露面手工拌麵料理

營業中

休息中

天氣好熱，店員好快手咁幫我哋安排座位 好攰嘅時候入咗呢間餐廳，入嚟就見到牆上面送來嘅溫暖 🤣 突然之間覺得係愛啊，哈利 ！「做人呢最緊要係開心你餓唔餓呀？我煮碗麵俾你食啊 」 🥹★̆̈ 油潑辣子Biang Biang 麵 （$62）一碗麵入面勁多滷肉，食完麵都仲見到肉。滷肉半肥瘦，啱啱好，味道亦唔會太鹹。雖然叫油潑辣子，但一啲都唔辣，個汁仲好香添。個麵煙韌又彈牙，仲好易掛到汁，加埋蔥同冬菇，撈埋好香，好開胃😌！Biang Biang 麵單叫$62，lunch set就包埋小食同嘢飲 就$89。

你諗下西裝都要度身訂造，唔係TAILOR-MADE著上身，點都係差d，正如手工麵條一樣，天然唔會有梘水味，款式又夠多，淨係口感同市面上既麵店都差幾皮啦，識唔識食就係睇你識唔識揀。👇🏻📌招 牌 推 介 - ▪️ 白 布 麵 餐 -▫️「嫩雞白布湯闊麵統手工湯麵」雞湯入口濃郁，唔會太鹹，麵條吸收哂湯汁精華，腍滑彈牙；大量雞絲食落特別有咬口，加16蚊配左杯「香芽香水檸檬茶」清新解膩，另外嗌左個「韭菜豬肉餃子」，一客5隻，外皮夠薄，裡面餡料豐富，好食。▪️ 牛 骨 餃 子 麵 套 餐 -▫️「牛骨餃子湯麵」牛骨份量十足，食落啖啖骨膠原，過足口癮，配菜仲有D蘿蔔，煮到非常淋身，入口即化；套餐仲包一客4隻「白菜豬肉餃子」、「西施燉蛋」，燉蛋食落滑不溜口，加6蚊叫左杯「凍豆漿」，食麵一定要嗌；另外時菜就揀左款「上湯松茸娃娃菜」，新鮮爽口，整體夠哂抵食。

今日來試下呢個手工麵，唔錯！叫左一碗嫩雞寬麵，一上來奶白色的湯汁就已經好吸引嘎！而且麵湯飲過去係清甜嘎，再試下個麵，煙煙韌韌幾好食🤤最重點係香港好少見到湯麵配感多青菜啦！直頭營養豐富啊！

上網見佢呢個闊面咁得意，今日同朋友嚟咗試吓！嫩雞白布湯闊麵湯底奶白色，有農香雞味，而且食落去啲雞肉非常嫩滑。最期待嘅闊麵真係好好食，好滑之餘仲好有咬口非常煙靭同Q彈！牛骨餃子麵套餐呢一款嘅湯底又好重嘅牛骨味，佢應該仲用咗白蘿蔔熬製所以都有啲白蘿蔔甜味。仲加咗啲蔥同埋胡椒粉，食落去好惹味！西施燉蛋牛骨面套餐仲送呢個甜品，食落去燉蛋非常滑，小甜，好好食！輕量魯肉飯滷肉飯嘅滷肉，肥瘦均勻。而且個醬汁調得好好，少少鹹少少甜。醬汁亦都唔會搞到個飯太濕，個滷肉送飯好好食！香茅香水檸檬茶朋友同我都嗌咗呢一杯嘢飲少冰少甜，好似最近興嗰啲手打檸檬。酸酸甜甜，茶底唔會太濃！總括而言餐廳嘅嘢食性價比都非常高，味道又好食，而且價錢又平！ 可以再去！

睇完openrice嚟食 期望與現實有好大落差叫左個88蚊果個套餐 牛骨餃子麵套餐個湯底淡到好似飲緊水咁 得個餃子係正常啲麵冇咩好講 正正常常但我叫多左個香槽醉雞完全都冇酒味啲雞又太淋好似霉左咁個松茸浸娃娃菜又係淡到阿媽都唔認得 完全飲緊水咁然後送兩個甜品，朋友話佢個西施燉蛋又係好似百福豆腐花咁淡 我食果個咋渣就普通貨色 總之奉勸各位唔好過分相信餐牌圖片，否則會好失望現實啲牛仔骨都冇咁大舊，得兩三舊可能個個人口味唔同但真心我唔會再食第二次

