雲壽司 (德和大廈)

營業中

休息中

去完大館就食omasake 先，之前去過銅鑼灣店，食過好正我們叫了吟，翔，反正兩個人食，一定夠食。吟刺身有赤貝，好爽口，池魚好鮮味，我第一次食金目鯛，很鮮甜，淡口岩我食，老公食蠔，海水味淡口，鮮甜。拖羅油花分佈平均，肥美，帆立貝大粒又鮮甜，牡丹蝦大隻又鮮甜。基本上刺身相當滿意，好新鮮，有啲我唔熟悉，店員很有耐性跟我講解。仲有壽司，分別北寄貝，吞拿魚腦天，白蝦，剝皮魚，螢光尤魚，赤鯥，銀雪魚，海膽。赤鯥是高級魚生，肉質彈牙，油脂豐富。吞拿魚腦天，原來係魚頭頂的肉，口感軟滑，魚味濃郁。呢set 真係高級食材，值得去食。手卷是吞拿魚蓉，餡料好滿，魚的油分豐腴，紫菜又脆，非常新鮮。翔壽司是拖羅，針魚，剝皮魚，赤貝，海膽，牡丹蝦，螢光尤魚，左口魚邊，吞拿魚面頰肉，銀雪魚。針魚魚味重，剝皮魚第一次聽，我以為自己聽錯，肉質爽彈，唔錯。仲有濃味的麵豉湯，享用一餐壽司，刺身，飲碗湯暖胃就最岩。

😎去開中環整野就係呢頭附近揾野食~平時好少專登會去中環~途經德己立街斜路仔有間小店☁️雲壽司🍣就入去試下~店面唔大大約12個座位左右🎎order左特上壽司拼盤🍣$258 ========Deluxe Shusi Platter ========(吞拿魚腩、深海池魚、赤貝、牡丹蝦、三文魚籽、火灸左口魚邊、蔥吞拿魚腩、魚青魚等等) 共10 件~刺身幾新鮮。。。。。。不過分量可以再多d因為男仔食的話就會唔夠

呢日同媽子去中環，經過見到間新開張嘅壽司店，餐廳小小，充滿日本🇯🇵風味，一入去就有一大張吧枱，側邊再有幾個卡位，我地當然坐吧枱啦～櫈下面仲有儲物籃放袋添，幾細心👍🏻有廚師發辦（最平$380已經食到😱）、套餐、單點壽司，店員介紹內容之後，我哋點咗特上壽司拼盤同北海丼，仲包沙律同麵豉湯😋特上壽司拼盤 $258一共十件🍣：吞拿魚腩、深海池魚、火炙左口魚邊、鯖魚、魴鮄、牡丹蝦、赤貝、海膽、三文魚籽、蔥吞拿魚腩魚生新鮮，樣樣出色！尤愛火炙左口魚邊，燒過之後入口啖啖油香，份量澎湃嘅海膽軍艦，甘甜無比北海丼 $198共有七款刺身：吞拿魚腩、油甘魚、赤貝、牡丹蝦、海膽、三文魚、三文魚籽每款刺身都非常新鮮，舖滿飯面🤤2塊拖羅望落極似肥豬肉🤣肥美鮮嫩，赤貝又大又厚肉，爽口鮮甜總括然而，雲壽司性價比極高，可以一邊欣賞師傅嘅手握壽司，一邊品嘗鮮味，簡直大滿足😚

復活節長假同男朋友去蘭桂坊食嘢之前喺銅鑼灣都食過雲壽司呀估唔到開咗嚟中環！我地一人嗌咗雲set，一人嗌咗翔set首先上咗刺身先師傅叫我地食咗大蝦貝類再拖羅有牡丹蝦帶子同拖羅帶子係食得出一絲絲甘甜阿媽煲湯嘅象拔蚌又韌又新鮮象拔蚌係好爽口同煲湯個口感完全唔同！跟住一人十件壽司左邊係雲set右邊係翔set最深刻印象係北海道海膽連男朋友本身係絕不唔食海膽但比我個反應吸引咗該如何表達 係完全唔腥味道唔會話好濃但真係齒頰留香同埋和牛都好好食上面有蔥之前仲有啲薑蒜辣得嚟好香 有啲煙醺嘅感覺生蝦係用刀背切過食落有啲「桃」味係好清新另外有一件上面係肝問咗師傅係咩魚我而家又唔記得咗🤣好好好食！下次一定會形容返比師傅聽我地個set仲包埋手卷香蔥呑拿魚手卷係啖啖拖羅蓉 調味調得恰恰 食到最底都仲有真係好滿足！麵豉湯係海鮮熬製絕對係誠意之作！

早前路經蘭桂芳見有一壽司店新開張，一個人都冇，但門口職員好熱情諗住當幫下人即管試吓。叫了六百幾蚊的廚師發辦，食起上嚟竟然有驚喜，剌生用比較靚的種類，有金目鯛、拖羅、大池和赤祿等等，加上壽司的赤貝、左口邊可算樣樣俱全，我平時是食慣日本嘢，感覺上與附近收費一兩千的冇大差別，反而仲好似感覺新鮮啲，唯一係地方唔係太好坐逼夾啲，同埋單尾個湯認真麻麻哋，但總的嚟講還是食得過，好過附近有一間冇得坐企到腳都軟，如果經過中環不妨一試。