青花 (THE FOREST)

去完葵青區，中間又掃過下街，行街行到有啲攰，晚餐就去左旺角食。環境都幾好，原來有埋室外，不過見外面好大風，都係坐番係室內啦。我地4個人叫左二人餐同有啲小食，初初以為會唔夠，點知竟然係大大碟。沙律大大碟，好清新，食到索索聲。另外我地揀左沙嗲串燒，肉就難咬左小小，但都可以接受，點汁就ok。烤雞青咖喱，唔好講笑，呢個辣，但好過癮，好好味，佢係好香，隻雞都烤得好好，啖啖肉。我地想講呢個燒菠蘿蟹肉炒飯係一定要食，大推介，個燒菠蘿係好好食，我哋直頭係要搶，燒到剛剛好鎖住啲汁，咬落去勁juicy（寫嘅呢刻好想再去食）。個飯炒得好，粒粒分明，佢嘅配料係分開上，可以決定自己點撈。手抓餅，點青咖喱一流要炒白菜苖，ok啦另外叫左碟拼盤，咩都有，基本上炸物好少何唔好食。佢個醬係必點，酸酸地辣辣地都有。最後跟餐有兩杯飲品，斑蘭椰子珍珠奶蓋同三色冰奶蓋，可能平時走慣甜，再加上係泰式飲品同奶蓋，總覺得呢兩杯好甜。一切簡單，唔駛花巧嘅裝飾，啲餸好食就得。

尋日出開旺角買遊戲玩～買完之後想搵個地方坐低慢慢食下野，飲杯咖啡咁途經The Forest呢個商場，入去睇下有咩食行個圈見到呢間青花，主打食泰菜fusion咁岩下午茶時間，見個Menu話不收加一就揀左入去坐餐廳環境好大，又以綠色同花草做主題佈置店內只有1-2檯客，坐得好舒服由於疫情持續，店家都十分注重衛生有提供信封比客人放口罩以及搓手液每檯客走左我見都有消毒講返正題，我就點左一個下午茶餐花生細厚多士 （$48）+青檸梳打（+6）擺盤好靚，除左有厚多士外旁邊更有青木瓜絲和花睇落好靚。而花生醬多士好香花生味青檸梳打則甜甜酸酸食物不過不失，而環境真的好舒服。終於吸下太陽更有戶外位置坐係幾唔錯的！

【大蝦冬蔭公 小】 HKD92【泰式大蝦炒金邊粉】 HKD138【天多尼烤雞•斑蘭青咖哩】 HKD108【泰式奶茶奶凍】 HKD46【蝶豆花椰子奶蓋】 HKD42依度嘅環境佈置定係餐桌都好靚，有風格🥰。不過啲泰國菜式🇹🇭又掂唔掂呢？首先，飲個湯先，冬蔭公🥘撈一撈已經見到好多香料，陣味撲鼻而來。飲落同泰國飲到嘅差唔多，合格。而青咖喱🍛夠曬香辣🌶，同時又蓋唔過烤雞🐓嘅香味，不過食多兩啖都出曬汗🥵。反而好索汁嘅茄子🍆出奇地又冇咁辣喎😅。食到身水身汗💦，依個時候整杯凍飲🥤就岩曬。粉粉藍藍蝶豆花好吸睛⭐，椰香亦頗重，不過味道偏淡，奶蓋亦唔夠稠身。最後講下啲失望嘅位😞，亦都唔建議大家嗌。金邊粉係痴埋一舊，麵質係淋過頭，變左一pat野咁🥴。而奶凍🍮嘅泰奶味係有嘅，不過咁鞋颯颯真係第一次見，質感好奇怪。.

呢度環境裝修好靚, 以森林為主題, 有好多小盤栽裝飾, 走進這餐廳, 彷如置身泰國一樣。香草牛油龍蝦冬陰芝士耳型粉賣相吸引, 耳型粉有冬陰公味, 小辣龍蝦肉質都算彈牙, 惟一係較難咬開, 餐廳會提供鉗, 都算貼心班蘭青咖哩烤雞+油酥手抓薄餅雞肉嫩滑, 青咖哩汁重班蘭味, 偏辣, 配白飯或薄餅一流, 底下有茄子同翠肉瓜好足料惹味拼盤包括：菠蘿雞翼、豬頸肉、青檸雞鎚、炸雞卷、魚餅，每款兩件，再配青辣或紅甜醬，十分惹味。炸軟殼蟹木瓜沙律軟殼蟹炸起新鮮仲熱辣辣, 但比較一般,唔算好特別鹹蛋黃龍蝦．香草沙律龍蝦大大隻, 肉好鮮甜, 仲勁多蟹膏, 再配上鹹蛋黃食味道夾。最後，飲品兩杯泰國珍珠奶蓋及碟豆花椰子奶蓋

