雲桂川冰室 (已結業)

Who can resist the deep fried goodness in Hong Kong Styled🤤🤤🤤We ordered the deep fried chicken thigh which came with a batch of thick cut french friesThe fries were crispy on the outside and flaming hot!!! That’s what I like for friesThe.m french toast was on point too the peanut butter stuffing was rich and melted into a pool of golden syrup and butter atop of the toastWould come back Nomnom:4/5

🍵港式茶餐廳📎 雲桂川冰室✿ ⊹ ✿ ⊹ ✿今日係屯門行山 完左就搵到呢間冰室食下午茶🥳🥳呢間港式茶餐廳位置唔係太多 多人的話要排隊雲桂川冰室提供多款炒粉飯麵見到好特別有 炒花膠🤣🤣🤣所以忍唔住點左xo醬炒花膠花膠好大隻 有好幾件 配上惹味xo醬 同爽脆西芹 唔錯嘅小菜🥰🥰西多士兩塊鬆軟麵包中間有花生醬夾心 加埋糖漿不得了 🤤🤤🤤菠蘿冰同紅豆冰足料豐富甜度適中😆😆. 𝚈𝚞𝚖：👅👅👅/𝟻𝚁𝚎𝚟𝚒𝚜𝚒𝚝﹕💃🏼💃🏼💃🏼/𝟻𝙿𝚛𝚒𝚌𝚎﹕ $100/𝚑𝚎𝚊𝚍.˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞☞ ☞雲桂川冰室 (屯門)屯門龍門路45號富健花園地下15號舖˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞

-又來探朋友，所以又來吃了🤣而且還是坐同一位置lol♥《西蘭花帶子》足料，多帶子🥰西蘭花夠新鮮～吃起來有回家的感覺🥳♥《香茜沙薑雞》雞肉嫩滑～味道尚算惹味🤪聽說是招牌菜式～份量足，要打包了👻♥《蝦醬炒通菜》上次已經吃過，濃郁的蝦醬味❤️通菜新鮮，份量足！♥《菠蘿冰》半杯菠蘿😱不會過甜，較清淡～最重要是夠冰凍，消暑😎♥小提示 Tips：每張枱面有紙巾及消毒搓手液，方便顧客清潔👍另外老闆娘幾好人，之前有派口罩，對顧客(我)態度似乎都不錯xd

嗌左個三人餐蝦醬通菜牛就俾左薑蔥豬膶打返去話佢俾錯仲叫我地食左佢完全冇諗住俾返個岩既菜我地要再打去嘈佢先肯死死地換呢間野生意好少少就已經咁樣大家考慮清楚先好幫襯呢間野

在兩個月前的疫情下，戲院仍然關閉，我跟朋友相約在屯門食晚飯！我們走到屯門富健花園地下的 <雲桂川冰室>！為方便在屯門返工的朋友，他行過來也很方便！在巴士站附近，店子門面向巴士站，所以一落車就會望到！小店只有好幾張桌子，堂食及外賣，當晚，我們留意到以外賣居多！餐牌咕嚕雞球 $68熱辣辣香噴噴的咕嚕雞球好大件，酸甜有致！自選雙併：椒鹽白飯魚 & 椒鹽豆腐 $85椒鹽白飯魚都幾入味！椒鹽豆腐外脆內嫩滑！海鮮雜菜煲 $78成煲滿滿的，份量豐足！海鮮包括：魚肉、花膠...等。雜菜包括：菌類、炸蒜頭、白菜、芹菜、薑...，還有晶瑩剔透又吸湯的粉絲！菠蘿冰 $20他飲這杯菠蘿冰不算好甜！凍柑桔蜜 $16 (少冰)以熱水沖調的柑桔蜜，就算加入些少冰，帶點和暖，酸酸甜甜易入口！

炎熱既星期六諗住帶阿囡去蝴蝶灣玩水，就係附近食左早餐先，見到有雲桂川冰室，平時食米線就食得多，原來都有開冰室，價錢又親民，一於試下先。我地叫左幾個早餐，因為想食飽d, 當埋午餐食，計落抵好多。蕃茄雞扒通粉，湯底係稀身個種，不過都好香濃，雞扒係原塊切開，夠入味。沙嗲牛肉麵，用原片牛肉，唔係碎肉個隻，味道好香濃；牛肉片又夠稔滑，食茶記依款都算係我幾忠情既食物。黑松露豬仔包吉列魚柳依度既豬仔包幾出名，所以不時都見到佢既影踪。黑松露炒蛋8成熟，好香滑，魚柳鬆化香脆，配上焗香既牛油豬仔飽，真係好滋味。吉烈魚柳豬仔飽本來還覺得是換湯不換藥，又是豬仔包加炸魚柳，但店主極力推薦，也就試試看。賣相又真的更勝一籌，豬仔包配原塊魚柳、蕃茄、生菜、醬汁再切兩份上碟，很大氣。一口咬下，是豬仔包跟魚柳混合的脆裂聲，口感特別豐富，魚柳也是純正龍脷柳，更結實魚味更突出，果然有點不一樣，難怪成鎮店之寶。炎炎夏日，再飲埋紅豆冰、菠蘿冰就更消暑。食飽飽後，我地就行去蝴蝶灣玩水啦，最開心梗係囡囡。雖然只係一間茶記，但職員就好友善好有禮貌，下次再去沙灘又可以再黎食！

