雲家小鍋米線 (328廣場)

營業中

休息中

每隔一排就會想食雲家小鍋米線🍜的而且確係一間會令我吃不厭的餐廳👍🏻每一次黎門外都係一條長長的人龍。每一次都係爆場，相信都有唔少Fans😊今次同朋友一人一碗小鍋米線 $30，沒有加配餸。食得辣既朋友一定要點辣，湯底勁惹味。無加餸既原因係想食多幾款小食😋😋涼拌墨魚頭 $45多蒜先係重點，墨魚頭份量多多，口感彈牙，惹味十足！麻辣金錢肚 $46即使係麻辣，都不會太辣。金錢肚口感爽脆，非常美味！蒜泥白肉 $40極量蒜泥😍😍薄切肉片，每次食都要一片肉，上面滿滿都係蒜泥，食完成口都係蒜味。凍檸茶餐牌如下。

喺度住咗咁耐，從來依家米線都冇乜人去，不過唔知點解最近突然間好多人推介呢間米線，而且有時仲會有人排隊添，明明印象中唔係特別好食，但係都忍唔住去試咗一次。承諾同記憶中一樣，冇咩特別，而且佢嘅辣味唔太夠辣，不過竟然比我發現到，呢度嘅涼拌墨魚頭竟然好好食，而且價錢唔係貴，但係份量又較多。佢嘅墨魚頭識落幾彈牙，應該幾新鮮，而且調味好夠，越食越開胃。我覺得呢間米線店嘅米線反而冇乜特別，但係如果大家嚟到就推介大家試吓呢度嘅涼拌墨魚頭啦。

雲家米線作為米線之都既荃灣人點會唔周圍搵米線食吖！咁啱去完中南買文具見倒就去試一試先！🔸米線 -腩肉豬大腸全走Bb辣腩肉唔似 _ 仔果種，係有醃製小辣果種，啱唒我！豬大腸份量好多！全走係因為我唔鍾意d芽菜阻住我食米線BB辣係因為未試過所以小試一下。自己都可以呢。冬天可以叫小辣🔸涼拌墨魚頭強烈推薦呢個！作為冷盤，爽口彈牙，加埋醬油酸酸地，非常開胃<我見人地一個人食都會叫一碟😋>不過美中不足係米線偏淋想去試既朋友可能落單果陣叫麵爽效果會好好多呢PS: 要排隊，門口仲要食正太陽，排隊果陣曬到燶！要注意防曬⚠️推薦指數⭐️⭐️⭐️/⭐️⭐️⭐️⭐️⭐️🏠荃灣沙咀道328號328廣場G01舖#米線#米線關注組 #米線控 #荃灣#gd.food.gd.mood#eatwithfoodiez#foodiesinternationalchat

近來都聽講荃灣既雲家米線好出名，甚至喺各大米線關注組都會見到好多人介紹佢，今次特等黎朝聖一下。🫣大概夜晚6點黎到，等咗10分鐘就有得入位。米線大大碗搭配埋好多唔同既配料，好豐富，😋員工上菜速度都好快，態度都唔錯，不過店鋪位置唔係好大，坐得有小小迫。 ✨小鍋米線：豬頸肉+豬軟骨 $58🐷小鍋米線本身就有芽菜、酸菜、韭菜、蔥同埋芫荽，配菜好豐富，就咁食都夠晒。米線口感爽口，湯底酸得黎唔會過鹹，覺得啱啱好😚。而豬軟骨口感軟淋，入口即化，非常入味，豬頸肉香口得黎又係厚切，肉質爽口。🤤 ✨小鍋紅薯粉：豬紅+響鈴+腐竹 $58紅薯粉口感較為煙韌，豬紅都係熱賣配料，口感新鮮，滑嘟嘟咁，響鈴吸收晒酸辣既湯底，好多汁juicy，推薦！！ 🥳 ✨涼拌墨魚頭（$45）🦑墨魚頭口感爽脆，面頭有好多既蒜蓉，好重口味，加埋黑醋汁，更具層次。😜 ✨醬拌皮蛋（$24）🥚流心蛋黃搭配埋秘制既蒜蓉汁，一口一個，好滿足。😋 雲家小鍋米線📍荃灣沙咀道328號328廣場地下G01舖

