雲貴川風味 (西洋菜南街) (已結業)

天氣濕濕凍凍，最好就係食麻辣米線，雲桂川是我其中一間最喜歡米線舖。次次經過都人山人海，但到我們去就很多時候都不用等位，去得多姐姐都認得我們。今日 order 麻辣米線(小辣)配麻辣雞，朋友叫了酸辣湯底(小小辣)配豬紅雲吞。佢哋嘅麻辣雞真係有麻辣味，多肉又多汁。豬紅軟滑，雲吞是自家製所以皮薄餡靚夠鮮味，湯底麻辣層次分明吃得十分過癮。以前都食到中辣，現在越吃越不吃得辣，可能年紀大哈哈，所以沒有叫小食，下次一定要試下。點菜紙十分清楚，減少出錯意外，記住記住記住菜紙可以加蔥加芫茜加酸加米。

作為米線嘅愛好者，每一次出街都會搵唔同嘅米線鋪。今日就特登嚟到旺角食呢間唔同嘅會睇都有講嘅米線鋪頭，一於試吓佢同其他米線譜有咩分別先。呢度其中一個最出名嘅餸呢就係腩肉，另外亦都叫咗雞肉，湯底個方面就揀咗酸辣米線，餐廳點菜紙都幾細心，好似日本嘅拉麵譜咁可以揀好多唔同嘅選擇例如加蔥加芫荽少米線淋啲爽啲等等。當日唔係好多人食，所以好快就有一碗熱辣辣嘅米線上菜啦。腩肉果然係佢哋嘅名物，食落去唔鞋再加埋有少少辣嘅味，非常之好味！另外嘅雞肉食落口另外有或者一聲，因為佢哋雞肉係非常之滑同埋添，好少有米線譜嘅雞肉咁好味。而佢哋嘅湯底都非常之濃，酸酸地咁好開胃呀，但食完唔會口渴，值得一讚！同埋食一碗米線都係40幾蚊到，非常抵食！😋

呢間米線舖提供唔同嘅湯底，有酸辣、麻辣、小鍋同清湯，配料甚至酸菜都係自家製呢度點單相對富彈性，辣度、酸度、芽菜、韭菜、芫茜等走乜多乜都可以，連米線都可以揀爽d同淋d， 感覺好似去咗食拉麵咁🤣💗酸辣米線+麻辣腩肉+辣豬肚絲+麻辣豬耳($49)湯底嘅辣度相對譚仔嘅小辣低，而且酸味亦唔太夠，油膩感較多，酸辣未止於好醒胃，但都算濃郁米線不會煮得太碎，不過唔係好重米香。腩肉屬厚身，而且冇乜肥肉部分，但咬落去非常軟腍，醃得非常入味，咀嚼到最後辣中竟然帶d甜味，真係Encore之選！豬耳嘅皮層一食落帶甜，軟骨非常爽口，不過麻辣味要食到好後先出。而豬肚相對辣味頗濃，但都唔算好麻，醃制得夠冇豬腥味，食落煙韌爽口，滷得夠腍唔會太老咬得開。💗清湯薯粉+豬軟骨+炸醬+雞翼($52)清湯底的確清淡，不過更食得出酸菜嘅味道。呢度嘅酸菜有菜葉同菜莖，食落有唔同口感，不過味道較差，係極級地酸但冇甜味🥬而粗薯粉食落彈牙，因為質地煙韌所以要多d時間咬炸醬亦麻麻地，同普通配料嘅肉碎冇咩分別，只係多咗微辣嘅醬汁，帶少少嚼感同肥脂。豬軟骨就炆得好軟腍 ，軟骨嘅部分膠質好重，有d入口即溶，肉質唔算好軟滑，不過悲傷小姐鐘意有口感，

下午茶去食個米線🍜，意想不到係呢間幾好食。。其實呢間配料選擇好多。。涼拌紅薯粉配料有肉碎，酸菜，芫茜，葱。店家應該加左一啲醬汁同蒜油。拌勻之後我自己加左小小黑醋落去。。真係好好食味道好開胃，紅薯粉又qq好滑。睇落份量好少但食哂成碗真係好飽。小鍋米線🍜牛腩小鍋米線，個湯底好濃味，但食落吾口渴。酸菜芫茜葱一齊食入口好正！牛腩煮到好淋又入味，好食。餐廳做緊優惠，帶口罩堂食減3蚊，外賣減5蚊。其實都幾抵！經過平平地可以試下

口水雞完全是沒有味道，記憶中好似40幾蚊其他鋪頭口水雞翼好食過佢，我相信我唔會再去幫襯啦，米線亦都唔係太出色差咗好多啦........啲阿姐又晦氣好似唔驚無生意禁，今時今日咁嘅服務態度真係咪使指意我再去。

以前係旺角依頭番工好鐘意過黎食，難得星期日岀黎依頭行下，要過黎回味工。星期日下就四點幾黎到，人唔算多唔洗塔枱坐，一坐底就當然揀野多，依到勝在款式多，唔算貴份量都比得足。鐘意食辣嘅朋友都可以有好多唔同辣程度去揀，我就偏向中辣加蔥加莞茜走酸，配料方面腩肉係必叫之選，又係可以揀麻辣/辣/唔辣，依到啲腩肉唔算肥，大大件又夠厚另外，叫左菜肉雲吞 (有3粒)又係大大粒，但如果有埋韭菜雲吞會仲好湯底方面比夠油小小，但食一次半次都ok