又一間深黃泰國餐廳🇹🇭💛「期待越大，失望越大」呢個係真嘅🙂 見網上評價咁好，本身都抱幾大期望，點知...先講吓餐廳環境先！環境又真係滿分嘅，以大量綠色植物做裝飾，好似去咗花園咁🌸🌺🌼 港女打卡一流📸呢間主打東南亞菜，整體賣相係幾好幾精緻嘅，味道就有待改善啦😩 除左斑斕青咖喱烤雞，其他都好麻麻，唔太啱我哋口味😟 仲未食到一間好食嘅泰國餐廳黃店，有無好推薦？😢.【斑斕青咖喱烤雞🐔💚】HKD108食咗幾款菜式當中呢個係最好😋 未食已經聞到好香🥰 烤雞煎得好香脆，肉質嫩滑。底下有茄子、草菇、秋葵、翠玉瓜等都幾豐富冇咁dry🤣 青咖喱夠晒杰身，用嚟撈飯一流🍚不過都幾辣㗎，唔食得辣嘅記住嗌杯牛奶先🍼.【泰式炒大蝦金邊粉🍤】HKD138最多人推薦嘅泰式炒大蝦金邊粉😰 金邊粉煮得過火，太腍身太糊口，淋到唔洗咬都食到😅 完全無煙靭嘅口感。加咗花生碎、青檸等做調味👌🏻大蝦蝦肉鮮甜，蝦肉唔霉都幾新鮮，爽口彈牙，係成碟最好食嘅😂👌🏻.【大蝦冬蔭公】HKD92/小冬陰功有大同小size可選，圖中係小size，不過份量都幾多絕對夠三個人share👻 冬蔭公酸味較重，完全唔辣，相信好多人都會接受到👌🏻 入面有大蝦、

平時真係唔會抽時間寫，但真係有需要！非常失望，完全唔明白點解咁多like?!其實全部賣相不俗，但味道好失色！串燒好乾，青木瓜軟殼蟹沙律，蟹有D鯹，個沙律汁唔得個酸味。魷魚，蝦，蜆黃咖哩，直情想退貨，咖哩本身唔似咖哩，D海鮮一定係烚完再撈落去完成全係咖哩還咖哩，蜆肉係唔新鮮，蝦係雪藏嘅，完全無味！炒芥蘭似係烚芥蘭加少少汁就上菜。蟹肉菠蘿炒飯，蟹肉極少，但味道正常。後加大蝦炒金邊粉上菜速度太快，有可能唔係既炒，因為一邊好熱，一邊只係暖！至於燒豬頸肉係正常，炸冬陰公雞翼夠脆，冬陰公正常，全晚唯一最好係蒜蓉包😅本來黎哩度係慶祝生日，諗住食埋甜品，但由於所有野都都唔好食無謂再浪費金錢！以上純粹個人意見，係主觀嘅！各人口味不同~

每次經過呢間野 都比佢嘅裝修吸引住 真係design得好靚 好有心思🥰一向都鐘意食泰國野 所以就黎試下🇹🇭-泰式大蝦炒金邊粉🦐面頭有兩隻燒得好靚嘅蝦🤤佢地好細心咁特登切開左少少！所以好容易就可以成隻蝦起肉👍🏻好鮮甜好爽口彈牙💓金邊粉偏甜 炒得唔會太油 但係覺得可以炒得再乾身啲😛佢仲配左好多花生碎 蛋碎 青檸同芽菜😋同泰國嘅味道就差少少～覺得可以加少少辣椒粉 會更加惹味🥰-天多尼烤雞·斑蘭青咖喱🐣我唔太食得辣～所以覺得個青咖喱都幾辣🙈不過佢係甜甜地嘅咖喱～食到有椰汁同埋斑蘭嘅香味😚烤雞份量好多！肉質都算嫩滑 唔會好乾身鞋口😋塊皮仲烤到脆卜卜😍雞扒下面仲有好多蔬菜～茄子 翠玉瓜同草菇😎佢地索晒啲青咖喱汁 都幾濃味下🤣-炭燒豬頸肉·椰糖芫茜辣汁🐷呢個好抵食！！有勁多塊豬頸肉🤤仲要切得厚身 大大塊😍肉質唔會太肥太油膩太乾 好爽口😋佢原本已經醃到好入味 帶少少微辣 所以我冇點隔離啲醬都覺得好好食❣️-烤雞/和牛沙嗲串燒·泰式花生醬🐣🐮啲串燒烤得好靚 面頭好脆口 啲肉質好juicy🤤一咬落去口感好正👍🏻每一舊肉都好大粒 都幾大串！抵食🥰佢隔離個沙嗲汁好香 甜甜地辣辣地🤩同啲串燒好夾😍完全將原本串燒個

