雲貴川風味 (西洋菜南街) (已結業)

呢排成日食西餐，其實都食到厭厭地，前幾日返學前要好慘咁自己一個食lunch，就決定事旦食碗米線，食完就返學啦，點知竟然有驚喜，雲貴川風味嘅米線都幾好食🤤🤤🤤🤤🤤嗰日就揀咗麻辣豬肚，生菜，中辣麻辣米線，麻辣豬肚醃制得好好，好入味，絕對值得一試🤤🤤🤤🤤🤤而且生菜同埋米線既份量都多，性價比好高🤤🤤不過略嫌中辣嘅米線，紅油較多，唔鍾意食咁油嘅朋友就可以喺落單嗰陣圈返《走油》啦🥳🥳

晚餐不知吃什麼好，路過這間雲貴川，就這間吧，叫了小鍋米線＋ 麻辣腩肉＋麻辣豬耳，太太叫了麻辣米線＋豬腸 ＋魚肉春卷，湯底各有特色， 十分惹味，各樣配料都水準之上，不錯！

呢間米線我成日食。保持水凖。最中意系既小窩米缐。必食腩肉同埋菜肉雲吞。D腩肉做得十分出色。超级入味。而雲吞就好大份。有3個甘大。食晒已经7成飽。值得一贊D湯底好鲜甜。皆因有好多新鮮肉碎。我差5多飲晒D湯。5會好油。食完整碗真係好飽。

朋友話係廣告度見到哩間係五大必試嘅米線之一。作為米線控，就喺一個星期日，一齊黎食lunch。但佢嘅米線係普通到不得了，可以用暫時止下「米線癮」，但就唔使專程黎。見到「點心紙」就好熟練咁⭕️起黎！（好多都咁填。。。。）涼拌藕片$25一上碟，見到每片都有芫茜。😨心都涼左！但岀奇地咁多芫茜都無味，蓮藕係爽嘅。。。但係係「無味」嘅！真係好奇怪，有明顯嘅辣油、芫茜，爽，但無味。朋友點嘅「蘿蔔。辣腩肉。中酸辣米線」超闊佬的芫茜葱。（點心紙上只可以揀「多」，但無得揀「走」。）中酸辣：唔辣，小酸（以平時譚仔食「小辣」嘅利去評）腩肉：有咬口，肉絲條條分明蘿蔔：免強算清甜，但完全唔入味（蘿蔔仲係好白，未呈現半透明狀）米線：唔係「林」嗰種，但又唔係彈牙！唔識形容🤔我點嘅「麻辣雞肉。菜肉雲呑。中麻辣米線」麻辣湯：中辣，只見辣油，未有辣味。但啲湯竟然比酸辣嗰碗，更酸🤔菜肉雲呑：menu 上有👍🏽以為好食，就要一份。一碗有三隻，咬開係菜肉一半半嘅。但入面都係「無味」㗎！麻辣雞肉：咸而不辣價錢的確唔貴，但味道唔會係值得推薦嘅。🙇🏽‍♂️比較要讚嘅係，我見到朋友嗰碗咁多芫茜，先叫走，佢都真係幫到我走！🙇🏽‍♀️—— 完 —

米線黎講，本人都食過唔少，譚仔，三哥，川之味，雲南過橋，米線陣等等。鐘意食米線既人，多數都鐘意食辣，無謂係麻辣定係酸辣，夠辣先會過隱。而呢間既辣，我覺得做得唔錯，今次叫左中小辣，辣度岩岩好，太辣會做唔到米線，餸既味，唔夠辣又會唔好食。今次既中小辣就夠晒過隱之餘，又夠好味。辣味仲帶少少酸酸甜甜。另外，米線既生熟程度都岩岩好，唔會太軟or太硬但略嫌唔夠好既係佢個腩肉，唔夠肥美，脂肪同肉既比例唔夠高（肉太多，脂肪太少）雖然腩肉未算最好，但整體黎講，係香港Top幾既米線。鐘意食米線既朋友一定要試下。

#米線皇后🐖曾經心目中第一位既米線🍜舖？相信大家應該對呢間米線唔會陌生，佢得兩間分店。太耐無食過呢間米線😂佢連落單張紙都轉埋。之前好耐無食就會掛住呢間野😆🍜#腩肉生菜麻辣米辣 💰38麻辣腩肉係必叫🌶超正，份量都好多，有五大塊腩肉。肥瘦適中，非常吸引🧡，重口味人士必叫👍😆小辣🌶辣度對我黎講岩岩好，夠濃味。米線好淋身（呢間舖落單前有得俾你圈特別要求，可以揀米線要咩韌度，所以真係適合唔同人既口味）👍🍜好味指數：😋😋😋😋😋😋😋（十分最高）小食都有幾款選擇，今次試左其中一款。#口水雞翼 💰27四隻完全係白色嘅雞翼，食落有小小凍，好彩個辣汁可以搭夠到，辣得黎好香，但啲雞嘅質感真係好奇怪🤦🏻‍♀️下次唔會再食呢個。好味指數：😋😋😋😋（十分最高）

成日食開x仔，都會想食下雲貴川，佢d辣又係另一種，隻麻辣同酸辣都有自己既風格，配料充足，米線彈牙，腩肉係我鍾意食既瘦腩，雞翼剛剛好，唔會太乾，湯底又唔會死咸，食一碗已經好飽，真係唔錯既選擇

米線嚟講呢，的確有好多好多的選擇。但呢間係我的首選。。我通常就食清湯嘅。。但今次比身邊朋友影響左叫左酸辣，連我平時唔食辣的都覺得好正。。今次打包回去食，仲可以分湯。。