今晚過完囍帖街影相，就黎左呢間餐廳到食下佢嘅手工麵。嫩雞白布湯闊麵套餐 $72個湯好香濃奶味，超多的雞肉，啲麵真係好闊，食下食下不知不覺間就食晒成碗。跟餐加$13 飲百香果茉莉茶，幾清甜解渴。牛骨餃子麵套餐 $88湯底有清甜牛骨味，麵係幼身的，仲有四隻餃子，揀左白菜豬肉餃，大大隻，入面仲幾juicy。跟餐加 $16 有香茅香水檸檬茶，茶底清甜，淡淡香茅，好適合夏天飲。個套餐仲包左甜品，西施燉蛋，幾夠滑。瑞士雞翼 $37瑞士汁甜甜的，炆到好入味。見樓面職員好忙，但都保持到好好的服務態度，值得一讚，總括黎講，呢一間餐廳CP值幾高👍👍

早段時間真的很常來到灣仔工作，那當然地在這區找吃的機會也多了很多啦～ 灣仔食肆真的非常多元化，價錢也是豐儉由人！這次就來分享一家吃上海麵的好選擇野生松茸鮮雞湯 $38/盅店家的招牌盅湯，不得不試！自問見識少不懂野生松茸的味道，不過喝了這個湯的話都會被驚艷到～ 每一口都帶有濃郁的松茸跟雞肉的味道，而且全無味精，滋補又養生，營養價值極高，值得推介！嫩雞白布湯闊麵 $70這款應該是全店最受歡迎最具人氣的單品吧！揉合了上海著名的嫩雞煨麵跟日本獨有的白布湯闊麵兩種類近做法而製成的fusion麵食，奶白色的湯頭由店家熬製，鮮甜的高湯帶有奶油香，不用加入太多調味已經夠好喝，而且同樣沒加入味精，喝起來有種介乎於豆乳湯跟雞白湯之間的味道，清甜又舒服！湯頭裡面有大量新鮮的小棠菜跟嫩滑的雞柳，另外大大片的白布闊麵也是主角之一，麵質滑溜煙韌不會太厚實，掛湯力也高，份量比想像中多，飽肚感十足！整碗都是蛋白質友好，非常適合減重中的朋友或健身愛好者啊！味道是真的好吃，冬天進食會更感暖胃，難怪成為人氣No. 1鎮店蟹皇雲吞 $50/5粒另一款店家的招牌美食就是這個可說是星級牌的雲吞了！全因這個是放入大量蟹黃到鮮蝦雲吞

今日約咗朋友喺灣仔食手工拌麵，呢間我都去過幾次，差唔多每次嚟都食呢個餐，餐牌呢有個一人拌飯或拌麵都好抵食，$89仲要免加一！一人拌飯套餐：花生南乳炆豬手：送飯一流，花生炆到好腍，豬手又好入味，南乳味都好香滷肉飯：份量都唔少，不是迷你版，另外仲有冬菇，雞蛋做配料，滷肉又係好入味，每啖飯都啖啖肉😋另外揀咗白桃烏龍純茶：真係好可以凍飲飲走冰，茶香帶點白桃烏龍味，甜甜地，都幾解渴一人拌麵套餐：台式滷肉拌麵：我喜歡食幼麵多啲，食之前記得撈勻去。手工拌麵果然係招牌菜，麪質真係好彈牙，滷肉加埋青瓜絲，最佳配搭！另外小食都係揀咗青瓜，作為前菜幾開胃店員推介野生松茸鮮雞湯，呢個果然冇介紹錯👍🏻係一盅燉湯，應該都燉左好耐，夠晒火候，唔係淡嘅湯，個湯都幾濃味，養生😋

