雲壽司 (德和大廈)

營業中

休息中

夏日炎炎最好去食壽司，搵左間喺中環性價比高嘅壽司店-雲壽司。鋪頭唔大，坐喺Bar枱位，可以睇到師傅炮製壽司同凍櫃各式各樣的魚生。黎得壽司店當然要試下Omakase。呢到嘅Omakase有3個價位，今次就試咗《翔》，有10件壽司、1件手卷同埋麵豉湯。10款壽司分別喺帶子、大拖羅、鯖魚、赤貝、北海道海膽、北海道牡丹蝦、金目鯛、赤陸、銀鱈魚同埋吞拿魚腦天。大拖羅油脂分佈均勻，入口即溶，充滿香濃油香。海膽非常鮮甜，而且夠哂creamy。赤鯥則喺季節限定，肉質嫩滑肥美。最特別嘅當然喺非常少地方有得食嘅吞拿魚腦天，即喺吞拿魚頭頂部位肉，一條魚只得兩條，非常矜貴，入口綿滑，而且經火炙過，魚味香濃之餘油香四溢。至於手卷就喺葱吞拿魚腩手卷，葱蓉帶出吞拿魚嘅鮮味。朋友就叫左個壽司拼盤，有油甘魚、三文魚、甜蝦、真鯛、帆立貝、三文魚籽、池魚、吞拿魚腩、北寄貝同埋辣味三文魚。魚生新鮮肥美，絕對喺有質素。。。雲壽司 (德和大廈)中環德己立街17-19號地舖。。

好掛住日本！唉無得去日本就唯有食住壽司先，今次約左朋友仔去中環呢間雲壽司試下佢地既壽司如何～～ 壽司店鋪路唔算大分兩邊位，一邊卡位一邊bar枱位我今次揀左特上壽司拼盤 $258 有十件精選壽司，其中7件係刺身壽司，3件係軍艦壽司先點評前排五款刺身吞拿魚腩（右一) 好鬼肥美而且油脂滿滿，入口即溶。深海池魚（右二) 魚味濃郁，肉質緊緻。魴鮄（右三）魚肉富彈性，口感獨特。鯖魚（右四） 通常都係食燒鯖魚，做刺身壽司都仍然保持住肥美甘香嘅特質。赤貝：呢個好得我心～～～ 肉厚飽滿，口感爽脆之後到後排五款：牡丹蝦（左一) 蝦味十足，肉質彈牙，味道鮮甜。火炙左口魚裙邊（左二）因為火炙嘅關係，更加顯得魚油嘅香味更濃。三款嘅軍艦壽司：分別係三文魚籽，海膽，蔥吞拿魚腩，份量都係好多，而佢哋包住嘅紫菜仍然脆口，食落口感豐富，三文魚籽口感最豐富，海膽就鮮甜，而吞拿魚腩加埋蔥香，味道層次最多。下次等我又試埋佢哋個omakase 先得 我見都幾多人話性價比好高！

雲壽司開到嚟中環😋今次試咗最抵食嘅＜翔＞，廚師發辦有壽司10件同手卷1個，仲有麵豉湯，依個價錢食到有質素嘅壽司真係好難得！師傅精心挑選當日新鮮嘅食材，令我地有機會試到好幾種平時少食嘅魚類，款式如下：大呑拿魚腩、平政、飛魚、赤鯥、赤貝、北海道牡丹蝦、帶子、北海道海膽、呑拿魚面頰肉 、銀鱈魚北海道海膽甘甜細滑，留喺口腔嘅滋味令人回味無窮；平政食落好有新鮮感，肉質較結實有咬口，冇咁肥膩；大呑拿魚腩冇筋好肥美，相較起嚟呑拿魚面頰肉就有彈性啲，經炙燒後亦充滿油脂香。另外點咗個丼飯，三色丼上滿滿嘅三文魚籽令人流晒口水🤤 海膽、三文魚籽同醋飯非常夾，每一啖都充滿鮮味，帆立貝大粒又鮮甜，食完有幸福感☺️ (如果海膽再多啲就好喇🙈)

