雲貴川風味 (西洋菜南街) (已結業)

今日點左個腩肉炸醬雞翼清湯米線，飲品就點左杯凍朱古力。腩肉係有驚喜既因為真係幾好食，雞翼就一般無乜特別。炸醬有小小辣幾好食不過連埋啲米線上，食左兩啖米線之後就沉底要尋寶。杯凍朱古力就麻麻地，見到隔離嗌左凍檸檳好大杯好似幾好飲，下次再食的話要嗌杯試下先

有時候當同朋友出街既時候，最大嘅難題係「今晚食乜好？」而我今晚就遇到呢個世紀大難題！ 今次行旺角行到花園街，雖然花園街同金魚街都有好多餐廳，不過就都係唔知食咩好。所以就揀咗一間一直到最穩陣嘅餐廳，佢就係雲貴川風味 ！話時話自從唔知幾時，一直都食譚仔，冇乜點去過雲貴川，不如就佢啦! 今次食就叫咗個肥牛豬耳小鍋紅薯粉，因為我想食得清淡啲，所以今次就走辣，不過就唔記得走酸，不過竟然比我想像中好食喎！原來酸酸地都幾好食喎！冇食咁耐，都keep到水準！紅薯粉煙煙韌，加埋個湯底，一路食住肥牛同豬皮，再加埋意外無走到既酸，出奇地接受到，食落又幾開胃。不過，唔知係我唔好彩定係成本高左，豬耳同肥牛都唔似以前咁多。$38呢個價，又好似唔係好值，食碗麵加埋野飲都要成$40，又好似高左小小。 總括來講，雲貴川風味都算係一間穩陣嘅餐廳，諗唔到食咩嘅時候，佢可能都係你其中一個選擇！

(我好奇心大到,應該可以大到Curiosity killed the cat唱番首好奇心殺死貓先)今次食既係雲貴川,米線邊會得一款咁少 不過掛住食,餐牌都唔記得影低,佢4款入面,最吸引我就係小鍋米線因為佢有肉碎(對於一個食肉獸而言,點會放過任何食肉既機會丫)豬軟骨,未如想像中, 軟骨太軟,未夠有咬口希望軟骨可以變得有番啲硬身跟住食左4款小食炸醬雞翼味道唔突出, 麻辣反而我唔係點食到辣既人都食到,唔錯

今日同個fd約左出旺角行下，在行左一陣見有啲肚餓，跟住見到呢間米線係隔離，個fd又話好想試下呢間野，所以就入左去試下。一入到去發現地方都唔算話太細，都算寬敞，俾人感覺唔會有壓迫感。跟住由於我就未算太肚餓，我就只係叫左兩個小食同埋一杯野飲。我地傾左一陣偈，話口未完，啲小食同野飲就上枱喇。首先第一個小食係皮蛋豆腐撈，呢碟野啲豆腐好滑，皮蛋又夠口感，再配埋餐廳果個唔算辣啲醬汁，非常惹味之後第二個小食係蒜泥白肉，呢碟野啲豬肉唔會太肥膩，醬汁又岩岩好唔會太酸，用啲豬肉點果個醬汁，除左充滿蒜味仲好醒胃。最後杯野飲我叫左杯凍檸賓，杯野唔算太甜，入口都可以接受，而且仲幾大杯。總括黎講，呢間野都算唔錯。小食嘅種類雖然唔算多，但係感覺到佢係用心去煮嘅，仲要味道都算唔錯，所以都算值得一試。

說到米線，提起酸辣，一下子想到的就是中學時叫外賣。記得由中一二時的豆漿大王，去到中三四的炳順新之食，中五中六的時候就有傷心酸辣粉。雖然粉麵不是我的心水，但有時候免得麻煩總會搭單。要吃這類外賣常有的菜款時，就會憶起以前一回到學校各人就盤算中午吃什麼的情景。　　近日下著雨微涼的時候，還是想吃熱的。跟友人在旺角逛了一會，那麼就在附近隨便選了。原本想去隔壁食校長（誤），但友人儲錢中，三四十元的比較理想。那就這家雲南米線好了，下著雨時也不想周圍找食點。　　一般茶餐廳格局，但井井有條，不會太過擠逼。衛生情況是合格範圍，未見有太多昆蟲騷擾。燈光充足，吃得更是舒服放心，至少可以看清楚環境及食物。　　主餐牌上列出了飲品選擇，但點餐紙就沒有。不過點餐紙印有清晰的菜名及價錢，配搭細項都有列明可選。不管是配菜份量，辣度或是轉粉加大少份。還是質感味道要求，稔身、爽口及淡味等，都可以任客人圈選。予人感覺是認真以客人角度去思考潛在的要求或需要，不是以商戶自身作出發點。　　提到中學，這裏有學生優惠。著住校服點米線或薯粉就會送熱飲或豆漿，凍飲加$3。不是學生的話，星期一至五非假期下午茶時段兩點半至六點都可享相同優惠。酸

