露面手工拌麵料理

營業中

休息中

今日同朋友去灣仔修頓球場打波，到食午飯時間，係修頓球場附近見到有間手工拌麵餐廳，門口餐牌上嘅招牌介紹係手工麵專門店，餐廳主要供應各式各樣的拌麵和湯麵，堅持每日新鮮製作手工麵，不含化學添加物，務求客人食得健康又好味。必試來自陝西的BIANG BIANG麵、蛋麵，以及坊間少見的白布湯闊麵等，同場還有手工皮薄餡多的餃子和雲吞，選擇多元化，睇落好吸引，我哋就入去食。這間餐廳叫露面手工拌麵料理，位於灣仔莊士敦道55號A地舖，港鐵灣仔站B 2出口，行幾分鐘就到，非常方便。店舖內裝修得簡單整潔，地方寬敞光猛，座位都坐得令人舒適，店員服務態度都好，來這裏食真唔錯。這間手工麵專門店主打手工麵，牆壁上仲話我煮碗麵俾你食啊，你餓不餓呀，最緊要係開心做人呢，講得很對，我就叫咗個白布麵餐，朋友就選咗個一人拌麵套餐，加少少錢，都可以叫埋嘢飲。白布麵餐係嫩雞白布湯闊麵，個湯真係奶白濃郁鮮甜，仲有好重嘅奶香味，再加上白雞湯，雞味十足又不太鹹，真係好好飲，未吃雞麵之前已經俾我飲咗半碗湯，雞肉軟嫩入味好食，而且雞肉嘅份量好多，還有超多的蔬菜，吃落口爽新鮮，闊麵真係好大塊，寬闊有咬口，又柔軟又細緻，好配合同白布湯一齊食，這

灣仔呢間手工麵好多人幫襯。我們嘗試了酸菜魚配麵，麵條很寬的嫩雞白布湯麵，還有醉雞，及娃娃菜。雞肉麵的麵夠曬寬好吸湯，而且湯底好濃郁。裡面好多雞肉，廚師比料好重手，抵到呢！而且蔬菜等配料都比好多。酸菜魚湯底的酸辣味道突出，魚肉肉多不腥，還有蔬菜蘿蔔配菜，值得一試！湯底配麵也十分合適。醉雞雞肉質感不錯，淡淡的酒香，讓人食指大動。娃娃菜加入了菇類，菜好清甜，又健康。飲料我們喝了香茅檸檬和百香果茶，可以少甜少冰，好貼心，味道清爽。

今日準備一家人到灣仔海濱賞煙火表演,先到灣仔地鐵站附近找個地方用餐。一進店裡,內牆掛著醒目的霓虹燈字句,別有一番情懷。跟餐免費飲品包括洛神花蜜,讓人胃口大開。洛神花蜜不僅帶有淡淡的甜味,而且富含豐富的維生素C,清熱解暑。凍豆漿不會過甜恰恰好。香辣雲耳和手拍青瓜都是不錯的開胃選擇,一口咬下,既有辣勁又帶酸甜,別有風味。嫩雞白布湯闊麵 湯頭濃郁鮮甜,有淡淡的奶香,麵條寬闊有咬勁。料理裡的蔬菜和雞肉份量十足,吃到最後一滴湯有沒有剩，好好飲油潑辣子滷肉老肉Bing Bing麵湯汁濃郁微辣,肉塊軟嫩入味,非常開胃。番茄牛腩拌麵麵條很快便吸收了所有湯汁,有些乾澀。建議店家可以增加一小碗番茄牛肉湯,讓客人可以沾着吃，口感更佳。

💬聽聞呢間手工麵店大排長龍，而且人氣旺盛，今次真係親身感受一下威力有幾勁。午巿的確係坐滿又要等位，齊人先至入得。套餐有飯有麵，配小食同飲品，如果係$80左右嘅價位真係要好食先掂🤔.———————————————————————————🍜京醬豚肉炸醬麵💬大量嘅青瓜絲作用係增加爽口變得無咁膩，但炸醬的而且確係非常稠糊，配上極幼嘅麵條，未拌勻已經黐埋一團，加上食到一半見到碗底十分油膩，唔太想再食落去🤔.🍜油潑辣子魯肉Biang Biang麵💬手工Biang Biang麵食落無咁吃力，而且魯肉比起肉末無咁寡，辣油有勁度，不過都係同樣狀況，吃不到底實在有點油膩🤔