雲壽司有由米芝連嘅廚師坐鎮，最近喺中環新開左分店，所以就嚟一試究竟。點選左一客《雲》嘅omakase ，入面有4款嘅時令刺身，8款時令嘅壽司，仲有一條手卷，最後仲有個麵豉湯。8款壽司分別有腦天：係吞拿魚頭頂嘅肉，一條吞拿魚得一兩塊，唔係好多地方可以食到，食落魚味好濃。白蝦：加上柚子汁，更帶出白蝦嘅鮮甜味。海膽：係用上北海道嘅海膽，鮮甜味十足。口感creamy 。活北寄貝：口感爽脆，食落清爽。牡丹蝦：嚟自北海道，肉身晶瑩剔透，鮮嫩無比。金目鯛：肉質緊緻，魚脂香味濃郁。銀鱈魚：輕輕火炙，魚油香味就更突出。赤鹿：除左本身嘅魚味，仲帶點火炙嘅香烤味。而4款嘅刺身有粒貝，鮮帶子，呢兩款係貝類刺身帶子鮮甜味美，粒貝口感清爽。而另外兩款係魚類刺身就有深海池魚同埋大拖羅。深海池魚肉質緊緻，有咬口，而大拖羅入口即化，魚油滿滿，令人一食上癮。手卷係香蔥吞拿魚蓉，只係需要加少少嘅醬油，吞拿魚嘅鮮味就又更加突出。

運動前吃sushi omakase當晚餐太幸福了🤤美味又不會過飽🤩🪶翔 🪶套餐有10件壽司、一個手卷和麵豉湯，只須$380以omakase來說價格相對實惠👍🏻🍣白蝦壽司富山灣的特產，顏色透白晶瑩，肉質彈牙🍣飛魚壽司味道甘香，口感清爽😌🍣赤貝壽司外型很像橙色糖果😆咬落爽口不失柔軟😛🍣伊佐木壽司夏季正當造的魚🤩 口感有點像三文魚，滑膩又帶點油脂香，加了少許蔥花入口更香，喜歡💕🍣深海池魚壽司口感柔軟得來有少許爽口，味道鮮甜，咬落愈來愈甘香👍🏻🍣象拔蚌壽司切成薄薄一片相當爽口有嚼勁，海水味重🌊🍣吞拿魚面肉壽司吞拿魚肉經過火灸，有滿滿油脂香🤩吃了齒頰留香😁🍣北海道海膽大愛😍😍😍小小一件卻佈滿海膽，入口冰凍鮮甜，口感滑膩，太幸福了🥰🍣燒銀鱈魚壽司燒得太香了吧🔥入口充滿微微燒焦的油香，而且口感很滑溜😼🍣大拖羅壽司平日不常吃到美味的吞拿魚，看它的粉紅色澤已知道非常高質😎非常肥美，味道鮮甜☺️🍣拖羅茸手卷拖羅茸很足料🥰混合少許蔥花減少了油膩感，非常鮮美😋最後還有麵豉湯😋

朋友生日同佢去食好西，我地去左中環食Omakase！鋪頭裝修簡約，日式風格，除左Omakase仲有其他套餐同單點添。我揀左Kumo 雲既Omaskase，有4款刺身，8款壽司、1款手卷以及1碗麵豉湯。口岸蠔肥美鮮甜，再帶點海水味道😍😍。拖羅呈粉紅色，油脂豐富，甘香入口即溶。深海池魚肉質鮮嫩肥美。8款壽司：白蝦晶瑩剔透肉質彈牙，鮮甜美味。鮮鯖魚十分清甜。赤鯥油脂豐富，味道鮮美，吞拿魚腦天肉壽司，口感軟滑，魚味濃。北寄貝壽司燒銀雪魚壽司燒金目鯛壽司北海道海膽壽司朋友就揀左SHO 翔有10款壽司、1款手卷以及1碗麵豉湯。朋友話螢光魷魚有驚喜，好爽脆。吞拿魚面肉壽司有彈性肉質爽口。燒銀雪魚好肥美juicy。北海道海膽壽司夠鮮甜。帆立貝壽司，牡丹蝦壽司赤貝壽司燒左口魚邊壽司，伊左目壽司大拖羅壽司拖羅蓉手卷估唔到食到最尾，都仲有吞拿魚蓉，仲要一路食一路流哂d 吞拿魚蓉出黎。

