雲家小鍋米線 (328廣場)

營業中

休息中

荃灣多米線店就係人都知，今日就是其中一間好出名嘅雲家結果係冇令人失望㗎！叫左一碗蘿蔔雞絲腩肉酸辣米線同螺旋藻豬軟骨冬菇麻辣米線，同樣都係小辣。一上枱，俾佢個份量嚇親，超級多先講下湯底，兩款既湯底都係好惹味，夠酸，夠麻辣唔會太咸，重點係食完都唔會好口乾，證明冇落味精至於係配料方面，覺得豬軟骨同腩肉夠淋同入味，而且肥瘦均勻，難怪呢兩樣配料都係必點的肉類。係蔬菜類方面，蘿蔔鮮甜，螺旋藻夠爽我地除咗叫左兩碗麵之外，仲叫左兩樣小食，分別係涼拌墨魚頭同炸春卷。涼拌墨魚頭非常有驚喜，新鮮爽口彈牙，再配合佢嘅秘製醬汁，係外面的確好但食到！所以覺得呢個係必要嘅消息炸春卷係好脆口，熱辣辣食，都唔差嫁食米線當然唔少得嘅係飲嘢啦，叫左凍檸茶同凍檸七，係完美既句號。額外提點一下，如果胃口比較細嘅人而又想試多d送，可以叫小米線嫁，唔好浪費呀嘛

朋友真係好鐘意食雲家，仲話係全港最好食雲南米線，成日念念不忘。為左避去人潮，晏畫2點幾來到雲家小鍋米線，唔洗等位但發現都有不少客人。米線似係每碗用小鍋煮過每一碗米線，以確保留住食材的精華，每碗上枱時都瀕臨滿瀉邊緣。朋友揀(中)麻辣小鍋米線 $28配芫茜$8 豬脷$9 豬紅$9 紫菜$7:飲左朋友一啖湯底，比我果碗多點麻香味，中辣都易入口，朋友話下次會挑戰大辣﹗配料俾得好豪氣，見朋友夾左3件豬紅俾我，佢自己仲有好多件﹗自己揀(小)酸辣小鍋米線$28 配冬菇$8 蘿蔔$7 韭菜$7:米線爽彈，酸菜微度適中，帶有爽勁冬菇好大件，自己最鐘意雲家蘿蔔清甜沒有渣，自己酸辣湯飲左幾啖，芽菜、酸菜、韭菜、蔥、 莞茜，一個人食一碗，都幾飽架雲家小食好出色涼拌墨魚頭 $43:真係雲家名物，墨魚頭爽勁，撈埋蒜頭，夠晒惹味﹗蒜泥白肉 $39:表面鋪滿蒜泥，香口 ，醬油鋪底，白肉切得好薄身，豆漿:幾大一枝，下午茶時間仲可以以優惠價加配，好抵飲﹗凍菊花蜜:冰涼香甜，解辣一流﹗雲家餸既分量好多，真係好抵食~

呢間米線真係好正，有時經開呢度嘅時候，心血來潮想食米線。突然間就諗起呢間😁—————————🔴腩肉豬大腸小鍋米線：辣度可自己落單時提及⋯⋯ 我就叫咗小辣，小辣一樣香味十足，香菜份量多，豬大腸咬口又帶點煙靭的口感就是最好吃，腩肉味道濃郁且嫩口好味😋——————————🟤豬軟骨雞絲涼伴米線：豬軟骨夠味又夠腍，軟骨位置最有口感、煙煙靭靭帶脆的口感、實在好吃，雞絲碎上確實有心思、將雞絲拌勻在醬汁上那種味道，雲家的小窩米線令我每一次吃下都感到越來越有驚喜⋯⋯😋———————————🟣秘製豬頸肉：必吃的秘製豬腩肉，咬落感外脆口內軟熟、吃落爆汁的那種滋味，盡在不言中的好吃😉—————————🟡涼拌墨魚頭：墨魚頭的爽口彈牙、製作得出色的口味，加有菜莆及蒜蓉的醬料，零捨好妹道————————-豆漿：幾乎每次去食的時候都會喝豆漿😂—————————凍檸茶：食辣辣米線飲凍檸茶正到不得了😂————————突然諗起又想食….雲家米線好好食😂其實開心🥳⋯⋯簡單就在你身邊食..拍…寫已經成為我生活中的一部份鍾意食…鍾意拍…鍾意寫..留下美食回憶🥰—————————-

