雲家小鍋米線 (328廣場)

營業中

休息中

這天因為工作需要前往了荃灣，到了午飯時間與同事一同吃飯，這次當區的同事介紹吃米線，本以為譚家米線差不多這樣的。餐廳裝橫方面，座位不多，但五臟俱全，明顯是簡約為主調。 如對座位十分有追求的人， 未必最適合。這裏雲家的辣度沒有分得這麼仔細，分為兩種，分別為酸辣及麻辣， 而我點算的就是麻辣。我點選了最簡單的米線，全因為這樣才可以真正的吃到店家技巧。 麻辣味的比例剛剛好， 辣中帶麻，麻中帶辣，正正做到麻辣的精髓。麻辣我更會將它形容為麻辣王。 自我點選的米線卻是以涼拌形式上枱， 正正適合炎炎夏日。

👭雲家小鍋米線 (荃灣)👭1⃣小鍋米線 (麻辣中辣)$26 (雲吞+$7 鮮什菌+$6)湯底食得出無咩味精，食完唔會令人好口渴👍🏾辣味唔係個種好搶喉既辣，麻度level偏低，如果唔太食得麻既朋友仔都可以接受到。雲吞大大粒，同38expect既唔同。開頭38以為係鮮蝦雲吞🙈食落先知原來係白菜雲吞😩，雲吞皮有啲過厚，餡料都算多。鮮什菌份量都幾多，而且都幾吸湯，岩哂38呢啲(扮)健康人士~哈哈😝2⃣涼拌米線 (bb辣)$26 (腩肉+$8 螺旋草+$6)天氣熱熱地所以叫左個涼拌米線消消暑😋配料有肉碎、花生、榨菜同咸菜。另外加配左腩肉同第一次見既「螺旋草」。38好鍾意呢間既米線，口感好煙韌😍份量仲要超多，可以2個人share一碗🙈配料方面：螺旋草食落味道鹹鹹地，口感似爽脆既海帶。腩肉預先有用醬料醃過，帶有微微既辣味，撈埋米線食好惹味🥰不過榨菜同咸菜既「鹹」同「酸」味勁突出，岩哂鍾意呷醋既朋友🙈相比另一碗既中辣，bb辣無咩料到😂鍾意食辣嘅朋友可以直接叫小辣以上既辣度3⃣涼拌墨魚頭 $40網上見到大家都推薦既墨魚頭小食，果然無介紹錯😍首先份量勁多，每件都好似手指公咁大，再放滿晒成隻碟😍另外，墨魚頭咬落真

雲家的辣分兩種，酸辣 & 麻辣米線都有，辣度分七種，今次試下個麻辣王，選微小辣可接受的辣度，價錢絕對是貼地價先叫一碗重慶酸辣粉🍜（有大量配料），份量絕對係大方大大碗，有齊配料如炸菜等...份量夠哂多，加左個豬軟骨，勁入味又淋另外一個好味既小鍋米線🍜有：魚肉春卷米線🍜，加左腩肉，薄薄的一塊同樣係滷得超入味夠淋，配米線一流小食都好優質：口水雞係必吃，雞肉好好食，汁調製得相當出色，必點小食推薦仲有香烤秘製豬頸肉，每塊肉都燒至燻香，十分香口另有特別的：涼拌墨魚頭好好食，個汁酸酸辣辣，應該係自家製！

今日經過落車位見到有間叫雲家米線小店而入面都有不少人，喜歡米線的我當然捉我朋友同我一齊去吃，沒想到入面除了米線仲有不少小食同串燒選擇，小食了蒜泥白肉，蒜泥勁多肉又夠入味有驚喜，喜歡蒜的朋友勁推介。另一款醬伴皮蛋是黃色的皮蛋比較少有而味道好濃又香，配辣岩岩好又惹味。最後一個小食是涼伴墨魚頭，見都有不少人叫所以最後又叫來吃，口感彈牙，又夠大份。再一次驚喜是米線店竟然有串燒 : 燒羊肉，九菜，雞肉，味道吾太咸好香口惹味，價錢吾貴幾抵食。麵就一人一碗，入面有雲吞好大舊而且十份足料，豬腩肉好入味又夠辣好味道，腐竹是食米線必食因為吸晒湯好味道，魚肉春卷沒想到有二條而都幾彈牙，豬肚帶點辣，比較在米線舖少見的螺旋草份量勁多好清新好味，麵方面要了米線和紅薯粉，煮得都岩岩好吾會好淋身仲要好多，最後吃不完。飲品加了凍檸檬茶和阿華田消辣最岩，這裡坐得不錯又抵食，推介！～

