霸嗎拉麵 (德己立街)

營業中

休息中

位於中環區，好食個幾間餐廳一定大排長龍，呢一間都不例外。係夏天，仲要係條街等位，就係挑戰人體極限😂，店家都細心，佢係門口位放左茶水，比等緊食客飲用。依間食拉麵好出名，港九新界都有分店，鋪頭唔算大，不過坐落都好 乾淨舒服，冷氣都夠涼。落左單大概7分鐘左右就已經可以上拉麵。速度都算快。我叫左佢主打🍜濃厚豚骨湯其實佢嘅拉麵可以自由選擇麵軟硬度、走油或者走蔥都得，因為我本身係鍾意食硬身麵，我就揀咗我嘅喜好。豬骨湯底的而且確係非常之濃厚嘅，但係我個人就比較鍾意清淡啲，所以對於我來講就有啲偏油啦。塊豚肉係好香而且充滿香烤味，質感好軟，不過就有啲偏肥。

Bari Uma has long been known for its quality ramen and this branch in Central is no difference from the others: convenient location, efficient service and quality food.I had the TORI AJIMATA (ramen with chicken chashu and egg). It was really nice and I really liked the tender chicken and and egg, with its liquidity For the ramen itself, you can choose from soft, normal and hard. I had the normal and it was just perfect.Apart from the ramen GYOZA, the Japanese dumplings. They were also very nice.

個湯 D 味精多到呢～ 食完口喝得好誇張！宜家好難搵到良心餐廳，完全唔顧及食物品質同安全！真心好希望餐廳可以用真正食材去煮湯底！如果點都要用味精，都要寫明話俾食客知～

今日的行程可謂相當緊密，午餐適宜吃得簡便一點，在食肆林立的蘭桂坊，我們選了這家號稱擁有最強濃厚豚骨湯底的霸嗎拉麵。其實小妹早已注意到這間店子，想不到它擴展神速，短短時間分店已遍佈港、九、新界，看來定必有相當的吸引力。午飯黃金時段在中環區搵食，排隊可說是必然的事，店家十分細心，於門口位置預備了茶水，好讓輪候人士在大熱天時也能解渴。今日算是好彩，只需等兩張枱便能入座。我們也趁著空檔看看餐牌，研究一下有甚麼美食。走進店內，發現舖頭面積細細，裝修簡約，最突出就是幾幅卡通和字畫牆壁了。由於地方不多，店方的木櫈設計成可擺放私人物品，進食時比較方便。正如一般拉麵店，這裏同樣採用開放式廚房，食客大可欣賞店員炮製食物的過程。翻開餐牌，食物大致分為拉麵、飯類、小食、甜品和飲品，而主打的拉麵以兩類湯底作劃分：濃厚豚骨湯和雞白湯，選擇貴精不貴多。客人可直接在點餐紙上落柯打，並能自訂拉麵的軟硬度、油份和配料的多寡。既然是第一次光顧，當然要試店家自詡最強的濃厚豚骨湯底，觀乎有幾把炮。由於今朝早餐已吃過雙蛋，因此不敢再叫味玉，簡單地點了炙燒豚肉拉麵($83)，並選取硬麵及少油。成品熱辣辣送到，碗中浮著一片炙燒豚肉，

With all the different branches of Bariuma, this joint hits the spot because it is located at LKF which serves as a quick ramen before drinks are a filling ramen if you are still hungry after a late night.I am always in Central so went to this branch to see if the quality is just as good.The noodles and broth was really good because the broth was strong and thick.It is actually thicker than the other branches I have tried.The dumplings have a strong chive taste because they are loaded with chive