位於荃灣有一間「米線關注組」一直都好推薦嘅米線店，作為米線忠粉，過咗咁耐先食真係好可惜。喺上個星期嘅午餐時段，見終於無咁多人過黎食，所以我就專登過黎試下呢間「雲家小鍋米線」，但都有唔少人排隊。而之前有睇左網上報導，話每一碗米線都係獨立烹調，就住呢一點我覺得已經非常值得一試。我就叫咗碗豬頸肉小鍋米線，外加螺旋草 ，豬頸肉份量十足！而平時少食螺旋草，無意中發現米線有呢款特別嘅配料，立即忍唔住試下，螺旋草嘅味道好似海帶，上網一搵先知原來佢係營養密度最高嘅食物之一，堪稱天然綜合維生素，經過今次我又認識多樣健康食材啦。螺旋草嘅份量好多，好香好淋，夾住米線食一流。我朋友就話好想食小鍋米線再加魚肉春卷同炸醬。佢表示覺得魚肉春捲係外脆內軟，浸喺湯裏吸收酸辣湯味道，更加有胃口。米線配料同湯底選擇方面，有芽菜、酸菜、韮菜、蔥、芫茜，唔同辣度都可以任意搭配（包括麻辣&酸辣），小編揀左酸辣，味道十分之惹味。有時好怕一層辣油喺面好油，但係呢間嘅米線最大特點就係佢個湯底唔油。值得一提嘅係， 佢上菜速度非常快。另外，我同朋友都叫左碟雲耳，加埋辣椒油真係好唔錯。

我同女朋友都係第一次食，下晝2點幾去到都要排隊，但多數排得隊都係好食🤤入座後好快叫左一碗魚肉春卷腩肉米線同埋豬頸肉豬大腸米線，再加個墨魚頭！結果係墨魚頭最高分 好入味🤤感覺非常開胃！魚肉春卷同豬頸肉都好好食，唔怪得都係招牌🫠豬頸肉非常淋 唔算好咸 好入味好好食，魚肉春卷都係出面比較少有嘅餸，結果都無令人失望。美中不足就係未試佢嘅雞翼同白肉，好似都係招牌菜嚟！好開心荃灣咁多好食嘅米線鋪，希望佢可以長做長有啦

嚟介紹特色餐廳啦🍜繼上兩個post分別介紹完薯粉同車仔麵🙌🏻，就當然要介紹多樣大家經常會接觸到嘅麵食啦❤️，就係大家最鍾意嘅米線啦😬。今次介紹嘅餐廳其實早前米紙都有介紹過㗎🤩，所以都算係超人氣嘅小店。即刻同大家睇下我嗰日食咗咩啦🫡。食物方面☝🏻#豬頸肉小鍋米線($48)首先介紹嘅係當時係餐廳嘅招牌小鍋米線🤤。想講其實我真係好鍾意食小鍋米線，因為佢嘅湯底實在太吸引😎。講返餐廳嘅小鍋米線先，嗰日我就叫咗碗豬頸肉小鍋米線🐖，另外再加咗兩款自選餸🤩，分別係魚腐（+$9）同埋雲吞（+$9）。豬頸肉醃得好入味，而且唔會切得太薄👍。魚腐口感軟滑🐟，雲吞餡都好足料🥟。我自己就最鍾意小鍋米線湯底嘅肉碎同酸菜🤪，加埋酸辣嘅配搭，話咁快就食完一碗，成件事真係勁開胃😋。#涼拌墨魚頭（$45）見到menu上面有個like，就點都唔會錯過呢份小食啦🫡。墨魚頭口感爽脆😬，而且上面有大量嘅蒜蓉🧄，夠晒惹味😚。加上本身墨魚頭係涼拌🥶，咁就可以喺食米線之前先食咗先🤩。再加埋黑醋汁一齊食，即刻提升咗成個體驗😇。#炸雞中翼（$29）之後要介紹嘅小食真心覺得係成餐嘅MVP😋，就係炸雞翼🐔。餐廳嘅炸雞翼就咁睇個賣相已經覺得好吸引，

