雲壽司 (德和大廈)

營業中

休息中

位置超方便係蘭桂坊入口雖然然地方不算大，大約可坐12位但坐底後即使有隔板，可活動空間都好夠每件壽司既魚生都好大件而飯少而且魚生都好新鮮師傅既手勢好好打飯夠空氣就算反手魚生沾醬油都唔會分離$258 特上壽司拼盤 / 10件用料上盛單價每件都唔洗$30 性價比高吞拿魚腩）唔使多講油脂同花紋都好靚海膽） 甜及順滑單係呢件都抵返晒三文魚籽） 帶有少少鹽漬味 新鮮飽滿好大粒赤貝） 好新鮮又大件， 每啖都係彈性十足爽口火炙左口魚邊） 輕輕火槍燒過油脂出晒嚟但不膩深海池魚） 感覺似帶子軟軟棉棉但彈牙$198 自選壽司十二件平均每件價錢都唔洗$20可以簡既款式都幾多下而且重點係每件魚生都大大件飯細細仲有幾款特上拼盤既靚壽司都可以簡Encore 火炙左口魚邊 油甘魚 蔥吞拿魚腩軍艦最好味係甜蝦唔止大隻仲好甜$68 刺身沙律三文魚＋油甘魚＋鯛＋白身魚及大量飛魚籽組成刺身份量多到唔敢撈起怕整跌落枱每次夾起都係啖啖刺身同飛魚籽呢個價錢完全係食刺身送沙律

公眾假期放假，特登同朋友仔出左港島行街，影下相。晚餐大家一早揀左雲壽司，之前食過幾次都好唔錯。上次試左Omakase廚師發辦，印象都幾好，除左Omakase廚之外，雲壽司仲有壽司、卷物、刺身、海鮮丼等選擇，食材全部每日由日本空運到港，夠哂新鮮!朋友揀左北海丼，我就揀左特上壽司拼盤～北海丼有齊吞拿魚腩、油甘魚、赤貝、牡丹蝦、海膽、三文魚、三文魚籽，款款都好新鮮，一上枱勁吸引。推薦富油脂甘香既吞拿魚腩，脂肪味道相當濃郁，入口即溶；牡丹蝦蝦肉甜美、啖啖細綿帶爽，三文魚籽色澤明亮飽滿，味道濃稠。特上壽司拼盤，十件壽司整齊排列。有吞拿魚腩、深海池魚、牡丹蝦、赤貝、海膽、三文魚籽、火炙左口魚邊、鯖魚、魴鱍、蔥吞拿魚腩。推薦深海池魚質感爽脆油脂豐厚，厚切啖啖魚肉，魚味突出夠哂鮮甜~赤貝軟嫩中帶點爽脆，肉質肥厚。

呢日約左好耐冇見既朋友去中環食飯，我地搵左一間日式餐廳食omakase。呢間餐廳唔算好大，可以睇到師傅喺吧枱到處理食材。打開餐牌，見到呢度有幾款omakase同啲套餐可以選擇，價錢喺中環黎講都算幾抵食。我地點左雲 Omakase，呢個係呢間店既中價位omakase，質素已經超級高。佢有4款刺身、壽司8件、手卷一條同埋一碗麵鼓湯。全部食材都好新鮮，刺身入面既拖羅勁正，好厚身，又肥美，食落去回味無窮！海膽壽司係我另一至愛，海膽多到滿瀉啊！另外仲有特上壽司拼盤，如果冇咁高預算食omakase既話就可以選擇壽司拼盤，呢個拼盤有10款唔同既壽司，同樣係整高水準，每一啖都係高級既享受！

依間雲壽司係中環蘭桂芳附近開左新分店，餐廳有提供自選壽司或者壽司拼盤，仲有入門版omakase食嫁🍣**********<北海丼> $198北海丼以平時丼飯嘅份量黎講都幾足料，個丼嘅壽司飯底都幾深，上面鋪滿左呑拿魚腩、油甘魚、三文魚、牡丹蝦、赤貝、三文魚籽及海膽，三款嘅魚刺身都好厚切，部位夠肥美所以都好滿意👍🏻**********<鮪魚壽司拼盤> $280壽司方面就試下個鮪魚壽司拼盤，有大呑拿魚腩、中呑拿魚腩、赤身、火炙呑拿魚面頰肉、腦天壽司及蔥呑拿魚腩手卷，價錢方面比丼飯貴，但一定滿足到呑拿魚控！個人就最鍾意中呑拿魚腩壽司，油脂比例最適中，又唔會太過肥膩🥰**********<刺身沙律> $68沙律底有生菜、粟米同埋番茄仔，上面就鋪左角切魚生粒，角切魚生份量都幾多，食到最後都仲有😚