行過太子見到有幾間米線店 見到呢間未食過所以入去試下坐低有d熱 衛生都算唔錯 之後叫左兩碗米線第一碗係小窩米線配辣腩肉小小辣個湯底好正 有d肉碎 莞茜 芽菜 韮菜第二碗係小窩米線配辣雞肉小小辣大致上一樣淨係辣腩肉變咗辣雞肉hehe之後試下個麻辣皮蛋($17)皮蛋非常推介 超好食👍🏻👍🏻👍🏻同埋因為我地3點半入去 撞正下午茶餐時段(2:30pm-6:00pm) 所以送熱飲或者豆漿 凍飲都係加3蚊 好抵！！！總括然而，值得再黎

今晚行過太子揀左呢間，第一次食，有驚喜。好味平時我都唔係好食白肉，但之前食過另一間既白肉覺得ok,所以今次就叫左一碟。我覺得佢d醬汁超好味，到而家都仲想再食。我叫左個米線，好食過談仔，不過餸就小d。

喜歡吃酸辣的朋友不妨一試，這裏有酸辣湯底，麻辣湯底。而且湯底內有韭菜酸菜和肉碎等等。我最喜歡他的麻辣腩肉，豬軟骨。如果下午茶來吃的話還可以有優惠地加飲品。很喜歡來吃呢！

平時食開雲桂香 譚仔今日行過呢條街 就試下呢間我叫咗辣豬肚絲木耳小窩米線加凍檸蜜點菜紙好貼心俾你揀要多酸菜定多酸好多選項俾你揀返合適你嘅口味因為我第一次試 所以揀正常口味黎度米線味道尚可但米綫好碎 而且太淋個人覺得整體表現一般

6/6 3:20p.m事緣小女喺屋企肚餓想叫外賣（店呢個時候通常冇乜人）點完餐 講地址嘅時候 旺角道30號Xx大廈...未講完個女員工已經喺度話30號？30號好遠喎 我話其實唔遠，就係你哋鋪頭直行過兩條馬路就到（其實咁近佢一定知道）佢唔相信，呢句野我重複咗勁多次！電話入邊 佢語氣全程都係勁冇禮貌，佢就話冇可能，你屋企點會咁近（下？）我話就係咁近。然後佢開始問我附近有咩鋪頭，我就同佢講左兩三間鋪頭名，佢系完全知道晒啲鋪頭名，我就話咁我屋企就係嗰度啦。重點就黎！！佢又開始話邊有可能係30號？！（我完全無奈左） 佢再喺度問，使唔使行樓梯？幾多樓？我就話唔使行樓梯（好明顯佢係唔想行）繼續佢開始喺度問我大廈名（我前提已經講咗好多次）我真係好攰... 我就話其實你唔想送就算啦唉。。佢就話唔係唔想送比你呀小姐，我系要問清楚個地址姐（我已經講左十幾次 講完但佢又唔信 ）我就話算啦我唔要啦 佢即時極冇禮貌咁cut我線 我完全係勁嬲嘅一次經驗！

早排經過旺角，見門口咁多人排隊，就入咗去一試。叫咗碗酸辣米線，配腩肉蘿蔔豆卜，小辣，加8蚊要咗杯凍檸茶。碗米線味道不錯，腩肉夠哂淋，蘿蔔豆卜都好入味，價錢亦都可以接受。但係，先唔講杯野飲要8蚊咁貴，隻杯仲要好污糟，好多茶漬，杯檸茶又無味。整體尼講，米線幾好，但飲品真係唔得，希望可以改善一下。

第一次黎試旺角雲貴川風味，叫咗春卷小煱米線， 所謂的魚肉春卷，真係難食到比咗朋友食，春卷根本全部都係粉，一啲魚肉味都無。。。 個湯酸味好淡，而且同辣味分開的，因為佢只係落啲唔香嘅辣粉， 湯底唔似淆出黎，感覺好差好無質素。。。啲酸菜仲要唔識形容的酸味，好奇怪。。。如果用價錢黎睇，同街米線舖價錢都差唔多，所以真係好唔底而且發現周圍的人黎到好多都走辣的本人第一次寫食評，因為真係唔寫對唔住自己從未食過咁難食酸辣米線

食飯前飲咗杯咖啡，飽飽地想食米線，我最鍾意食米線。而且，如果係近公司就一定嚟依間米線，因為真係好味。之前介紹咗位同事食，佢開始時話米線來來去去都係個種味，佢食完依間就話原來有唔同味道，依家佢間中都會去食！ 所以，值得去試下。 自選，唔貴！ 顏色因為有小小辣嘅關係！ 依間好食嘅係米線同湯底。米線咬口啱啱好，入味。湯底係好味，特別係小小辣，啱曬唔係太食得辣嘅朋友。我覺得配雲吞加多芫茜就最好味！ 如果經過，或者係附近就快啲試下，12點左右無咩人，1點就要等位啦！

#雲貴川風味 (旺角)值得一提，呢度嘅米線可以轉做芽菜底。即係所有米線轉晒做芽菜，勁適合#減碳水化合物/#生酮飲食者。好好奇佢個湯底係用咩淆出呢隻橙色🤣一碗係酸辣一碗係麻辣，但肉眼睇分唔出兩個湯底。小辣並唔算辣，辣度低個譚仔嘅小辣。酸辣食到有浸醋味，麻辣就有麻香。但米線屬於粗米線，口感鬆泡泡同軟軟的。本人不太喜歡。餸菜方面：#豬紅 嘅精髓在於吸晒啲湯，但呢間啲朱紅係白灼再放入米線，豬紅雖好但冇吸到個湯就好失色。#菜肉雲吞 皮好厚但有3粒大大粒，菜味好出，比較抵食。#腩肉 唔係五花肉嗰隻，唔會肥膩同滷得好入味。必食！推介指數：7/10