雲壽司 (德和大廈)

營業中

休息中

上次食完銅鑼灣既雲壽司回味無窮，成日都諗住要再去食，前排聽到佢竟然係中環開分店，貴為壽司狂魔既我點可以唔去上呀😆晚市有3個set比你揀，今次試左翔SHO，成個set包括有壽司10件，麵豉湯以及手卷，絕對可以滿足到鍾意食壽司嘅你同我🙉——————🐽 翔SHO呢個set一共有10件Omakase，白蝦，赤具，金木鯛，北海道海膽，剝皮魚，青魚，生燒銀鱈魚以及腦天壽司，師傅又淡未開始serve，每一件都係好詳細甘介紹個鐘壽司嘅整發味道顧及係少少來源產地，每一件都好新鮮，同坊間所識到嘅壽司完全係兩個層次😋🐽 刺身拼盤而刺身方面亦都好有驚喜，大toro真係好好食🥰池魚亦好有新意，強烈建議未食過既朋友要試黎個set🥰🐽 鮪魚壽司拼盤 中意食鮪魚既朋友一定唔可以錯過黎個set!一次過可以食曬，5款不同種類既吞拿魚部位😝當中既火炙吞拿魚面頰肉簡直係聞所未聞！食落好香好濃味，問過師父先知原來係平時魚民或者師父會留番黎自己食，好珍貴😋😋

知道雲壽司係中環開左新分店，呢日特登放工同同事去食，款款壽司、刺身都好新鮮!廚師發辦有三款，最平$380就食到，另設多款刺身、壽司拼盤，亦可單點，選擇都幾多元化!除吧枱位，旁邊亦有兩人卡位，櫈下有儲物籃，好貼心。最後揀左特上壽司拼盤Deluxe Sushi Platter有齊十件壽司，賣相好吸引。吞拿魚腩：魚肉濃厚，軟綿腴滑深海池魚：油脂厚，入口爽脆鮮甜牡丹蝦：Q嫩細緻中帶彈性，甜度高赤貝：色澤亮麗，彈潤鮮美海膽：豐腴奶滑無苦腥味三文魚籽：晶瑩通透，鮮美香甜火灸左口魚邊：肥美爽口滲出甘甜魚油鯖魚：肉質Q彈緊實，魚油豐富魴鮄：厚薄均稱，味道鮮甜嫩滑蔥吞拿魚腩：香滑幼細充滿脂香期待下次試廚師發辦!

講真，小弟其實唔太鍾意食魚生類，因為粗枝大葉既我唔係好感受到魚生呢Ｄ咁細膩既食物但係呢一間新開既omakase，就令到連我都感受到魚生既魅力呢間店標榜食材每日新解由日本空運到港以為價錢會好貴啦，每人無四五百落唔到樓啦點知原來又唔係喎，lunch一二百，晚市平均三百最貴都係三百價錢真係超親民特上壽司拼盤（吞拿魚腩、深海池魚、牡丹蝦、赤貝、海膽、三文魚籽、火灸左口魚邊、鯖魚、魴鮄、蔥吞拿魚腩）淨係打有咩刺身都已經打到水蛇春咁長，都竟然只係$258，真係超抵連我呢種唔係好食魚既人都食得出食材好新鮮我唔食魚就係因為怕腥味但呢到既刺身完全冇腥味，有既係鮮味，連我都可以感受到吞拿魚腩同蔥吞拿魚腩油脂都豐富，食落勁rich深海池魚、鯖魚同魴鮄鮮味得黎唔腥牡丹蝦夠新鮮唔會霉霉爛爛赤貝爽口海膽超好味，0腥味，一入口成陣鮮味係口中大爆發三文魚籽大粒到用筷子都夾得起，咬落仲爆晒漿火灸左口魚邊火灸過勁香口北海丼（吞拿魚腩、油甘魚、赤貝、海膽、三文魚、三文魚籽）雖然呢個飯既吞拿魚腩、赤貝、海膽、三文魚籽係上面果個壽司盛已經有但係再食都唔會厭，因為真係正而呢個飯仲多左三文魚同油甘魚三文魚勁厚切，魚脂仲要勁豐富油甘

