雲貴川風味 (西洋菜南街) (已結業)

#太子#雲貴川風味#酸菜好出色幾年前排隊食過呢間，印象中好好食。今日經過川之味，見到人龍排到轉彎，結果去咗附近呢間。叫左腩肉、大腸、豬軟骨 小辣 酸辣米線。小辣不算辣，但食完半個鐘，個嘴仲係覺得辣辣地，持久力強😆湯底好味，酸菜特別出色，可以免費加酸汁，原來係醃酸菜嘅汁液，夠酸夠惹味。大腸入味好食，腩肉薄切偏瘦，豬軟骨有咬口，唔係川之味嗰種啫喱狀。呢間少人講，其實幾好食，可以再戰。鍾意食酸辣嘅可以一試。

呢排轉左工返旺角 第一日返工問同事附近有咩好西食 佢就介紹我lunch去試下一間好好食既米線 我就黎左食 今次我叫左腩肉 金菇、魚腐三個餸 湯底叫左麻辣小辣 一黎到見到湯底偏油 感覺上佢既腩肉係一早有醃過好入味 金菇就正正常常 魚腐好大舊 湯底入面既肉碎係有炒過既同出面其他米線店既好唔同 份量好足 我會再黎幫襯

所謂污糟莫比人見，莫比人知雖然明白去呢啲地舖唔乾淨得去邊，但食食下有黑影係腳下閃過，以為幻覺點知聽到人大叫有老鼠係枱底….係大廳任由老鼠走嚟走去都懶懶閒，有食客驚到大叫，又有人企上櫈，員工先慢慢拎掃把😑食物幾好食都好，我個人都有啲卻步….而且佢碗米線啲肉碎唔好食🥲 無下次了

🍜🍜🍜🍜🍜🍜🍜🍜🍜小窩米線+麻辣腩肉 *走米線轉芽菜底———————————————雖然淨係好隨便咁影咗一張相，但真係忍唔住要寫返個正評去大力支持下佢！好多時候食酸辣米線都係為咗佢個湯底，次次食米線一啖米線一啖湯…再一啖米線一啖湯….跟住忍唔住一啖又一啖🤤🤤搞到次次食米線都食到好飽….————今次呢間米線鋪，其實由中學時期食土瓜灣舖送嘅外賣，到10年後多數去旺角舖食，個酸辣米線都係好食到啱啱好👍🏻👍🏻👍🏻酸有酸度 辣有辣度😋😋——————-最近一次去發現佢改咗少少名，原本嚇死以為佢轉左手，好彩只係風水改名轉下運喔（聽聞🤣🤣）佢再轉左QR code落單好方便又可以減少人手出錯，跟住我發現佢可以走米線轉芽菜底🥗🥗🥗🥗🥗🥗🥗🥗🥗🥗🥗🥗🥗🥗🥗OMG!!!!!!一定試試佢！點知一試就愛上！食住芽菜底一D罪咎感都無！一啖芽菜一啖湯係！無！敵！超！級！好！味！同match！今次我淨係加左佢既招牌麻辣腩肉，但係腩肉味道保持水準，個湯底走辣但撈咗少少麻辣汁，酸辣度啱啱好！———————————-最後，成碗食晒！但係唔會飽到要捧住個肚走，我會形容為：味覺視覺都非常滿足，而肚皮唔會有負擔既滿足❤️🧡💛p.s

今日lunch諗唔到食乜，一於再encore呢間米線，味道好唔錯，只係有比較油D,但係湯底好惹味，好濃嘅豬骨湯同辣味，湯底配料都好豐富。有肉碎&芫茜&蔥&芽菜，令人想一試再試，我今次叫左麻辣腩肉同埋金菇，水準保持，腩肉偏瘦得黎唔會"鞋"口，而且非常入味，金菇索曬d湯汁，辣得好過癮好惹味，相信一定有下次