今日自己一個人係旺角行街街，行完之後諗住搵啲野食，但係自己一個食又唔想食咁多，搵下搵就下見到呢間米線舖頭，行到差唔多，呢間野又沒試過又唔洗等位, 所以就入去試下。一入去發現呢間都算幾貼心，每個顧客都可以根據自己嘅口味，係點菜紙入面圈出自己想食嘅配菜，配搭出自己嘅米線。最後我叫左個小窩米線, 餸就叫左響鈴、金菇、魚腐、木耳，豬軟骨同埋竹笙，另外再叫左紅油青瓜皮蛋。之後等左10分鐘碗米線就先上枱喇。跟住我發覺8呢間野真係好足料呀，而家物價真係貴左，但係以呢個價錢可以食到咁足料嘅米線真係唔錯。味道方面，魚腐食落唔會太淋，都算好有口感。豬軟骨煮得有點太耐了，肉質有點鬆散。竹笙就好新鮮，足晒啲湯嘅精華，食落好鮮味。響鈴都算脆身，點一點湯就食得，不過餐廳真係算細心，識得將響鈴同碗面分開上，如果響鈴同碗面一齊上，啲響鈴就會淋晒，超級難食嫁喇。係享受緊碗面嘅同時紅油青瓜皮蛋就黎左，青瓜好爽脆，唔會太辣，但係皮蛋唔夠香，但作為一個小食都算唔錯。總括黎講，我都覺呢間雲貴川都算唔錯，食物質素唔錯之餘，仲有要係大眾化價錢，有時間我都會再黎食。。。

路經此地，突然很想吃蒜泥白肉。須知道，其實蒜泥白肉呢道菜，哪裡也一樣，所以我就坐下待雨停下再前行。沒想到蒜泥白肉竟是這裡的新品，老實說這麼普通也能叫新品? anyway, 這裡比較特別的是，蒜泥白肉灑上花生碎，就像擔擔麵一樣，蒜泥也不是太多，只是薄薄的舖上面，不過個人認為還算夠味道，也比一般的蒜泥白肉辣。值得一讚的，是白肉的肉質不算老，而且蒜泥份量也剛足夠，吃後口腔也不會太大陣蒜蓉味，不錯。

行行下旺角落大雨，又無帶遮，唯有同男朋友搵間餐廳避下雨，食住少少野先，行過見雲貴川重有位，就即刻衝咗入去凍檸賓第一時間叫返杯凍檸賓15蚊，都幾夠味，唔會溝得太稀，變咗飲紫色水咁，另外重有3塊檸檬，都幾新鮮，又無苦味，15蚊算抵飲之後再叫咗3個小食，樣樣都係廿令三十蚊，叫咗蒜泥白肉，紅油青瓜拼皮蛋同炸醬烤雞翼併麻辣烤雞翼蒜泥白肉28蚊嘅蒜泥白肉，上面有勁多蒜蓉，重有啲花生碎同莞茜，下面有排青瓜條。紅油唔算太多，白肉切得好薄，啲肉唔會好嚡。肥肉又唔算太多，食落去唔會太油，辣度夠，蒜蓉味好重，好惹味紅油青瓜拼皮蛋24蚊嘅紅油青瓜拼皮蛋，又係有好多蒜蓉，莞茜同辣油。份量都幾足，青瓜幾爽口，清清地，無蒜泥白肉咁辣。皮蛋好似都有一隻，雖然唔係糖心，但都幾香口鴛鴦烤雞翼34蚊有6隻鴛鴦烤雞翼，鴛鴦即係3隻炸醬味，3隻麻辣味。炸醬個味比較淡，味道唔算突出，麻辣就比較惹味，兩隻雞翼都幾乾身，但食落去又唔會乾爭爭，上面重有啲芝麻，食落更加香口PS:食完之後因為未停雨,我地再坐多陣等雨細咗先走，啲店員都好好,無催我地走.同埋啲野好平好抵食~

