霸嗎拉麵 (德己立街)

營業中

休息中

在中環既晚飯時段加上落雨天，唔洗排隊就入到依間過江龍拉麵店，餐廳門面配合街道外觀似足日本拉麵店。除左最自豪既豬骨湯底外，佢地定期會推出限定款式，今次期間限定係牡蠣拉麵，睇見餐牌就諗起生蠔既味道，特別適合男士補身 🤣 佢地以霸嗎招牌豚骨湯底為基調，加入大量牡蠣熬煮，清香不膩，充滿著蠔的鮮味。每碗拉麵都有4隻大大隻醬油漬牡蠣 🦪，背面有少少燒焦嘅顏色，應該係經過鐵板燒過，入口啖啖都係牡蠣既甘甜旨味，膏多肉厚，配上京蔥同野菜，一啲都唔肥膩。 另外亦點咗佢哋雞叉燒味玉雞白湯拉麵，對比之下，雞白湯湯底係另類鮮味 ，而且比較突出嘅係蒜香，大大塊嫩滑雞肉亦都非常惹味，佢地既拉麵較為幼身，爽口又掛汁，係我最鍾意個隻麵身。霸嗎拉麵

6月23日晚我約咗朋友去中環蘭桂芳飲野，朋友未到就自己去食啲野先，經過見到霸嗎拉麵咁有日本既氣氛我就選擇咗食拉麵，我去到都大約8點半左右，都喺門口等咗陣位，等差唔多10分鐘左右，見到入面有枱，但係話要喺門口等，成個場只見得1個男仔，感覺人手嚴重不足，等位期間見到有職員喺廚房位置只係顧住講電話...有咁多客人又等位都可以喺度講咁耐電話，真係無語…最後食完見朋友差唔多到就埋單走人，入番正題先~拉麵都算好食湯底夠濃厚，唔會太咸，肉咬落好香口，食完都唔覺太口渴，應該都未必會再嚟，真係有待改善

經過蘭桂坊又未食嘢，周圍睇又唔知食咩好，見到間拉麵鋪好似係尖沙咀TheOne對面食過，最後左諗右諗都決定食碗拉麵就算啦，最緊要價錢望落都正常，仲要無加一服務費，而且個後生仔幾好服務由頭帶到尾，又幾有禮貌。 碗豚肉拉麵食落唔錯，個湯又真係幾濃，好彩自己都接受到咁濃厚嘅豚骨湯底，塊叉燒望落去幾靚仔，唔係太肥又唔會太瘦，食落覺得都唔錯。 餐廳都幾乾淨，不過間餐廳d冷氣好似唔多夠，坐低無耐已經覺得有D熱，好彩佢地有提供冰水

酒吧街等咗咁耐終於重開，當然要約埋同事放工去HAPPY HOUR啦順便喺附近醫下肚。近期做緊廣島牡蠣期間限定，就同同事各點咗一份SHARE。廣島牡蠣漬醬油拉麵。拉麵配料有4大隻輕輕炙燒又飽滿嘅廣島蠔，仲有菠菜同蔥白。湯底偏淡口更突出廣島蠔嘅鮮味。而幼麵ORDER咗硬身麵都煮到剛好，浸耐咗湯都唔會易發脹。整體味道清爽，食完都唔覺油膩。廣島牡蠣漬薑汁石鍋釜飯。釜飯上枱時滋滋作響，就知鑊氣十足。同樣有4隻飽滿嘅廣島蠔，而且有大量蔥花同生蛋黃配搭，飯入面仲有啲香菇碎所以個飯味道同香氣都好豐富。食時將生蛋黃撈均除咗增加濕潤度之餘，亦令味道更加提升。廣島蠔熟到啱啱好，配飯一流。照燒餃子水準都唔錯，唔會太乾，餃子皮嘅邊角位都煎得香口，配上咸酸餃子汁零舍開胃。沙律唐揚炸雞。大大粒而又炸得外脆內嫩唔油膩。酸甜沙律醬令炸雞大大減低咗炸雞嘅罪惡感。飽餐一頓之後就正式開始HAPPY HOUR之旅。

午餐時間好多人，因為店內唔算好多位，等左大約20分鐘先入得，不過入到去order完好快就有得食，所以都食得切。雞叉燒雞白湯拉麵-$85(4/5) 湯應濃厚得黎唔會好咸，重蒜香。雞肉有兩大舊，都夠滑。雖然湯面好多油，但食落又唔覺得肥膩，仲好香。😋😋😋辛辣炙燒豚肉拉麵-$93（3.5/5)小辣唔算辣，易入口。又係濃厚湯底，麵既份量剛剛好，塊豚肉偏肥肥，但好正，有炙燒個個面，好香口。追加羽根燒餃子(5件）-$35(4/5) 重韮菜，皮薄，又煎到表皮勁脆。總結: so far食完過左幾個鐘都無乜口渴感，佢仲要個湯底咁濃厚但味精唔多，好欣賞。所以都明點解咁多人排隊都要食。下次會再黎。