小編今日黎到荃灣醫肚仔，雖然荃灣都有幾間岀曬名既米線。😌但小編今日要發掘下其他好食米線店！發現依間米線店都好有風味同特色。🥳米線有分酸辣同麻辣，小編揀左酸辣同叫左3個餸。1. 螺旋草份量多，好爽口。2. 冬茹冬茹係小編每次食米線必點既餸。大大既3件，十分肥美，咬落口又淋又入味！3. 豬軟骨又係大大既3件，輕輕一咬就已經骨肉分離，食到陣陣五香味。小編同友人仲點左啲小食。4. 麻辣豬耳份量多就吾洗講喇，每一塊都係脆骨位，而吾係肥既豬頭肉。👍5. 蒜泥白肉成碟都係蒜。😲白肉爽口，肥瘦分明，每片都係薄薄的一片。6. 雞軟骨串燒 - $16兩串估吾到米線店都有串燒食。🤩燒得香脆，不失串燒風味。三個小食都十分推薦！食完小編真係好滿足，無論係價錢定份量都好抵。黎開荃灣想食米線又吾知食邊間，可以試下依間。

今晚諗住係荃灣 join 埋老公回家，經過發現一間米線店就近近地就諗住同老公食埋先翻屋企，他剛從廣洲回來應該會肚餓，所以食飽回家唔使再等我煮。店內都差不多滿，電話響外賣，客人又係外賣，就知佢地都幾受歡迎，感覺似屋企，我見剛有位即刻入內坐底啦! 果然無失望價錢合理，小食米線款式選擇亦多，辣亦分酸辣或麻辣！啱晒嘗辣嘅老公，要左大辣佢話超爽喎，小鍋腩肉豬大腸米線，睇落唔覺辣，食落慢慢滲出酸酸辣辣。雲家米線 $52何其澎湃，材料十足，配料有腐竹，冬菇(超厚肉同你吸引晒湯美味), 雞絲，雞翼，魚肉春卷，螺旋草，紅腸，芽菜，酸菜，韭菜，蔥，芫茜。見到已經震撼滿滿餸呀，啱晒我呢個大胃皇，夠滿足。比menu參考吓涼伴墨魚頭唔算辣超彈牙爽口，醮點醋更鮮味。蒜泥白肉無乜辣味蒜泥唔夠幼細，咬落較粗嚡，白肉都薄薄地，但有軟骨要小心 d食。

荃灣美食眾多，最常去的一家是區內大名頂頂的兩字米線店，但吃久了也想轉轉新口味。我便上網搜尋新界米線店，發現有一篇文章介紹了雲家，所以就決定去試一下！在中學的對面，很容易找到的位置。晚飯時間也不需要等位子小鍋米線+雲吞+腩肉 小辣 涼拌墨魚頭（上網看到很多人大力推薦這一個）要評價為一家好吃的米線店，湯底是最重要的，我相信大家都同意的。但是我覺得這家的湯底太像在外邊吃的那些湯底（雲X香or屯門市中心那一家），好像他們用一樣的材料和一樣的做法。而這三家的特色就是，湯底偏淡味，沒有應有的酸味和辣味。身為一家主打米線的餐廳，我覺得是不合格的。腩肉是好吃的，因為有事先調味好又帶一點點辣味，肉質也不干。看外觀好像很大只，但是其實皮很厚，一咬下去又爛掉，代表煮得太久。涼拌墨魚頭，一上菜就有浸浸蒜香味，很吸引人！最重要是，爽脆香滑，韌而不老。最出色的是那個秘制醬汁，蒜香味十足，十分之惹味（我加了一點在米線上，很好吃彌補了湯底偏淡味的不足！）總結來說，米線剛剛好合格而已，吃過一次就可以，不會特別來吃。但是涼拌墨魚頭就真的很出色，很值得推薦！