見到鎮店蟹黃拌麵諗住好味啦點知出到係咁嘅樣一大碗水流流嘅液體入面一絲實體可見嘅蟹肉都沒有忍唔住同樓面講樓面呀姐竟然指住個碗、大大聲話「呢啲咪蟹肉囉；我地幾年都係咁整」其實作為食客 同你講得 都係希望你可以改進 或者表示歉意但你態度咁衰真係令人好嬲比咗$98食呢碗垃圾真係好很差你良心唔痛就好了祝你早日結業

呢閒嘢如果唔係朋友帶嘅話呢好容易行錯，喺人行道嗰度，要行埋去先可以睇到，白布湯闊面，湯底純白色，好似加左牛奶咁樣，仲要有好多蔬菜，雞肉絲份量都好大，個湯又好好味，面超級特別，個面好似塊紙咁闊，闊面有好腍，但係又會好滑，食一碗好滿足。

89蚊一人拌麵套餐，臺式滷肉拌麵，面係帶少少韌勁d面，寬面，有d似油潑麵，滷肉肥瘦適中，好入味，唔會太油，鹽度都岩岩好，小菜睇鋪頭當日整，有時會換，涼拌都好正。有d 似biongbiong面，但係唔完全，好味~記得帶現金！！！！

今日中午嗌外賣，見到外賣平台有優惠，就試吓呢間平時好似都幾多人食嘅露面～見到有個限量發售嘅酸菜魚套餐，就即管試吓～酸菜魚嗌咗小辣，都唔算太辣，而且清清地，唔會好油膩，酸酸辣辣，食得過癮，欣賞佢個湯底，送飯一流。不過，個魚片勁多骨😵‍💫 一塊魚片起碼有兩三條骨，而且啲骨好細條，好難夾出嚟🥹拎返公司食，食咗個半鐘先食完🤣之後仲嗌咗麻醬雞絲粉皮，聲稱得270卡路里🤣所以就試吓，我花生醬都幾特別，而且粉皮好有咬口，雞絲份量都唔少～幾好幾好

見社交平台好多foodies推介嫩雞白布湯闊麵，睇落好好吸引，所以lunch過黎試下，點知伏左......😅原本好期待佢個闊麵，因為好多人話個麵又特別又好味，好似匹布甘。Um.....但我個碗麵睇落就麻麻地，一睇個麵就覺得係將3張水餃皮連埋一齊🤣而且廚師煮果陣冇攪好，所以2塊麵痴住左，好厚......仲要得幾塊麵咋，而個口感就exactly係double厚度嘅水餃皮🤣但完全唔掛汁💥事後見網民話一碗麵有6塊麵，可能因為我d麵痴住左，所以唔覺有甘多😅雖然個麵底令人失望，但菜同雞肉好足料，而且個湯底幾好味，好似上海雞煨麵個湯底再清淡d但個麵唔掛湯，可惜可惜（你當佢係分拆版雞肉水餃但用濃郁湯底甘諗會開心d😆）環境方面，都幾迫下，仲要搭枱，一張六人枱，但搭左4枱客，而且一有人走就會有新客黎。唔係幾適合想靜靜地慢慢食嘅客人。

係Openrice搵到呢間餐廳，12點3左右去到都即刻有位，枱同枱都比較近，同隔離枱櫈貼櫈，唔算好坐，坐底後兩人分別叫左：1. 一人拌麵餐 （油潑辣子魯肉Biang Biang 麵 + 麻辣雲耳 + 凍滑溜溜香芋鮮奶少冰微甜)2. 啖啖魚肉酸菜魚Biang Biang 麵 + 凍粒粒蘋果蜂蜜茶3. 玉蟹雲吞皇先講野飲：a. 香芋鮮奶話係滑溜溜，但飲落啖啖渣，味道偏淡，確實有做到少冰微甜b. 蘋果蜂蜜茶就係蘋果蜂蜜水，蘋果粒係1-2mm既蘋果碎，無打錯字，係1-2mm。再講野食：a. 因為無睇食評同餐牌無相，所以最後先發覺佢係落錯單，落錯左做台式滷肉拌麵，滷肉味道唔錯，但係個麵係幼麵，食落口好漿口既感覺。麻辣雲耳偏酸唔辣，可接受。b. 酸菜魚份量充足，不論酸菜、魚肉、芽菜都充足，調味不錯，Biang Biang麵軟硬適中。唯一美中不足係魚肉有細骨！c. 雲吞皇唔知佢係成碟拎去蒸定叮，痴住個碟，皮厚肉實，又唔Juicy，唔建議叫。