今晚放工後，在灣仔見到一間手工拌麵小店，見到有麵食套餐，又有餃子小食，便入座試下。<蕃茄牛腩拌麵套餐 $89>蕃茄牛腩麵味道非常之香濃，每一件嘅牛腩都非常之厚，而且仲好多肉，牛腩嘅份量，令人覺得非常驚喜。佢哋嘅秘製蕃茄醬汁，配埋招牌闊身麵，真係非常好食，值得推薦！！～加$18野生松茸鮮雞湯，雞湯非常足料，有啖啖雞肉喺碗湯入面，入口清甜。小食叫咗麻辣雲耳，麻辣味道非常出眾，入口惹味又好食。<牛骨餃子麵套餐 $88>套餐配有牛骨拉麵，拉麵用上幼身麵底，麵質非常幼滑，牛骨湯底配有幾塊白蘿蔔，湯底清甜，而牛骨嘅肉亦都夠淋身，好味!白菜豬肉餃隻隻都非常晶瑩，饀多皮薄，隻隻都包得脹卜卜。呢個套餐仲包埋一碗熱辣辣嘅燉蛋，作為甜品，入口又滑又嫩，非常好食。另外加$16叫咗杯白桃烏龍牛乳茶，帶有白桃味嘅奶茶入口清新微甜，非常特別。整體來講，餐廳嘅食物質素非常之好，而且價格唔算貴，麵條同餃子嘅質素亦都非常好，值得推薦。

喺灣仔行行下，就見到呢間以手工麵為主打嘅麵館，於是就決定入去解決午餐。餐廳比我想像中大，我同朋友被安排坐喺卡位，都闊落同坐得都舒服。我哋見餐牌都有好多選擇，我哋於是就嗌咗佢推介人氣嘅麵。《嫩雞白布湯闊面》一上枱，就聞到陣奶香味，一飲湯頭，就感受到濃濃嘅奶加雞湯味，味道好溫和，加埋雞肉同菜，成個配搭健康又好味。而闊面質地好彈牙有口感，同時又掛到湯，我同朋友都好中意。《蟹黃拌面》賣相超級驚艷，一碗蟹黃咁上比你撈，另加一小碗醋去吊個鮮味。蟹黃一啲都唔流，好香蟹膏味，超濃郁。呢個我同朋友食唔停好快清哂！《秘製香槽醉雞》雞件好滑，有酒香味。飲品我地就叫左凍豆漿同香水檸檬茶，前者豆味好夠又唔會好甜，後者就好清新，兩杯都好唔錯。整體來講，我好中意呢間麵舖，價錢抵食又好味。

係灣仔食手工麵Menu必食嫩雞白布湯闊麵 湯底creamy，完全冇味精仲有好多菜，超健康一人拌麵：台式滷肉拌麵+手拍小青瓜+野生松茸鮮雞湯滷肉份量比得好足，麵質煙韌，撈埋滷肉同醬汁食好惹味，食唔停口，手拍青瓜好清新爽口，非常唔錯嘅前菜，尤其係個松茸雞湯，好鮮甜，完全冇味精，仲有嫩滑雞件玉蟹雲吞皇個餡超足料，好香蟹味，皮薄餡靚香茅香水檸檬茶唔錯～唔似其他鋪頭d香水味好假，呢間好天然，唔會太甜之餘有陣陣香茅同檸檬香味，飲落完全唔人工

一直都好鍾意食上海湯麵。 俾呢間嘅闊麵吸引到，特登嚟試試。嫩雞白布湯闊麵個麵嘅雞湯湯底呈奶白色，湯底加咗奶所以飲落好滑，同雞肉同麵加埋好夾。份量係十分之多🤣，女仔食完之後好飽。去皮雞肉嫩滑，仲有好多菜，好味又健康。朋友鍾意食辣，佢就點咗辣拌麵。佢就話麵質煙韌，唔算太辣👍🏼另外加咗個小食。醉雞肉滑，正常發揮😁野飲方面我叫咗個白桃烏龍牛乳茶+$14烏龍味較特出，淡淡嘅牛乳味做襯托。野生松茸鮮雞湯+$18朋友就飲湯。個湯就清清地，無落味精，飲落好養生健康。