是晚黃雨, 在動物街裏買了兔子T草後, 趕忙吃過晚飯便回家。  濕嗒嗒的天氣令胃口失常, 路過見到有賣酸辣的食店, 就它吧 ~進店後被安排坐在冷氣位下, 幸而風吹得不大, 好涼快呢~  隨手拿起張剔剔紙來閱讀, 米線有分小鍋、清湯、酸辣、麻辣 ($21-$24), 無論辣度、酸度、芽菜的多少、加不加青蔥芫荽等等都可以隨自己喜歡而列明, 對米線有甚麼特別要求也可以提出。 餸料方面由$5-$9一款不等, 最廉宜價格的通常是蔬菜豆品類, 再上便是凍肉丸丸, 然而店方特別讚的滷餸料都只是賣$7一款 , 多抵吃吧 ~每檯都有辣椒醬一瓶, 看樣子是很足料吧~在小食方面看中了 皮蛋豆腐撈 $24滑溜豆腐粒上鋪了皮蛋碎並加入辣肉醬, 溏化蛋黃的鹼味並不強烈, 與豆腐及辣肉醬皆可和諧共處, 唯豆腐出水太快, 影響味道。主餐點了 涼拌薯粉 $24, 另加$7「唔辣腩肉」、$7豬腸、$7雞中翼、$9豬軟骨在涼拌薯粉內已包含了酸菜、炸醬、青瓜絲、芫荽作配料, 薯粉是粗身滑溜帶嘴嚼口感的那種, 未算晶瑩剔透。「唔辣腩肉」脂肪少多瘦肉, 滷水入味。豬腸依然保留脂肪, 豐腴脂味並無豬腸的腥味, 富口感嚼勁。豬軟骨被

係旺角行街行到8點左右，開始搵野食。原本想同男朋友食譚X，但男朋友行街時候食左野唔太餓，所以放棄心愛譚X，打算係附近搵搵有咩食。我始終想食米線，行到譚X隔離再隔離既呢間，見到靜靜地冇乜人，打算試下啦～點知原來會係咁囉！！！坐低見到有落單紙，格式同食車仔麵差唔多，我揀左麻辣米線走肉碎走酸菜加雞肉金菇小辣，男朋友本來打算食個小食，後尾都係決定叫左碗小鍋米線麻辣湯底加麻辣豬耳豆卜。邊寫邊望望四周圍，間鋪真係好少人，水靜鵝飛，老闆娘好似唔係老闆娘，唔識招呼客人，連位都唔帶，D客人入到黎，佢淨係講左句：「坐呀」就做自己野。。。。我開始覺得伏伏地。。。好啦，碗野黎啦，睇落D湯同埋陣香味都ok架，可以勾起我既食慾。。。點知食左第一啖，忍唔住哇左聲！！！好難食！！！！D米線口感完全唔係米線，太淋，又潺，好似擺左幾日就舊米線咁。。。D雞肉好老，味道差，我腌得仲好食過佢！！！D湯飲落唔麻唔辣，似煲左好耐咁。。。我男朋友雖然冇出聲，但佢同我一樣食左幾啖就停曬手。。。反而佢果碗既豆卜就算正常。。。我明白點解呢間鋪可以係紅日晚飯時段水靜鵝飛啦！！明曬！！！呢種食左等於冇食，餓住出黎搵第2樣野食既感覺真係唔好受！

做完facial返家前在家附近找吃~~ 一路係中環到太子地鐵車程個心都諗住想食米線~ 就諗起不如去譚仔啦~~ 行到差唔多見到雲貴川, 又沒試過又唔洗等位, 咪入去試下啦~點左碗小窩米線, 餸就點左辣腩肉, 金菇 同 豆卜~~等左5-7分鐘到碗米線來了~~ 一看... 我呆左~~ 4蚊一粒豆卜, 4蚊一小住金菇~~ 我明白物價係貴左~ 但唔係貴成咁嘛~~叫左個靚姐過來問一問, 佢叫我找下, 會有豆卜同金菇係個底到~~ 如果冇就補返俾我~~ 咁我係佢面前找多左半粒豆卜........... 金菇依然係想中的一小住~~ 佢見我找多了 『半粒』豆卜就冇理我了~~ 我諗我唔會去亦唔會Suggest朋友去試呢間~~ 因為真係價錢同份量不成正比得好過份~~不過, 公道一句... 佢個麻辣係好味既~~