之前食過土瓜灣分店拜倒佢個腩肉裙下重點係可以叫雙份腩肉啲餸仲可以後加好多米線舖都唔可以雙份咁叫·一直唔知佢旺角開左分店本身諗住食貴香園 咁岩經過即時轉呔·酸辣小辣多酸麻辣腩肉+辣腩肉+魚肉春卷（$57）改芽菜底一上枱係好香即時飲啖湯可惜湯底唔夠味唔夠酸有辣油係面但一d都唔辣🥲味道好單一仲好淡唔知係咪我叫左芽菜底既關係·另一碗叫左酸辣中辣就好少少麻辣腩肉+冬菇+腐竹（$48）略嫌多酸都係唔夠酸但中辣都係無咩辣味·要讚既係腩肉超級好味比荃灣唯一仲好食但我明明叫左兩份腩肉仲少過另一碗既一份🥲·而雙拼雞翼（$31）炸醬拼麻辣兩隻味都幾惹味好香口雞翼大推 值得一試·整體有d失望🥲下次都係去番土瓜灣食·

呢間米線我返工經常光顧，佢係少有用QR CODE自行落單嘅米線店，不過個app就有點不方便，經常容易不小心雙撃空白位置後放大而不能還原，要重新load過個網頁。湯底方面麻辣比酸辣好食，酸辣食唔到酸味，麻辣比較香d ，佢嘅麻辣腩肉好好味，入味得黎唔會"鞋"口「柴」。唯一缺點係湯底比較油一d,如果鐘意飲湯嘅朋友可能未必太岩，太油的話好容易腸胃不適

不論時間地點人物 食小鍋米線係絕對冇人會反對之選 平時食開雲貴香今日難得嚟到旺角咁之後試吓雲貴川啦有別於雲貴香嗰種連鎖式店舖嘅感覺 雲貴川依然保留住街坊店舖嘅感覺 今次我哋唔係好肚餓 所以兩個人只係叫咗一碗米線同一個小食 一杯凍檸茶小鍋米線配豬軟骨蟹子丸 食唔到太辣既我哋只係敢嗌少少辣 先試咗一啖湯底 酸味同辣味互相平衡 味道唔錯 亦都夠熱🔥 豬軟骨未夠腍身 蟹籽丸正常發揮鴛鴦雞翼 包含左兩隻麻辣 兩隻炸醬雞翼🐥 剛上菜我就忍唔住夾起一隻咬落去 烤雞翼外皮好脆 肉質嫩滑 只可惜雞翼醃得唔夠時間 入面既雞淡而無味🙈🙈

1點旺角買完野順便食埋lunch行過西洋菜南街有幾間米線鋪求其入左一間QR code落單平時叫開小辣不過今日想食辣d 就叫左中辣酸辣米線 多酸炸醬 響鈴響鈴分開上 有3舊唔係間間米線有響鈴食 吸飽湯汁食勁正炸醬偏鹹&瘦 唔太值得加反而湯底既肉碎 有肥有瘦 仲好食d湯底聞落好香 睇落好深色但中辣辣度我覺得同三哥酸辣既小辣差唔多🤔神奇既係明明都叫左多酸 但完全完全唔酸係咪廚房落漏左？Overall都算好食 不過酸辣唔酸就真係唔可以😂😂鋪頭通風做得幾好 食完件冷衫都無味樓面雖然忙 但都同d客有講有笑見有大肚婆都會幫手移開d位

西洋菜南街有幾間出名嘅米線店，雲貴川就係其中一間，今年有一段時間過咗旺角返工，因為工作嘅便利終於有機會一試雲貴川嘅風味。叫外賣返公司食，原來都要等幾個字時間，響我等外賣嘅時候，發現都幾多人落去叫外賣，如果下次再食嘅時候一定要先打電話去落定單。姐姐都幾細心，問我公司遠唔遠要唔要分湯，由於公司都要行一段路所以我分咗湯。另外個份量係我估唔到咁大份😱因為佢嘅餸連埋米線係塞滿晒成個外賣盒😆份量多到我可以食兩餐😂而味道方面，我覺得味道係好食嘅，但比較油膩，食完都有少少濟。

