既價錢有好多好味過呢度既韓國店

與朋友經網上介紹，被*芝士蛋*既圖片吸引去幫襯可能閒日，成條食街與店內都無咩人一坐下，極快點左 韓兄弟特色烤牛肉與豬肉，泡茶壽司，芝士蛋。待上菜期間，先品嚐泡菜小碟泡菜味道略嫌太淡*****我無唸過特色烤肉係用胡椒湯蒸+燒既方式，湯裡有好多洋蔥、大蔥、粉絲、菇、等等..與平時食開既燒肉不同，肉類吸收哂湯既鮮味，不用加烤肉汁都已經好入味分別在於較為清淡，感覺上較健康******令我大食所望就係最普通既泡菜壽司四個字 淡而無味！*******壓軸出場便是 芝士蛋為左佢依黎既芝士蛋，果然不負所望煎蛋包住濃濃既芝士拉極都唔斷份量亦十足，三至四個人share剛剛好***服務方面亦很好，員工十分有禮貌但環境設施不太滿意，由於無係爐上面裝吸油煙機，d煙噴到我朋友就黎蒸熟希望有待改善

第一次食係超級好味..!服務態度都好好!!今日第二次食..諗住興祝生日..不過今次樓面忙左好多..明白既體諒既..但係最重要冇左芝士🙈🙉🙊其他食物質素都下降左..炸雞泡菜湯仲有其他肉都ok ge..不過Keep 既 蛋糕唔知係米冇雪..搞到蛋糕溶溶地..最重要係叫女待應出蛋糕..佢連盒連袋一下掉落張台到..搞到勁尷尬..邊有人今樣出蛋糕架?..呢到係最唔滿意..！服務要再好d..

lunch 離開公司透透氣，開左間新韓國食店喎。似乎晚飯好多選擇，都幾吸引，但甚少係紅磡晚飯呢。居然有醬油蟹，一百蚊有找？會唔會係 BB 蟹？點都要一試，連 lunch 都要醬油蟹！前菜，我第一次讚既醃泡菜及青瓜，青甜多汁脆菜，辣中帶甜帶酸不過火，味道清新不嗆不濁，好想添食。醬油蟹，醬油蟹配例湯白飯 $98，只能令我半飽乍。侍應四眼妹妹招乎周到，幫我攞入廚房撈好蟹膏蟹肉白飯再送上，好 warm，讚！雖然 order 有點甩漏。醬油蟹 size 細了點，撈得非常均勻，比自己撈更好，蟹肉蟹膏蟹汁勻巡依附係每粒飯之上，仲留左兩隻拑我慢慢啜啊。食得出蟹肉淡淡鮮味，醬油味散發著海鮮濃厚咸香，黏中帶清爽，撈上白飯非常美味！完本打算只食幾口飯，不過太美味不能自拔，食食下完全消滅，醬油蟹永遠都係偷飯達人！例湯不飲也吧，大豆芽胡椒粉清湯，漱口可以。

午餐時間試了這間韓兄弟, 門口沒有人排隊, 所以即刻入去了。點了個砂鍋牛肉飯+湯相信廚房把砂鍋燒得太耐才拿出來比客人,結果整個底及邊位都太焦了,飯有點硬,而且牛肉沒味道,也沒有汁, 配料只有1,2條胡蘿蔔絲及毛瓜絲加少少紫菜碎,都是沒味道的。整個飯最後只食了一半。海帶湯, 捧上來時已經有點暖偏冷, 有少少味精味及只一兩片海帶。另外它隨桌附送的泡菜味道也很一般, 泡菜大白菜非常酸,差, 波菜太咸,應該不會再來了。

午餐㸃了泡菜湯，以為豬肉是五花腩，誰不知是梅瘦肉，效果有些似罐頭梅鍋肉內的瘦肉，不大喜歡。泡菜湯味道濃及辣，加上兩種伴菜是辣泡菜及辣大豆芽不大吃辣的最好點其他。最大問題是白飯。往韓國料理對白飯多少會有期望，但該店用的是細粒的中國米，與其他二十多元的茶餐廳飯盒用的米差不多，口感與飯香都欠奉，對這品牌有些許失望。