荃灣有衆多米線舖，大部分都係連鎖店為主近日就有朋友介紹左一間米線今次兩個人去，可以試晒撈食同濕食我地叫左一個熱拌米線(無湯)配豬大腸, 魚腐, 金菇 同 小鍋紅薯粉配生菜, 魚肉春卷，當然仲叫左幾個小食做前菜小食有手拍青瓜，青瓜本身青爽口，配上蒜茸配料就更好味😋 再來一個涼拌木耳，木耳爽口配上淡淡麻辣味用來送米線🍜一流。而最後一個小食就係皮蛋，醬拌皮蛋成碟皮蛋都配上紅色的辣油來襯托皮蛋獨得的味道簡直係絕配。仲叫左兩雞軟骨試下，雞軟骨配上孜然粉同辣粉，果然係小食既首選。黎到主菜，先講魚肉春卷湯薯粉，因見小食全部都辣，所以揀左個唔辣的清湯，薯粉彈牙得來又好鬼滑，口感一流。除了基本配菜有的芽菜、酸菜、韮菜外，當然重有魚肉春卷，起初以為好似平時的魚肉咁，來到先知佢好似日本的鳴門卷咁又彈牙又重魚味，我諗用佢來打邊爐都一流。清湯唔太咸又唔算淡，配返小食的麻辣味使其味道適中好味😋😋然後就到熱拌米線(無湯)配豬大腸, 魚腐, 金菇，我個人比較鍾意食撈既米線，皆因平時連鎖店都係湯米線多，而且無湯既米線都會冇咁熱，可以唔洗就住食。撈米線原本都有一啲基本配菜，花生、榨菜、鹹菜同肉碎，其實唔要其他配料就咁撈黎

『雲家小鍋米線』估計全港只得一家，就係喺荃灣，沒有分店，做得好嘅話，一定多人幫襯，連鎖店唔係唔好，但總係覺得參差。而『雲家』由我哋中午入咗間店，直至到下午茶時間，店員都做到不停手，證明間舖係『掂』嘅。『豬紅韭菜重慶酸辣粉』，豬紅係本人鍾意嘅食物，好滑，又入味，朋友唔鍾意豬紅，因此我唔需要share，食得零舍痛快，加埋小辣嘅酸辣粉，酸，爽，彈，滑，非常正。『魚肉春卷米線』係朋友喜歡嘅，亦食得開心滿足，大家各取所需，唔錯。『涼伴墨魚頭』和『蒜泥白肉』係我同朋友都非常喜歡嘅食物，尤其係墨魚頭，新鮮爽口口感佳，勁多蒜蓉添滋味。見隔離檯人人有一碟，可知其受歡迎程度。『鹹檸七』和『凍檸樂』絕對係酸辣粉最好的配搭。

