霸嗎拉麵 (金巴利道)

營業中

休息中

你到尖沙咀返工嗌個外賣做午餐見到呢個霸拉麵都幾多人排隊就嗌個外賣試下 嗌咗一嚇日本黑豚肉拉麵 加多一隻溫泉蛋 再嚟多一嚇唐揚雞最後呢返罐coke.zero你一下日本黑豚肉拉麵日本黑豚肉厚切 燒到焦焦香咬落好好咬咁 因為 夠厚切 肉質豐富 配上小小肥肉 美的和諧 口感一流嚟多客唐揚炸雞 唐揚炸雞少少油 雞肉嫩滑 肉質味美配上少少沙律醬非常美味食落開胃醒神 絕對係一個豐富的午餐之後 飲返一啖coke.zero涼透心嘅感覺 將頭先焦香的黑豚肉 味道運行和諧

拉麵麵質非常之好， 煙煙靭靭 ，唔會煮到好淋， 湯底非常非常非常之濃郁 ，係濃郁嘅豬骨湯 湯底係食得出非常有心機去製作 餃子又係一個唔錯嘅選擇外脆內軟非常好味 一定會再encore

我地叫左兩個下午茶餐 一開始送既汽水完全唔凍 拉麵一黎到 首先個湯底都ok濃 幾好飲 但啲麵好韌 又硬 好似煮唔熟咁 套餐配既炸雞又唔脆 但都幾好食既 間餐廳環境又好似無開冷氣 好鬼熱 我地兩個都食到周身汗 埋單$161 總之overall我覺得唔值呢個價 唔會再有下次

Tea time想食少少嘢，但又係眼闊肚窄既關係，少又覺得太少，算，今日唔食拉麵太大碗份量太多，所以叫咗一個tea set, 羽根餃子3隻脆卜卜相連，唔好以為會好dry, 反轉一夾將逐隻分開時，好明顯唔會乾硬，皮依然juicy, 咬開肉汁即流出嚟，但要小心熱會燙咀，醬炆雞叉燒味玉丼，同平時食拉麵隻蛋唔同，感覺好新鮮，飯唔會太多醬油，木耳絲蔥搞勻先食好正，雞叉燒好重醬油香味，有少少雞皮roll埋一齊，有少少焦香

愛日本既我好更喜愛食拉麵🍜難得收早去尖沙咀食嘢，第一時間諗起霸嗎拉麵，下午茶去唔算好多人，唔洗排隊.❥ ❥ ❥濃厚豬骨豚肉玉子拉麵 $88豚肉脂肪分布一半，油膩特別肥美，經過炙燒層比較香味濃郁，裏面肉質腍身，湯底加咗豬骨鮮味濃郁不經意飲咗半碗湯，個人加咗少許辣椒粉更加惹味，唯一感覺到碗湯唔夠熱，我個人就比較鍾意特別熱嘅湯底去配拉麵.❥ ❥ ❥照燒餃子🥟 $38我呢度嘅餃子係用咗傳統嘅日式煎餃子🥟，煎過嘅餃子外面不算太脆口，加照燒汁蓋過咗唔需要加日式醋都好夠味，裏面豚肉加咗蔬菜餡料都好Juicy，如果餃子皮煎得再脆口啲咁就Perfect

同個女仔frd行完街，朋友提議去霸嗎拉麵試下，成日行街都見到好多人排隊，因為去嘅時候係晚飯時間，所以都要排一陣。排咗10分鐘都冇就入得，我哋兩人叫咗兩碗拉麵同一份煎餃子🥟。等左一陣，好快就有得食了，嚟到當然係飲啖湯底先啦，湯底味道都算係好濃嘅～相比好多其他鋪頭都算唔錯。拉麵就要咗硬身少少嘅，怕太腍唔好食。d面口感都算彈牙，叉燒雖然唔係好厚，但都煮得好入味，最中意食佢d筍，想無限加！😆😆一邊食面一邊飲湯，好快就見底了，可能因為行完一日街好肚餓....餃子不過不失啦，個人認為有少少乾，唔夠juicy，自己買翻黎嘅餃子煎完好似好過佢。😅😅冇甘乾身，咬落腍d。地段算係好方便，喺The one正對面，如果人唔多係可以黎試試嘅～

拉麵湯有D淡，唔夠濃不過以呢個價錢黎講算係咁份量都多，食得好飽整體不過不失。冷氣唔夠，宜家大氣天時食到好熱，如果個冷氣涼D就好。如果普普通通食個午餐或者下午茶，都係一個不錯既選擇

成日見人排隊，今日就去試下係咪真係好食唔知係咪算早，好好彩唔洗排點左辛辣灸燒豚肉味玉拉麵、雞叉燒雞白湯拉麵、羽根燒餃子 (做會員+$15)面質剔左普通，但都幾硬身剔左少辣，但係都好辣我明明呢個面質剔硬，但好似上面辛辣果碗比較硬韭菜餃子，還好總結黎講，碗面食食下已唔想再食落去另外見有隻昆蟲在枱爬行個人認為呢間排隊係比較耐人尋味

霸嗎拉麵，平時經過每次都係排晒長龍等入座，可能今日落雨關係，去到即刻有位。今次點咗黑松露雞义燒白湯拉麵，第一啖已經食到好重嘅黑松露味道，湯味濃郁麵爽口。燒汁唐揚炸雞，熱辣辣上枱，燒汁配炸雞味道好夾，甘香鬆脆。羽根燒餃子，脆底皮薄餡靚，香脆香口。即時掃QR  code成為會員，加$15有一碟羽根燒餃子，亦可儲積分，換取小食或飲品。

