雲貴川風味 (西洋菜南街) (已結業)

今日入左依間雲貴川風味！因為唔食辣叫左個普通小窩米線。黎到覺得好清。一試發現唔酸冇咩味同賣好鹹！另外，分量都好少，明明叫多左份牙菜但得幾條。想問職員研究係加左芽菜定未加。職員態度冇問題，但轉頭係我隔離勁大聲同佢同事講。''佢話冇芽菜喎！我都費時同佢嘈。''真心覺得芽菜咁平我俾錢叫左份，你俾得幾條好有問題。同無加冇分別。其實你可以直接同我講加左，我會死得瞑目。因為係自己揀中依間野。但可唔可以唔好突登俾說話客人聽。本身已經好鹹冇酸味唔好食，仲食到一肚氣！慘～所以以後都唔會再幫襯～

旺角一帶有超級多雲南米線，但好味的米線不多，雲貴川係其中一間可以一試的。雖然本人唔太食得辣但都會繼續挑戰!其實好耐之前食過雲貴川的麻辣雞肉一直念念不忘，今次終於有機會再試。今次叫左麻辣雞肉菜肉雲吞清湯!識食一定要多芽菜多韭菜加蔥加芫茜!麻辣雞肉好深色，應該係滷過，但麻辣味係會滲出來，配上清湯剛剛好。不過始終難逃一伏，菜肉雲吞得菜冇咩肉，同埋個包法有D特別，包出來有D位有兩摺令到個皮勁厚。其實米線彈牙，配料豐富，湯底濃郁真係好食米線的關鍵。D間算係ok。整體而言，雲貴川的麻辣雞肉真係值得一試。

今晚放工早，唔需要OT，咩行來食我至愛的米線咯～我已經係第四次食呢間，可能order的野唔啱，今次覺得真心唔好好食～D米線湯完全唔辣，好似冇鹽咁，第一次覺得勁辣原來咁寡淡呱，😞～某人都話佢的小辣同我的勁辣係一樣噶咁奇離～小食更加難食，雞翼的肉好干口，一點都唔鬆軟；皮蛋同街都一樣，呢的汁真係麻麻的～

早幾個月覺得他們水準差了而特意寫了一個食評之後, 上星期一個平日晚上再次試下光顧, 今次又覺得水準又好像好返D喎. 所以都公平D 寫多一次食評啦.叫了麻辣腩肉麻辣米線(小辣), 圈了"多韭菜", 今次真的覺得有多到韭菜喇! 麻辣腩肉味道也挺不錯,  大大件厚身, 不是平時在譚仔食那款薄身腩肉, 但食落口也不會難咬和鞋口, 份量都算可以啦 大件有兩三件左右. . 麻辣湯底幾濃味, 因為叫了麻辣腩肉 個腩肉汁落埋個湯底度 所以麻辣味更濃香! 今次煮的米線也沒有太淋身, 算叫做彈牙的, 份量也不少!! 希望一直都KEEP到好的水準, 不要時好時差吧!

酸辣/麻辣米線一向都係我食極唔厭嘅食路,只要諗唔到食咩好就會食!今次點餐用點菜紙一碗一張,發現點餐紙出奇地清楚,仲可以加至愛嘅莞茜...其實仲可以有其他要求,走油,多酸汁,走x,走x...好貼心!我點左麻辣雞肉菜肉雲吞酸辣中辣!有啲意外...雞肉咁深色?但味道幾好,似滷過,雲吞似全菜餃,冇咩味個皮仲好鬼厚！個湯都唔錯啱我口味,夠酸又夠辣,米線比食開譚仔彈好多,仲有點左鴛鴦雞翼,辣嘅就只有辣味,唔辣都好啲但味道好一般!

之前團購過呢間，冇期望咁去，食完反而覺得十分驚喜。曾晚又去食多次。發覺真係唔可以有期待，因為一旦有期待，就會有失望：感覺米線的份量有變少，湯的味道麻麻。青瓜和皮蛋的雙拼，味道一般，不過D青瓜脆脆的幾好感覺通菜不夠新鮮而且過水時間長

今日好遲先食lunch,所以去到晚飯時間仍然唔係好餓，但點都要食d野落肚。最後入左去食米線。張點餐紙上面都有幾多餸選擇，另有辣度/酸度/要芽菜多或少，而最貼心既地方就係可以揀少米線/米線既質感要淋d或爽d等，揀完一輪之後，最尾選左個最簡單既肥牛小鍋米線（多酸菜，小小辣）。肥牛小鍋米線：米線入面有肉碎、芽菜、韭菜、酸菜。而個湯就有d酸酸地，我覺得非常開胃，而我㨂左小小辣，辣道唔會太辣。米線好爽，唔會太淋。而肥牛味道普通，但只有三至四塊，我覺得肥牛份量少左d。總括黎講，我比較偏鐘意食d酸酸地既野，我覺得碗小鍋米線都幾惹味，如果我肚餓既話，應該會點多幾個餸食。

行街行到腳軟，不經不覺就十點半，食米線又快又平又係我至愛，所以毫不猶豫入去座低左。依度係用寫紙落單，餸係每樣價錢分開計，叫左個小辣小鍋米線同一杯凍檸茶，圈左個辣腩肉同魚肉春卷，由於我食米線鍾意食軟身d，所以都圈左係落單紙比師傅睇。份量大大碗，湯底好濃，有肉碎、芽菜、酸菜、韮菜配料，辣腩肉有五六塊，味道入味，但肉就切得厚左少少，想咬開要用小小牙力，而魚肉春卷就有兩條，口感煙煙韌韌，似魚蛋味噤。整體上湯底配料米線都可以，可能我鍾意濃味D，都幾岩我口味，如果個腩肉薄少少就更好啦。

