雲貴川風味 (西洋菜南街) (已結業)

幾個月前朋友帶過我黎呢度食米線，今日一條友覓食，就食呢間米線啦。下午茶時間（6點前），可以送豆漿或熱飲，凍飲就加$3。我要麻辣米線（$25），小辣，走芽菜，多韭菜，加兩個餸：麻辣雞肉（$7），魚肉春卷（$9）。要埋杯凍檸茶（$3），一個下午茶$44。麻辣味道幾對味，米線軟硬適中，魚肉春卷應該係來貨，味道一般；至於我最期待嘅麻辣雞肉就有點期望過高，雞肉算香但有點過淋，下次我都係叫返麻辣腩肉會穩陣啲。總結：麻辣湯底唔錯。

初時常常想去食，一星期食兩三次，但後來覺得，每次食完都會好口渴，問過做廚師嘅朋友先知味噌大多，便會這樣，味噌也會上癮，宜家間中會食算，加價快，量又少，宜家要$45，不過宜家咩都加

涼拌米線。蘿蔔得3舊，又細舊。相片看好像很大舊，真實是是很細舊。蘿蔔應該加至4舊，和大舊些。話晒$6的。花生唔明為何一直只得碎粒咁，幾粒沙咁，太小。起碼4,5粒一整粒花生吧?!!我唔食得辣，叫左走辣，之前的蒜泥一直都很辣，D蒜泥攪到成碗麵好辣，食到好痛...。現在蒜泥有改善，去除辣味，溝左D唔知乜鬼，還調左味，好好食，終於D蒜泥冇左辣味。市面上沒有一間米線店會加蒜泥，而且蒜泥會好像這般咁太太好食...。呢間店的涼拌米線真係好有特色!!  呢間店最好的是可在紙上圈上"加蔥"及"加鹽茜"，俾足你。不像外面的米線店，要口頭講"加蔥"及"加鹽茜"又唔會俾足你，俾得個1/3隻匙量。也不像同一條街的隔離個間唔知叫乜乜的米線店，加蔥要加$2，離晒譜。真係好差!! 樓面每位的服務差，態度又差!!! 成碗米線沒有賣相的，位子又迫。千祈唔好幫襯，你實後悔。呢間旺角雲貴川樓面每位服務都不錯，態度良好!!  試過見到有學生哥忍受唔住太辣，同樓面講，樓面都願意幫佢拎入廚房減左D辣。而且態度有誠意。完全不像外面個間米線鋪，理得你辣死，同你講"係咁架啦"。

要係旺角揾野食既話，但要揾平靚正一d 唔容易😅小鍋湯底幾清甜，配上酸菜芽菜蔥食洛更滋味個酸辣米線係真心酸辣湯底，麻着你d脷筋個下好正(小編流囇鼻涕個隻)你話味精就點都有d d但價錢勝於一切，麵質都比出面其他店鋪還要高質 米線夠滑 份量又多 今時今日點揾呀😊

一心諗住試新野，點知岀事！叫個外賣小窩米線，配料豬紅蘿蔔，另加小食涼拌土豆絲，小窩米線一打開個蓋只係見到滿滿嘅辣油（只係中辣），要用d時間去解決d辣油，先食到，一入口滿口油之餘湯底又一般，從來未食過咁難食嘅米線，原本小窩米線有嘅腐竹又無咗，豬紅一d味到無，只係得個蘿蔔味道好少少，另外個土豆絲得d薯仔味難食到嘔，從此唔會再幫襯！

麻辣米線，我最愛三哥譚仔，可以話一星期至少食一次，每次我都揀小辣，辣程度啱啱好可以入到口，今日出太子道西洋菜街，一條街一邊已經有三間米線、（未計另一邊）一間雲川、三哥、雲貴，因為三日前食完三哥，想去試過其他鋪頭，雲川我食過，麻辣米線入邊有酸菜，我唔鍾意酸菜味道，覺得麻辣都唔應該有酸味；所以今次去雲貴試下，米線依然要小辣、配菜有芽菜仔、韭菜、少許肉碎、雪菜、(小了三哥腐皮）另外我加左多蔥，味道同麻辣可以，不過小辣唔夠三哥咁辣，米線也都可以選擇軟硬度，餸我揀咗木耳、豬膶；豬膶未洗淨有血腥味，整體都唔錯，這間我會列入次選名單。