1️⃣ 木瓜大樹菠蘿海鮮炒飯本身諗住正正常常咁嗌個菠蘿炒飯，但見有配木瓜同大樹菠蘿咁特別所以就試下，食落去雖然好甜，食得出係生果嘅甜味🤤而且有蝦，魷魚同蜆，但就似係就咁整熟左就算，食落去無味😂😂😂 —2️⃣ 軟殻蟹青木瓜沙律沙律份量多，但青木瓜沙律反而無咩青木瓜😂而係平時食西餐嘅沙律菜佔大部分🤷🏻‍♀️🤷🏻‍♀️🤷🏻‍♀️ 3️⃣ 烤雞斑蘭青咖哩+薄餅個青咖喱個人覺得太辣，唔夠椰奶味，雖然個烤雞同個青咖喱味道都唔錯，但最可惜係薄餅要另外嗌，性價比一般 4️⃣ 泰式奶茶奶凍賣相唔錯，食落去都幾濃泰式奶茶味，而且d珍珠都幾煙韌，個奶凍上面係烤過椰子嚟，同個奶凍好夾🤤🤤🤤

旺角波鞋街內開左間特式商場，設計特別，今晚朋友生日揀左這間泰國菜「青花」。地方不細，環境有特式氣氛，但有限時要注意⚠️我們揀了多款美食，部份也相當唔錯金不換卜卜蜆 ＞好有泰國味道馬蘇里拉芝士條，是拉差蛋黃醬 ＞注意：襯熱就要食，如果唔係做唔到拉絲天馬尼烤雞，斑蘭青咖喱 ＞金香辛辣味道，注意：好似我唔食得辣，就頂唔順了冬蔭公炸雞翼 ＞絕對唔野小 辣！炸軟殼蟹青木瓜沙律 ＞一般三色冰奶蓋 ＞ 正！正！正！要講3次大家明啦，的確有特式，面頭有層棉花糖，而且杯內有特別的珍珠，極力推薦

脆皮燒肉老鼠粄原來即係脆皮燒肉配湯銀針粉銀針粉依家好少地方有得食😍脆皮燒肉浸在湯內都依然保持皮脆👍份量唔算多女仔岩岩好男仔就可能會覺得輕量自費配凍熱果茶果香味濃👍環境舒服適合打卡午市套餐大約六十左右 價錢相宜

青花 #旺角 #黃店 💛💛💛呢間專食泰國fusion菜餐廳無論係餐廳嘅裝修，定係食物嘅外貌都好吸引🤩。不過可惜定價都唔平，食物質素一般，性價比較低💸。不過佢哋曾經將收益捐咗比星火，老闆每次都身體力行支持罷工，都值得我地多多支持💛💛💛。香草牛油龍蝦冬陰公芝士耳型粉🍝 $158賣相非常吸引，可惜味道比預期中差。冬陰公酸酸甜甜本身應該好易食得出，但係呢一個意粉居然有啲淡茂茂。好在龍蝦嘅肉質都算彈牙，幾多膏。值得一讚嘅係個耳型粉都幾有咬口。味道: 3.2/5性價比: 3/5惹味拼盤🍗 $92拼盤包括菠蘿雞翼、豬頸肉、青檸雞鎚、炸雞卷、魚餅，每樣兩件，叫做可以每樣試少少，但係味道就冇乜特別，唔係而家打成睇返個Menu都唔知原來當時係食緊菠蘿味嘅雞翼同埋青檸味嘅雞鎚，當時淨係覺得係普普通通嘅一個雞翼雞鎚，同M記嗰啲差唔多。味道: 3/5性價比: 2.9/5鮮熱情果梳打🥤 $36呢杯梳打就唔錯，酸酸甜甜，好清新，最欣賞係佢入面真係有原個熱情果嘅果肉，所以熱情果嘅味道一啲都唔假。味道: 3.5/5性價比: 3/5燒菠蘿蟹肉炒飯🍍 $138個賣相真係要比💯！最欣賞嘅係佢居然有一kai2燒菠蘿，而且炒飯入

係openrice見到環境都幾靚，主打泰式fusion菜又好吸引，而評論又講到好好咁，就book左同d朋友黎試下。炭燒豬頸肉·椰糖芫茜辣辣汁（$118）豬頸肉幾爽口+香口，配埋個辣汁都幾開胃架。炸軟殼蟹青木瓜沙律 （$86）呢個配搭係幾特別既，但係食落吾係話特別match。雖然係炸，但軟殼蟹食落好淋。斑蘭青咖喱烤雞（$108）+油酥手抓薄餅（4片）（$52）對於食吾到好辣既我黎講食落口係覺得幾辣下，但辣得黎幾過癮，咖哩偏甜身，而雞肉都算大份同嫩滑既.... 想食下啲汁既同時，就撕d薄餅黎點下，咁就易ko呢碟菜喇！燒菠蘿蟹肉炒飯 （$138）菠蘿都燒得幾甜，我特別鍾意佢既腰果、肉鬆、提子乾。撈埋蟹肉、炒飯一齊食好特別蝶豆花椰子奶蓋 （$48）買相吾錯，味道清新但偏淡。泰國珍珠奶茶奶蓋 （$48）玫瑰蘋果茶 （$32）