個人很喜歡食米線🍜所以成日都周圍去尋找最好食的米線🙈當然米線唔係齋食啦🙅🏾🙅🏾🙅🏾要有烹調很出色的配菜 和 熬得達至精華的湯底🙆🏾🙆🏾🙆🏾或者是辣得過癮的辣汁 辣醬 辣湯或秘製醬汁🌶🌶🌶今次去到雲貴川風味當然要食酸辣米線啦👻叫左碗麻辣腩肉 辣豬耳絲的酸辣米線 加$8跟餐叫左杯凍檸茶 和 一個小食—皮蛋豆腐撈平時的我食得好辣😈 但由於之前食過雲貴川風味兩次根據經驗 叫中辣就會好多油😟所以我要小辣呀唔該🙈🙈🙈雲貴川風味顧名思義就混合左三個地方的特色再調配出來的風味四川出名麻辣，雲南味濃 混入很多香料，貴州重鹹香湯底較渾濁 濃味十足 配有肉碎、自家醃製的酸菜、芽菜等酸菜的酸加上辣椒的辣 酸辣得醒胃又過癮😈😈😈雖然小辣的辣度沒有辣到我渾身發熱😂但酸和辣都配合得相當不錯👍🏻當然辣勁和油膩感有改善的空間🤗米線很爽滑 不會太腍🤓麻辣腩肉 慢慢咀嚼的時候 辣味越濃 🌶但咀嚼到最後辣中卻帶點豬肉的甜點😏辣豬肚絲用辣椒醃過 辣味頗濃 相當刺激味蕾👅皮蛋豆腐撈皮蛋切瓣放在冰涼的豆腐切塊上用蔥花、蒜、香油、辣椒油、辣椒醬、肉鬆等調味料做的醬汁醬汁淋在皮蛋豆腐上 味道不會太辣但麻香重 混在一起吃相當惹味😋😋😋豆

和朋友打完羽毛球時已差不多10點，隨便就來這裡醫下肚。以上是我選擇的小鍋米線組合，共$40。朋友推介一定要揀辣腩肉，我自己鐘意食所以又揀埋肥牛。大大碗，紅紅的湯底，辣就不是很辣，米線很腍，入口很滑配料亦味道不錯，辣腩肉是麻辣，辣得來味道幾吸引又好口感肥牛就一般，有些筋位太靭。

試盡各間米線的我今日來試這間了。點了3個餸-牛栢葉，麻辣豬耳，豬紅，勁麻辣，一點都唔辣牛栢葉最貴(+$9), 但得3舊豬紅4舊，豬耳口感有點奇怪，軟淋淋的...不是爽的湯底ok好味的，但餸好少，碗麵好細，唔夠飽...

之前在網上看到呢間鋪有團購，見到多人買自己都有入貨。咁啱聽日又係端午節唔晒返工，我咩去旺角行下街順便食埋試下味道咯～我order著一個豬紅米線，OK喔，滴湯夠晒味道，米線很淋入口很滑，but我第一次食豬紅米線，覺得D豬紅味道麻麻，唔係幾入味，可能係個人口感問題呱。不過總體來講都值得去食咯～

今日行到出旺角見肚餓咪行入去叫碗米線食，33蚊送豆漿，本就唔應該有咩野要求，但求飽肚。下午茶2-6pm都有豆漿送，但豆漿size細得有點過份。少米線又真係岩岩夠我分量既。但九蚊魚腐得三蚊又好似小家左少少。湯底正正常常，但配菜酸菜竟然係苦既，難d接受囉。你問我有冇下次?!難d囉

這間米線以前番工LUNCH成日食, 果陣覺得味道幾好, 湯底又夠香, 昨天是轉工後呢幾個月第一次來吃....唔知係咪廚房師傅已經換了, 覺得湯底和份量都差了. 今次叫了之前食開的酸辣湯底 (小辣), 首先這個酸辣湯底除了辣味之外就只有鹹味, 酸味只有在吃酸菜的時候才食到.. 而湯底入面的鮮肉碎食落去冇乜味道, 印象中之前食的肉碎是有醃過的味道的.雞肉... 細細粒得幾塊...這張相是一來到未食之前影的... 係咪唔多覺有雞肉的蹤影呢.... 即使我圈咗"多韭菜"...都係得幾條..哈哈. 米線份量亦少咗...像下午茶的份量, 食完都唔夠飽..  又唔算叫做難食...所以唔想比喊面咁差...極其量是比"OK"啦. 希望這店可以改善一下, 我還是掛念以前的米線水準!!

這條街兩邊有很多間米線店, 這間多年前試過一次, 印象中覺得唔太好吃所以這幾年都冇再光顧了. 上星期有天下午正在選擇吃哪一間之際, 路經這間門口見到都幾多人吃喎, 就心血來潮想試多一次, 看看今次覺得如何啦!這裡落單的模式跟車仔面一樣, 都是在紙上圈的, 我點了麻辣菜肉雲吞米線 (小小辣), 來到之後即刻試試個湯底先, 幾好喎, 辣度對我來說剛剛好, 麻辣味又很香, 有驚喜呢! 雖然是下午茶, 米線份量都很多, 這裡的米線是偏粗身的, 但質地都還可以, 不會太稔身. 配菜有肉碎, 韭菜, 酸菜, 沒有平常米線有的腐皮. 唯一不足就是菜肉雲吞, 因為點單紙上有隻手指公在菜肉雲吞旁邊, 原以為會好吃的, 點知一食之下就有點失望了. 皮不算薄, 尤其唔太喜歡菜肉餡的味道, 麻麻地. 下次不會再點這個餸了. 其他地方如店內整潔 服務都是不錯的.