中環呢一間壽司店，自從佢開張以嚟，我就已經留意到，今晚終於同朋友有機會試下佢哋嘅dinner先！我哋分別都揀咗自選壽司12件。款式有好多選擇，除咗有壽司之外，仲有軍艦。12件，一共有幾20幾款，真係好難揀！因為自己鍾意食刺身，所以揀咗經典款式嘅吞拿魚，三文魚，仲有比較特別嘅魴鮄...其中我覺得蔥吞拿魚腩，非常之有特色。吞拿魚整成魚蓉，而且加埋蔥香，非常清新。佢哋嘅魚生同樣非常厚切，而且每個飯糰都係用人手製作，非常用心，口感都比較軟熟。總括而言，我覺得性價比幾高。

2021年5月7日 星期五今日放咗工就約咗老婆喺中環等，諗住喺中環搵間好啲嘅餐廳食飯，由於我哋冇訂枱，所以好多餐廳已經full Booking，唔接受Walk in，最後我哋就去咗呢間餐廳等位，雖然餐廳位置唔算太多，不過好彩好快就可以入座睇返餐牌，餐廳提供左三款唔同價錢嘅廚師發辦，包含咗刺身、壽司同手卷另外亦可以散叫壽司又或者自選壽司12件，由於我哋想自己挑選想食乜嘢壽司，所以最後決定每人要咗自選壽司12件，再加刺身拼盤等咗大約10分鐘左右刺身拼盤就送到，上面有大約五款唔同類型嘅刺身，全部睇落去都好新鮮，而且好厚切，特別係三文魚，見到厚度足足有幾cm，紋理好清晰，食落去完全無筋。另外師傅將帆立貝一分為二，但係仍然夠晒大粒，加埋檸檬汁一齊食鮮味更加突出之後我哋點嘅自選壽司就送到，呢一份係我既，見到每件壽司都好精緻，壽司飯唔會好多，調味剛剛好，唔會太酸，而刺身就完美包住壽司飯其中我最欣賞火炙左口魚邊，因為燒完之後有好多魚油逼左出嚟，食落去就好似食和牛咁入口即融，充滿油脂既感覺至於老婆果一盤都差不多，不過佢覺得最驚喜係火炙三文魚腩同火炙帆立貝，因為佢話燒完之後味道會更加濃郁同豐富，見到佢食得

放工好想食壽司，近近地就出中環呢間之前bookmark 咗既雲壽司到食啦，餐廳座位唔多，除咗有刺身，自選壽司，丼飯，仲有廚師發辦，性價比都幾高。 自選壽司12件 $198我就揀了以下12件，火炙三文魚，三文魚腩，火炙三文魚腩，油甘魚，深海池魚，帆立貝，火炙帆立貝，大大粒，燒過既係好味d ，肉質柔軟，火炙左口魚邊，油脂充份釋出帶少許嚼勁，好食，赤蝦，甜蝦，好大隻，好鮮甜，芥辣八爪魚，勁重芥末，好攻鼻，八爪魚都好爽口彈牙，蔥吞拿魚腩，軟綿綿既口感加埋蔥既香氣，正👍 午時仲會奉送沙律同麵豉湯，呢個質數幾抵食，下次可以午市再黎食過

“咬我唷！不用$400 Omakase”點估到中環蘭桂坊附近有間壽司店😍有平民價Omakase!!! 放工即刻仆落去咬咬咬🤪有得出街食飯超開心🥳$380就有10件壽司-1件手卷，仲送埋海鮮味增湯！好抵好抵！CP值相當高！-北海道帶子-赤背爽口彈牙-左口魚邊-北海道牡丹蝦-飛魚（時令😍)清甜可口，肉質彈爽口-金木叼 魚皮微微燒香，特別鮮甜-剝皮魚 配他的魚肝，魚肉滑彈牙，魚肝香甜，口感豐富-大拖羅入口即溶，魚油香濃-北海道海膽鮮甜又creamy-吞拿魚露天 比一般部位更加嫩滑！-吞拿魚蓉手卷，魚蓉香滑鮮甜，配香蔥芥末一流整體來講，用料新鮮，以呢個HKD 380價錢來講，冇嘢可以彈！抵Deal!......#chantaljj中環 #中環美食 #廚師發辦 #omakase#omakasehk #抵食omakase