今日中午放工之後有同事話呢間拉麵店好好食，之後就同佢去呢間試下，睇下有幾把炮。我叫左一碗炙燒豚肉味玉拉麵，仲有得揀少油同少蔥。碗野一黎到，已經聞到過種香味，而且真係冇乜油，唔洗驚食左會變肥。先試下舊豚肉，脂肪好少，大部分都係成得嘅肥肉，又大舊，夠肥美，煮熟嘅程度亦啱啱好，表面望落去完全有灸燒嘅味道，同拉麵一齊食簡直係絕配。另外，有隻原隻嘅溏心蛋，一咬落去，半熟嘅蛋黃流出，蛋黃呈膏狀，非常美味我，完全perfect!拉麵我揀左適中，我認為質感比較彈牙，分量都ok,最後我連湯都飲埋。我同事叫左一碗灸燒豚肉拉麵，只係少兩隻蛋，但依然係咁好食。之後我叫左個抺茶紅豆雪糕，抺綠味比較香濃，雪糕唔會好冰，放左一陣都唔易融,max埋紅豆真係perfect.價格亦都合理，唔算話好貴或好平，兩人食左$199.

睇完早場，突然好想食拉面，所以決定試下過江龍霸嗎拉麵 ～作為拉麵控，真心非常滿意呀！嗜辣的我叫了「辛辣炙燒豚肉味玉拉麵」（$93），拉麵第一樣當然要睇麵底，難得麵質彈牙，軟硬適中，而且肉是炙燒的，因此表皮有點酥脆，但內部肉質卻是鮮嫰的，感覺幾特別！重要的是，個人非常欣賞拉麵中的蛋！有別於一般流心蛋，筷子一夾已經知道不同凡響！因為這個蛋，竟然連蛋白也呈現流心狀～讓人食指大動，十分驚喜呢！朋友叫了「炙燒豚肉海苔味玉拉麵」（$98），湯底豚味濃郁，而且有三大塊紫菜，比起一般拉麵的份量，真心是有多無少，好味又抵食呀！整體而言，店員非常主動友善，店鋪入的環境舒適，而且還有檸檬水提供，感覺好加分！下次有機會經過，一定會再支持的！

<霸嗎bari拉麵中環分店 啱香港人口味既拉麵 😉>喺尖沙咀大排長龍既霸嗎拉麵 😋💪🏻喺中環開左分店 嗰時喺tst食覺得味道唔錯 今日經過中環再試下佢分店 😉食店裝修同一般拉麵店差唔多 對牆既座位多 即席望到師傅預備食物 😃用拉麵紙點拉麵🍜 一如往常 點完可選拉麵既硬度等等 😉🍴炙燒豚肉海苔味玉拉麵🐷🍜 98 蚊用三塊大紫菜 加上 筍 葱花等 🌿同咪香濃既湯底 溏心蛋 🥚原個上十分軟滑 豚肉肥膏偏多 咬落啖啖油花😋 麵身幾爽口 整體唔錯 ,.若湯底濃肉味d 同豚肉冇甘肥多d 肉既煙靭口感會更佳💪🏻 🐽🍴辛辣炙燒豚肉味玉拉麵🍜🌶🐷93 蚊湯底基本上都係豬骨湯 🐷口感比較香濃 但若更多豬骨肉香會更佳😌 材料有肥美既有豚肉 軟滑溏心蛋 筍 等等 湯底加左辣椒 帶有少少辣香🌶😉 都唔錯 同爽口既拉麵幾夾其實整體都唔錯 合格😋 不過湯底味道比較港式 能夠滿足大部分鍾意過下口癮食拉麵既香港人心態 🤓 個人覺得如果湯底可整得更日本風 (點為之日本風 自行理解😂) 會更好🤓Score 平均分 <6.7/10>Taste 味道：👍🏻👍🏻👍🏻Present 外觀：👍🏻👍

