雲南啊老表黑山羊湯鍋米綫 (觀塘工業中心) (已搬遷) 新店位置

由於我最愛既食米線既餐廳執左，雖然食米線既連鎖餐廳開到周圍都係，但我就係唔鍾意食連鎖既上次睇過雜誌介紹觀塘有間羊肉米線，餐廳名好長，觀塘亦我搵開食既地方，於是走去試下原來係mtr附近，我地係lunch時間去到都幾多人，但又未至於等位餐牌幾簡單，有羊，牛，豬米線，羊既有皮或淨瘦，湯底有清湯同酸辣湯選揀，仲有幾款小食我地叫左碗羊肉清湯米線，同埋牛腩酸辣米線我地發現到牆上有d 推介係餐牌上無既，我地亦要左韮菜豬肉餃落完order後幾分鐘，兩碗米線都黎左，侍應阿姐好有效率，不過我地俾米線嚇親，明明叫左細碗，但份量都幾多，我諗大碗，真係俾大胃王食既黑山羊湯鍋肉米線，羊肉好瘦，但肉質又嫩又腍，完全無羶味清湯湯底都唔錯，唔油膩，但清湯跟羊肉無關係，如果可以跟羊肉湯就更補身而牛腩湯鍋米線，牛腩同羊肉比都唔輸蝕，肉質一樣軟腍要酸辣湯原來只係加左酸菜，但酸菜好惹味，少少辣，好開胃韮菜豬肉餃，水餃雖然無跟湯，水餃都無因為乾水而變硬，皮薄多韮菜最後每人一杯檸茶，冷熱跟餐同一價錢，但凍飲大杯好多呢

今次係呢間專門食羊肉米線既地方當然食有皮酸辣黑羊湯鍋米線，另外試避風塘麻辣雞翼。米線湯底好重羊味，酸辣不太突出，羊肉帶皮同剩瘦都有，帶皮羊肉比較嫩同香，米線軟硬適中。雞翼就麻麻，麻辣味吾夠而且好像整定好耐甘 ，另外下午茶時間送豆漿！

又係觀塘搵好嘢食今次試下間外表好普通嘅米線 。 估唔到平凡之中大驚喜 。先黎帶皮羊肉米線細碗裝， 羊肉完全唔騷， 最估唔到嘅係羊皮，都可以煮得咁淋，咁出色。 明明只係細碗裝 ，估唔到個size都幾大分， 正常人應該都會夠飽肚。下一樣牛腩米線細碗裝， 牛腩得好少， 估佢唔到得5舊， 明明羊肉好多，不過味道都唔錯，同個米線一樣咁大，但係如果畀多次機會我哋，應該兩碗都係羊肉。野飲凍檸七， 最得人鍾意係比罐裝汽水人， 夠曬誠意另一飲料凍檸茶， 冰又唔算多 ，甜度啱啱好。小食口水雞， 有少少有趣，估唔到舊舊雞都咁入味。最後白菜豬肉餃子， 自家包係唔同啲，隻隻用料都咁豐富，口感又好，夠曬實淨，最鍾意啲咁好口咁嘅餃子，一流。

上星期去左食 #雲南啊老表黑羊湯鍋米線 最出名既羊肉米線淨瘦好好味，見人推介淨瘦所以跟住叫，結果沒有失望，好好味，好淋！另外叫左豬展米，豬展沒有這麼好吃，不過勝在湯底夠好味，補救到！所以米線除左譚仔，仲可以試下呢間不過得觀塘佐敦先有店鋪😛觀塘店搬左更大間店，空間好大！出單都好快