其實而家搵一間壽司店食都唔容易😛不過今日嚟咗一間朋友推介嘅壽司店雖然佢鋪面唔算特別大間但係坐落去都好舒服😍幾位staff同師傅都好Nice男朋友話想食刺身飯所以就要咗一個北海丼😍包括有toro 油甘魚赤背牡丹蝦海膽三文魚同三文魚子😍😍😍配搭真係好豐富仲要全部我哋都鍾意食嘅一上枱嘅時候我哋都不禁嘩左一聲因為成個表面全部都係新鮮嘅刺身😍😍佢哋色水好靚 油花新鋪都好靚 分量仲要全部都好多 🤪魚類嘅刺身仲要厚切新鮮嘅刺身食落去魚油嘅油香好足我自己本身唔算特別鍾意食豉油所以就咁直接食都覺得好juicy 😍而且我最鍾意嘅牡丹蝦都好鮮甜由於我想食軍艦壽司所以就帶咗一個特上壽司拼盤😂有toro 深海池魚 牡丹蝦赤貝 海膽三文魚子火炙左口魚邊鯖魚同埋蔥吞拿魚腩見到都覺得好多啊!!🤪首先我自己最鍾意toro, 海膽同埋牡丹蝦壽司❤️鮮甜美味😍而且海膽仲要係日本直送食落去極有滿足感而且toro 入口即溶 , 口感比較豐富 如果唔介意油脂比例比較高既話 一定要食😎男朋友真係好鍾意食魚類刺身嘅壽司😎佢就話肉質比較爽彈 而且由於處理妥當所以就冇乜腥味👍喺中環近蘭桂坊呢個位置都好旺收費適中 而且份量好足夠👍下一次都會

朋友好掛住日本，所以決定唔為呢間新開嘅雲壽司試吓～😛裝修好靚，坐得亦舒服豉油丶綠茶粉丶茶水已經係枱面上，自助取用，超級方便！睇一睇餐牌，有定食丶盛盒或者散叫都有😋我哋就叫咗特上壽司拼盤同埋鮪魚壽司拼盤師傅係我哋面前即刻製造，成個過程我哋都見到，更添安心特上壽司拼盤一客10件 賣相好靚每件壽司基本上都好新鮮，特別係以下呢幾款：火炙左口魚邊經過火燒之後，油香突出，真係有入口即溶嘅感覺！😋三文魚子超級新鮮，口感脆嫩，魚油甘香海膽味道甘甜，質感細膩，完全唔會苦😛至於鮪魚壽司拼盤包含大吞拿魚腩丶中吞拿魚腩丶赤身丶火炙吞拿魚面頰肉丶腦天同埋蔥吞拿魚腩手卷 呢個拼盤係鍾意食吞拿魚嘅人嘅福音！❤️大吞拿魚腩入口即溶 唔會有根 非常豐富嘅油脂，食落去超級滿足！ 另外火炙吞拿魚面頰肉配上蔥花，味道相當之夾，真係好想再order多件🤪呢個晚餐食得相當滿足，臨走前見到呢度啲午餐價錢都不貴，下次可以試吓食午餐🥢

今日同朋友係中環食左個OMAKASE, 令人回味, OMAKASE由380 至780 , 我地點了個380 既翔, 有10件壽司, 一件手卷, 同一個麵豉湯一開始就食吞拿魚腩蓉手捲，由於即整即食, 紫菜仍然非常脆身，蔥花加持, 令手卷非常香, 吞拿魚入口即溶深海池魚王質感夠嫩，好新鮮, 微微爽身！螢光魷魚比較濃味！好似食出有爆膏既感覺！ 口腔充斥住膏香！ 齒頰留香，幾吸引！牡丹蝦夠哂大隻！入口口感一流！有層膠質既感覺！帆立貝夠厚切，好新鮮, 綿綿細緻！入口夠滑！海膽超正！非常綿滑又鮮甜，甜得非常自然！沒有半點既腥怪味！而且夠足料！好好食好高質。鮮赤貝帶清清既海水咸香唔會過份咸！慢慢滲出殼類水產既餘韻。夠爽又彈！Set有埋麵豉湯，蝦頭用作煲湯給味之用！用盡每份食材！

要在中環找間高質素，但價錢合理的日本餐廳絕不容易，前排在中環找朋友，她就向我推薦了這間新在中環開分店的雲壽司！餐廳內是廚師發板設計，無論是omakase還是單點，都會在你面前即叫即整！而他們的廚師發板價錢也相當ok，個range在$380-$780之間。和朋友點了個北海丼和特上壽司拼盤，兩款都非常高質用心！滿滿的北海丼無論是哪樣配料都份量十足，有齊各款魚生（吞拿魚腩、油甘魚、新鮮赤貝、牡丹蝦、海膽、三文魚、三文魚籽），更是厚切的，可以說是一次過滿足所有願望😋特別喜歡新鮮赤貝，爽口得來好鮮甜，吃得到的新鮮他們的吞拿魚亦非常鮮甜，外層有點有口即溶的感覺。而最驚喜的是，海膽質素都相當高，口感肥美之餘鮮甜度十足。還有油甘魚的厚度非常適中，口感一流！還可以用滿滿的三文魚籽送飯😋食極都仲有配料，好滋味另外朋友點的特上壽司拼盤亦相當有質素，同樣用上上乘新鮮赤貝、海膽，而toro更高質，是入口即溶的口感😋😋😋已bookmark下次再來！

曾經吃過銅鑼灣的雲壽司，覺得好。今日途經中環德己立街 ，見到雲壽司開了新店，便入內吃午餐。在店外海報見到特上壽司拼盆($258)很吸引，便叫了一份自己享用。一坐下侍應便奉上綠茶。落完單先送上沙律和麵豉湯。沙律新鮮，沙律菜，粟米和番茄清甜。麵豉湯不太咸，合我口味。主角特上壽司拼盆隨後送到。嘩，十件壽司整齊排列，顏色鮮明像副畫，見到都胃口大增。壽司整體食材高質新鮮，沒有腥味，衛生也做得好。師傅手藝好，壽司飯美味。一分錢一分貨，物有所值。吞拿魚腩肥美，葱吞拿魚腩壽司也不俗。深海池魚和鯖魚都有魚味。火炙左口魚邊和魴鮄有特色，味道甜。牡丹蝦，赤貝，海膽和三文魚籽都好正，細細品嘗更覺美味。吃完飲番兩杯綠茶更覺滿足。店雖面積不大，但座位舒適整潔，背景的日本歌曲悦耳。店員有禮，服務佳。下次有機會再來試omakase。

放假去中環行街，行到德己立街見到雲壽司，原來新開左分店，時間尚早無人排隊，一於食個EARLY DINNER!餐廳設吧枱位置同幾張卡位，裝潢簡約大方，燈光明亮，櫈底會有儲物籃比客人擺野，唔錯 ~見到廚師發辦最平只需HK$380，真係好吸引，但今日唔算好肚餓，最後揀左鮪魚壽司拼盤，全部都係吞拿魚，超正!拼盤有齊大吞拿魚腩、中吞拿魚腩、赤身、火灸吞拿魚面頰肉、腦天，最後仲有蔥呑拿魚腩手卷。首推大吞拿魚腩，脂肪味道濃郁，魚香持久夠哂肥美，滿口甘香。火灸吞拿魚面頰肉充滿彈性，嫩滑鮮甜。腦天即吞拿魚頭頂肉，一條吞拿魚只有兩片!!入口相當軟滑，魚味極濃，充滿脂香。蔥吞拿魚腩手卷好足料，面頭鋪滿軟綿吞拿魚腩，入口啖啖魚香，油脂豐腴，配脆口紫菜、蔥花、芝麻，味道層次豐富。

師傅發辦最近大行其道，但動輒過千，一般人實在難以駕馭幸好中價，便宜價的發辦應運而生，今晚我到訪的，就是中價位的發辦，而且有位坐環境：上價居酒屋的格局，坐得舒適服務：侍者禮貌上佳，師傅會為鮨物簡單介紹，發辦的基礎打得很緊實$580 發辦套餐お造り：粒貝 爽口彈牙，帶微微貝類獨有鮮味，入門佳牝丹蝦 非常creamy，入口清甜伊佐木 爽脆的伊佐木，吃的是他的嚼勁！大拖羅 魚油多得溢出於口，好香的拖羅魚油！鮨物：「師傅沒有為我們添加山葵到鮨內，自己來吧」白蝦 很爽很甜，一條條的白蝦非常甜！赤貝 爽脆得像脆片！針魚 加上薑的調味，味道不算太出色剝皮魚（配魚肝）剝皮魚本身無什麼味道，魚肝的creamy度吊起了整貫鮨的層次螢光魷魚 非常濃郁的魷魚內餡，魷魚本身不韌，好吃北海道海膽 賣相未必是最好，但冷凍功夫一流，入口鮮甜甘香幼滑，很正銀鱈魚 火炙 超重油香的一道，燒炙把油香完全釋放，魚油非常好吃吞拿魚面頰同樣經燒炙的吞拿魚面頰，比一般部位軟稔，入口味美！手卷蒽拖羅魚蓉啖啖肉的手卷夾著一條既長又無筋的蒽拖羅，入口即化，油香重，紫菜亦非常爽脆，上佳吸物不俗的味噌湯，以作完美的終局以$580來說，這裡的鮨

ℂ𝕖𝕟𝕥𝕣𝕒𝕝 中環 • 雲壽司🍣📍中環德己立街𝟙𝟟-𝟙𝟡號地舖🔍中環、銅鑼灣➰新開分店於中環德己立街的雲壽司，廚師發辦價錢一向親民，只需$𝟹𝟾𝟶-$𝟽𝟾𝟶，性價比高。➰🔹𝙾𝚖𝚊𝚔𝚊𝚜𝚎 𝙺𝚄𝙼𝙾 雲 $𝟻𝟾𝟶 ☁️中間價位的是「雲」，一共有𝟺 點刺身、𝟾件壽司、𝟷條手卷和麵豉湯。刺身先是牡丹蝦、粒貝、鯖魚、拖羅，建議先食貝類，牡丹蝦富膠質，拖羅肥美。壽司有赤貝厚切爽脆、魴鮄肉質紮實、火炙金目鯛和火炙金線鯛皆富油香、剝皮魚、螢光魷魚較濃味、吞拿魚面頰肉略厭有筋，而最出色且難忘的是北海道海膽，綿滑鮮甜，吞拿魚腩蓉手卷，紫菜脆身，由頂到底都是滿滿的吞拿魚蓉，入口即溶，完美作結。