今天和Honey去湾仔书店看书📚，看完书就准备去吃晚饭，看到对面马路有一家面馆，賣特色手工面，心想很久没有吃面了🍜，今天晚上就顺势吃面吧。2个人就走進面馆，这里生意很好，才6点多已差不多坐满了人，我们坐下翻开餐牌，有些特色面點，是我们以前没吃过的，还有卤肉饭，看了很久，还是选我们习惯吃的东西，点了一个卤肉饭套餐，一个牛肉麵饺子。內容如下：一人拌飯 89.00 牛骨餃子麵套餐 88 "韭菜餃 首先野生松茸鲜鸡汤，浓香的鸡汤，味道很鲜，一点也不咸，不像放了味精的。卤肉饭很大一碗。卤肉瘦多肥少，很合我们的口味，加上半只卤蛋和甜甜的酱油。香槽醉雞用的是雞腿肉🐔，淡淡的酒香🏺，皮薄肉嫩 ，好吃不膩。牛骨餃子麵今天換了牛尾，濃郁的牛肉味香而不膻，白羅蔔煮得軟軟的，清甜可口，麵條🍜伴以熱湯，爽口美味，真是沒選錯。👍👍四只大大的韭菜餃子，餡料是滿滿的，鮮美多汁，蘸醋吃一流。還有香茅香水檸檬茶和西施燉蛋，全是清香美味，吃得飽飽的，今天是即滿足了心❤靈，又慢足了胃口。😋😋

最近愛上咗食手工麵，竟然比我意外發掘到呢間喺灣仔嘅手工麵店舖，價錢同質素都好唔錯！食得出味道都好健康，但係又好食！嫩雞白布湯闊麵治癒系嘅食物lol 平時食得太多煎炸濃味嘢，想食啲清淡又健康嘅就非常推介！其他地方好少有白布湯麵食，見到餐牌有即刻忍唔住叫！上枱第一時間就係試佢個湯底，果然冇令我失望，味道好香濃，但唔係味精嗰種，而係真材實料，仲有淡淡嘅奶香味，闊麵條口感好特別，同個湯底都好夾，食落口好有滿足感，而且仲有啲鮮雞同菜，整體感覺好食又健康！一人拌飯套餐套餐價錢已經包咗一個主食，一碗滷肉飯同埋一杯飲品。主食我就揀咗秘製香糟醉雞，呢個醉雞都好值得推！好少何醉雞會做到雞肉保持咁鮮嫩，隻雞真係超級滑lol 而且酒味唔會太濃郁容易入口！滷肉飯嘅滷肉比例又真係有啲驚艷到我，非常多多滷肉！而且仲要係半肥瘦嘅滷肉，食落口脂肪同埋肉汁嘅味道都好香濃，非常滿足！飲品方面，套餐加$16可以揀香茅青檸檸檬茶，仲可以揀凍或者熱添，我就揀咗熱嘅香茅青檸檸檬茶，真係好香香茅味，感覺都幾清新！松茸雞湯另外再叫咗一個松茸雞湯，雞味都幾香濃。整體呢間餐廳都值得我再encore！

上次北上之後食過biangbiang麵之後一路念念不忘喺灣仔經過見到呢間舖頭有得賣，即刻衝入去晚市去到都差唔多坐到滿晒 啱啱有一台客走咗好彩即刻有位叫咗一個辣嘅滷肉biangbiang麵 小辣嘅話平時唔係食到辣嘅都可以接受 滷肉份量好多 每啖麵都有肉 一啲都唔吝嗇想講呢一個嫩雞白布湯闊麵真係好經驗！個湯底好濃滑 好似飲緊啖啖鮮奶再加特濃雞湯咁樣 我直接成碗拎起嚟灌入個胃麵條都好嫩滑 又有菜食 呢個組合真係好正，超級一流私心仲要推介麻辣雲耳 一份嘅份量都好多 我哋兩個人都夠食 但係真係太好食所以之後又叫多咗一份 係麻辣汁嚟帶有少少甜味 我同我朋友都超鍾意香茅青檸檸檬茶甜到酸到啱啱好 好開胃