韓兄弟燒烤

營業中

休息中

諗下都好開心，想像食到超地道的韓燒，又有韓文oppa傾計！同男獲去到位於紅磡的韓燒店，唔講得笑，因為真係好隔sip，搵唔到路但一轉入去，成個夜市一樣勁熱鬧我地點左份韓牛！好似太餐A,有五花肉！仲叫左份束炸雞！個雞勁辣，頂唔順唔好肥試，會搞出人命

早日聽朋友講有條街好多野食,又好隱世~咁我見有日得閒就去試下~見呢間比較闊落就入`左`去!佢入面所有野都好似韓國甘架~!個茶壺都份外有FEEL~~我見唔係好舒服就叫左個牛骨湯試下,天寒地凍就真係湯撈飯一流~牛骨湯好甜個湯頭好足料~仲有個泡菜餅,好多CHEESE~好似PIZZA咁好正!!之後仲叫左個燒肉~~~~~佢地會幫我地燒架!而家睇到相又好想食~唯一一樣唔好就係個身會一陣味,之後搞到我好餓豬豬AGAIN~

今日去左紅磡祟㓗街搵野食，經過見到呢間「韓兄弟燒烤」裝潢設計唔錯，又眼見門口貼有咁多明星黎過食，所以決定入去試試佢！一坐低睇餐牌真係花多眼亂，所以決定叫老闆推薦一下有咩好食！老闆見我地一行四人，所以就簡左「精選豬肉套餐B」俾我地，另加左2樣小食「辣八爪魚 」同「海鮮煎」。先講個「精選豬肉套餐B」，入面有生五花腩肉、梅頭肉、特級豬頸肉、特級豬柳，而我就最鍾意佢既生五花腩肉，煎出黎香味濃郁，口感唔錯，仲可以包住啲菜一齊食，而份量方面，對四個人黎講岩岩好，唔會話唔夠食。再黎就講個「辣八爪魚」，老闆話呢個係韓國八爪魚，同我地平時係香港食既唔同，一試之下發覺口感真係有小小唔同，鍾意食八爪魚既朋友一定要試下！最後講埋個「海鮮煎」，入面有唔同既海鮮同菜，仲要煎得岩岩好，唔會太硬，食落令我諗起台灣既柯仔煎，唔錯唔錯！最後埋單每人$150左右，我覺得性價比黎講，呢間都值得推薦，經過既朋友可以去試下！

侍應無落單，等左45分鐘，都無野食，追單先知無落單，補落單又漏單，叫左個1000元套餐，要追先有龍蝦，辣比目魚煱，野菜，吾問就吾上菜，埋單走都要叫3次先有人來收錢，真係惨。但食物都好食。最好食係醬油蟹，配飯，真係好好食。

我朋友之前話呢間韓國菜好似我地之前喺韓國旅行咁正宗，我就帶一個好崇韓既朋友來試下。門面好靚仔，睇落唔係伏，雖然佢真係有d格涉。朋友叫我要影呢個，佢話JYP都話正。然後店入面好多韓國人又播韓國歌，我一下以為自己去左韓國。前菜好好味，尤其係泡菜同醃黃瓜。好開胃。我見到corn cheese有d興奮，因為細個係多倫多讀書會食架去韓國吧，但今次味道有d出入，而且佢開大火左少少。叫左個豬肉拼盤，份量睇落少，但食起上黎都幾濟。佢有專人幫我地燒好晒架！最中意午花腩，點埋芝士真係好正！下次想試下個醬蟹！

同朋友落街想食個宵夜，無諗會有間韓燒店。行過仲以為係海鮮火鍋店。d仔仔全部都係韓仔黎咖！先黎小菜，味道唔算太辣，我個人超鐘意食韓式小菜，最後都清哂因為怕食太多肉太飽！我地主打叫少少海鮮小食就算。第一樣係辣八爪魚，其實味道唔算太辣，正常辣度。店員講解，話係自家醃製架！我唔敢食個頭，但隻腳真係好爽，脆，帶少少鮮味！外皮燒得Lonelone地，好脆身！每次韓燒都一定會叫豬肉韓式豬肉同平時煲湯既豬肉完全唔同因為唔係用砂爆，豬肉本身好厚實油脂因為高溫而融化，塊豬肉慢慢變得脆身，正！必食推介，一定係依碟：生牛肉要先了解韓牛本身好香，少油脂，而且無「蘇」味加上辣醬本身去除生牛肉的味道，絲成絲狀既生牛肉，一定超出你對「生肉」的睇法配少少白蘿蔔絲，同生牛肉夾在生菜內，好fresh，唔油