我之前去過銅鑼灣「雲壽司」食飯，印象都幾好，最近見佢哋喺中環開咗分店，所以又去幫襯，睇下新店質素點 😝 今次去食omakase (廚師發辦)，套餐收費由$380至$780不等，定價算幾親民 😬最平嘅「翔」套餐 ($380) 包咗10貫壽司、1條手卷、1碗麵豉湯，都幾豐富 😋 有幾款我好鍾意 ❤️ 拖羅好肥美，筋又少，口感軟滑 🤤 火炙吞拿魚面頰肉質鮮嫩，鬆化可口 😌 海膽非常creamy，入口即溶 🥰 火炙金目鯛外脆內鬆軟，魚油香濃郁 😍套餐份量都幾多，食物質素好高，整體黎講幾抵食 ☺️

係中環新開嘅高質抵食壽司店，附近返工既lunch time同放工可以去試吓！-壽司拼盤 ($188)總共有10件壽司🍣分別係油甘魚/三文魚/甜蝦/真鯛/帆立貝/三文魚籽/池魚/呑拿魚腩/辣味三文魚同北寄貝～每件刺身都好有份量，每舊都好新鮮，質優味美，女仔食一份都夠食啦😙-特上壽司拼盤 ($258)想食質素再好啲既食材可以揀依個套餐，有埋深海池魚 赤貝 海膽 火炙左口魚裙邊等等～赤貝厚肉彈牙，好鮮甜！海膽入口即溶，一啲都吾腥，師傅疊厚啲就好啦🤣而拖羅好肥美！入口成啖魚油香🤤

呢度啲omakase比起其他店平，幾百蚊就有，當然格調上有段距離，但食物質素上憑呢餐我估差唔遠。有三位壽司師傅左場，感覺都好專業。.盛盒menu上有固定的壽司組合，睇左啲壽司款式係我最鍾意嘅，就點了特上壽司拼盤 $258.呢十件壽司果然冇令我失望，全部都好高質新鮮🤩.火炙左口魚邊比起平時食的更大塊更香更爽口.吞拿魚腩即使不是大拖羅，但口感唔比大拖羅差，甚至更好食，因為我鍾意魚味同油脂嘅平衡，而又冇筋，呢件係做到.海膽鮮甜新鮮份量多.赤貝非常爽口，鮮味十足.三文魚子粒粒飽滿新鮮，唔會過咸.單憑呢十件，我就知呢間餐廳嘅omakase都值得試！

無得去日本旅行，唯有拖男友去食日本野。收工男友接我，好快就帶我來到蘭桂芳，還以為他想去飲酒興祝，原來開了間日本餐廳。店內簡潔，我地坐吧枱，可以看到壽司師傅精心準備我地的丼飯，刺身，壽司。北海丼$198北海丼有吞拿魚腩 油甘魚 赤貝 牡丹蝦 海膽 三文魚 魚籽三文魚肥美，魚籽在口內爆開，十分美味特上刺身併盤吞拿魚腩 牡丹蝦 海膽 赤貝 深海池 真鯛吞拿魚腩最美味，甘香魚油滿滿，十分滿足自選壽司併盤火炙左口魚左口魚特別經火炙後油脂魴鮄味道清甜，肉質實淨呢段期間來過速食，也很愉快

食過好多位於中環的餐廳都無令人失望，食物質素在中上水平，今天去左雲壽司也是一間不錯的選擇～我同老公第一次嚟，試吓一個性價比較高的自選壽司，我們各自都揀咗10件壽司，再加一碟刺身share食，兩個人埋單$500左右，中環地區實屬抵食我比較鍾意食魚類刺身，所以叫左赤身、油甘魚、真鯛、赤蝦及帆立貝，款款鮮美可口～老公叫的款式多啲，佢話牛油果沙律軍艦幾清新特別，連唔食火灸壽司的佢試左火灸帆立貝都話好味😋刺身新鮮，cp值真係好高，下次有機會再來要試下omakase呢😊

尋晚收工出朋友行開中環，係斜路見到新左間日本野之前好似係銅鑼灣有食過，所以就入去試下omakase價錢都唔貴，我地就叫左2個380既壽司set佢亦都可以單點，刺身，壽司，手卷，小食都有齊我地就另外加左個特上刺身拼盤呢到係傳統既綠茶粉自己沖水，口味可以自由調較落完單好快廚師就開始佢每件都有介紹下係咩黎，如果唔係食開可能真係有d係唔識咩魚生帶子勁大只，好新鮮，完全見唔到舊飯，味都調得好好，唔需要自己再點野牡丹蝦啖啖肉，依佐木平時都比較少食，口感都唔錯赤貝真係活架，睇住佢上個陣仲係郁，而且超大只，又係睇唔到舊飯剝皮魚+魚肝就真係第一次食佢既魚生，魚肝好正，味濃又滑，夾埋一齊食別有一番風味跟住係我好鐘意既螢光魷魚，唔係成日有得食，同普通魷魚好唔同，必試金目鯛係一件藝術品，燒得勁靚，食落好香，同埋d魚油鯖魚我又係好鐘意，佢一舊仲要有兩塊，味勁濃，好好食是日最正係北海度海膽，超級無敵勁清甜，而且食落有種透心涼既感覺必必必必食，好彩佢份量都唔少最後一件係吞拿魚面"豬燈"肉都唔錯跟住仲有個拖羅手卷同湯其實都已經好滿足但最後我地決定加多個特盛刺身食番件大拖羅先係完美既ending而且仲可以食多次海膽除左

