雲魅 (已結業)

身為米線控既我，一知道有正宗過橋米線當然要衝住去試😋位於旺角彌敦道726號的雲魅裝修優雅，是不一樣的高級米線食店❤️食麵聽故事，相傳古時有位秀才在島上專心備考，妻子為了讓丈夫吃到熱騰騰的米線，便將熱湯放進砂鍋內，並準備新鮮食材，過橋上島時才將食材放進熱湯內燙熟🍲「過橋米線」的名稱因此而來🔖雲魅正正是採用了此古傳的方法，砂鍋熱湯及食材分開捧上，由食客自行燙熟。我們點了牛肉加香格里拉豪華配料及文山精緻配料。除左一般的米線配料仲有蝦，帶子，酥肉同鵪鶉蛋，香格里拉豪華配料仲有飽魚仔添😍多款湯底選擇，而我們都選了酸酸辣辣的特式湯。有米線或七彩麵兩款選擇，我們各選了一款再混埋一齊食😆員工耐心地講解食材下鍋的先後次序。即燙即食的好處是食材剛剛熟便放進口，食倒最新鮮熱辣的味道😋蔬菜做成的七彩麵口感似蕎麥麵，米線則較爽口。蝦，帶子同飽魚仔都好新鮮彈牙，牛肉即燙即食好嫩滑😚估唔倒食米線都可以打卡，好睇好玩又好食，值得一試✌️

唔知大家覺得過橋米線係點嘅樣呢？原來傳統嘅過橋米線係米線同所有配料分開上菜，再配上新鮮滾熱辣嘅湯，係上菜之後先混合所有配料同埋米線，再利用湯嘅熱力去燙熟所以食材，最近試咗一間新開嘅舖頭專門食過橋米線，感覺都幾特別想推薦俾大家！餐牌上菜式選擇唔多，主要都係小食，過橋米線同埋客飯為冮，我哋當然食主打嘅過橋米線啦！過橋米線選擇都幾多，首先麵質方面可以揀普通米線或者來自雲南嘅七彩麵，聽店員講七彩面係用唔同嘅蔬菜製造出嚟，香港比較少有架！另外店舖標榜湯底全部用雞骨作為主調，分別有特色湯，酸菜湯，番茄湯，香辣湯同埋雜菌素湯。配料都有四種套餐選擇，我哋揀咗個最特別嘅香格里拉套餐，裏面包含原隻鮑魚，大蝦同埋帶子，仲有另外七款配料，感覺超豪華！我哋今次揀咗特色湯，酸菜湯同埋蕃茄湯試吓！一上菜嗰陣覺得擺盤好靚，睇落去好精緻好適合打卡，之後湯底上菜嗰陣我哋都覺得好特別，佢用咗特別嘅器皿去裝上湯，感覺就好似迷你嘅大醬缸咁，而且保溫效果超級好，由開始食到結束都感覺到湯底仲係有熱度架！三款湯底我都飲過，感覺冇味精喺裏面，湯底比坊間嘅米線店淡，特色湯飲落幾特別，唔係平時飲到嘅味道，但係有少少酸辣嘅感覺，配上其他配料

如果去譚X係食屎 雲魅就係去義大利食朱古力雪糕🍦好食 環境乾淨👍見到蘋果推介過左來試用了openrice 訂位，入到餐廳，個景好正好開揚 牆壁掛滿雲南少數民族擺設米線係打卡必備七彩米線，應該係玫瑰、南瓜、火龍果 、菠菜主菜揀左牛 上菜時砂鍋湯熱辣辣 正👍👍配菜夠多 每樣分開上 每樣都睇得出落過心機有成10款，昆明風味酸菜無得頂炸醬夠味，鵪鶉蛋特別，酥肉酥脆，午餐肉唔差 仲有番茄仔、粟米、響鈴、魚片及芫荽同細個係雲南食過陣味好似 唔洗再去X仔食💩💩💩