行到中環街頭，經過呢間拉麵店，位置方便門口幾吸引，就入去試下餐廳佈置好日本風，有自助檸檬水任飲夏天飲幾爽黎到就嗌左個熱門的。灸燒豚肉味玉拉麵，少油，走筍 $88麵底選適中拉麵湯底濃而且唔會好咸唔會過份油豚肉厚燒，有炭燒味之餘唔會好乾，肉汁保持得好好加上半肥瘦，食落好滑流水蛋原隻上，流心做得幾好蛋煮得剛剛好，好滑拉麵果然係主打，適中口感份量唔少追加左個炒野菜 $20主要係芽菜，非常爽口食落好清新，仲有少少蒜容乾，口感幾好枝豆 $20份量都幾多，有少少黑椒味，唔錯蜜瓜梳打 $28飲品好特別，蜜瓜味好重令人一試難忘餐廳個廚房都好日本風可以望住師傅煮值得讚係師傅好勤力，煮得快又有水準最後，見到門口有個茶壺相信係俾排隊的客人飲好貼心的餐廳

我以後都唔會再黎呢間野食 係中環返工本來想lunch好好地食下野 但係啲侍應漏單都算 個類似manager既四眼呀叔既態度真係好惡劣 仲要人身攻擊 大佬 你鬧你啲手下都算啦 你地自己做錯野仲要鬧埋佢客 講真 呢間野啲態度同澳牛差唔多 如果你返工have a rough day 千祈唔好黎呢道受氣 呢個四眼呀叔真係好唔適合做服務性行業 再講野食 同其他食評一樣都係又油 啲肉又硬 其實呢個價係中環可以食到好啲既拉麵 呢間野真係無原因令到我會再返去！

蘭桂坊附近新開左呢間拉麵，今日同同事放工去try一try佢。去到大概8點左右，都幾多人，不過好彩有位坐！店內位置唔算寬敞，但裝修都唔錯，有幅日文字牆幾靚好想影但好多人T^T仲可以見到師傅煮麵既過程，佢地動作好快！炙燒豚肉似乎係佢地主打，當然要試下！喜歡呢種落單方式，可以揀最岩自己口味既口感味道。 我同fd都揀左辛辣炙燒豚肉味玉拉麵，不過麵軟硬之類既選擇唔同。我個碗就揀左小辣，軟硬適中，少油少蔥（押韻哈哈）。先試試個湯頭，超濃味，但唔會太鹹，麵條吸左飽滿既湯汁。流心蛋係我係日本食個隻味啊～～～！重點係塊炙燒豚肉，一擺入口，好大陣碳烤既香味湧出黎。肥瘦配搭適中，唔會太油膩。再另外點左一個羽根燒餃子。端上黎就見到，好大一塊脆皮啊，超鍾意呢d薄脆既口感。咬一口餃子，就有好多肉汁爆出黎，正！當然要叫一樽正宗日本汽水飲下！波子汽水係回憶啊！不過其實我覺得蘋果蘇打好飲d，因為比較多氣，哈哈哈。順帶一提，呢度既侍應服務態度超級好，咩都笑笑口咁，就算我係咁問問題都冇唔耐煩，抵讚！

一個人食飯總想簡簡單單快捷食完就早點回崗位繼續完成手上既工作，希望能早點下班。因為開會關係今日晚了午飯，其實也不錯，完全避開了繁忙時間等位的情況，走在街上就給霸嗎拉麵的裝潢吸引過去已經很多次在尖沙咀想試這店的拉麵，但每次排隊的人龍，總令我卻步，或許我並沒有一般香港人有的特性，那就是耐性。那這次就是好機會來品嚐一下要排上一小時的拉麵是如何好吃炙燒豚肉海苔味玉拉麵麵點了硬度，這合我心意，湯底十分濃郁，而燒豚肉十分香口，入口鬆軟同有入口即溶的感覺。而蛋是原隻流心蛋一顆，十分好食而流心也做得很不錯燒汁唐揚炸雞炸得十分脆口而肉也很嫩滑，而且是即叫即做就再加分