呢排join左fb有個群組「米線關注組」，特登走黎荃灣食呢幾間米線😝，黎既時候係星期日lunch time 長龍要排隊，好彩大約等左20分鐘就入座。.🍴麻辣小鍋米線 $28配料擇左（腩肉 $10、豬軟骨 $10、魚肉春卷 $9、豬頸肉 $18）本身米線底已經有芽菜，酸菜，韭菜，蔥，芫荽😍辣度擇左小辣。湯底超級濃味，仲聽到可以加芫荽😍鍾意食既一定會覺得好正，米線幼身係比較爽身同彈牙。配料好抵讚👍🏻樣樣都好好食同埋好足料，加多幾個餸都無減到份量，尤其係個豬頸肉真心好食，脆脆地好香，同埋切個厚薄度岩岩好。唯一美中不足係唔太夠辣，平時譚x食開小辣，呢度既小辣大約係10小辣吧😅🙈.🍴涼拌墨魚頭 $43個個都話必點既，果然不令我失望，米線店呢個小食真係贏晒，墨魚頭好多，用好多蒜頭整，涼涼地好爽口，但唔會難咬，食完會上癮。.🍴蒜泥白肉 $39鍾意食蒜泥白肉會覺得佢幾正宗，蒜多過肉，五花腩肉夠晒入味，唔似出面加個四川醬就叫蒜泥白肉。.🍴炸雞中翼 （4隻）$28正常炸雞翼，不過不失，食得出生炸雞翼。.跟米線加特飲+$10，有咸檸/檸檬七喜/可樂，天氣熱加特飲價錢合理。

今日喺荃灣廣場睇完戲之後，就去搵一間米線，之前朋友介紹過話好味有份量多。去到大鴻輝嗰邊再行過少少寶石大廈，都搵咗一陣，就見到間米線啦，間舖頭細細，但係都好多人食。我哋分別就叫咗兩碗米線，同埋兩個小食，同埋兩杯凍檸茶。米線方面叫咗腩肉蘿蔔同埋豬大腸。一上枱見到勁多餸，真係好足料特別一讚嘅係腩肉好入味應該預先醃過，腩肉推介必食。豬至於豬大腸嘅味道都冇咩豬臭味，幾乾淨。另外估唔到嘅係蘿蔔竟然好甜，鮮甜嘅蘿蔔真係可遇不可求。小食方面另外叫咗個涼拌魷魚頭同埋手帕青瓜，兩個嘅味道其實係差不多嘅都係有啲蒜頭少少辣。不過估唔到嘅就係個份量都真係幾大碟下，所以個性價比都好高。

食米線最緊要係餸菜選擇夠多，嚟到呢度，我真係好想試得多啲嘢，見到個餐牌已經食指大動，急不及待咁樣叫晒佢嗰啲好好食嘅嘢嚟食。其他普通嘅嘢就唔多講啦，但係佢嘅墨魚頭，真係好值得試，爽滑彈牙，清楚見到粒頭同埋墨魚鬚，整得唔會太霖，仍然係好爽口。仲有佢有蒜泥白肉，都係我嘅至愛，佢嘅蒜蓉你睇吓成座山咁高，一睇就知好出色。豬肉選料掂架，一定要試下！最重要係佢好平民價錢，雖然好多人，但係大家都要睇時間過嚟試吓。

🌸荃灣川菜🌸雲家小鍋米線🌶今天來到荃灣想品嚐一下麻辣川菜美食，因此今天就到了一間主打麻辣小鍋米線的小店-「雲家小鍋米線」品嚐晚餐！我們一行2人共惠顧了以下餐點：小店的麵食設有不同辣度給客人自行選擇：唔辣·BB辣·小小辣·小辣·中辣·大辣·勁辣1️⃣🌟（酸辣）雞絲螺旋草米線 $46酸辣米線及配料份量十足，非常之大碗。而米線質地彈牙，雞絲幼身而且質地嫩滑，口感豐富，螺旋草質地軟林入味，相當惹味❗️美味指數：⭕⭕⭕⭕️⭕️賣相指數：⭕⭕⭕⭕️抵食指數：⭕⭕⭕⭕️⭕️2️⃣🌟（小辣）小鍋紅薯粉配魚肉春卷及紫菜 $46小鍋紅薯粉份量十足，非常之大碗，紅薯粉呈粗身，口感彈牙，配搭麻辣湯底，再加上清新軟淋入味的紫菜及口感彈牙的自家製魚肉春卷，味道相當不錯❗️美味指數：⭕⭕⭕⭕️⭕️賣相指數：⭕⭕⭕⭕️抵食指數：⭕⭕⭕⭕️⭕️3️⃣🌟麻辣金錢肚 $45麻辣幼條金錢肚十分爽口彈牙，而且相當入味，加上秘製的辣椒蒜蓉醬油，相當滋味❗️美味指數：⭕⭕⭕⭕️⭕️賣相指數：⭕⭕⭕⭕️抵食指數：⭕⭕⭕⭕️⭕️4️⃣🌟涼拌墨魚頭 $43涼拌切粒墨魚頭份量十足，配有秘製的辣椒蒜蓉醬油，蒜味十足，質感爽口，相當入味❗️美味指數：⭕⭕⭕⭕️⭕️賣相指數：⭕⭕⭕⭕️抵食指數：⭕⭕⭕⭕️