米線相信大家都知 旺角好多body check為左個body check result 好睇d自己忌口忌左2個星期今日做完body check就食番d 人類正常嘅食物啦今次我就整番碗米線歎🍜🍜🍜呢間餐廳大家要留意係佢附近都有間雲貴村 果間d檯面就係黑色嘅🌑呢間d台面就係木🪵色嘅大家留意下個分別餐廳可以叫外賣😎😎😎我今日就堂食我叫左辣肉米線多茜🥕🥕🥕🥦🥦🥦茜就吾係好多 呢下先遜色左d但辣肉 都幾好食 份量都唔少🥘🥘🥘同埋湯底都好多肉碎 🧆🧆🧆大家有時間都不妨去呢間店試下

今日晏晝唔係太肚餓但點都搵啲嘢食下行到旺角附近決定試吓搵吓有冇啲米線鋪求其撞一間睇吓自己好唔好彩定係又上咗直升機.就係咁就入咗呢間雲貴川風味其實老老豆豆我都唔係幾識分雲貴香雲貴川雲貴乜雲貴襪因為實在太多啦所以是但啦.因為已經3點幾嘅時間所以都唔係太多人仲可以自己坐一張枱感覺係舒適嘅.去到之後係自助落單直接數枱面QR code又幾方便.我就嗌左1. 酸辣米線2. 魚肉春卷3. 金菇4. 雞肉5. coke zero.啲嘢食好快就黎喇首先個米線喺落單嘅時候佢有得俾你選擇林啲定硬d我覺得呢個係幾體貼嘅地方所以係好啱我口味以佢嘅酸辣我覺得好岩岩好fit我帶咗小辣.雞肉嘅份量都OK同埋佢係冇雞皮嗰隻切條雞i like!.魚肉春卷我得稍為遜色反而相比起香格里拉佢嘅春卷真係好出色.金菇就相對比較碎唔係好食到太多.so far整體來講都合格嘅同埋味道亦ok偶然如果經過唔係太肚餓想食少少粉面可以試吓但係就唔使特登專程過嚟啦

西洋菜街有好幾間米線專門店，雲貴係其中一間比較多人幫襯。咁就令V仔一試。整體來說，米線煮得唔夠熟，有啲係硬，都係唔用心去做，不過，湯底還可以吧。佢嘅辣就有佢特色，不過太油膩。一般般，硬米線係死罪。加上酸菜是用醋酸唔係自然果只味，唔好試。不過我會比多次，想試埋佢嘅騰椒米，因為用椒味香啲濃湯，有機會再試下。佢小食唔做，點有個麻辣墨魚頭，爽爽地，辣椒🌶️香味加上墨魚頭爽爽地咬口，都幾夾吓。有機會可以試吓。

酸辣米線 (中辣) $42配料有酸菜、芽菜、芫茜、蔥同肉碎 米線🍜幼身煮得唔會過淋口感爽彈👍🏻係我中意既米線質地☺️湯底🍲中辣既酸辣湯底望落好紅🌶🌶但對於食得辣既我黎講唔算辣🌶欣賞湯底唔會太油🍾而且食完都唔會有口乾既感覺應該無咩味精🤔讚👏🏻麻辣雞肉🐣份量頗多肉質結實🍽有咬口就算係麻辣都唔算太辣🌶幾好食既👅蘿蔔有四大舊淋甜👌🏻得一舊有渣整體來說，係一間性價比高💰既米線舖絶對可以一解想食米線既慾望😇

雲貴川風味 (西洋菜南街)以前讀書成日過嚟呢度食，隔咗4-5年，經過就諗住試下係咪仲係一樣咁好味。BTW已經依進化到用QR code落單! —————————————————————   麻辣雞肉麻辣腩肉鍋米線(小小辣)💸$45份量都仲係咁大碗，腩肉雞肉有好多舊，以前冇咁食得辣就會叫麻辣腩肉配清湯，今次再嚟就叫咗少少辣，加埋腩肉啲辣油就好好食，夠香又夠辣。佢啲腩肉唔似其他鋪頭咁多肥肉，係好大部分都係肉，但係又一啲都唔會覺得鞋，啱哂唔中意成舊肥肉放入口嘅我。叫小鍋米線佢會有啲肉碎係個湯底入面，令個湯底好味好多。豆漿加$8 不過有啲淡，冇乜豆味。  —————————————————————   雲貴川風味 (西洋菜南街)地址:  旺角西洋菜南街103-109號 Instagram : @sik6faan6