呢日同朋友仔去完旺角行街就順道喺附近揾地方食飯，經過呢間雲貴川風味見入面人山人海，心諗應該有返咁上下，於是就決定等位喺度食飯。好在等咗一陣就有位，不過明顯因為人手不足，我哋坐低超過10分鐘都仲未有人嚟執枱。辣豬肚絲腐竹麻辣米線 ($38) - 豬肚絲夠腍，湯底味道濃郁，不過只覺辣而唔覺麻味。菜肉雲吞麻辣牛肉麻辣米辣 ($41) - 雲吞及麻辣牛肉正常，不過亦因為湯底唔夠麻而有點失色。豬腸豬紅酸辣米線 ($39) - 上枱時首先聞到花生味😅，湯底酸味亦唔太夠，豬腸豬紅味道正常。口水鷄翼 ($35/6隻) - 鷄翼本身無咩味，肉質亦唔算特别滑，一般雪藏鷄翼貨色，口水汁味道正常。凍檸檬茶 (跟米線$8) - 都幾夠味，唔錯！整體感覺，食物味道一般，員工態度幾好，不過人手明顯不足，始終價格實惠，尤其在旺角區，難怪有咁多客。

Wan Kwai Chuen, as pronounced in english is located in prince edward/mong kok. Perfect place to drop by after shopping at the famous Fa Yuen Street.Although lack of english menu, choosing what to eat may be a little difficult for english customers, choose the options at the top of the menu for sour spicy, spicy or pork soup which comes with default servings of toppings.This spicy set comes with pork, chicken, mince and tofu. The combination is super tasty and not too spicy. Definately a place f

自問係一個米線怪，全香港最有名的雲南米線鋪，幾乎全部都吃過，雲貴川算是我其中一間最喜歡的米線鋪。一碗好食的米線，不外乎湯底惹味和配料出色，這兩樣雲貴川都做得很好。今日點的是麻辣米線（中辣），配豬軟骨、麻辣腩肉、腐竹和竹笙。先講湯底，它的麻辣能真正做到麻和辣，層次十分鮮明，辣中帶麻，麻中又帶辣，十分過癮。我點的四個配料，當中豬軟骨是必選的組合，豬軟骨炆得十分軟腍，浸在麻辣味底中，盡吸味道。最重要的是，它不像其他連鎖米線鋪人山人海，不會等位，所以我十分喜歡。

一向有癮食麻辣米線，雲貴川係少少貴但味濃啱我耐冇食，新一年又加咗少少價，柯打紙都改咗樣腩肉一向係似梅頭肉，辣的夠正夠惹味今天全高脂高膽固醇內臟，辣腩肉、辣豬肚和豬腸，麻辣少辣米線麻辣湯底夠濃有好多肉碎好味，腩肉淋，肚爽腸肥，好味一路食一路D辣攻鼻有鼻水，仲有feel! 不過加加埋埋仲貴過食飯，連凍飲成$57

今日同細妹行完旺角，去很久没吃的米線晚餐，位置說不上偏僻，雖然不算在大街，但附近食市林立，地鐡站過條馬路，再向太子方向行就見到，在一間出名的明星冰室隔離～除米線外，亦有小食提供，而且學生又有優惠，最低係下午茶，有嘢飲送～米線當然係佢地主力，分咗六款口味比客人揀，有辣有唔辣，連涼伴都有。呢度係餐紙落單，D餸由＄5～＄10不等，好多要求可自選，想淋D，爽D定多蔥，想走D乜⋯多樣化迎合客人絕對做到一碗切合你要求的米線，不過D餸款就無以前咁多樣化，好多種類刪減了佢出咗隻新嘢～土豆粉，加＄5，所以我試新嘢～細妹叫返正常米線，雞肉丶柏葉多芫茜蔥小辣，雞肉keep到水準，柏葉夠爽，但就小咗D，得三塊~值得一提係佢個湯辣得嚟帶甜，中和到個麻辣感，唔會一味得個辣字

上年嘅平安夜，我就去咗食米線😚冇人排隊又唔洗等位好開心😎配料有幾多選擇，價錢田$5-10不等😛#麻辣米線 ($25)😋好味指數：(7/10)天氣咁凍，梗係要食番個麻辣米線啦😎湯底橙橙地食勁吸引😍通常未試過我都會揀小辣🤓食落去都辣同惹味嘅，但麻味就欠奉，不過下次可以挑戰中辣🌶佢嘅麻辣米線係有酸菜咖🤔米線食落去比較粗身，都唔錯😚我就揀咗麻辣雞肉同魚腐，麻辣雞肉好惹味，魚腐吸曬啲湯勁好味😆

最近天氣寒冷，經過呢附近見到米線舖林立，忍唔住入去食番碗暖笠笠嘅米線。落單要自己剔紙仔，湯底、配料、價錢、辣度、走青之類全部都齊，按自己喜好剔。我叫左一碗酸辣米線，中辣，辣豬肚絲、響鈴、蘿蔔同墨魚丸。辣度方面，由於我比較食得辣，呢個辣度覺得岩岩好，湯底味道都唔錯，豬肚絲幾好食，蘿蔔夠入味夠軟，響鈴都係平時果啲，10蚊3條好似貴左少少，墨魚丸就一般。我朋友叫左一碗酸辣米線，小小辣，辣豬肚絲、貢丸同豆卜。辣度方面，佢話小小辣唔似小小辣，對於佢黎講太辣啦，豆卜浸埋湯入曬味好正啊！貢丸都唔錯，幾香菇味，好過墨魚丸。另外每人一杯野飲，總數都係$113，其實仲有好多款餸可以揀，我覺得下次都可以再黎試試其他餸。