雪下覓炙

營業中

休息中

今日同朋友去咗海港城呢間「雪下覓炙」食韓燒，聽個名已經覺得好有詩意❄️！餐廳環境乾淨企理，座位又闊落，坐得好舒服。最正係全程都有店員幫手燒，我哋可以專心食同傾偈，完全唔使自己動手👍！入到去第一時間覺得好神奇，因為完全聞唔到燒烤味💨！原來佢哋嘅排煙系統超勁，走嘅時候頭髮同衫真係一啲味都冇，呢點真係要俾個like❤️！我哋叫咗幾款招牌菜：1️⃣ 日本產和牛肩肉盛：和牛油脂分布好靚，燒完入口即溶，牛味超香濃🐄！2️⃣ 燒鵝肝多士：鵝肝超級肥美，配埋脆口多士，邪惡但好滿足😋！3️⃣ 蔥燒厚切牛舌：厚度啱啱好，爽口得嚟又有咬勁，蔥香好突出🧅！4️⃣ 醬油蝦：真係勁大隻🦐！蝦肉爽甜，醬油味唔會太鹹，好入味～5️⃣ 牛骨髓石頭鍋飯：骨髓香到爆，撈埋飯食簡直係人間美味🍚！6️⃣ 韓式泡菜煎餅：外脆內軟，泡菜酸辣度剛剛好，好開胃🌶️！7️⃣ 飲品叫咗提子同荔枝梳打，清甜解膩🍇🍒！整體來講，食物質素高，服務又好，價錢雖然唔算平但絕對值得💯！下次一定會再encore～ 推介俾鍾意食韓燒但又怕成身油煙味嘅朋友！

明白雖然在海港城里面，但呢杯“小小”的soda都要48元，份量真的有点過份小………Soda水值几錢？？但换來的是客人不会再回頭！！！预左入泥食是贵的，但都要值先得。没海景，環境嘈杂(我以為食紧K bbq放题)....咁嘅价钱，除了是放血型容外，没其他…………

服務態度差嘢，食又唔好食，環境又差有節日特別日子，紀念日生日，周年慶祝，想食返好少少，千祈唔好嚟冇乜嘢做，屎窟痕，去開呢頭，想搵嘢食都唔好嚟總括而言，見到呢間即刻走。

最近同屋企人去咗一間韓國燒肉店，真係超級驚喜！🥩 首先，啲肉質新鮮，醃得入味，尤其是牛肋骨肉同五花肉，燒完之後外脆內嫩，油脂香濃，連平時揀飲擇食嘅小朋友都食到停唔到口！👶🏻❤️ 餐廳仲提供多款韓式前菜同醬料，可以自由搭配，味道正宗，真係有種去咗韓國嘅感覺～ 服務方面絕對要讚！💯 店員態度友善，主動幫手燒肉，仲會細心提醒我哋每款肉嘅最佳熟度，完全唔使擔心燒過龍。而且，餐廳環境乾淨寬敞，抽風系統做得好好，食完都唔會成身油煙味，好貼心！ 最驚喜嘅係價錢相當合理，仲有套餐選擇，性價比超高！💰 如果你都想同家人享受一頓美味又抵食嘅韓燒，呢度絕對係不二之選！一定會再嚟

感謝雪下覓炙的店長、職員的熱情招待及用心的服務！最近一班同事完成項目後訂餐廳慶功晚宴，因主角喜歡韓食，於是在友人介紹之下訂預訂了一枱八人坐位. 是次飯聚以慶功為目的於是自來了香檳等少量酒水，店方代為安排存放，預先雪凍及提前醒酒。餐具方面紅酒杯、香檳杯及冰桶等一應俱全，安排妥當而且開瓶費用亦相當合理，值得一讚！食物方面亦合乎水準，肉類拼盤，韓牛及醬油海鮮是本次推介。由於預計一班同事會言談甚歡以至無暇兼顧煮食，所以首選有店員主理燒肉的餐廳. 店員的專業服務也相當到位，除了準成的烤肉時間掌握好，還會細心地將就大家進食的速度分餸。時刻保持親切的笑容間中還會跟客人互動。最後的甜品結尾也令這餐晚飯完滿. 最後相跟店員道謝，我們高興忘形也過了餐廳營業時間但我們絲毫沒有感到壓力，在此也要說聲抱歉～

我哋差唔多20:45入座兩個人叫咗一個$1,588 套餐首先嚟咗一份肉 就係頭嗰三款其中一款完全係咬唔開 係啲筋位過咗一陣9:30話last order 但係其他嘢全部都未上再問佢先問返我哋 其他嘢食係咪未嚟叫個侍應refill前菜 薯仔同蘿蔔佢竟然答 你仲有好多？？原來係佢自己聽錯 要refill啲乜俾咗其他嘢講嘢完全係比自己聽 完全聽唔到佢講乜最後10點就話要閂門 走咗先發現甜品都冇上到越諗越唔抵 埋單差唔多$1800/2 但係同食物質素服務完全唔成正比