鍾意食米線的我近期亂入左間非連鎖高質食店，在觀塘工業大廈地下。果日如果唔係去開果頭做野，都唔會發現到佢。門面唔太豪華，以羊做主打，反而唔係坊間的麻速湯底為主，都幾特別。食物選擇唔多，唔駛左諗右諗，但價錢係幾相宜的。份量非常大！牛腩湯鍋米線，細份已經係坊間的加大份量（無錯圖中係細份）。賣相唔係特別討好，但實力令我地幾驚喜。牛腩煮得好軟好腍，半肥瘦，味道濃香，比起唔少當紅清湯腩更勝一籌。朋友點左羊肉大碗，大碗真係好大。羊肉鮮香又嫩，湯底亦無味精清甜，如果羊肉唔切甘細件口感會更佳。兩款小食中麻辣豬耳仍然以份量取勝，質地都爽口。口水雞驚喜地好味道，醬汁中甜、麻、辣三種感覺balance得幾好。雞肉有雞味，無雪味又夠嫩滑。雖然門面唔係太吸引，但整體食物質素實在唔錯，令我地有驚喜。

來到官塘總公司開會後放工已到晚飯的時間, 因太累了, 所以就來到官塘道速食麵食。主要食羊湯米線點了小食開一開胃口涼拌豬耳 $20這豬耳切得好幼細, 咬上去十分爽脆,加上麻香辣我就選了羊肉(有皮)細碗米線 HK$39  想不到大大碗, 一上台已聞到香噴噴羊羊味道呢!薄薄羊肉帶皮口感淋身不鞋,不是太肥,好有羊味, 沒羊SO 味。米線熟得剛剛好,好彈牙,並吸收好清甜濃郁的黑羊湯,不知不覺都飲晒成碗湯了。

星期日遲左起身，有啲肚餓，所以揀左間大大碗米線試下。今次黎到觀塘工廈既地鋪。由地鐡站行過去都係兩三分鐘，位置非常方便。 本身諗住叫兩個大碗，不過老閣有好好人咁提我地兩個人未必食得曬咁多。結果小妹同友人嗌左個羊肉大碗同牛腩湯鍋米線(細碗)，再加多個鹵海帶同一杯豆漿。 一見到個碗就嚇左一跳！真係好大碗！仲要係好足料果隻。米線已經ok多，但係羊肉多到差唔多食唔曬，啖啖肉。連平時要食好多份既小妹朋友都食到飽曬。如果大家細食既話，一碗大碗兩個人一齊食都差唔多。 唔好睇佢好似淨係得肉同米線咁，食落都會覺得好滿足。湯底望落好清不過都好夠味，有鮮味有香味。少食羊肉既小妹都唔覺有得羊肉有騷味。羊味好夠味而且又爽口；牛腩都幾多汁幾腍，唔會煮到乾曬。而整體黎講成碗都幾香，就算係第一餐都唔覺有問題。

中午來到觀塘道一間米線，主打食羊。雖然餐廳沒有豪華裝修，以簡約為主，但環境也舒適，lunch time就吸引不少食客到訪。賣點的羊肉米線，分為大碗及細碗，可選有帶皮或淨瘦，價錢亦扺食。若不吃羊，亦有雞肉，豬展，牛腩等。與友人點了一人一碗細羊，其實份量已經非常足，細碗已大大份。羊肉細碗/$39，米線幼身彈牙，最喜歡是底湯，味道略濃，有點像豬骨湯，雖用上的羊炮製，但一點也不油膩，而且沒有羶味。精華就在主角的羊，軟腍腍，無羶味，最優勝的是帶皮可吃得到煙煙韌韌之感。另有小吃，點了一份口水雞及豬耳。先說美味口水雞/$25，價錢不貴，份量頗多。口水雞嫩滑，重點在辣的程度，雖不算太辣，但也有攻鼻麻辣之感，不過就好像不算太入味。涼伴豬耳朵/$20，也是帶辣，豬耳非常爽口，配米線不錯。特別大讚這裡的羊肉米線做得非常優勝，在觀塘的友人們，又不抗拒羊的話，不妨可試試這裡的手勢。