呢間餐廳平時都有食開，因為大件夾抵食。估唔到平日夜晚都要等位，但勝在環境大，座位多。唔係等咗好耐就可以入席。首先，係上咗野飲先，普通熱檸水同可樂，熱檸水檸檬都幾多。先講小食，平時都食開個涼拌墨魚頭，墨魚好入味，蒜香味濃。其次口水雞，份量好夠，蒜香辣味都有，但唔會係死辣果種，有啲麻麻地，會一食再食。我同朋友都係食熱拌紅薯粉，叫咗炸醬、腩肉、芫茜、墨魚丸、燕皮肉餃，鐘意食芫茜既，可以見到芫茜係鋪滿個麵，撈落D薯粉都好夠味，燕皮肉餃個餃子皮薄，食落個餡都爽口彈牙，值得一叫。

媽媽忽然心血來潮想吃米線，我便提議她吃雲家小鍋米線，這裡米線素來以美味和份量足見稱，所以深受荃灣食客歡迎，而且我很久都沒吃過雲家小鍋米線，也想回味一番。若平常飲食習慣不吃辣的，可以試試雲家米線，湯頭由豬骨精華所熬成，裡頭配料多得很，雞絲，雞翼，魚春卷，腸仔，冬菇，螺旋草，腐竹，蔥，芫茜，韭菜，酸菜及芽菜，是不是超誇張?湯底雖然使用豬骨熬煮，但喝起來沒有絲毫的油膩，反而有著輕甜的滋味，湯頭幾乎不太鹹，主要是靠豬骨的精髓來表現湯頭的甜味。螺旋草，芫茜，韭菜，芽菜，蔥味帶清新，又夠健康，達致飲食均衡。雞翼有著迷人的滷水香氣，應該使用不少藥材滷製，不論雞皮或是雞肉均頗入味，細細品嚐雞翼還能享受到雞翼的滑嫩，讓人挺容易吃到停不下來。冬菇份量不少，與雞翼一樣經滷水滷過，鹹甜有彈性，且蠻會吸湯，冬菇仍保有其水嫩感。雪白的雞絲嫩嫩的，原汁原味，雞味濃濃，完美詮釋雞肉的鮮度，莫大的味蕾享受。媽媽想來點嚼勁，所以另加配一份豬大腸，豬大腸肥瘦剛好，處理十分乾淨，豬大腸甚為爽彈，媽媽直呼過癮。至於我仍是鍾情雲家的酸辣小鍋米線，我選了肥牛，魚肉春卷和墨魚丸作為小鍋米線的主角。如果比較重口味的話，可從中酸辣開始挑