天氣轉涼，同事話不如食辣野暖下身~行過彌敦道726，就俾我地見到間個名好特別的辣野餐廳啦--雲魅！雲--即係雲南，雲南長期都係天氣涼，辣野食可以驅寒驅濕。魅--我唔知咩意思...Lunch set係一個小菜+一個主菜配一杯野飲。我嗌左涼拌青瓜+芹菜牛肉（配飯）+凍青檸薑蜜；整體都帶少少辣，滿滿一盆的芹菜碎炒牛肉薄片好好送飯，我整體係食晒碗飯都食唔晒芹菜牛肉！因為帶少少辣，好惹味開胃，牛肉雖然係薄片，但咬落去真係爆汁！涼拌青瓜似拍青瓜，辣度我覺得比芹菜牛肉辣多少少，所以嗌凍青檸薑蜜解辣就岩岩好啦，凍青檸薑蜜有薑味冇薑辣。同事嗌左手撕雞+小鍋米線+柚子蜜；手撕雞都有撈辣椒仔調味，少少辣都係開胃既；小鍋米線裡面有魚片，辣肉碎，雪菜同生菜同米線；成碗麵勁大兜，同事完全食唔晒~雲南菜比較少見，天氣凍不彷一試

早前內地親戚分享咗雲南過橋米線嘅相片，見到相當特色，上網search到呢間雲魅竟然有同類嘅過橋米線，仲要喺旺角，所以就嚟咗試吓。店內擺設幽雅簡潔，加上播放住少少佛系嘅音樂，予人寧靜感覺。午市套餐包括前菜、主食同飲品，定價$58至$88，價錢合理。傣族係雲南其中一個少數民族，手撕鬼雞是傣族其中一道著名菜式，在手撕雞加入蒜蓉、芫茜、青檸、辣椒作調味，醒胃可口！涼拌木耳爽口，同樣帶微辣。而我就係為咗呢個過橋米線而來的。七彩繽紛嘅米線配料排列得整齊，配合七彩麵，淨係賣相已經攞滿分💯。對於香港人來講，呢款過橋米線比較新穎，所以店主特別做咗一個告示牌，教食客如何正宗品嚐呢個過橋米線。配菜方面，有響鈴、粟米粒、莞茜、雪菜、鵪鶉蛋、魚片、炸酥肉、蕃茄、炸醬、午餐肉、肥牛和生菜。逐一放入配菜，再放七彩麵落呢碗帶少少酸辣嘅特色湯之後，就成為咗呢一碗熱辣辣嘅正宗過橋米線。另外就叫咗一碗比較簡單嘅小窩米線，湯底比較清，配料其實就同部份過橋米線嘅配料差唔多，而我就最鍾意佢嘅魚蛋變成咗幾條小魚兒浮喺水面！食過熱辣辣嘅米線，飲番杯凍飲真係透心涼，我哋就揀咗青檸薑蜜和紅棗蜜，兩杯都咁滋陰養顏。最後就都係甜品時間，雪糕

我已經隔咗一段時間無寫食評，但品嘗過哩間鋪頭後，決定重拾寫作的筆，讚揚一下哩間鋪👍雲魅今日同女友經過開726幢大廈，見到呢間新開雲南米線，決定試一試首先環境黎講，呢間餐廳好寬敞，裝修都富有雲南小數民族特色。餐廳職員服務態度好好，十分親切。我地就試左個過橋七彩面加上文山精緻配料，另加一個小食拼盤。文山精緻配料配七彩面(雲魅特色湯）湯底應該係加有雞湯，因為我飲到好濃嘅雞味配料種類繁多，可以食到各種不同的食物👍其中一位職員(可能係老闆）聲稱七彩面係由分別7種食材打成的麵，所以帶有七彩繽紛的顏色跟餐有杯嘢飲，我哋嗌咗紅棗木瓜冰冰粉，頓時覺得自己好健康😂小食方面店家同我哋講可以用$68，換3個迷你小食併盤，雖然份量唔算多，但勝在可以試多幾款唔同嘅小食，性價比都高嘅。間鋪令我最滿意嘅地方係服務好好，雖然話嘢食好食係餐廳的基本，但體貼的服務，窩心的笑容，先係最能夠令顧客印象深刻...加上美味的食物，要高評哩間餐廳先得😆最後，（可能係老闆娘）仲問我哋食唔食雪糕🍦請我哋食...好滿足啊...咁我哋就揀咗綠茶味同芝麻味一人仲有兩球添呀👍到埋單時先知原來仲有8折，最後我哋$158埋單...好味、抵食👍