近日工作繁忙，午餐好多時都要叫外賣或者買個包草草了事。難得今日有多佐少少既午飯時間，決定對自己好一點，出外用餐，但其實可以用餐既時間亦都不多，所以最後將目標鎖定在闊別了一段時間的雲南米線。要食雲南米線，可能好多地方都可以搵到，但係主打羊肉既真係不多，所以我又再次重臨「老表米線」啦。12:40到達正值午飯時間，人流都幾多，還好我這天一人到訪，要Sip個位都唔算困難，但係目測人流多既時候餐廳店員都有d亂，即使你已經坐定定等食，亦唔代表你一定可以坐在同一個位置進食....因為人多，如果要調位，sip位的話，一人客人或者兩人客人都會係首當其衝既受害者。在餐廳的牆上會貼滿餐牌，而有d食物選擇更係official 餐牌所沒有的，所以一定要望清楚每一個角落才開始點菜。official 餐牌上所顯示的是餐廳比較主打的菜式，包括羊肉，牛腩，和其他的小食選擇。飲品有兩個價錢，跟餐一個價，正價一個價，基本上有點任何食物再加飲品，就可以享用跟餐價了。有皮羊肉大碗 $57大碗和細碗既差價都只係$13，但係份量差不多差成一倍，今日我正好又有d肚餓，決定order一碗大既黎挑戰一下自己。羊肉湯飲落好清，輕輕喝幾口，

朋友介紹嚟到觀塘一定要試吓呢一間雲南啊老表黑山羊湯鍋米線佢話係觀塘區嘅街坊都好鍾意食呢間性價比好高而且羊肉都好好食一場嚟到一定要試吓係咪真係咁堅羊肉米線細碗（＄39）大碗（＄49）嚟到嘅時候發現細碗都原來已經好大大碗直情多到食唔晒 超抵食羊肉食落好香 唔會有好大嘅羊羶味個湯頭都好清甜 食完之後都唔會太口渴另外我哋仲叫咗兩個小食別係口水雞（$25）同埋涼拌豬耳（$20）佢嘅辣係好正宗中國式嘅麻辣唔會好似其他地方一味係得個辛辣而缺少左麻既味道 份量都好多果然街坊介紹既都好抵食

如果講飲食  大家對觀塘相信丁點都唔陌生一幢工廈可能埋藏住好非常非常多既美食而今餐我地就試試呢間米線   唔洗上樓   呢間米線店係地鐵站一出行過去 5分鐘唔洗就到當日正值打工仔放飯時間   入到去四四方方  地方幾大  都幾多位嫁重點係入去既時候已經低左7成位   (我地食完行出去時已經滿哂場加出面一大班人排隊食好野 有時真係要等下哈食物選擇唔需要打  幾款主打既米線 總有一款岩你口味我同埋個同事每人簡左一個米線    牛腩湯鍋米線湯底唔算太濃  正正就岩我  因為好多時候既湯抵濃到太咸   其實我又覺得冇需要呢度既就岩岩好  點解? 因為唔好唔記得  仲有我地另一主角牛腩   牛腩入味得很配合湯加米線    配搭真係一流豬骨湯鍋米線同事食到心心眼  點解?  因為佢話D豬骨好入味  依家好難得可以係市面食到另外想講一講   如果胃口唔係非常大既  叫細碗已經足夠喇因為佢地真係俾得好足 冇同你去慳  好好嫁!另外我地每人簡左一個小食     分別係  麻辣豬耳同埋海帶可以乘接返上文    店主真係俾得好足  你一定可以食得飽另外提一提豬耳  如果係有少少麻辣  我自己都係一個唔係好食