🐷豬頸肉冬菇酸辣小鍋薯粉 （$26+18+8）（8.2/10）湯底味道濃厚，配料平均分散係湯入面😆，味道融合做得好好。酸辣湯底味道平衡，酸菜會有種開胃嘅微酸，辣都唔會太過嗆，兩樣夾埋好match🤟🏻。豬頸肉有獨特嘅炭香，口感爽脆，油香充足，好耐冇食過咁正嘅豬頸肉喇。冬菇有事前醃煮👅加埋煙韌薯粉幾正！🐖炸醬腩肉麻辣小鍋米線🍲 ($28+10+10)（7.8/10）同上一碗比較麻辣嘅辣勁強好多🌶，就咁睇辣油嘅份量已經感受到。炸醬同腩肉係哩到嘅名物，豆瓣醬味夠香但唔會搶味，食得到其他醬料混合嘅濃味，但撈勻偏咸左少少，建議都係一啖啖咁餸麵食😬。---小食---🧄蒜泥白肉 $39（7.8/10）雲南米線都會有嘅白肉。醬汁唔會太咸，可以令蒜味更突出。白肉切得好薄，超多粒粒蒜茸，上枱前略為焗過，令蒜味更出同令白肉有焦香。🐙涼拌墨魚頭 $43（8/10）同白肉嘅醬汁差不多，多左一點酸，令佢更開胃。墨魚爽口彈牙，份量又多，難怪係熱門小食😬。

荃灣放工好想食米線，第一時間諗起 雲家小鍋米線，價錢經濟實惠又大大碗，真材實料，湯底又濃郁，小店長期爆滿唔會伏！雲家米線 $58朋友唔鍾意食辣，我一於幫佢叫一個招牌米線，一碗包羅萬有，唔使心思思左揀右揀，一次過試晒所有美味配餸。配料：腐竹、冬菇、雞絲、雞翼、魚春卷、螺旋草、紅腸、芽菜、酸菜、韭菜、蔥、芫荽；啲餸多到一座山咁高，睇見咁豐富未食已經興奮。冬菇醃得特別入味，大大隻厚肉，咬落去好多汁，仲好快會賣晒。另外人氣魚春卷有咬勁，仲好食過東南西北記，爽口帶有魚肉香。特別推介健康螺旋草，質地像紫菜。紅腸感覺好似食緊車仔麵，特別有回憶。其餘配菜一樣多籮籮，湯底每日新鮮熬製，蔬菜浸湯特別好味，獨特的甜美，不同的口感，菜肉平衡，食米線都可以好清新。郊外油菜 $15一定要食通菜加腐乳汁，足料非常實惠。小鍋米線、麻辣、腩肉、蘿蔔 $45多款地道米線選擇，有酸辣/麻辣湯，辣勁尤其十足，自由配搭辣度，米線都係食辣好味啲。我揀左麻辣湯底，跟酸菜的湯底特別好飲，濃郁味道，米線軟硬適中夠彈力，有辣辣地豬肉碎好好食！腩肉香辣勁入味，肉質細緻，加埋大大件蘿蔔，相當唔錯！尤其是米線即叫即煮，熱辣辣好大碗，冬天食更開

open rice 訂三碗麵外賣自取，時間到就有得攞，但湯同麵唔分開裝，咁問佢啲麵咪會霖晒囉，啋都唔啋我就掉頭走。OK，當我疏忽，我無講要分開裝，算。有一碗係魚肉春卷米線，搵一舊魚肉春卷都無..........啲麵係霖咗，湯同餸都可以，但不為客人着想，令人覺得貼錢買難受，唔會再幫襯。

某日夜晚去咗荃灣雲家食晚餐。叫咗麻辣螺旋草薯粉小辣同兩款小食，單餸份量好多，基本上啖啖都有螺旋草同薯粉。湯頭濃郁唔油膩，肉碎，芽菜都唔少。雲家係唯一一間我真係覺得份量夠多既雲南米線鋪頭，有時候食到最後一啖米線/薯少會覺得好可惜咁快食完，但每一次去雲家都無咁既感覺，食完會係好滿足咁走。涼拌墨魚頭同麻辣豬耳個醬汁係唔同既，兩隻都各有千秋，但同時都配以蒜蓉餸涼拌令到味道更上一層樓。墨魚頭彈牙煙韌，豬耳醃得好入味，但我就唔係咁鍾意外層太淋啦。整體嚟講都🆗