中環蘭桂坊附近新開咗日式料理，主打壽司同Omakase，望落去好誘人，於是就入咗去食餐高質嘅dinner☺️特上壽司拼盤 ($258)- 特上壽司拼盤都有好多唔同嘅款式，包括吞拿魚腩、牡丹蝦、海膽、三文魚子、三文魚籽、魴鮄、深海池魚、赤貝，五花八門😙- 個人最鍾意赤貝、牡丹蝦同海膽，真係令人十分驚艷；赤貝清甜爽口，食得出內裏嘅鮮味，同埋非常有咬口，鑒於其質地，口感層次格外豐富；牡丹蝦新鮮軟滑，鮮甜肥美，一啖擺落口超級滿足；海膽更加係冇得彈，格外鮮甜，軟滑到入口即溶，成個口腔都充滿咗海膽嘅精華，超級正！💛鮪魚壽司拼盤 ($280)- 鍾意食吞拿魚嘅人一定要叫呢個拼盤，有齊晒唔同吞拿魚壽司嘅做法唔同部位，食得非常滿足；拼盤包括大中吞拿魚腩、赤身、火炙吞拿魚面頰肉、腦天仲有蔥吞拿魚腩手卷，各式各樣都有🤩- 個人最鍾意大吞拿魚腩，吞拿魚眼切件厚身，識落啖啖肉，而且師傅將吞拿魚嘅溫度保持得非常之好，唔會過冷或過熱，將其精粹呈現出嚟；另外火炙吞拿魚面頰肉都超正，面頰肉被輕輕燒過表面，啲魚油滲出來，成件壽司入口更加香，風味倍增😋呢個雲壽司嘅壽司真係好好好高質，所有壽司嘅飯都做得好工整，一啲都唔會好鬆散

雲壽司之前係銅鑼灣都食過，原來中環都有分店，見星期六日都有lunch set就去食下。我同朋友分別叫左個特上刺身拼盤（$360）同北海丼($198)share.刺身拼盤包左吞拿魚腩、牡丹蝦、海膽、赤貝、深海池魚同真鯛，每樣大概2片，厚度十足，整體而言都幾新鮮。北海丼嘅刺身亦大同小異，只係多左三文魚，三文魚籽同油甘魚，冇左深海池魚同真鯛。個人覺得北海丼性價比會較高，因為魚生嘅種類差唔多，但價錢平$150🤣

好耐都冇食過日本野啦 今日同朋友專登黎中環覓食 今次揀左間主打食壽司刺身既餐廳 整體黎講食物都算幾高質 我地叫左個特上刺身拼盤同北海道丼set 有包沙律同面豉湯~ 有d可惜既係原來個特上刺身拼盤係冇跟飯 就咁食可能會有d濟 好彩我地兩個女仔冇話好大食同埋share 兩個set 所以份量岩岩好特上刺身拼盤分別有吞拿魚腩﹑赤貝﹑牡丹蝦﹑海膽﹑赤貝﹑深海池魚同真鯛 刺身非常之新鮮 尤其係個海膽 味道鮮甜十足 而且海膽份量都幾足本 唔會話得一兩旨pat 食完好滿足 仲有我最愛既厚切吞拿魚腩刺身 油脂豐富 但食落又唔會太膩 另外個北海道丼入邊既魚生同特上刺身拼盤差唔多 唔同既係深海池魚同真鯛變左做左油甘魚﹑三文魚同三文魚籽 以丼黎講魚生種類都算幾多 而且飯量唔少 性價比都幾高~

今晚收工自己落中環蘭桂坊食嘢，開咗間雲壽司，係一間小型但五臟俱全嘅壽司店，餐牌簡潔。今日就食咗以下。刺身拼盤（$198）拼盤有油甘魚、甜蝦、帆立貝、三文魚、池魚，擺盤擺得好認真，影得唔錯。件件都厚切，啖啖肉，魚油豐富。由池魚較為有咬口嘅一邊開始食，食到較為魚油豐富嘅油甘魚同埋三文魚。自選壽司十件（$168）當中特登揀咗軍艦、火炙、普通壽司。當中火炙左口魚，火炙後魚油更出。火炙三文魚等等亦都冇燒過龍，滑溜嘅口感依然喺度。三文魚、吞拿魚軍艦，用嘅醬亦都冇過火。總括來講，呢度係一個速食唔錯嘅選擇。