話說, 係官塘既x仔米線搬左 樓下個間又難食到死 同學仔媽媽介紹去呢間 雲南啊老表黑羊湯鍋米綫 因為係工廠區，似工廠食堂咁，所以唔算叫靚裝修~ 呢度以食米線為主 主打係羊肉 (有分帶皮同淨瘦) 價錢都係街坊價，特別係小食，好平，十幾廿蚊就有交易~ 飲品都係平價，跟米麵仲有半價添~ 是夜2大1小，叫左2個米線 半肉帶皮大碗 HKD 49 真係超超超大的一碗 米麵好滑，淋身但唔會爛溶溶 湯底幾清甜 羊肉是碎切上的 (我以為成舊添~XD) 雖然有少少皮，但食落唔覺肥膩 真係有草羊的味道~，而且肉都好嫩 份量真係勁大碗，食極都仲有呀，真係2個人SHARE都夠~ 再黎一個細碗的牛腩米線 HKD 37 牛腩係清湯腩，味道比較清~ 牛腩不過不失，都係羊肉惹味dd 媽媽叫的小食滷海帶 HKD 18 份量又係勁多喎，呢度既小食價錢平又大份，真係好抵食 海帶好清爽，個名叫滷海帶，但食落有少少麻辣味的~ 我最愛的拍青瓜 HKD 19 份量都係超大份的，我選了不辣 清清爽爽，好啱用黎清胃口 呢度最正既係有好正宗的辣椒 呢度係四川鋪頭特有的辣椒 比平時食開的多了份香料的清新 配合米線食，就係

「雲南啊老表黑山羊湯鍋米線」一個長長的店鋪名字，第一次光顧在佐敦，今天路過觀塘無意間又看到這個長長的店鋪名字，在門窗外窺看，時值2:00依然全場滿座，我得一位，相信不難有空位。我一向喜歡雲南米線，今次雲南黑山羊配雲南米線是不二之選，可選帶皮黑山羊或淨瘦黑山羊，我選擇淨瘦黑山羊湯鍋米線，不要酸辣湯，是我怕太麻辣吃不下，寧願自己加小量辣椒油，切薄的淨瘦黑山羊，夠腍又夠羊肉味，所謂細碗米線，淨瘦黑山羊和米線其實份量一點都不細，湯底味濃而不鹹，餐牌上註明配料有葱，這點也提醒我跟侍應說「走葱」，加$8可配凍檸樂餐飲，我繼續打量餐牌，發覺蟹子包很吸引我，很想嘗試，於是要一份，原來蟹子包是像白鴿蛋般大小，蟹子的咀嚼感是卜卜脆，我還是第一次嘗試，頗不錯的！

羊肉細碗（$39）最近聽聞過觀塘工廠區有間吾錯嘅羊肉米線，终於今日去試左啦😳個米線 份量好大🍲，一個女仔食哂都應該飽到上心口🙈最出色係個湯底！！勁好食😋好出色👍羊肉 都吾錯嫁，唔會話太勁騷味，應該好多人都接受到，得閒可以去試下啦😄p.s.麵可以揀公仔麵/米粉/米線🍲

早排坐巴士經過官塘道發現食店在這裡重新開業，雖然沒有大大個招牌，但黑山羊照片依舊。新舖比位於官塘廣場舊舖大上數倍，不用再坐到背貼背，也不用費時等位。雖然新舖不在人流旺之地，但依舊食客不絕，尤其我這類之前光顧過感覺不錯的粉絲。黑山羊湯鍋米線 $57（大）/$45（細）細碗份量都不少。可配公仔麵、米粉或湯飯，仲可以選擇有皮或淨瘦。我既羊肉係淨瘦，肉嫩沒有羊羶味，湯也好喝，不錯。牛腩湯鍋米線 $54（大）/$45（細）另一主打，牛腩鬆軟入口即溶，有濃郁牛味，味道也不俗！口水雞 $28啖啖肉，又嫩滑。口水醬小辣中帶酸，開胃！另外仲有一特別飲品：茶蜜 跟餐$6 冷熱同價，係茶加蜜糖，第一次飲，原來味道很夾，很潤很好喝！總體來說，如牆上一幅描述食羊肉對身體的好處，好味又有益，正是我喜愛的原因。: