雲貴川風味 (西洋菜南街) (已結業)

第一次食旺角雲貴川，感覺唔錯，下午茶送豆漿，建議加$3 轉嘢飲，因為杯豆漿好水下！我飲咗一啖放棄！雖然入到佢有d 伙記食緊嘢，但都好幫手，好招呼！我揀咗少少辣，多酸菜，唔食得辣嘅我都係覺得辣咗少少，但係就食到接受到，唔使溝清湯！叫咗個辣腩肉，我即刻問佢攞隻碗筆不起嗰啲辣椒油！因為唔係好肚餓我叫咗一餸，就係腩肉！其實佢裏面已經好多料，超多酸菜，仲有好多肉碎，仲要唔係星林居果一種肥豬肉！$36 埋單超值，好味，仲要值得一題，枱面都仲好乾淨，冇嗰種癡粒粒嘅感覺！碗筷就要自己抹一抹啦，其實係我食米線咁多年，都冇入過去，因為覺得佢一定好辣，同感覺唔似好好食，點知反而有驚喜，可以再戰！