自己本身就好少食米線，一來天氣熱怕食到一身汗，二來又會好快餓。但有時同同事食飯，佢地想食，我都唔會拒絕嘅，我地就較少去果啲乜哥米線，通常都多人到爆，打工仔邊有咁多時間等位，而且嫌唔夠重口味，所以喺公司附近，我地通常都揀呢間。今日收工喺呢度食晚飯，都係點番平時食開嘅款式。酸辣米線 小辣 平時叫開豬腸、辣腩肉，基本上冇走雞，另外推薦佢地嘅響鈴，有水準米線夠滑，份量多，湯底唔會好鹹，好快食哂！小食方面選擇多，我地例牌都係揀呢幾款，青瓜皮蛋、雞翼、蒜泥白肉。鴛鴦烤雞翼雞翼都係必點，唔食得辣可以揀炸醬烤雞翼，唔會好似土匪雞咁重孜然味，反而好香口。蒜泥白肉不過不失，勝在唔會薄過紙，蒜味重。呀姐幾有禮貌架，因為我地成日幫襯，基本上見到都認得。午市都好多客人，餐廳就唔係話好闊落果種，不過幾光猛乾淨！

身邊有啲朋友好鐘意食米線，而我地就唔係特別喜好，但偶然lunch唔想食碗飯落肚，都會搵麵或者米線食。太子呢邊都有好多米線店，個人就傾向較重口味嘅，所以好多時都會食雲貴川，一來味道唔錯，二來姐姐啲招呼幾好。餐廳係一般米線店格局，唔會話特別闊落架喇，逼逼地食個快飯，加上人流不斷，偶然都要等位，我地亦都唔好意思話食好耐或者打躉。主要供應米線、薯粉，另有小食，價錢合理。點單富彈性，辣度、酸度、芽菜、韭菜、芫茜等走乜走乜，多乜多乜，連米線都可以揀爽啲、淋啲、淡啲等，一律由客人自行畫紙仔選擇，唔怕同呀姐講會麻煩。米線分小鍋、清湯、酸辣、麻辣、涼拌，定價 $22/25，可以加3蚊轉薯粉，湯底有鮮肉碎、酸菜、芽菜、韭菜。配糔料方面都係大路野，定價 $5/6/7/9。小食方面有青瓜、口水雞、土豆絲、雞翼等，呢啲一向都係米線店較賺錢嘅一環，因此定價稍高。酸辣米線+辣腩肉+豬腸+魚肉春卷 $48 (小辣)男朋友食開呢款，辣度剛好，微微酸味，米線食落滑身，軟硬適中，相對薯粉，建議食番米線。辣腩肉切得薄身，已入味豬腸用上大腸位置，夠腍身魚肉春卷較為失望，食落硬身，裡頭唔係好夠熱。平時都通常會點響鈴，呢度都幾細心

同朋友在旺角正在尋覓一間川菜，而且我們並不太想吃飯類，結果就選了這家位於旺角的貴川。價錢非常平民，就算多點了幾個加配餸也不算是太貴。另外也有一些特色小食，但並不是以辣味為主，較適合不太吃辣的香港人。👏😀友人有點了一個涼拌麻醬米線，面頭有些仿蟹柳絲，蕃茄和青瓜絲，審上一些芝麻，看下去十分吸引。😀而我點了雞翼沙嗲湯米線，印像中只是30多元，湯底可以說是很濃，沙嗲味亦足夠。米線的質感比較軟身，可是分量較少，吃完一碗都不太飽。另外自選配料點了雞翼，雞翼的質感比較乾身，而且很重味精，真的不建議點，吃到有點不想再吃！☹☹想食好啲的話，可以嗌餐牌上嘅小食，不過價錢唔平。另外亦有一些台式飲品，例如珍珠奶茶，款式中等。😐

米線一向都好受香港人歡迎，一排冇食有又好掛住果種味，今次黎試下呢間雲貴川風味order紙，同其他米線有d唔同係，佢好似平時我地食拉麵咁，有得揀要咩麵質，既得意叫左個酸辣湯底，不過今次唔夠辣，下次可以再叫辣d，麵質確實有唔同，都唔錯鴛鴦烤雞亦，麻辣同香草味，兩種都好好味下次都可以再黎既

旺角有好多食肆，但同時劣食不少，有時選擇多更難揀，如果大家都中意食米線，今次草根姐妹就介紹一間食得過嘅俾你地要推介嘅呢間叫雲貴川風味雲貴川風味係土瓜灣都有分店，但要小心係旺角差唔多名嘅米線店有好多間，呢間個名全名就係簡簡單單嘅5個字雲貴川風味!可以睇睇個餐牌先，有自選米線，亦有Set好左配料嘅，當然仲有小食啦!!配料選擇好多，樣樣都好似好吸引麻辣皇（$50） 見到呢個set好左嘅米線好多配料都岩食，草根妹妹一於叫呢個啦!米線麵質好彈牙，配料仲要係多到你食唔哂，呢個餐有大量嘅肉包括有麻辣雞肉+麻辣腩肉+炸醬+腐竹草根妹妹最愛佢嘅腩肉同佢地自家豬骨淆製嘅湯底，湯底最後用肉碎同麻辣提升番湯嘅層次唔係用粉開嘅湯，係唔同D!!食到草根舐舐脷雖然叫咗少米線，但好可惜食唔哂，盡哂力嫁啦今次去雲貴川食米線，講真最開心緊係草根妹妹呢個米線控，唔食得辣嘅草根姐姐就叫自選米線。首先係例牌叫清湯($22)，加（$9）豬軟骨同（$7）菜肉雲吞。雖然話就話清湯，但入面有秘製酸菜，芽菜，韭菜，所以個湯個味係超濃郁值得一提係d秘製酸菜的確為個湯增加左唔少風味！豬軟骨炆得好腍入晒味，軟骨嘅部分膠質好重！而且份量又係超足