今日喺呢頭做完野又累又餓~誓要搵個好的地方坐休息下~順便醫下個肚仔~路經此地~發現呢間川菜麵店~心郁郁想試下~入到去冇咩人~可以揀個靚位坐~服務員姐姐好熱情咁拎左杯水比我~望下張點菜紙~除左一般車仔麵款~仲有好多麻辣款式~都几得意~最後我點左麻辣腩肉雲吞大麻辣米線~仲叫左個皮蛋豆腐撈落單時服務員阿姐問飲乜野,我問佢要加多少錢~服務員阿姐就話: 你講就得啦~~嘩~呢句真係太雷氣了~~最後佢冇講話加几錢,我只係點左杯熱檸水...麻辣腩肉雲吞大麻辣米線 .- 唔知係咪我的味蕾有問題,麻辣系列感受唔到麻辣味~麻辣腩肉食落好似食牛腩咁,好淋不過唔麻辣,我有懷疑佢可能比錯~雲吞相信係自家製~皮好厚,而且菜肉得好細粒~麻辣湯唔夠辣,要叫服務員姐姐再添辣~米線淋得黎唔爛~一條條好分明,唔錯~份量算多~我明明圈左少米線!!點菜紙上面好細心咁比客人點出額外要求,而我就點左多蔥多芽菜多青.少米線,點知來到結果令人意外,想多的冇多到,~想少的冇少到..想點先...咁不如唔好比人圈LA...皮蛋豆腐撈 - 簡單的菜式,份量可算大份~!入口有少少香辣加上涼浸浸的感覺,夏天食好適合~,總括黎講..算係見識過佢的出品

食親米線都係譚仔，試下第二間。雲貴香要排隊，於是就黎左隔幾個舖位既雲貴川。朋友話試過叫炸醬，辣到成碗清湯變左麻辣既色，同譚仔分開上同甜既炸醬唔同。好辣但又幾惹味喎。我都係叫個小鍋米線隱陣試下先。米線份量比譚仔細少，譚仔太多啦，li個啱啱好。可以多/少/走酸菜，韭菜，芽菜，重可以揀米線既硬度同走油，d選擇都幾貼心。餸有$4/6/8，份量好少。叫菜心得幾條莖，d葉去左邊？ 小鍋米線偏酸，睇個人口味啦，我就覺得幾開胃，但一定唔係人人會鍾意。服務麻麻同坐得有點逼，但平平地食碗米線都可以接受既。

既然係附近睇戲, 就決定入場前醫一醫個肚先等埋友人就入座喇, 職員姐姐都好殷勤, 聽到我地係團購食客就話轉頭俾紙我地劃我就揀左麻辣炸醬腩肉米線, 小食揀左涼拌皮蛋; 友人小食就揀左手拍青瓜2款小食都好大碟, 其實每碟都係2個人既份量, 真係食唔哂涼拌皮蛋: 好香蒜味, 個汁少少酸都幾醒胃, 可惜個主打皮蛋就弱左d喇, 好普通…手拍青瓜: 本人唔好青瓜, 不過呢個都真係唔錯。賣相都好靚仔, 青綠色, 清甜爽脆, 唔錯麻辣炸醬腩肉米線: 個腩肉的確醃得好味, 肥瘦適中, 又夠林! 不過炸醬就麻麻, 似係普通配料個隻肉碎; 而個湯都只係有微辣, 完全食唔到麻既感覺凍奶茶: 我已經叫左少甜但都仲係略嫌甜左d以$60 二人餐既價錢, 有米線, 小食, 飲品, 的確非常之抵如果以正價黎食的話, 我應該只會點腩肉罷, 不過我覺得整體都ok既

點了清湯底腩肉竹笙米線另配拍青瓜及响鈴, 拍青瓜新鮮且勁多蒜泥, 但是正如另一位食家所言: 後者大失所望,唔脆兼無應有的豆腐香味! 奇怪是湯味一般嘅簡單米線, 食後竟口渴非常!看到新張小店原來是另一區的連鎖品牌, 就先後嚐試不同的食品喔 米線的普及程度由此看來是人氣急升= 同街不下6間米線,直接的競爭可想而知, 但食客有福因有大量選擇喔 ; 兩夜阿姐們都招呼落力, 勤快抹枱又細心 ! 入座超過80%, 有人氣喎  豬耳同豬肚雙併是推介食品, 果然沒教食客失望: 彈牙入味而且無怪味, 調味,型狀以至口感都超過一般行貨水準  薯粉(無湯涼伴)清爽, 最妙是菜單上可細心提供要求: 例如要食品可以硬身或軟身, 真正服務貼心喔!