講到近年比較出名嘅點會少左荃灣呢間雲家🤤 成日好多人排隊被迫放棄🥲 下午茶時間去終於都可以坐得鬆動少少😎 掙扎咗好耐要麻辣定係酸辣🤨但呢間好似係酸辣比較出名😗 絕對冇失望嘅😜 叫咗兩碗小鍋米線🍜份量十足😨 超多餸又多米線😨 配料都毫不吝嗇，有芽菜、酸菜、韮菜、蔥同芫荽😆米線口感爽口滑溜，叫左小辣覺得幾岩口味，夠酸夠辣🔥 (呢間整體係偏酸) 雞絲多到完全食唔哂🤣 好似雪花咁嘅雞絲吸哂湯😍 腩肉係每日限量可以話係必叫！！腩肉脂肪比例較少，可以話係肥瘦適中又夠入味😘 豬大腸切成幼絲，完全唔會不肥膩感🥹 金錢肚好好食入味又爽彈😗魚肉春卷反而同想像中有少少出入，口感比較似魚片頭😂 值得一提嘅係佢哋嘅酸菜屬於好酸😂岩哂我🫰🏻小食揀左佢哋招牌秘製豬頸肉🐷佢哋嘅豬頸肉係比較厚切，肉質爽口juicy～如果邊位燒得再香口啲會更好食🥹 下次嚟想試埋涼拌墨魚頭，見到枱枱都有食😂 下午茶最抵食凍飲加$3咋〰️酸辣米線: 腩肉+豬大腸 + 雞絲 +酸菜 $67酸辣米線: 腩肉+魚肉春卷+金錢肚 $64秘製豬頸肉 $46

前幾日約咗朋友荃灣食嘢，佢話想食米線，有間話要排2個鐘，咁就唔好啦不過呢間都要排。朋友到咗先，我比較路痴搵咗陣路，朋友話我知原來係間中學對面。入到去望下有咩食，小食都多嘢選，叫咗豬頸肉同好多叫嘅墨魚頭，朋友話唔好咁多肉就叫咗個手拍青瓜。秘製豬頸肉果然秘製，好好食呀，唔油膩，食咗好多塊都仲覺得好吸引。墨魚頭彈口小小辣好開胃，青瓜爽口。小食都大碟，好彩叫咗一碗米線，因為好大碗兩個人食都夠牛肉大塊又多，紫菜都大大份，餸都滿曬個碗面下次過開嚟要試埋佢其他小食，好想試埋麻辣金錢肚同蒜泥白肉。

一向都幾鍾意食米線，不過沙田除咗D連鎖米線鋪又唔多覺仲有邊間。上個星期出咗去荃灣，嚟咗呢間食，去到都要排下隊，應該唔錯。入到去坐低，正常米線鋪大細，勝在冷氣夠，坐近出入位都唔會熱。叫咗個腩肉米線加豬腸米線小辣，加8蚊要咗個凍奶茶。米線喜出望外咁大碗，視覺一流，米線唔會煮過龍，口感唔錯幾彈口。豬腸入味同feel到洗得好乾淨，好味又易咬。奶茶好有驚喜，茶底好好，茶味夠濃又唔會有苦澀味，竟然正過好多茶仔。另外叫咗個涼拌墨魚頭，見好人都有叫，的確好味道，D汁同墨魚味好夾，決定叫多個飲品，茶底咁正就叫凍檸茶，果然一樣咁正仲比足檸檬片。