真係柳暗花明又一村！朋友話去食韓燒，仲以為去尖東，點知帶到去紅磡！最Surprise係個位置有少少偏僻，點知原來好多野食！講返韓兄弟，一間超地道的韓燒店，同首爾既燒肉店差唔多既setting，連老闆同員工都係韓國oppa，睇得佢地盡力用廣東話同我地對答，好彩身邊的朋友識韓文！  我地點左個精選豬肉套餐Ａ。兩個人既份量黎講，真係超大份！因為啖啖肉，去哂筋同骨。唔太識得分邊Ｄ肉算好食，但起馬依份肉既花色都算唔幾好！  店員哥哥好肯幫手添手換塊鐵板，幾乎煎完1 round就幫我地換！service超好！值得一讚既係，場內通風好好！可能個場好大，ｄ煙散得好好，唔會令到衣物有味道！佢地張「鄧」仔仲可以儲物，隔味又慳位。  朋友好想食韓式炸雞，我地都叫左份「雙併」的炸雞 紅色個款，超辣！仲以為韓式辣醬應該甜甜地 點知後勁和厲害，食到出哂汗，少少麻，超辣，好過癮！ 而黃色個款，係普通炸雞，可能食完辣版，所以覺得欠缺個性。

今天我和公司同事一起去試一間韓國燒烤店，他在紅磡但是在小巷之中，有點隱蔽！韓國燒烤興了一段時間，但似乎韓國的口味未必太適合香港人，很多韓國的燒烤店也倒閉了！我抱着嘗試的心態去這間，但食物令我很驚喜！我們叫一個辣味的八爪魚，他是原條上的看起來很新鮮，放進口便知道他真的，是新鮮的八爪魚，咬進去還有海水的鮮味！海鮮是不能欺騙人的，新鮮就新鮮，不新鮮就不新鮮！我再叫了一個韓式炸雞，我一向都認為KFC的炸雞比起韓式炸雞好吃，但是今次我改觀了，我叫了一個有辣醬和原味的炸雞，炸皮不太厚粉咬起來還有雞汁彈出來，辣汁明顯是刻意調配的，辣起來有點甜亦非常香！，辣味後勁厲害，今次我承認他們的炸雞比起KFC 的好吃

係睇演唱會前，既然出到紅磡，試下openrice推介既韓兄弟燒烤三人行，揀左：精選豬肉套餐A、韓式辣牛肉湯+米飯、飛魚子蛋卷。前菜有5小碟，好食喔！水係玄米茶😍😍任飲韓式辣牛肉湯+米飯又唔係好辣炸啵3個人都係$524-呢好好多海鮮食，由韓國直送，有海菠蘿、海腸？ 會郁既八爪魚，刺身等等在場都有好多韓國客人呢！店員有部分都係韓國人，服務態度夜係好好👍🏻👍🏻👍🏻店鋪坐得舒適，有book枱重有卡位坐

原來紅磡依條食街唔只有花之戀，原來仲有間韓兄弟，依間係專食過韓燒韓國菜嘅餐廳！食物都幾新鮮，燒左五花腩，豬頸肉，同埋牛舌，勁香脆勁好味，勁滿足🤭🤭🤭🤭🤭🤭佢啲爐邊蛋，會落埋芝士同粟米，令到成個口感非常夾！仲有仲有原隻燒八爪魚🐙🐙🐙🐙🐙好鮮好爽口！！仲叫左炸雞，兩隻味，有辣有唔辣，脆口，炸醬適中，個味幾好，辣味個邊，見到d紅色醬都出汗！好辣好野味！鐘意食辣既人一定唔可以錯過！仲有個小驚喜，依到既生牛肉真係好！好！好！食呀！一d都唔似食緊生牛，冇血淋淋個種口感，反而煙煙銀銀，醬既味道岩岩好，蓋左生牛嘅味，但又保留番牛味，係香港食過最好食既生牛肉沒有之一！🤗🤗🤗🤗🤗🤗

今次就同朋友去左美食街入面嘅韓兄弟食韓式燒烤。韓式泡菜食韓式燒烤當然唔少得各種韓式泡菜，而韓兄弟就提供六種泡菜，由普通嘅芽菜酸蘿蔔，到薯仔都有。各種韓式泡菜酸辣均衡，相當開胃。鍋邊蛋及芝士粟米依到嘅韓式燒烤亦有提供鍋邊蛋同芝士粟米，配上燒肉食簡直一流。hite啤酒食韓燒當然要飲返韓國啤酒啦。值得一讚嘅係玻璃杯都有雪凍，確保飲到冰涼嘅啤酒。飛魚子蛋卷飛魚子蛋卷份量比想象中大，蛋卷中間夾左好多飛魚子，加上醬汁，味道不錯。 精選豬肉套餐豬肉套餐就有五花腩、梅頭肉同豬頸肉。豬肉質素好，肉味濃有油香，肉質軟嫩。燒肉用生菜包住，再加上醬汁同泡菜一齊食可以增加層次，口感亦更好。