雲魅是我近來吃過米線之中，最有熱度、最有溫度的一家。餐廳位於旺角彌敦道726號食廈的高層，進入大廳之際，太子旺角一帶的景色盡入眼簾，餐廳背景音樂 緩緩的卻不煩厭，最重要在這景色之下，食客也十分高質，不會高談闊論像茶樓，食碗米線也覺得十分養生 。前菜選擇了傣族手撕鬼雞和涼伴木耳，傣族特式醬料撈手撕雞，帶辣勁而不過火，涼涼爽爽，做開胃菜超一流的。涼伴木耳有帶輕輕麻油味， 讓人不知不覺 一口接一口放入肚。特色湯以雞煲成， 並加入了雲南特有的調味料湯頭喝起來溫純， 微辣中帶點惹味另外也推薦純素菇湯，材料豐富，蟲草花，合桃，茶樹菇，各種野菌配搭枸杞未放其他配料落大湯裏 ，只細細品嚐， 剩飲湯已經覺得暖胃舒服。至於各種過橋配料 ，有豬肉條、蕃茄、粟米、炸醬、 響鈴卷、鵪鶉蛋、午餐肉及魚片佐料有蔥、梅菜， 各式其式， 單是看各種小碟放在眼前， 已經感到很幸福療癒。七彩米線也是在雲南帶回來， 米線顏色天然製作而成， 把米線到進大湯中， 輕輕一灼， 筷子輕輕撥動， 米線口感好，帶少少嚼勁而不會過淋。 其他配料也不會奪去湯頭原有的美味。 而且這種對雲南米線熱度煮成的美味，是連鎖米線餐廳供應不到的。 

估唔到香港有過橋米線呀！就係喜歡呢種個湯好熱，然後逐樣配料落嘅食法。今次試了昆明米線餐，佢有5,6款湯，我揀左老壇酸菜，酸菜好正，喜歡酸菜的朋友一定要試，食落酸菜仲多過米線XD有鵪鶉蛋真係正。自己喜歡落咩料都得，自己選擇，唔使有嘢要走。唔知係咪新開張，仲有飲品同雪糕送

新開無耐的食店，雲南米線食得多，但偏正宗就真係第一次，因為食法同傳統差不多，食材半熟，自行將食材放落仲熱的湯之中，令人食時，就可以食到最新鮮熱辣既感覺而且湯底都有幾款選擇特色湯就有少少飲酸辣湯，但真係好少，因為唔濃，而雜菌湯清而濃郁夠哂香，七彩麵與米線最大分別是，前者較冧身，後者爽口彈牙選擇了兩款最貴的，其實食材分別不大，有蝦、帶子、魚餅，但最貴的當然仲有彈牙鮑魚仔，還有可以揀牛/豬，我們兩碗都是揀牛，牛肉因為即時淥熟，所以十分嫩滑香格里拉豪華配料 + 雲魅特色湯 + 七彩麵文山精緻配料 + 雲魅雜菌素湯 +過橋米線青檸薑蜜 紅棗木瓜冰冰粉

今日介紹既係彌敦道726號既雲魅- 雲南米線。上到餐廳，老闆好細心介紹唔同既湯底，我揀左主打既湯底。同行友人試左酸辣同麻辣但都係我個味比較好吃，呢個餐廳唔淨只得米線揀，我揀左佢既七彩麵配牛肉。老闆話係雲南運過泥，當餐送上後 老闆細心教導點樣食正宗既雲南米線 🍜另外點了一些小食 推介蒜泥白肉 個人感覺間唔中食一次半次都可以，因為始中價錢都有啲價另外，湯底正宗關係，偏咸鬼。

今天和姪女去新開張的雲魅吃過橋米線。先來一些小食。涼拌土豆絲，涼拌木耳和傣族手撕鬼雞都有特色。味道好，令人很開胃。過橋米線配料選擇多。今次我們選了七彩麵作新嘗試。我們分別揀了香格里拉豪華配料和文山精緻配料，有牛肉片/豬腩片，炸醬，酥肉，響鈴，竹笙，蟲草花，蝦，鮑魚，帶子，芫茜葱，粟米，鵪鶉蛋等。湯有多種選擇，我們揀了酸甜的番茄湯和少少酸辣的特色湯。見到十小碟不同顏色的配料，湯和七彩麵，好像幅畫，令人食欲大振。先將肉和旦放入熱湯，再放蔬菜類和七彩麵，然後慢慢享用。湯很鮮甜，配料和肉類新鮮美味。好吃!餐後來杯青檸薑蜜/柚子蜜，吃一杯豆腐/椰子雪糕，大滿足。我們都很享受，下次再來試其他口味。店環境清雅，服務貼心，是约朋友聚會的好地方。