在香港, 拉麵是其中一款受歡迎的食物, 相信大家都會同意, 在一般人心目中, 拉麵店的受歡迎程度跟排隊人龍的長度是成正比的。個人雖然喜愛吃拉麵但又不想花太多時間排隊, 所以有時都會選擇一些剛剛開業的拉麵店, 希望可以避開人潮,就如這天便走進中環試試這間來自廣島品牌的新拉麵店。踏入拉麵店，店子地方不算太大, 裝潢如一般日式拉麵店，店子一邊是開放式廚房，廚房外圍有一列吧枱，店內座位不太多, 在平日的下午到來，店子已有半滿的客人。拿餐牌一看, 食物分幾欄的列在內，主要提供拉麵、飯類、小食、甜品和飲品, 選擇不算太多。飲品方面, 點了一杯粒粒橙汁, 酸酸地也夠冰涼, 為這天較熱的天氣消消暑, 感覺唔錯。在多款拉麵之中選了炙燒豚肉味玉拉麵試試。當侍者將麵捧上來，先喝一口湯，口感確實較一般湯頭濃稠，湯頭濃郁而非常滋味，味道甜美也有香味，湯雖濃但也不太油膩, 合乎預期的水準。幼身麵是用自家製造的彈牙拉麵, 選了硬的麵，麵質口感是爽口, 咬勁十足，有足夠掛湯能力。這裡的炙燒厚切叉燒也有特色，從外表看是大大塊而且是厚切的，還有肥瘦相間的紋理，也是吸引, 吃了一口，口感鬆軟，肥肉和瘦肉配合恰到好處, 口感

朋友話呢間拉麵係廣島好出多，自己就冇食過所以今日就跟佢嚟朝聖啦 中午時間要排隊一陣，不過都好快就入到。有凍水供應，都算貼心。望一望張紙決定叫雞叉燒拉麵團特盛炙燒拉麵。雞叉燒真係好得意，明明係叉燒樣但食落係雞肉，唔似平時d豬咁咁肥，值得一食！而雞湯清甜，唔濃味，唔似平時d拉麵咁咸嘅。而特盛就有好幾舊腩肉咁，好厚身，入口即溶因爲都幾肥，湯底偏濃及帶辣，適合喜歡濃郁湯底人士。麵條硬度適中，慢慢食亦唔會太淋

蘭桂芳不只多酒吧，如肯花時間到處覓食，你會發現這裡雲集多國菜色的食店。這個位於中環德己立街的鋪位，前身是蟹麵館，每次經過總有濃濃的蟹湯味道撲鼻，但自從新年假後結束營業，這鋪位經過數月的靜寂，終於因霸嗎拉麵的開張而再次傳出食物的香氣。自霸嗎拉麵開張以來，經常有員工在街頭向途人派扇子，為炎炎夏日帶來一絲清涼。翻開一看，是減＄20的拉麵優惠券。就在上月底，與同事決定一試，這家拉麵的賣點是特濃湯底和厚切豚肉，果然湯頭與一般拉麵店的豬骨湯不同，這家湯底口味偏濃，口感像沾麵的湯汁，較為黏稠。拉麵上放上一大塊厚切豚肉和溏心蛋，遺憾的是豚肉脂肪太厚，令拉麵變得非常油膩，食慾大減，溏心蛋雖整顆上，沒有切開一半，但裡面的蛋黃已經熟了，不太「流心」。拉麵配料亦只有荀和蔥，與同區的豚王和長浜no.1拉麵店相比下較少。值得欣賞的是這裡可選少或走荀蔥、麵條的軟硬度之外，也可選擇多或少油。店鋪面積不大，但座位之間約留有半個身位的空間，環境不算擠逼，可容納約40名食客。可是剛開張時食客較多，只有三名員工負責樓面，實在供不應求。小記目睹對面一群素不相識的食客，詢問店員剛送上那碗拉麵的軟硬度，想把那碗拉麵分發給自己的同伴