👱🏻‍♀️👨🏻今日放假，同老公一齊去食米線，😍老公話俾我聽荃灣有一間隱世米線，聽講好好食，佢唔單止米線好食，佢既小食都認真好食😋😋我同老公一入到去，店長同店員就好親民笑住咁叫我地隨便坐，然後姐姐同我地落單，姐姐啲態度好nice,一人叫咗一碗米線，😋😋😋係大大碗，米線多，啲餸夠大份，足料，另外小食我哋帶咗餐牌推介嘅《秘製豬頸肉》《蒜泥白肉》，✍🏻真心好食，呢個價錢食到咁高質素嘅燒豬頸肉，真係好少有老闆一放低碟豬頸肉，👃🏻我未食已經聞到勁香，另外見個肚仲食得到，決定食埋台台都叫嘅《涼拌墨魚頭》🤩🤩，爽呀，正,全程我同老公都食得好舒服，環境好，店員好，香港已經好少有，重點係見到店長同姐姐，都會同啲客仔傾吓計，好親民嘅一間店舖，平靚正very nice

星期日原本諗住同男朋友返大陸行街食嘢，點知朝早滂沱大雨，打亂咗我地嘅計劃，無奈唯有留返係香港啦😖好耐都無試過放假好天啦!!!點知下晝竟然停晒雨仲要好好陽光☀️我地就決定唔好留係屋企，去附近行下睇下有咩好食。行到去沙咀道近馬會對面轉角見到有一間「雲家小鍋米線」，聞到好香嘅酸味由於我地成日食某間連鎖米線，都食到開始有啲悶，所以就決定入去試下。入面環境企理乾淨，仲見到有電視同有免費WIFI提供，真係食嘢都唔怕悶啊！一坐低已經有姐姐好好禮貌咁招呼我地。食物方面選擇都唔少，主要有米線同埋特色小食，另外比較特別嘅仲有串燒，因為一般米線舖好少有串燒食。米線方面，餸菜選擇多，口味可揀酸辣或麻辣，可以揀米線或紅薯粉。最後我叫咗個腩肉炸醬雲耳酸辣米線，而男朋友就揀咗個螺旋草金錢肚金菇麻辣紅薯粉。特色小食樣樣都好吸引，我地就叫咗兩款店長推介嘅涼拌墨魚頭同蒜泥白肉，而串燒因為怕食唔哂，所以今次就無叫到呀。落咗單唔駛等好耐已經上菜啦，嘢食份量都好多啊，而且香味撲鼻，即刻食欲大增啊🤤腩肉炸醬雲耳酸辣米線🍜首先酸辣湯底好啱我胃口，唔會太淡味或太過酸，而今次我揀咗小辣，所以唔係太辣，鍾意食辣嘅朋友可以揀高啲嘅辣度。腩肉

之前試過『雲家』的小食，今次特登再過黎，試下啲主食😁Menu上米線嘅種類好似好多，但其實右邊個欄嘅選擇，只係幫你配搭好左邊嘅麵底同下面嘅配料😂（這是我下單後才發現的⋯⋯）坐底無幾耐，侍應姐姐就過黎催我，倉猝地揀左「魚肉春卷米粉，酸辣小辣湯底+凍檸茶」魚肉春卷只係一條好重墨丸味嘅魚蛋😅無乜特別，加上粉多過肉，唔建議大家點了🤭酸辣湯味道調得恰到好處，而且配料好足，麵底都份量都好夠，其實食左半碗巳經飽左😓『雲家』嘅好處係所有米線都可轉米粉，又有多重辣度俾大家選擇，仲有，落單時可以要求「多芽菜」、「多青」之類，唔會收多一份配料錢👏🏼👏🏼