講到屯門好食既餐廳都唔少, 我個人黎講最鐘意就係呢間茶記不但止方便就腳, 而且食物質素不錯今日就同朋友打完波黎食, 超YUMMY香茜沙薑雞呢度既沙薑雞可說是非常之出名! 價錢亦都唔貴, 大大隻既沙薑雞味道十足, 咸度好岩送飯!!椒鹽鮮魷即叫即炸既椒鹽鮮魷, 超嫩滑, 上面既椒鹽超香口, 而且份量都唔少架乾炒牛肉河要食一間餐廳好唔好食就一定要叫呢個干炒牛河, 不但止份量多, 而且牛肉都係勁嫩勁好味, 炒得好夠獲氣!!

吉列魚柳+黑松露炒滑蛋+奶油豬仔包魚柳真係好大塊，而且有返一定厚度，唔會話淨係得炸皮，肉質都好實淨，唔會一切開就散晒！👍🏻👍🏻餐牌話炒蛋用左北海道3.6牛乳，真係滑過平時食開d炒蛋，而且加左d黑松露醬，令個味道更加豐富。奶油豬都夠脆，但個人覺得煉奶可以另外上，可以俾客人自己決定加幾多。沙嗲牛肉公仔麵+餐肉太陽蛋厚多士沙嗲牛肉唔會韌，沙嗲味香濃，但可惜公仔麵有d浸得太耐，我就鐘意食爽口d既麵。芝士鹹牛肉蛋豬仔包依個係最有驚喜！十分推薦~~香脆既豬仔包加上溶化既芝士同埋鹹牛肉，認真絕配。而且個醬唔係沙律醬而係用左千島醬，係我個人既加分位！

因為今晚dinner時間撞左要去睇戲，所以同朋友去左食個豪華tea當晚餐行過見呢度菜式都幾豐富下就揀左呢間餐廳lu呢度格局同普通茶記差不多裝修方面見到係有d心思既，採用歐陸風設計，無論係磁磚、牆壁同埋燈都有用到馬賽克營造出個氣氛窗邊卡位對出個view好正，可以望到三尖之一 — 青山法蘭西多士（$26）多士由兩片薄麵包組成，中間塗上花生醬後係面鋪上牛油蛋漿味道濃郁、沾得均勻，炸得乾身不滴油，不會有過重油膩感，感覺上冇咁邪惡咁---椒絲腐乳炒通菜 （$58）個份量多到嚇死人，夠4-5個人食雖然食菜平姐，但呢個價錢食到咁大碟咁有鑊氣既炒通菜都未免太誇張吧廚師將青翠既通菜炒得啱啱好，腐乳味唔算好濃，椒絲份量亦都唔多，但其實都做得幾惹味下的，都會推比大家～--水煮魚（$98）呢間小店特別在於有得食川菜，食物選擇都唔少添呢兜水煮魚份量都唔細，佢比起四川地道水煮魚落少d辣油同埋花椒辣度冇咁高，照顧到香港人既味蕾魚片吸收左辣油既味道，特別香口、咬落去彈牙爽滑魚片多骨，食既時候記住要慢慢食我唸如果可以落多d花椒落去的話應該會更加似四川做法der---招牌雜錦米線（$55）呢碗雜錦米線用左胡椒湯底，唔會太

個人推介指數 7分 （1 0分為滿分) -這清早一家大細竟然能8點出門口, 當然要食個美滿的早餐才能報答自己. 這所街坊冰室環境不萛美倫美喚, 是一貫簡潔的作風, 中午和晚市主打川菜, 早上就有港式早餐供應, 味道和賣相也不錯, 加上服務員態度親切, 那份街坊的情懷,是快餐店不能取代的.由於想避過沙灘(蝴蝶灣) 中午的酷熱, 我們一家一早起床, 連早餐也沒有吃就飛快出門.途中女兒不停叫肚餓, 我們唯有早點下實, 先到了一間冰室來個港式早餐充電. 一進店子, 服務員已給我們親切的招待, 並介紹他們的招牌早餐. 我們三人分別按自己喜好點了三份早餐.黑松炒蛋豬仔包吉列魚柳- 先說奶油豬仔包, 上枱時還是熱呼呼的, 外層烤得很香脆, 加上奶油, 感覺十分豐富. 而黑松露炒蛋炒得相當幼滑, 建議把松露橯混, 味道完全能把炒蛋升格.至於主角魚柳份量相當大, 比起一般快記不能相比, 外脆內 軟, 沾些沙拉醬, 惹味而不油膩.太太就點了鮮茄雞扒濃湯通粉, 幸好我們早一點下訂, 這正是店子最後一個. 湯底番茄的香味非常濃郁, 就是聞到口水這慢慢分泌出來. 再試一口, 有酸有甜和有丁點辣, 味道十分醒胃.