當日仲諗緊食咩之際，女朋友話想試食呢間泰菜，咁當然要去一試啦。當日去到唔洗等位直接入座,咁坐低其實見到一個二人餐其實都唔係好貴，仲幾抵食添，但因為其實我哋都唔係好肚餓所以我哋淨係叫咗一個燒菠蘿蟹肉炒飯，金不換炒卜卜蜆同一杯蝶豆花椰子奶蓋。咁首先上枱既係炒飯，可以見到腰果，肉鬆等等伴碟，咁撈埋佢之後食既感覺都好夾，炒飯裡邊仲有粒菠蘿同提子乾，既有腰果既香脆而又有菠蘿同提子既酸酸甜甜，認真不錯，而佢既燒菠蘿就好有心思咁幫我地切好，用叉輕輕一吉就食到，燒完既菠蘿份外香甜，但最頂燒到硬硬地就有少少怪。炒蜆份量都不少，而且都幾大隻新鮮，但係個醬汁就未係兜得好勻，所以有部分既蜆肉其實沾唔到醬汁，所以我地自行吉蜆肉出黎點汁再食既話味道係幾唔錯既。而杯野飲賣相好靚白色既椰汁襯埋豆碟花獨有既藍藍地色，睇落去好舒服，而飲落去就係個名咁，姐係椰子奶囉，味道就無咩特別啦！總結黎講，價錢上還可以，如果多一個朋友食既話食佢既二人套餐就應該岩岩好啦，如果下次經過諗唔到食咩都係一個好地方呢！完！

適逢伯母生日，男友簡了間”so call”黃店既餐廳一家人4位食飯。本來去到都開心既，因為有個standwithHK既牌。睇左餐牌好快手地就點左個4人餐。等爸媽黎再叫飲品。由坐低嗌食物到開始上菜不超過十分鐘，本來諗住基本上菜由小食串燒湯開始，點知上左串燒同小食拼盤，湯都未到就上埋菠蘿炒飯同黃咖喱仲有蒜蓉包。講緊呢過個過程由入坐15分鐘已經上左咁多食物。佢上埋個湯我就諗住叫停，個女侍應就話去問一問廚房，然後走返埋黎就咁答’已經全部整好晒’。咁我覺得佢完全sense唔到個問題向邊，我就同佢講其實可能要同公司反映一下上菜上得太快。而侍應既回應就係我地無分既(潛台詞:係咁架啦)。我為佢既態度回應而感到好差，我只係想反應作為一個消費客人，咁樣既安排不適當。但我男人向身旁竟然上左身咁不斷講唔好意思，麻煩晒。呢個時候我就火都黎，我又無發脾氣鬧佢，我只係叫佢反映一下，再者個侍應都無同我地講任何致歉既說話，態度亦非常麻麻，點解會好似我做錯而佢去道歉呢。為此同佢嘈左幾句，而伯母開聲幫口仲俾佢小多錢重。之後佢就成餐發左脾氣。為伯母帶黎一個不太愉快既生日飯。我都係抱住同一個諗法:❶張枱無咁大，4個人，4套餐具

泰國菜- 從來都比人好刻板印象，要去九龍城食，好有大排檔fu，夠哂鑗鑊氣又惹味~今天，係時候改一改下呢個sterotype. 一去到見到裝潢，我係以為自己去左cafe，好小青新文青風，未食已經開心左一半。等左大概一小時，終於安排入坐，鋪內位置稍迫，座位間好近，係會聽到隔離枱對話內容，傾心事就難D。至於食物方面，係有D 心思, 唔係平時日常食開咁簡單個D menu 。我地叫左個沙律，串燒同埋枱枱都叫既蟹肉炒飯。沙律係旺沙律，最特別係有椰糖同棕櫚心，可借唔岩個人口味，太甜同埋棕櫚心味道古怪，略扣分。串燒 - 其實燒得好出色，唔會太乾太硬，個沙嗲又夠香，仲有粒粒花生，好可惜係漏左單，我地催左兩次，仲要食哂所有野先泥到。燒菠蘿蟹肉炒飯- 好出色，有一梳梳既蟹肉，飯就乾身，唔會油膩。碟邊有好多香脆腰果同埋好甜既燒菠蘿。所有野完美配合，諗起又想食多次。