🚩 雲家小鍋米線咪先佢喺荃灣真係好出名，喺各大嘅米線關注組都會見到佢嘅身影～我哋今日兩點嚟到都超級多人等位，等咗大概半個鐘先入得！雖然咁多人流但店員嘅服務態度都好好〰️〰️〰️〰️〰️〰️〰️〰️〰️〰️〰️〰️〰️〰️〰️🌈雲家米線 $60現場真係超級大碗！連男朋友平時可以食好多嘢都話今次好誇張😆裏面包羅萬有—冬菇，雞絲，雞翼，魚春卷，螺旋草，腸仔等等！雖然男朋友簡左唔辣，但湯底絕對唔係淡茂茂，入口好香螺旋草嘅味道！冬菇亦都係超級厚身，雞翼好淋，但又唔會冇晒口感🌈小鍋紅薯粉 (魚肉春卷&豬紅) $50我真係超級鍾意食紅薯粉，呢度嘅紅薯粉煙韌韌，但又唔會好難咬斷～湯底簡左bb辣，香而不辣～好鍾意佢有好多配菜（芽菜韭菜個啲😆），同紅薯粉差唔多1:1！佢哋嘅魚肉春卷都係好食嗰隻，成日出面食到都超多粉頭個啲，呢度真係淡淡魚香味～佢哋嘅豬紅胡椒味好濃郁，不過就略嫌唔夠完整🌈炸春卷 $24呢款炸春卷係類似越南嗰隻有網紋，新鮮即叫即炸，入口非常之酥脆～入面包住嘅係芋頭絲，芋頭香氣十足，好喜歡依個！🌈秘製豬頸肉 $46依度嘅墨魚頭同埋豬頸肉可以話係必要嘅菜式，豬頸肉焦香而不乾，可以保留左肉本身嘅油脂同埋肉汁，真係唔錯🌈豆漿 $8

之前同朋友去過呢間雲家小鍋米線🍜之前下午茶時間就唔使排隊嘅今日假期2:00左右都要排隊等，大概半小時左右就有位啦🌞🌞男朋友叫咗小鍋米線（少辣）配料有芽菜、酸菜、韮菜、蔥、芫茜同豬肉碎另外加咗炸醬同肥牛肥牛份量好多，而且索晒湯底嘅味道😚半肥瘦適中一啖炸醬，一啖米線加湯底，好惹味啊小辣啱哂過下口癮🤭我叫咗小窩紅薯粉 走辣紅薯粉口感煙靭，好飽肚啊！除咗冇豬肉碎嘅配料之外其他都有，而且唔辣嘅湯底，酸菜味比較濃郁另外加配豬扒、墨魚丸豬扒煎得好香口，啖啖肉，好味炸雞中翼(4隻）即叫即炸，熱辣辣😛😛好香口又唔油膩蒜泥白肉好耐冇食啊，超多蒜半肥瘦比例適中，捲住啲蒜食好正！雲家小鍋米線 荃灣沙咀道328號328廣場地下G01舖

Ideas for slurpable, mouth-watering sour & spicy rice noodles in Hong Kong? 🇭🇰 We ordered the signature 小鍋米線🍜 with pork belly (腩肉), pork chitterlings/ intestines (豬大腸) and curdled pig’s blood (豬紅) which cost around $60〰️ The rice noodles are bouncy in the deep, rich and thick-bodied but slightly oil-laced broth! I particularly love rice noodles but you may also pick other starch like sweet potato noodles (another popular alternative choice!!!) This place offers quite many choices of toppings and

未至於咁好味，但小食涼拌墨魚頭真心推介，最後堂食一碟+外賣一碟和米線比細佬作晚餐 @ #荃灣米線 #雲家小鍋米線涼拌墨魚頭 推介，蒜味十足，墨魚頭好新鮮彈牙，辣不微辣但都做到惹味，怪不得差不多每枱都有叫豬頸肉 好味，好香口不會十分淋身，有少少煎的口感蘿蔔有幾大舊，不過太大舊有點硬身不夠入味，有少許根可接受螺旋草份量不少味道正常米線 真心偏淋身，小辣不錯夠味，最後外賣果碗叫要生少少就好啲豬扒來到是凍的，口感可以但好油，餣味偏少，$15/片有點失望飲品加$8要了凍檸檬茶，偏淡少少但都可以。但真心入到去幾迫同好熱，可能不夠冷氣或風扇關係已食到衫同頭都濕唔少

涼拌墨魚🦑頭辣辣地，而且食落真係好爽口😋加埋啲蒜蓉醬料就更加入味👍🏻👍🏻👍🏻小鍋米線嘅餸叫左雲吞同豬軟骨，呢兩樣真係麻麻😓而且雲吞仲好難食😫