屯門其實都幾多嘢食，呢間就性價比高，而且款式選擇好多，食物種類豐富。Menu都有好多選擇，而我同朋友得好鍾意食雞，就所以叫咗兩房都係雞嘅食物。咖哩雞 $78咖喱味道香濃，有輕微嘅辣味，大人細路都食得，而且啲雞肉比較滑，味道唔錯㗎菜膽上湯雞 $98如果鍾意食菜，有啲健康，而且飲下湯，就建議叫呢個菜膽上湯雞，上湯味道清甜，加上吸收左雞嘅香味令味更吸引，入面嘅菜亦都比較新鮮，與此同時雞肉仲保留滑嫩的質感，值得品嚐。紅豆奶茶 $22凍檸樂 $18凍檸茶 $16當中最推介紅豆奶茶，奶茶味道均勻而且味道香濃，加上紅豆煲得軟林林，方便入口。

今日同老豆兩個行咗去屯門碼頭一帶，懷緬下過去，事關以前老豆喺呢邊打過十幾年工，我都住過喺碼頭區域一段時間。不過碼頭真係無乜特別嘢好食，以往都慣咗行過嚟龍門居/富健花園一帶搵食。呢個朝早嚟咗呢間富健花園樓下嘅雲桂川冰室，餐廳門口對正龍門路，位置相當易搵。一般茶餐廳大路早餐都有得選擇，比較特別係某幾個餐配咗黑松露炒蛋同奶油豬仔包。老豆揀咗鮮牛肉米粉餐，配餐肉煎蛋同一件多士。牛肉數量唔少，平時去茶記食早餐多數食沙嗲牛肉，醃得比較重味，呢個清清地老豆話啱佢食。我呢set就係重頭戲喇，吉列豬扒+黑松露炒蛋+奶油豬仔包，額外加$5有一碗凈湯米粉，睇到個份量已經可以直接skip埋個lunch。吉列豬扒夠晒大塊，仲大過我成隻手。奶油豬仔包都好高質，外層酥脆，內裡鬆軟，再加埋奶油真係非常吸引。最後係主角黑松露炒蛋，呢到可能有成3-4隻蛋，食極都食唔晒，當然去茶記唔會期待係好高級嘅黑松露醬，但係呢個價位已經收晒貨！

趁放假，入屯門探屋企人，順便一齊食個下午茶，輕鬆一下。富健花園有好多細細地嘅街坊小店、茶餐廳，好多都好有風味。今次第一次去呢間冰室，質素不錯啊～先點了一個下午茶-招牌豬扒包，加配熱檸檬利賓納。豬扒包份量都算大。除咗豬扒外，入面嘅配菜有生菜同蕃茄。麵包香脆，而豬扒好鬆軟、唔會乾爭爭，加埋千島汁，味道不錯。雞翼米線湯底頗香，加入大量蔥花同埋酸菜、肉碎，每啖都好惹味。雞翼唔算大隻，但醃得夠味。流心芝士火腿西多士西多士食得多，加多少少花款，又可以變奏出新驚喜。一切開，芝士緩緩流出。一啖食齊芝士、火腿、麵包加糖漿，好rich呀！紅豆奶茶真係第一次飲紅豆奶茶，估唔到味道可以咁夾。香濃嘅奶茶香配搭甜甜又綿嘅紅豆，值得一試。

朋友入伙咁耐一直未有空去佢新屋參觀，難得假日終於可以去朋友屯門新居，屯門真的改變了很多！參觀完到了他樓下的一間小店餐廳食個下午茶。餐廳係屋苑樓下雖然細細，不過都幾多小炒選擇。朋友介紹呢度紅豆奶茶好飲，當然要一嘗。我們order了紅豆奶茶和傳統紅豆冰！奶茶幾香滑+甜甜地既紅豆岩灑呢種炎熱天氣呢！朋友點了常餐沙嗲牛面+奶油豬+奄列沙嗲牛味到幾濃同野味，牛肉仲好大塊呢！奶油豬口感脆脆幾好食配埋足料既火腿奄列，不錯👍🏻西多士西多士加了蛋炸得很酥脆，加埋面層厚既牛油及小小糖䊢，好邪惡！入面還加了份量很足既花生醬😋招牌豬扒包看似簡單，有小小驚喜，皮焗得微焦，入面材料唔馬虎有豬扒、蕃茄、千島汁及生菜。材料食得出幾新鮮，豬扒啖啖肉，好味！

晨早去了屯門行山，體力勞動完後就去了附近的餐廳食個豐富的午餐。屋苑的餐廳，價錢比較親民，份量十足。黑松露蝦仁炒蛋炒蛋有淡淡的松露香味，而且加了3.6牛乳，帶點奶香亦較幼滑，蝦仁雖然不是新鮮貨，但質感彈牙。西蘭花帶子西蘭花爽脆亦都唔會太多油，還有蒜茸香，帶子就細細粒，唔會鞋口。乾炒豬扒公仔麵下午茶的價錢，但份量絕對唔少，有兩個麵既份量，豬扒切件，都有五大件，公仔麵炒得爽口唔油膩，還伴上些椰菜及葱。最後飯返杯檸茶消下暑，直情透心涼。