雲貴川風味 (西洋菜南街) (已結業)

附近有三間米線舖，揀咗啲間第一次試下，叫左麻小辣豬肚絲，雞肉，魚肉春卷米線。黎到個賣相唔差嘅，不過一食落口，魚肉春卷腥到一個點，雞肉過分咸，正常少少去豬肚絲，不過都係冇咩味，最有味係個湯底，咸到不得了，食到一半放棄。最伏係個價錢，連杯凍飲$65，最貴過隔離兩間連鎖店，沒有下次。

湯底濃郁雲貴川米線😆今日忽然之間好想食小鍋米線所以就特登搭車出到旺角誰不知去到旺角雲桂香門口排晒長龍原來佢哋唔夠人手導致好多客人坐低到埋單，都未有飲品，我醒目就即刻離開，但係我個心依然好想食米線🍜，男朋友咁啱望到過幾個舖位原來都有米線店，就係雲貴川風味，睇到門口痴咗啲米線嘅餸菜唔係太望到入面舖頭有幾大，抱住想試吓嘅心態入咗去，估唔到原來門口細細，但係原來舖頭入面都有好多座位，只係樓底唔夠高，但係冷氣充足座位亦都算OK，不過啲枱有啲窄我叫咗小窩米線，少少辣，27元，加$9要原味腩肉，因為我怕叫麻辣腩肉會太過辣，腩肉非常抵食呀因為$9原來有好多塊，相對五花腩就得四片，而且好肥，睇落白雪雪亦都冇乜味， 早知我叫兩份腩肉都好過叫五花腩，湯底非常濃郁而且可以多芫荽 多芽菜，平時我食米線成日都食淨但係今次全部都清晒連個湯底都想飲埋，檸檬茶亦都好好飲一啲苦澀味都冇男朋友叫咗麻辣腩肉，我覺得都好好味我諗我下次會試吓叫，男朋友叫咗豬軟骨但係我就覺得唔係幾推薦～總括嚟講 絕對會重複幫襯～好味道😆😆

本身加入咗xx群組，有人推薦，咁就試下啦因為好老實雲貴川附近都有好多米線店，而我又真係未試過一入到去，服務態度就一般般，電話二維碼落單，可以揀寫紙，我係見到有人問先知可以寫紙因為一坐低就已經叫二維碼落單，並冇得揀咁我認真睇下Menu，本身嗌麻辣米線，3個餸咁，就59蚊但我又好想試下蒜泥白肉，最衰佢啲雞翼4隻起，好老實一個人食唔到咁佢就有個麻辣皇餐，就肉碎，麻辣豬腩肉，麻辣雞，腐皮咁，加蒜泥白肉加$20,原價$30。咁我就試下啦，橫掂啲餸我都食我個人驚小辣好辣，就嗌咗小小辣，走九菜蒜泥個汁我覺得可以，但蒜味唔重，啱我豬腩肉就唔得，我不喜歡至於湯底不太麻，酸菜不好食，麻辣豬腩肉好唔得，大件又唔好咬，麻辣雞肉我就有驚喜，我覺得好味，肉碎都一般，雲貴香好味啲。

第一次食旺角雲貴川，感覺唔錯，下午茶送豆漿，建議加$3 轉嘢飲，因為杯豆漿好水下！我飲咗一啖放棄！雖然入到佢有d 伙記食緊嘢，但都好幫手，好招呼！我揀咗少少辣，多酸菜，唔食得辣嘅我都係覺得辣咗少少，但係就食到接受到，唔使溝清湯！叫咗個辣腩肉，我即刻問佢攞隻碗筆不起嗰啲辣椒油！因為唔係好肚餓我叫咗一餸，就係腩肉！其實佢裏面已經好多料，超多酸菜，仲有好多肉碎，仲要唔係星林居果一種肥豬肉！$36 埋單超值，好味，仲要值得一題，枱面都仲好乾淨，冇嗰種癡粒粒嘅感覺！碗筷就要自己抹一抹啦，其實係我食米線咁多年，都冇入過去，因為覺得佢一定好辣，同感覺唔似好好食，點知反而有驚喜，可以再戰！

在西洋菜街有幾間食米線的, 本身想食上樓個間但冇開, 見呢間之前食過唔差所以再買嚟食,但今次感覺已唔算好食, 好似差咗啲😅我棟咗酸辣雞肉米線, 雞肉入口嫩滑, 米線份量剛好, 而酸辣湯底就唔夠酸辣度, 再加上芽菜、酸菜、韮菜、肉碎普普通通的一碗米線