今日同屋企人一齊食lunch，爸爸話好想食炸雞，我哋以前曾經都食過呢間，覺得味道唔錯，所以今日就再次嚟咗呢度食嘢👅呢度嘅人唔多，所以唔使等位就直接有得坐。以前來呢間食嘅時候，啲職員成日嗌極都唔應，所以我哋唔係特別鍾意呢度。但係今日來嘅時候，換咗啲新嘅職員，而家職員嘅服務態度都好好，見到我哋有需要都會好快過嚟幫手！呢度嘢食嘅價錢都唔算話好貴，但係食物質素就好好，而且選擇都幾多，淨係午市優惠就有幾十款，任君選擇！我哋四個人叫咗個炸雞Share食，之後就一人點咗一個餐。呢度啲炸雞炸得香脆可口，肉質都幾鮮嫩，以前食過其他口味，但係都係覺得完味簡簡單單最好！之後我就食咗呢個港女摯愛嘅部隊鍋，佢嘅湯底有啲微微嘅辣味，送飯食一流！裏面無論係餸定係面嘅份量都十足，仲會附帶一個白飯，＄65就可以食到超飽！

萬聖節宋仲基、宋慧喬大婚日子，雖然由緋聞傳出到真正結婚總是有點令人難以置信，不過還是祝福oppa跟女神幸福快樂。 失去了個oppa，來吃個韓燒觀賞一下其他oppa吧。 餐廳叫韓兄弟燒烤，一進來真的所有都是韓國人，還有個疑似是韓國人老闆娘，全部都說韓文，不過簡單的中文都明白，加上親切的態度，我們指手畫腳都基本上溝通得到。餐牌來說想不弓這家小店有這麽多選擇，除了燒肉外，set dinner的熱食也有三頁。另外還有炸雞，但寫著是「李家」，令人想起尖沙咀金巴利街那家出名的炸雞店，難到是同出一徹？平日晚上還早，人不算多。餐廳就是很有韓燒風味的裝潢，數個圓桶圍坐一張鐵圓桌。雖然沒有拉下來的抽煙囪，但通風還好，不會太有油煙味，這是我覺得韓燒店最重要要做到的，沒有之一，因為太強烈油煙味會減低客人食慾。點菜後oppa立刻端上韓式前菜小碟，分別有泡菜、菠菜、辣豆芽、酸瓜洋蔥，以及下面的醃薯仔和醋醃白蘿蔔，簡單的醃物都很開胃，送飯一流。泡菜更是味道不錯，酸辣調節剛好，還保留爽脆口感。調味碟由上至下是燒肉汁、豆瓣醬和像是麻油般的汁，個人較喜歡燒肉汁，帶點甜的惹味。生菜洗得乾淨，簡單新鮮爽脆，一塊塊完整得來，大

今晚由喺紅磡呢頭返工嘅朋友帶路，食兩個韓國堂兄弟開嘅韓兄弟地道韓國菜。店內有兩幅介紹豬同牛肉嘅部位圖，唔識叫咩名唔緊要，想食邊個部位，指一指比店員睇就得：一坐底就送上前菜6款，好有誠意：首先點左兩個特別少少嘅頸肉：左：牛頸肉$178牛頸肉比較少食，原來呢個部位好淋嘅！右：特級豬頸肉$118食左牛再食埋豬頸肉～個人好推薦豬頸肉，同我之前喺其他餐廳食到嘅好唔同，無咩肥膏，唔會食到成口油，食落啖啖肉。爐邊有芝士粟米同蛋，芝士一融就可以食喇！值得一提呢度係用明火爐，個人覺得用明火燒肉香好多！烤辣八爪魚$98Oppa推介話今日嘅八爪魚好靚，辣味仲可以揀，我地揀左少辣，成隻夾起，好大隻好長！難得燒熟左之後唔會好似食橡筋咁，好淋！特色梅頭肉泡菜湯$68朋友想有飯落肚，點左呢個泡菜湯，亦都係可以揀少辣嘅，酸酸辣辣，好下飯！埋單價錢唔貴夠地道，值得推介

唔想成日去尖沙咀韓國街，可以揀紅磡崇潔街，呢間韓國料理店也非常地道，睇門面又經感受到。入面都幾大，有好多枱。除左韓燒，仲有韓國必食炸雞。Dinner set都好正宗咁，價格合理。先上前菜，都有六小碟。當中波菜有加蒜頭，蠻特別，其他小菜也不錯，喜歡醃蘿蔔片和薯仔。蜂蜜蒜香炸雞($180)，蜂蜜的味道濃郁，跟一般的甜味不一樣，醬汁加了青辣椒碎，帶點辣味，食起來很惹味，炸雞脆脆的，肉嫰嫩的。燉牛肋骨湯+飯 ($88)，有蘿蔔、粉絲、蛋絲、牛肉，睇落以為好簡單，食落就知湯很清甜，牛肉很稔，好吸引我的味蕾，很棒的一道菜。砂鍋牛肉飯+芝士 ($75+$10)石頭飯味道不錯，帶甜味，材料豐富有翠肉瓜、紫菜、紫蘇葉、蘿蔔、洋蔥、牛肉，芝士，攪拌後可以食到脆卜卜的窩巴，馬蘇里拉芝士味道不會太濃，剛剛好，值得推介。海帶湯有大量海帶。芝士蛋捲 ($98)蛋卷做的很有層次，夾住芝士，配茄汁和蜂蜜芥末醬，食出多重口感滋味。店員係韓國人，能操流利廣東話，很厲害！整體黎講能食到正宗的韓國料理風味，cp值甚高，下次黎要試下韓燒。