這家店第一次見到是在尖沙咀，當時經過尖沙咀店見過大排長龍，今日終於有機會來中環店試一試。店面不大不小，椅子下方有位置放隨身物品，側邊亦有掛鉤，非常貼心。本來想吃辣味的拉麵，但是最近腸胃不太舒服，又見到期間限定的廣島牡蠣漬醬油拉麵，只推出一段時間，喜愛吃蠔的我絕不要錯過。一端上來的那刻已聞到濃濃的蠔香，每隻蠔也大大隻脹卜卜，一口咬下爆汁，ｊｕｉｃｙ得很，是新鮮的蠔香。據說湯底也是用廣島蠔熬製而成，拉麵常吃豬骨湯，吃得多也膩，這個湯頭清清甜甜，也是不錯的選擇。另加了紫菜和竹荀，但想不到份量這樣多，紫菜很香很乾身，而且一碟另上，避免浸淋

中環返工聽同事講有一間拉麵店有/期間限定/廣島蠔拉麵食😍 平時多數都係點叉燒或豚肉拉麵，廣島蠔拉麵都係第一次食⭐️ 即刻放工約埋同事嚟到呢間Bari-uma Japan Ramen Restaurant 試一試。我地兩位點咗兩款口味嘅拉麵🙆🏻‍♀️🙆🏻‍♀️ 麵的軟硬度可以自選喔～🦪廣島牡蠣漬醬油拉麵 $128🐷辛辣炙燒豚肉味拉麵 $98🥟羽根燒餃子（5件）$35餐廳裝修好有日本風格～好似置身日本當中🇯🇵每個用餐區塊前方都會擺放調味品、餐具。♥️廣島牡蠣漬醬油拉麵嘅配置非常豪華，有成5粒超飽滿嘅牡蠣～日本牡蠣經過油漬，去除咗腥味，但仍然保留當中嘅甘甜！而湯頭味道亦非常鮮甜，唔會太咸，我都忍唔住飲晒～整體絕對係視覺同味覺嘅享受！♥️除了廣島牡犡外，燒豚肉拉麵都令我地非常驚豔。配料好多，紅色湯底味道濃郁～見到已經食欲大增♥️豚肉肉質相當厚，肥瘦適中相當嫩口，份量十足～辣辣哋非常野味開胃！鐘意食肉嘅朋友一定會愛上！餃子煎得好香口，味道都正常～👍🏻整體覺得拉麵有特色、水準高、誠意十足～好味道！服務態度非常好，出餐安排坐位都夠快夠醒目，欣賞👍🏻⭐️

見到有下午茶餐幾抵食入黎試吓～餐廳環境充滿日本風情～下午茶A餐 - 灸燒豚角醬油拉麵配三隻羽根餃子 汽水 $83下午茶2:30後就有供應～ 都好抵食醬油拉麵味道濃郁但唔會太鹹 拉麵掛哂湯😻同厚切豚肉粒都好夾 爽口肉香 羽根餃子皮薄煙靭 最鍾意底嘅一層脆皮～ 香脆誘人明太子豚角特濃牛乳味增拉麵 $108呢個雖然冇得跟下午茶但都吸引咗我嗌😛牛乳湯以北海道特濃牛乳4.3製作又Creamy又香滑 充滿奶香攪勻後明太子平均掛喺麵條上 增加口感層次感面頭仲有炸蓮藕片 粟米 溏心蛋 菇～ 溏心蛋色澤靚 醬汁入味 咬開就係半熟流心蛋黃

呢間嚟自日本廣島嘅拉麵店，最近推出咗 期間限定 明太子饗宴🥰， 有拉麵、拌飯及小食，我當然要試哂啦😋明太子豚角特濃牛乳味噌拉麵 $108成碗材料滿滿好豐富，除咗明太子之外，仲有好多粟米粒、香菇及豚肉，豚肉煮得好軟腍，肉味香濃。 牛乳味噌湯底，混上明太子，濃郁奶香又微辣惹味月見明太子香鬆拌飯 $38拌飯又真係幾抵食，份量唔少嘅明太子，香鬆，仲有滑到爆嘅蛋黃，拌飯一齊食，十分滋味手羽餃子釀明太子 $45雞翼去骨釀滿明太子，雞肉入口嫩滑，明太子味濃，鹹香突出

和男朋友在中環做完弱智強制檢測，天氣又凍排了三個鐘頭，想吃碗暖笠笠拉麵，就來到這裏，以前在銅鑼灣亦經常吃霸嗎拉麵。超喜歡他店舖的裝修，很有玩味，木製枱上面油了一層光零零的油漆，感覺更似回到日本。【明太子豚角特濃牛乳味噌拉麵】牛奶的味道幾濃郁，明太子份量亦不少，配上大量的粟米粒，減輕明太子的鹹味。豚角有些太腍，缺少了口感。【辛辣灸燒豚肉拉麵】灸燒豚肉仍然是入口即溶，令人懷念的焦香味道，湯底辣味是足夠的，但有點像出前一丁麻油麵的湯底味，原味好吃一些。【羽根燒餃子】菜的味道幾重，不過有點像先淥好餃子才加下面粉漿下穫煎。【唐揚炸雞】新鮮炸出熱辣辣。