平時夜市omakase至少都要千幾蚊一位，雖然係一分錢一分貨，但平時同朋友食餐飯就未必係首選😛黎到呢度大致上都係叫set, 揀左一個翔omakase set ($380) 包左10件壽司同一條手卷，仲有麵豉湯。另一樣叫左特上壽司拼盤 ($258) 入面都有10件壽司，包括呑拿魚腩，火炙左口魚邊，海膽，三文魚籽等等，食材品質唔錯。因為我哋冇坐係吧枱，所以其實omakase就唔係一件件壽司咁起，佢係五件五件咁上，然後綜觀成個餐，其實大致上同特上壽司拼盤相差無幾～ 有幾件魚生係唔同，然後都多咗葱吞拿魚腩手卷同埋麵豉湯。呢度嘅魚生好新鮮，但係壽司飯就唔好期望係omakase嗰種味道同口感，但都真係好抵食！

位於蘭桂坊附近嘅一間壽司店。.🌸 自選12件壽司 $198.- 三文魚腩- 池魚- 深海池魚- 吞拿魚- 火炙金線鯛- 帆立貝- 甜蝦- 火炙左口魚邊- 辣味帶子- 牛油果沙律- 蔥吞拿魚腩- 真鯛.價錢超抵，D魚好新鮮高質。😋我會先食白身魚，池魚，深海池魚，真鯛，左口魚邊⋯池魚味道清爽，口感不油不膩。深海池魚油脂厚，入口質感爽脆，好鮮甜。真鯛比較厚實，有少少彈牙，魚香豐腴。左口魚邊係火炙，入口即化，必食！.金線鯛嘅魚皮係帶有金線，表皮經過火炙。魚肉柔軟 表皮要有點少少咬勁。.三文魚腩 帆立貝 甜蝦好新鮮。.吞拿魚同蔥吞拿魚腩好高質。必食！.個人覺得好特別嘅係牛油果沙律壽司，有三文魚籽係當中，沙律味好正😋辣味帶子係新鮮帶子，味道一流。.呢間店舖雖然唔大，但有四個壽司師傅，上菜速度超快。😁

在中環shopping 一輪以後，朋友帶左我去吃雲壽司，這是繼銅鑼灣第二間分店。$198 set 可以響30款壽司自選12件，有齊壽司和軍艦，今次我就order左吞拿魚、三文魚、油甘魚、池魚、帶子、北寄貝、火炙三文魚、牛油果沙律，最鐘意個吞拿魚、芥末八爪魚🐙和油甘魚🐟，肉質和油脂分佈平均，おいしい（好吃）。八爪魚都幾大粒，混入芥末，味蕾感受一次又一次的衝擊。朋友的是壽司就點了甜蝦、八爪魚、腐皮、火炙金線鯛、火炙帶子、蔥吞拿魚腩、沙律牛油果軍艦、蟹棒，看起來都十分新鮮，朋友話個吞拿魚腩軍艦加入了蔥花提升香味，金線鯛口感軟滑，不是常常會育到。另外我們點了個蟹籽沙律，爽脆的青瓜絲，配上海量蟹籽，味好鮮又脆，作為餐前小食不錯。以呢個價錢，在中環吃到如此高質的壽司，的確不錯，我仲留意到有Omakase ，下次再來過。

繼疫情嚴重嗰排 喺銅鑼灣嗰間雲壽司食過海鮮刺身丼之後念念不忘 今次終於可以堂食試吓佢哋嘅平價OMAKASE🥰▪️8/10▫️<< 特上刺身拼盤 >> $360 激讚海膽同拖羅🔥 海膽份量一板左右 勁鮮甜 海水味出 冇異味 綿滑易溶😋 吞拿魚腩兩大塊 呈淡粉色 魚脂超肥美 入口即溶‼️ 一擺入口已經爆發濃郁魚脂香～ 赤貝鮮甜爽脆 牡丹蝦厚身 膠質重好鮮甜🦐 厚切深海池魚 入口甘香細膩🥰▪️8/10▫️<< 壽司拼盤 >> $188 總共10件壽司🍣 由淡到濃配搭好晒 同上最愛吞拿魚腩💯 辣味三文魚勁正 微辣 麻醬香加三文魚魚脂 超邪惡🤤 油甘魚清甜爽滑 帆立貝肉質細緻 鮮味重 全部壽司唔洗落豉油都夠晒味👍🏻 一讚壽司飯細細舊😆🌿店舖不大 座位唔多 好有日本小店感覺 坐係omakase吧枱 可欣賞師傅功架 有feel😌 staff服務周到🐽總括嚟講 呢個價錢食到咁高質嘅魚生 係抵食嘅😁 全部刺身都勁新鮮 海膽同吞拿魚腩幾有驚喜‼️ XXG今次揀咗價錢較扺食嘅盛合 $188起 屬入門級omakaze 師傅會講解 但就唔係逐舊上🤗 平價體驗絕