Me and my friend was plan to visit this restaurant during out lunch break but everytime the queue was too long for a 1 hour lunch break.Then we happen to walkby this time and there was only few persons queue for then we were so excited to wait for it.I order the most recommend one because I dont want to miss out anything that this restaurant can offer. That also one of the golden rules that i comply since i able to affort food, alway go for the recommend one, if they manage to fail you on that,

行經灣仔，係ig 搜尋一下特色麵店，諗住食碗粉麵作為晚餐。被一張相吸引了，白色嘅濶條麵，有啲似係日本食嘅濶條烏冬，二話不說去了。嫩雞白布湯闊面湯底呈現奶白色，有花奶成份，飲落花奶味都幾濃厚。濶麵條跟相片好大分別，首先係色澤帶有灰啡色，有啲奇怪！入口不夠靱力。煮嘅時間不夠，麵條與麵條重疊，黏在一起。雞肉尚算嫰滑，份量頗多。如菜蔬多點更好。

小人從來都不是台灣麵的粉絲，因此雖然路經此處多次，也沒有意慾入內。一天被想食麵的友人慫恿，姑且陪他一趟。巴蜀口水雞乃三款小食的第一道。小小碟子盛載著不少雞件，雞皮是爽的，雞肉亦嫩滑，與辛香帶辣的口水汁，天生一對！南乳豬手炆到軟軟腍腍的，豬手沒有毛，入口就只是滿滿的骨膠原！南乳汁鹹甜做得恰到好處，就連甚為入味的花生都好好吃！再來是巴蜀大雲吞，一客五隻，肉餡極其飽滿，肉味尚濃。趁著的紅油帶著芳香的花椒香，幸好不會嗆喉。嫩雞白布湯濶麵十分之大碗，白布應該是指那些濶麵，煙煙靭靭卻也很滑身。湯裡有無數雞肉與及白菜，所以湯底真的鮮甜。反倒鎮店之寶蟹黃拌麵相對失色。一大碗蟹黃確實好幸福，蟹味亦算豐盈。無奈幼麵條跟不上步伐，烚過頭的下場就是塌成一坨，漿口到不得了。結果小人只能盡了蟹黃，麵條剩下一半有多。正當洛神花蜜無甚看頭之際；另外一杯陳年龍鳳檸蜜竟透出淡淡的鹹柑桔味，潤喉舒暢。總體已超出預期，如果再食，未知蟹黃拌麵可否轉麵條。

我本身以為係芋泥+鮮奶既野飲，但係上到黎原來係用粉溝既鮮奶 拎上黎仲要係分層 好明顯見到啲粉沈澱 飲落口一陣粉感 係劣質個啲芋頭粉味道 但係得少少化學芋頭味 鮮奶中規中矩 但係試問一間餐廳連野飲都唔肯撈勻黎送上檯都略知一二 杯野單點要$28 加餐就$14 但係我覺得同幾蚊一杯個啲大陸粉溝化學鮮奶無分別。麵就中規中矩 但係啲麵有啲淋同埋一舊舊 建議老細可以進步下當我問其他麵可否單點加野飲個陣複述左幾次先明白 同埋感覺店員都唔係好了解餐單 感覺不太專業整體體驗麻麻地 唔推薦

同事推薦灣仔必食嘅呢間手工麵專門店，主打特式湯麵同拌麵，仲可以食到一啲坊間稍為少見嘅手工麵，例如係陝西 Biang Biang 麵、白布湯闊麵等等～嫩雞白布湯闊麵 💰HK$70加咗牛奶嘅白色湯底，超濃郁好鮮甜好好飲！闊麵真係好濶，不過口感冇想像中咁薄，似係食緊好大塊嘅刀削麵！另外仲有啲滑雞肉同好多白菜，感覺足料又健康～鎮店蟹黃拌麵💰HK$98賣相唔錯，係大大碗蟹黃羮，可惜落晒成碗去個撈麵到味道依然都係比較淡，而且食到最後有啲膩，有少少失望～凍 粒粒蘋果蜂蜜茶💰跟餐+ HK$10味道唔會太甜，仲有一粒粒嘅果肉咬下，成杯野感覺清新解渴～