雲貴川米線-司令成日周圍食米線，今次就食左雲貴川既米線，毫不猶豫梗係叫勁辣啦😜，上到枱紅當當正啊，正！餸黎講梗係要叫麻辣腩肉啦，腩肉食落唔鞋，帶少少肥，而且本身有調過味食落夠惹味，岩曬司令心水！-蒜泥白肉 ($28)蒜泥味道十分香濃，鋪滿曬係白肉之上，好吸引😍。白肉肥瘦恰到好處，蒜香之餘帶點點辣味，忍唔住食多幾塊！食完記得要食返粒香口膠啦😏。-皮蛋豆腐撈($24)豆腐好香滑😗，豆味香，香麻嘅辣汁一齊食，味道唔辣之餘，反而仲好醒胃，司令好鐘意佢嘅皮蛋有粉粉流心嘅感覺，食落味道甘甜，唔錯。-炸醬/麻辣烤雞翼($26/4)食米線點可以冇雞翼喎，除咗普通嘅麻辣雞翼，呢度仲有比較有特色嘅炸醬雞翼，最好係即叫即烤，一定熱辣辣😍。雞翼嘅外皮烤到金黃色，微微燒焦嘅感覺，食落好香口，炸醬嘅味道好濃，配埋雞翼一齊食都幾夾。

雲貴川風味- 腩肉雲吞酸辣米線(hk$39)，皮蛋豆腐撈（hk$24)，炸醬/麻辣烤雞翼（$26/4隻），響鈴（$9）旺角西洋菜南街，短短一個block已有多間米線舖，競爭激烈，星期六下午試下呢間座無虛席既雲貴川風味～特別在肉碎用鮮肉，同埋多款餸都係自家製～～包括腩肉（好味！）同雲吞（3粒勁大粒）! 特別一提，麵可以揀爽d淋d，呢樣幾好，米線拉面化～湯底偏濃味，適合重口味的朋友！最鐘意皮蛋豆腐撈，微酸微辣好開胃！雞翼油左d，個人認為可以烤耐d乾身d脆d。朋友點了薯粉，試左條，質地都唔錯！粗幼適中，如果唔係怕難消化我都想食呀～～～餸同飲品既選擇都幾多，值得一讚！

好像好久沒有吃這家米線，但老是聽見有人說西洋菜街這米線不錯，結果不小心便散步來到這邊，又再一嚐。看見下午茶時段還有十分鐘，立即進內劃單!小鍋米線的湯底不辣，味道僅微酸，這樣不錯，吃小鍋不一定要吃辣，但又配備了少許炸醬肉粒，不如清湯那麽寡，也有韮菜伴襯。米線份量不少，而且有點兒彈力，不是煮到最熟軟林林的，有質素!豬大腸呈絲狀，不會怕中間有甚麽骯髒物，薄絲狀雖乏口感但味道還不錯。魚肉春卷，味道的確像南記的，但魚味較淡，密度較高，因此較結實，但味道沒那麽香。送豆漿，少許甜，豆味一般，還好。不知是否下午茶時段人流不多，冷氣沒全開，進內後發現有點焗促。

下午茶時間黎呢頭搵食, 附近已經有三四間米線, 競爭都應該幾激烈...我就求其憑直覺入左這間雲貴川風味! 這間米線落單係自己在落單紙上面圈的, 我就叫個麻辣雞肉米線啦, 湯底要麻辣湯底, 因為第一次黎食, 叫個小辣穩陣一D先. (其實仲有小小辣)..跟住無幾耐就黎到了...一開始見到成碗咁紅卜卜打咗個突..心諗有D驚自己會食唔到...好似超辣咁...(但明明我只係叫小辣咋喎!)...不過好彩...食落又唔係真係咁辣..嚇得我...麻辣湯底幾香, 味道幾夠"麻", 麻辣雞肉幾好食, 望落好深色似係"滷"左一段時間, 都幾入味! D雞肉係雞扒切出黎果D肉, 唔係譚仔果D好鞋既雞胸肉, 入口都較嫩滑, 我鍾意!米線唔算十分彈牙, 但唔係淋patpat,  口感可以. 要彈既係..我圈左"多芽菜", "多韭菜", 但其實我覺得份量同平時食第間都差不多...可能呢間本身係比好少卦...碗米線亦都比較油...另外, 米線份量少左D, 再多啲就好喇! 下次有機會都會試多次!