中環呢間雲壽司開咗一個月左右，之前喺銅鑼灣嗰間食過，啲刺身都幾新鮮，屬於中上嘅質素，所以今日經過都嚟試吓中環呢間分店。呢度都幾多combination 揀，有得食omakase，你亦都可以嗌佢嗰啲壽司盛盒或者刺身盛盒，亦都可以好似我咁自選12款或者10款嘅壽司🥢鯛魚 — 厚切，咬口一流😄🥢油甘魚 — 好夠鮮味，唔會腥🥢辣味帶子 — 中意食帶子嘅我嗌左3款😆個辣味好正，惹味得黎唔算好辣，同埋帶啲蒜味不錯😃🥢帶子 — 呢款真係食到鮮味，啲肉好林身👍🏻🥢火炙帶子 — 呢款食到2隻口感，面頭啲肉企身啲，下面啲肉都係林嘅🥢北寄貝 — 幾有咬口🥢深海池魚 — 啲款魚魚油無乜，但就好濃嘅魚味🥢吞拿魚蓉 — 最滿足係食呢款壽司，你可以見到啲吞拿魚我真係多到就嚟瀉咁滯，吞拿魚蓉唔會雪到好冰凍，亦都好滑身加埋少少蔥花10分好食值得一提嘅係呢度用嘅豉油唔會好鹹，可以更加帶出到魚生嘅鮮味👍🏻呢度嘅自選壽司套餐，午餐仲會送麵豉湯同沙律添，喺中環附近返工嘅人真係可以試吓😉

今日到左同事介紹，位於中環嘅雲壽司，嘗試一下Omakase🥳。Omakase價錢有$380 $580同$780，今次我選擇了中價位$580。另外友人就要了份特上壽司拼盤，各取所好。#Omakase-刺身四點店員提議由淡味開始食到濃味。帶子-帶有檸檬🍋清香，很鮮甜牡丹蝦 -肉質晶瑩剔，鮮甜爽口池魚-魚香持久夠，滿口甘香拖羅-魚味超濃，脂肪味道濃郁-壽司8件，螢光魷魚-柔韌彈牙鮮甜生銀雪魚-有濃濃魚香味吞拿魚腦天-相當軟滑，魚味極濃，香味充滿在口中白蝦-黏口，滿滿膠質伊佐目-充滿彈性，嫩滑鮮甜剝皮魚-魚肉很爽彈金目鯛-肉質綿密，香甜細緻海膽-鮮味濃郁，入口即溶，大愛🥳-手卷一份蔥吞拿魚腩手卷鋪滿軟綿吞拿魚腩，入口充滿油脂魚香，配上脆口紫菜、蔥花、芝麻，層次感豐富。另外還配有麵豉湯🥳#特上壽司拼盤吞拿魚腩、深海池魚、牡丹蝦、赤背、海膽、三文魚籽、火焰左口魚邊、鯖魚、魴鮄、蔥吞拿魚腩壽司，款款厚切，友人食到舔舔脷。食材高級而且超新鮮 ，真係要再Encore。

睇開我個page，早知道我喺中環區嘅打工仔😄今日黎到公司附近德己立街嘅雲壽司對自己好啲，食返個Omakase先雲～✨刺身四點✨壽司八件✨手卷一條✨麵豉湯一碗～特別推介大拖羅，粉白間分明，入口已經有少少溶於口，油脂滿瀉。第一次食粒貝，屬於比較咬勁嘅口感，好特別！廚師推介嘅壽司盤係特別新鮮，好欣賞每件壽司上邊嘅食材都大大件，絕無欺詐！海膽真是不得了，非常甘甜😍雖然呢度店舖比較細，唔適合多人聚會，如果想對自己好啲😘中環區呢度，絕對係推介之選！