專登為左呢間 第一次寫食評平時都間中食韓國菜但係朋友都唔太鍾意食韓國既辣所以都好少食點知之前食午飯發現呢間既泡菜好適合香港人口味 好好食 而且前菜係自動無限添加 仲有米茶然後我就介紹朋友黎試下晚餐本來我地諗住唔抱太大期望點知真心覺得好食我地叫左一個冷面 一碟豬肉 一碟五花腩 一碟八爪魚 配生菜一份燒肉原來有配芝士同蛋食😍😍 仲要自動免費再添加 但其實佢menu 無寫明 所以出乎意料之外然後原本以為用番同一種爐煮點知轉再呢個從未見過既爐旁邊放左湯 蔥 蘑菇 韓國粉絲再放豬肉係中間 豬肉比想像中好食食完豬肉 飲埋旁邊既湯簡直一流 4人 4餸 埋單四舊水 超級無敵抵我會再黎食嫁！！已經介紹俾身邊親朋戚友！😍🌚

今天午飯時間, 專登到紅磡崇潔街搵食, 途經韓兄弟見到裝修幾靚就決定入去試下看到午餐餐牌, 普遍由$35 - $60幾經考慮, 最後決定要砂鍋牛肉飯+湯 ($55), 加米水 (午餐+$5)等了約10分鐘就把食物送上, 以午飯繁忙時間來說, 絕對及格食物夠熱, 但沒有配上醬料, 只有紫菜, 牛肉及一些蔬菜混在一起聞起來很香, 牛肉好食, 只是略嫌不加醬料的石鍋飯太乾餐廳整體環境不錯, 但唔好開咁多射燈會更好, 節約能源又無咁熱

開張已經急不及待同同事試新野真係韓國人開嘅不過........唔........no oppa但大概60幾蚊喺紅磡崇潔街來講都唔係太貴裝修同韓燒格局一樣又有K kop仍然都係Kimchi可以refill麥茶就自己隨便攞我每次都會加＄飲韓式飲品辣醬蕎麥冷麵+烤牛肉啲冷麵就淡而無味全靠個韓式辣醬搭夠燒牛肉就係廚房燒烤好先拎出嚟上台已經凍左我哋第二次仲散叫Menu價錢每樣野差不多＄100當然午餐唔會食燒肉咁豪華呀散叫的蛋卷賣相奇怪無味道又唔好食只有面上面嘅茄汁同沙律醬調味砂鍋牛肉飯味道一般都係偏淡一定要伴醬食飯就好多兩個女仔都夠食個韓式海鮮煎餅都係偏淡我個人口味唔係咁鍾意食太多蔥每一啖咬落去都係一舊粉咁嘅感覺午餐好普通嘅質素第一次去叫嘅韓式冷麵成舊冰係個碗到又唔溶如果有得選擇唔會揀係紅磡食當然我地午餐還是可以接受的侍應生大部份好green服務唔到位幾佰元的午餐真係無下次

lunch時間去食，枱面set好左兩款前菜 個泡菜幾正 揀左個凍湯蕎麥冷麵$60加$5加左個韓國桃汁，幾好飲不過細左啲 個冷麵直頭有冰 夏天食幾正個湯有啲酸酸地 好似柚子味咁 都幾開胃啲麵少少煙韌 好口感 個烤牛肉濟食就比較重味 不過配埋個麵就岩岩好一清一咸 午市set lunch唔洗加一，價錢都接受到睇左佢地個晚市menu，決定下次去試下佢地啲燒肉

Lunch 試新韓式餐廳，有lunch set 供應。味道ok, 但實物同相片差別幾大。冷麵還可以，味道正常，但烤肉份量就與menu相差太遠！另一款再叫了海鮮餅，味道有點淡，一般。Lunch set 不要加一，叫menu 的食物就要！