呢一間係我個人非常之推介既米線，冇分店得荃灣一間返工成日都食佢，食到個老細都認得我😂之前同老細傾過計，佢同我講全部米線都係叫完之後即整同埋係落鑊煮，雖然係平民價錢既一碗米線一啲都唔馬虎👍🏼食米線最重要係個湯底，佢個湯底真係會食上癮同埋唔會係口渴，推介大家可以試下豬頸肉米線。豬頸肉燒完再煮好香口配米線一流同埋佢個越南春卷加辣味墨魚咀都好好食，值得一題係個墨魚咀，好入味好爽口唔會咬唔爛加埋秘製嘅辣汁真係好開胃架🤤

之前經過荃灣都留意到『雲家』個人黎講都幾中意食米線，成日都想試呢間，不過無乜機會⋯⋯今日放工經過，決定買兩個小食返去加餸😈接近9點店內都無乜人，所以外賣等得唔算耐，5分鐘左右就有～見到餐牌有「涼拌墨魚頭」本身好愛墨魚頭，所以諗都唔洗諗巳經成為左鐵膽😂另外心郁郁想食啲香口野，於揀左「炸春卷」「涼拌墨魚頭」好大碗😍墨魚頭舊舊都好巨型，而且爽口、彈牙，鮮味愈食愈出！面頭舖滿炸蒜，汁料香辣惹味！春卷拎到返屋企已經焗到淋左少少，不過仍然好香，呢款春卷皮keep仲到少少脆！

星期六早上在荃灣欣賞 「M 巾英雄」早場，一齣好電影真可啟發思考，讓人精神煥發！ 心情好，自然胃口也大開，作為米線癡，馬上在該區搜索心儀的米線店！「雲家」好評的比例高，主打小鍋米線 ，還有涼拌、多款特色小食、串燒和飲品等，而我卻被一張熱拌米線相片吸引著！至於價格定位則屬於中等，每款米線均可另加 HK$6至HK$10 配備冷熱飲品，價錢算是合理！小鍋米線含芽菜、酸菜、韮菜、蔥和芫荽，基本收費為 HK$28，可自行挑選 HK$6 至 HK$12的配料！大胃王老公加入雞翼尖、豬皮、腐竹和燕皮肉餃後，原本 HK$28 的小鍋米線，瞬即提升至 HK$54！小辣的麻辣湯頭酸甜鹹味較重，麻香偏低，也許是小辣的緣故，不過整體味道來得溫和，吃後沒有口乾舌燥，但又不至於淡寡無味是何取之處！配料的滷水雞翼尖、腐皮不過不失，而豬皮爽口較入味、質感纖密！燕皮肉餃皮層腍綿、餡料平淡不香， 絕對明白來貨之物毫無特色可言！要標準的燕餃，必然要到福建人開的小店，老公大膽的嘗試，又註定失敗！ 我的熱拌米線又如何？基本價格為 HK$26，包含肉碎、花生、榨菜和鹹菜。另外，選了豬脷和冬菇兩餃，盛惠 HK$50 大元！拌均後

夜晚唔知食乜，經過有間米線舖未食過就諗住試下啦。走入間舖頭，未坐定，侍應就即刻問我食咩。咁我同佢講話想望下張餐牌先。唔夠一分鐘，又再走過嚟問我要咩。如是者重複咗兩次。我心諗你間野又唔係多食客，莫非趕住收工？張餐牌明明寫住收11點，都唔明點解要咁急住落單。重慶酸辣粉$25，貴就唔係貴，但冇乜料，尤其肉碎得好少。而且叫豬頸肉要加$12，都係得好少。所以，當附近幾間米線/紅薯粉要等位嘅時候，呢間野食客十隻手指數得晒係合理嘅。

叫親外賣總會有野漏，錢就照收，餸就比少左打去補番又推又拖今次叫麻大辣就比左麻小辣打去同佢講話佢落錯單，佢話係我寫錯（？）會唔會係佢自已落錯單？本人係打電話叫外賣的問佢可唔可以換番，阿姐話冇得換，淨係可以唔要，轉頭搵人黎收番走，真係極品👍🏽老嗰個阿姐服務態度超差！已經唔止一次！垃圾食店！如果唔係附近冇第二間雲南米線可以叫外賣的話，絕對唔會再幫襯哩間！