行過旺角見到派傳單，話有間新既餐廳開張，全單8折，又有d餓，所以就上左去睇下。湯、麵同配料都可以揀。我揀左呢款 昆明風味配料 （牛肉）湯就揀左香辣（小辣）見到有蔬菜蕎麥麵就揀左，顏色好睇又健康d個湯都幾堅下自己倒所有材料入去撈黎食我唔客氣啦牛肉煮得唔錯，個蔬菜麵好幼，個湯比我想中像辣。份量都夠既。由於我覺得辣所以就叫左呢杯桂圓紅棗蜜，桂圓好甜，中和返辣湯既濃味。粒桂圓好大粒。杯蜜就ok 清，飲入口唔會怕太甜既。

最近旺角有一家新開的雲南米線餐廳開在726彌敦道，因為都係朋友話我知現在試業中，所以開放比少量客戶可以去食，今日就特地去撐場，睇下呢間所謂雲南米線餐廳好無味。首先一上到餐廳印入眼簾的是這裡的裝潢，真係好有雲南的特色，有樹有花有竹，真的讓人好像到了另一個環境，特別是靠窗座位，有一些特色竹的盆栽🎍裝飾，打卡一流。我們挑了靠窗的座位坐下，點了這裡的午餐套餐，午餐套餐有幾款供選擇，喜歡飯的我選擇了雲魅芹菜牛肉飯，朋友挑了雲魅老壇酸菜湯，選擇了七彩麵作下湯的麵條，我們還點了一份涼拌萵筍絲作前菜，好豐富的一頓雲南餐。涼拌萵筍雖然是前菜，但份量還不錯喔，挺多的。吃起來酸酸辣辣，超級開胃，拿來送麵送飯也是超好的選擇。再來這個雲魅芹菜牛肉飯，芹菜牛肉和飯是分開裝的，擺放的也份外有格調，芹菜牛肉偏重口味，炒得像乾鍋的，小辣小鹹送飯是一流。讓人驚喜的是這個配著七彩麵的老壇酸菜湯，原來這個如同雲南米線，配菜還有新鮮的肥牛，午餐肉，肉醬等等，這鍋酸菜湯更是可以自己放配菜慢慢煮，湯熱騰騰的，味道夠味，吃起來份外好吃。第一次這裡吃雲南米線沒想到有這麼好的體驗，無論環境到菜式都是讓人回味，大家一定會喜歡。

讚1.以食米線黎計，真係無幾何有咁骨子既環境，寬落舒服2.過橋米線係香港好少有店拿黎做主題，呢間仲加左幾個唔同湯底，揀左基本既款，少少酸，有雞香，個湯好過好多店，醃料多款，酸菜開胃微辣，炸醬辣得黎係有少少鹹香，呢兩樣好好送米線，其他既豬腩肉都好味，3.服務好，職員會教你落邊樣先，仲送埋野飲彈1.米線彩色係影相好，但係個人覺得唔夠滑，口感唔夠2.醃料入面既炸肉，好韌，難食3.土豆絲切得好，但醬汁酸味超強，唔太似雲南野又唔太四川野

環境優美，佈置得好清幽，大大的落地玻璃，令人坐得舒服，除了是打卡的好地方，還是朋友共聚的好地方。店員也很欣勤有禮地服務，年輕的店主用心打造，誠心詢問顧客意見，不斷求進，非常有heart❤的年輕店主食物不錯，尤其是七色麵條，賣相好得，打卡是必須的😂，小食涼菜如土豆絲萵筍也好好味，特色甜品“魯包撻”都令人一試難忘，而且有不少養生飲料，適合一家大小，據聞仍有新的菜式陸續推出，滿心期待，是一間不可錯過的食店。😍😍