某日經開旺角諗住買個外賣返屋企食搭車附近就有間米線店見到平時都好多人食一於試下啦嗌左雞肉、豬腩肉麻辣米線店員主動問需唔需要分湯上分湯亦唔洗另外加錢拎住外賣9衝返屋企打開好香呀見到餸量都好多個雞肉好入味好食豬腩肉都入味 但我略嫌太厚身食落有小小un

旺角分店雲貴川，酸辣米線包腩肉，豬肚，炸醬，酸菜，少量腐皮，加送细豆漿。米線份量足，腩肉豬肚正常，炸醬野味; 整體稍油膩，酸度稍不足; 但朋友，旺角區$28 外賣自助，食得過。

今晚是禁堂食嘅最後一餐。我同朋友行完旺角，行到好攰好肚餓，諗緊食咩嘅時候，朋友話帶我食一間好食嘅米線。🍜朋友帶我嚟咗呢間雲貴川食米線，其實之前我已經食過已經覺得唔錯。呢間米線嘅性價比好高，好平嘅價錢就可以食到好飽。我哋兩個人六點幾來到店舖，店舖內冇乜人，因為實我地好早食，不用排隊。職員姐姐亦都好友善招呼我哋，我哋每人點左一個米線加一杯凍飲 然後再叫咗六隻雞翼 埋單係$130對於鍾意食肉嘅我來講， 梗係叫雞肉麻辣腩肉。麻辣腩肉真係好好食對於唔係食得好辣嘅我來講啱啱號好。

之前有朋友推介呢間米線話好有風味既然行過就試一試佢因為平日既原故，無乜人直接可以入座一坐座就嗌左酸辣豬耳米線再加4隻雞翼同凍奶茶米線一上即刻急不及待試下，果然同出面既譚仔湯底完全唔同，真係有雲南風味喎！而雞翼因爲即叫即做既關係，等得要耐小小，味道都ok埋單兩位130，經濟抵食又大碗，絕對係會再推介嘅米線舖頭

點了套餐但唔記得咗叫咩名啦😂😂總括嚟講豬腩肉係少少鞋，但係肉碎超好食。即刻加返分！豬肚都好好食好夠淋米線略嫌太硬，唔夠軟糯。可以order米線煮淋D。70分

好耐之前食過一次，覺得幾好食，咁啱去開旺角買嘢，就過嚟食啦。豬紅金茹響玲酸辣中辣見到個湯咁紅以為好辣，點知又唔係喎，所以有小小失望，酸多過辣。另一碗叫咗蘿蔔豬脯肉麻辣小辣蘿蔔好甜好林，可惜豬腩肉嘅份量太小。

一向鍾意食米線，唯獨鍾情呢間店。好好食，一直保持水準。麻辣湯底非常香辣。拌麵都好正！另外，值得一讚是員工非常有心和有禮貌。我們去過多次後，有員工會記得我們的點菜要求，十分體貼。希望能在觀塘開分店。

落雨喺網上外賣平台 嗌外賣，叫咗酸辣米線轉薯粉。一打開倒個粉落兜湯到，嘩咁客氣呀！加餸整隻大曱甴俾我食！之後成兜冇食，打去俾雲貴川同佢講，個阿姐叫我叫網上外賣平台 退錢。永遠冇下次

叫咗網上外賣平台外賣薯粉，然後發現超大隻曱甴係啲粉入面🤮🤮🤮搞到完全無胃口唔敢食🤢🤢而且好唔抵食！叫一個米線，加$8嘅墨魚丸得兩粒。然後都一定唔會再幫襯！

雲貴川係我經常會幫襯嘅米線鋪之一，食辣好似中咗毒咁，耐不耐都好會好想去食嘅，今晚又頂唔順去咗食麻辣青瓜併皮蛋 辣味唔係好強，青瓜帶甜中和了辣味，可以食到青瓜的青甜與脆口，皮蛋就唔係靚貨啦，質感泥泥湖湖的，都帶點甜口，同樣可以中和辣勁，體整而言不錯吃的。腩肉雞肉酸辣薯粉 (中辣)湯底辣得嚟帶甜，酸味唔搶辣，好平衡，配料我全部揀了多，所以配料十足，腩肉有少許厚度及入味，好食，雞肉帶鹹(似客家鹹雞味)生熟程度剛好，整體同樣好吃。豬軟骨雞肉酸辣木薯粉 (中辣)湯底辣得嚟帶甜，酸味唔搶辣，好平衡，配料我全部揀了多，所以配料十足，豬軟骨有三件份量算多，夠淋身入味好食，雞肉帶鹹(似客家鹹雞味)生熟程度剛好，整體同樣好吃。加兩杯凍檸茶，埋單138，人衡69，抵食。