#雲壽司 (德和大廈) (中環）舖頭細細五臟俱全。發現仲有日本人食，感覺上覺得佢受到日本人嘅認可。#特上壽司拼盤 $258 #壽司拼盤 $188兩款壽司拼盤都各有10件壽司🍣。特上壽司叫得特上壽司🍣啲材料係比較少見啲，有少啲見到嘅魚魴鮄同鯖魚。💰有貴價啲嘅海膽、吞拿魚腩、深海池魚、新鮮赤貝。 每件壽司都好新鮮，食材嘅鮮味配飽滿嘅飯粒，我鍾意一口食晒整件壽司。當中魴鮄口感好特別，爽口鮮甜，有啲似食魷魚軟骨。壽司拼盤就有油甘魚、三文魚、甜蝦、帆立貝、北寄貝、辣味三文魚軍艦、吞拿魚腩、池魚、三文魚籽、真鯛。同樣食嘅係食材嘅鮮味，只要係新鮮真係冇得輸。見着壽司師傅即叫即整。10件壽司啱啱好7分飽。整體壽司價錢都好相宜，質素高。

大熱天, 又係食生冷野既時候啦!! 好少黎中環食飯, 今日黎試下雲壽司。鋪頭好近大街, 一眼就睇到, 係行小店路線, 入面店員同客人既比例差不多一比一, 服務一定好貼心又貼身!!我地2個叫左蟹子沙律, 一個壽司SET一個12件自選壽司套餐。睇下~幾多蟹子~咁熱食個沙律真係好REFRESHING.壽司每件都好精緻, 睇都睇得出好新鮮, 色澤好靚, 係正宗壽司一口SIZE呀, 睇住師傅係你面前整, 好有日本FEEL之餘, 參與感都好強~~~❤️連我最愛既蔥粒吞拿魚碎都有, 食得好開心~~ 個人最推薦炙燒壽司, 所以燒過既魚都超香魚油味, 如果食自選SET可以試下呀, 有好多款㗎!!😍😍😍

雲壽司 Sushi Kumo天氣熱又勾起食靚壽司慾望，omakase 不時不食，由專業發板就最食到時令魚生，不過多數定價唔平。今次試左定價較平易近人嘅雲 Kumo 包括4件刺身, 8件壽司體1件手卷。大施羅呈淺粉紅色，魚油比例極高，肉眼可見分布嘅雪花紋理, 魚脂香味濃甘香，帶點筋位所以都帶咬口粒貝，肉質幼嫩爽口，帶淡淡海水香味。牡丹蝦呢款較為遜色，差了點甘甜赤貝，亦係我壽司常pick 選擇，呈橙紅色， 肉質爽厚鮮味金目鯛，係鯛魚中油分最豐富，燒過魚脂香味更出 ，口感幼嫩豐盈平政魚腩，雖然係腩部位，帶其獨有魚味，清香而油份不會過膩，肉質結實有口感。吞拿魚 腦天，原來係吞拿魚頭頂的肉，我都係第一次食，腦天多脂肪少筋位，口感軟滑，火炙後入口半溶於口中 ，魚香味好出 北海道海膽，呈橙黃色， 口感好細膩 creamy，而且好鮮甜，真係有去到日本味道赤鯥 ， 入口肥美鮮甜，肉質嫰滑，唔錯伊佐木 白身魚，色呈白裡透紅，肉質軟腍帶微爽脆，甘香，燒銀鱈魚，平時食銀鱈魚多數用黎做西京燒，估唔到原來火炙後口感軟嫩，做壽司都好食最後係吞拿魚蓉手卷， 紫菜香脆，中間係塞滿滿吞拿魚，滿足