識我嘅都知道我好鍾意食拉麵，今日同朋友係尖沙咀，搞到好晏先食飯，行嚟行去都揀到啱心水嘅餐廳，就決定去食一間好耐冇食過嘅拉麵，亦即係霸媽拉麵，對上一次食已經係兩年前喺銅鑼灣總店，尖沙咀嗰間開業至今都未食過，唔知佢想點樣呢。可能夜得滯嘅關係，店員話俾我聽淨係得返豬骨湯底嘅拉麵，雞湯之類嘅期間限定就買晒啦，咁我就叫番佢最出名嘅辣味增叉燒拉麵。個面好快就黎到，個樣同我喺銅鑼灣食嘅差唔多，但係一飲落去個湯就知道出咗事，成個免得辣味，完全冇豬骨嘅香濃味，同以前喺銅鑼灣食嘅感覺完全唔同，面嘅質地還好OK嘅，而慢煮叉燒嘅口感同埋味道都不錯，但係拉麵最緊要亦都即係個靈魂就係個湯底個湯底做得唔出色嘅話其他嘢做得幾好都冇用，都幾失望，應該冇下次。

間唔中周圍去唔同拉麵店食下。平時行過呢間都會見到門口大排長龍，今日經過難得唔洗排隊，即刻入去試下先！叫左個招牌的豬骨湯底拉麵，湯底都幾濃郁，豬骨味重。比較驚艷嘅係塊豚肉叉燒，第一下望落去好似好多肥肉好油膩，食落先知肥瘦肉分佈非常均勻，肥肉嘅部份個底係瘦肉，入口即溶，但又有瘦肉的口感，唔會好似食咗一大舊脂肪咁。朋友叫左辛辣湯底，對於平時食開譚仔中辣的本人都覺得有啲辣，真係食得辣嘅先好嗌。比起辛辣湯底我覺得原味更加好食，個湯底有少少辣過頭，掩蓋咗佢本身香濃嘅豬骨味。但總括嚟講我覺得都唔錯，尤其是佢個豚肉叉燒，暫時來講未喺第二間拉麵店食過呢個口感。

果日睇完台灣大胃王食拉麵既片，就好想食拉麵！點知原來佢食果間香港都有，於是就試下啦！因為我地四點幾黎食，都唔算多人，唔使等位！可惜下午茶係星期一至五先有！🥺附上英文菜單，in case有外國朋友想試下！仲有期間限定～我地一共嗌左四樣野～1️⃣ 辛辣炙燒豚肉味玉拉麵 ($93；中辣、硬身）只有一塊叉燒，有點失望！但湯底濃，亦都好欣賞個麵真係煮到我理想既硬度！中辣唔算好辣，如果嗜辣者可以再試大辣。最最欣賞係個流心蛋，真係煮得岩岩好！🤤🤤🤤2️⃣特盛炙燒豚肉拉麵 ($118; 麵正常）原來特盛有四塊叉燒！ 😨 仲要塊塊都好厚身，唔算得上半肥瘦，反而似1/4肥；3/4瘦，睇你中意食肥定瘦多啲！肉味濃，再加上呢個號稱最強湯底，雖然湯濃到飲唔哂，但絕對會食得哂啲麵！我地仲額外加左$10要多粒流心蛋🥰3️⃣小食 (唐揚炸雞) ($35)炸雞咬開都熱，同平時出面食開差唔多，可嗌可不嗌，睇你果日想唔想食炸雞。4️⃣小食 (羽根燒餃子 $35–> $15!!!!)講下點解$15先！只要scan枱上既QR code download 個app，登記做會員就會送返張$15既餃子兌換券！嗌完野食先發現都唔緊要，職員會幫

你哋有冇睇錯，我係食日本拉麵，亦都係蔥油撈麵，平時呢樣嘢應該係雲吞面鋪先至食得到，但係今次見到咁特別一於要試吓，其實當初吸引我係因為居然有tea set, 開咗咁多年都係第一次見到，仲要俾我見到咁特別既fusion combination, 唔試對唔住自己，tea set包括豚角蔥油撈麵，入面有溫泉蛋，青瓜，好似五花腩嘅豚角，紫菜，蔥花同韭黃，撈勻之後唔會好似平時拉麵咁咸，醬汁比較杰，食落好香，套餐仲有唐揚炸雞，咬落去爆汁，堅好食

整體上而言是一碗合格的拉麵聽講這是一個網紅店，平時見到很多遊客都在排隊等食但是有沒有想像中那麼吸引及特別我叫的這碗是雞白湯雞叉燒雞白湯很油膩，但又不是完全是”白湯”，雞湯味不是想像中那麼濃郁雞叉燒是挻特別的糖心蛋是我認為做得最出色麵條選用幼面，不過與湯底沒有融為一體的感覺

霸嗎拉麵📍.以前經過尖沙咀成日見到呢間黎自日本廣島既連鎖拉麵店排滿人👥好難得早幾日經過見到人龍唔多所以就決定試下佢地既拉麵😋.🍜辛辣炙燒豚肉拉麵（$88）豚肉大大塊厚切入味🐷自家製麵條幾滑身掛湯能力唔錯 幾有口感麻油味幾濃 中辣都辣得幾過癮🔥.🐽炙燒豚肉味玉拉麵 （$88）豚骨湯底夠濃 有豬骨味 入口都唔會太油 表現都唔錯👌🏻.整體黎講 對比起出面既拉麵店呢間拉麵味濃而且不膩不鹹🙆🏻‍♀️表現都幾好 可以一試.人均消費：$88美味指數：😋😋😋😋😋😋😋（7.5/10）抵食指數：💰💰💰💰💰💰💰 （7/10）打卡指數：📷📷📷📷📷📷📷（7/10）.店名：霸嗎拉麵 (尖沙咀)尖沙咀金巴利道26號地舖