𝙖𝙡𝙧𝙚𝙖𝙙𝙮 𝙘𝙧𝙖𝙫𝙞𝙣𝙜 𝙩𝙝𝙞𝙨 𝙥𝙤𝙡𝙡𝙤𝙘𝙠 𝙧𝙤𝙚 𝙧𝙞𝙘𝙚 𝙗𝙤𝙬𝙡😋 𝙘𝙝𝙚𝙘𝙠 𝙤𝙪𝙩 𝙩𝙝𝙚𝙞𝙧 𝙥𝙤𝙡𝙡𝙤𝙘𝙠 𝙧𝙤𝙚 𝙢𝙚𝙣𝙪 𝙞𝙛 𝙮𝙤𝙪'𝙧𝙚 𝙖 𝙗𝙞𝙜 𝙛𝙖𝙣 𝙤𝙛 𝙞𝙩!.明太子迷千祈唔好錯過霸嗎拉麵期間限定嘅明太子menu！一定要叫拌飯，大大pat明太子醬加上撈咗木魚飯素嘅飯，加埋蛋黃食好濕潤，每一啖都食到明太子醬，仲可以包紫菜食添，三十八蚊碗抵到爛🤩 另外牛乳味噌拉麵湯底香濃鮮甜，食落有啲似粟米湯，加埋明太子鹹香十足，最鐘意隻溏心蛋夠哂入味！小食方面叫咗勁多嘢，好推个沙拉唐揚炸雞，大大舊熱辣辣好多肉汁，淋上沙律醬食落好清新，仲有啲蔥花增添香氣，明太子雞翼香辣惹味，燒餃子都唔錯！

今日早放又冇晚巿，去左中環食拉麵，見到menu 有姐至愛的明太子，仲要期間限定，即叫！明太子豚角特濃牛乳味噌拉麵-明太子+特濃牛乳+味噌，牛乳中和左味噌的鹹味，但明太子獨特的鹹味又提昇返個湯底的鮮味，唔會似傳統湯底咁油膩。-明太子好多，拌住食哂成個麵都好足夠-成個麵份量好大份，tea time 食完晚餐都可skip 明太子雞翼-通常都係雞翼入面塞滿明太子，今次係連外面都塗上一層明太子，好滿足！炙燒豚肉拉麵-豚肉非常厚切，炙燒後好香豬味，豬油味好濃郁

霸嗎拉麵推出期間限定 {饗宴の明太子}💜 精選日本福岡明太子!! 鍾意明太子嘅朋友唔好錯過🙏🏼😆.🍜明太子豚角特濃牛乳味噌拉麵 $108: 明太子配牛乳好match❤️ 原來選用北海道特濃牛乳4.3🥛 拉麵索曬牛乳同明太子嘅味道👍🏼 豚角啖啖肉 肥瘦均勻，好肥美😍.⭐️手羽餃子釀明太子 $45: 雞翼餃子金黃色好靚😚 入面釀咗明太子好香濃😉 一咬開爆肉汁 好juicy🙈.🍚月見明太子香鬆拌飯 $38: 生蛋黃拌勻明太子香鬆好濕潤😇 多重口感! 可以配紫菜食添😚.🐷濃厚豬骨豚肉玉子拉麵 $93: 最經典口味，豬骨味湯底好香濃，灸燒豚肉夠焦香👍🏼

一進店舖，店員服務態度差，叫人來落order，好耐先來到，覆單又覆錯，仲要講幾次先聽到，剩係掛住玩手機，客人叫她都留意唔到，仲大大聲講嘢，態度非常之差勁！好啦之後碗主角拉麵來到，炙燒豚肉味玉拉麵，第一啖，一飲啲湯，啲湯底超鹹，麵質又一般，啲豚肉太多肥膏，吃完個口超肥，唯一可以讚係玉子出奇啲好味，不過不失，之後成碗拉麵吃曬，吃完碗拉麵要不停飲水，鹹到pk！賣單$93，呢個價錢同呢碗拉麵真係不成正比，沒下次！

一進店舖，店員服務態度差，叫人來落order，好耐先來到，覆單又覆錯，仲要講幾次先聽到，剩係掛住玩手機，客人叫她都留意唔到，仲大大聲講嘢，態度非常之差勁！好啦之後碗主角拉麵來到，炙燒豚肉味玉拉麵，第一啖，一飲啲湯，啲湯底超鹹，麵質又一般，啲豚肉太多肥膏，吃完個口超肥，唯一可以讚係玉子出奇啲好味，不過不失，之後成碗拉麵吃曬，吃完碗拉麵要不停飲水，鹹到pk！賣單$93，呢個價錢同呢碗拉麵真係不成正比，沒下次！