難怪越來越多人北上消費價錢貴 服務差 真的是香港食店的死穴星期六友人訂座慶祝生日 前台的小姐姐一定要講到友人的電話號碼才帶入座其實都沒有幾檯客人 有必要嗎入座後 想點兩杯啤酒 服務員指著餐牌就轉身離開 基本上沒有交流 大部份時間屁股對著客人烤肉的價錢偏貴 質素還可以有服務員幫客人烤 重點是全程也是零笑容 零交流 機器人烤肉嗎烤了肉後盤上的配菜沒問就收走 基本上是趕著你趕快食完收工這樣所謂的高級韓燒 去深圳價錢便宜一半 服務好一大截 很難找到理由去幫襯你呢但我仍相信香港還有很多食店是用心經營的 大家加油吧

服務員質素好差，好影響食嘢嘅心情。 擺低咗個飯就走咗去，乜都無講。咁我哋擺咗隻蛋落啲飯度，之後先嚟話唔係咁整，格硬將隻生蛋又筆返出嚟，搞到散晒。仲好意思倒返落去😅 碗飯就變咗咁如果咁多嘢搞嘅話應該上菜嘅時候就講，仲要一句唔好意思都無。好差

與友人到餐廳食飯，在點餐前向職員詢問有關折扣優惠事宜，當時同事表明有關優惠是可以使用。誰知結帳時，友人發現有關優惠未有顯示於帳單內，立即向那位紫色頭髮職員提出時，那位職員 霹靂啪嘞的怪友人未有在落餐時表明，又說取消單再開新單會給經理怪責等等...雖然我及友人已經再次強調，但那位職員不但沒有聽仍然霹靂啪嘞地說，最後我說：‘’不要為難你，我向經理說好了！‘’她才收口及回去改單...就是這樣， 原本一個愉快嘅午餐，不快地結束。

抵食午市韓國餐～同場9折🌟又係海港城搵野食，見到呢間雪下覓炙午市價錢幾抵，都係$88 起，門口職員好有禮貌，仲提我地同場有9折😎所以都好多人排隊！等左一陣可以入去啦，環境都幾闊落，坐得幾舒服～再望真D 個午餐牌仲要有飲品，仲要唔係D Hea 汽水，係有水果既梳打😎 加分加分，今日叫左部對鍋拉麵再加個牛肉韓式飯捲，等多一陣原來仲有五款韓式前菜送，食完真係飽到反轉 🤣 野食都唔錯！下次再幫襯❣❣🏠店名：雪下覓炙 SEOLHAMYEOK🚘地址：尖沙咀廣東道3-27號海港城海運大廈地下OT G47-48號舖#尖沙咀 #尖沙咀美食

我訂了這裡跟美國&德國客人來吃晚餐，我在當日早上才被告知其中一人對大豆敏感。今早還要掛八號風球，我馬上whatapps 跟餐廳聯絡，研究餐牌，他們都耐心協助我訂菜單。要知道，亞洲菜系大豆是很難避免，真的十分感謝餐廳的幫忙，令我個心都定啲。在用餐時，餐廳經理全程細心照料我們，職員們都很用心幫助，有告訴我們哪些小菜不能吃，哪支酒比較配搭那些肉。我們訂了韓牛，黑毛豬，八爪魚跟虎蝦，全部原味不加調味燒烤，還有石鍋飯都是沒有落任何醬料，都非常好味，廚師們都好勁。還有到最後，客人任性地想吃雲呢拿雪糕（餐牌上沒有），餐廳都可以滿足到他的要求。客人很滿意這晚的安排。我真的萬分感謝經理跟他的團隊細心安排跟照顧。以後，我的飯堂又多一家了。（跟客吃飯，沒辦法拍照，請見諒。）

秋風起！喺開始帶點微涼嘅天氣 食番餐高質韓燒就最好不過🤎海港城高級韓烤餐廳雪下覓炙適逢秋季來臨 特意推出「秋楓煙燻盛饌 」 一個套餐已經包含多款必食肉類同韓式小吃 快啲約班friend食番餐好！☺️- 秋楓煙燻盛饌- $1,088◍ 「醬油盛盒」 🦐前菜竟然係醬油海鮮盛盒 盛盒包括大蝦、鮑魚、帶子 各款海鮮以醬油醃製 帶出獨特嘅海鮮鮮味✨特別一讚佢哋嘅大蝦 蝦頭超多膏 鮮味到爆！😭◍ 「煙燻美饌-和牛牛舌、三筋肉、牛肋肉、牛小排」 🐂韓燒有點少得食靚牛🤩煙燻和牛包括和牛牛舌、三筋肉、牛肋肉、牛小排🥹經煙燻後嘅和牛 帶點燻味 食落依然滿滿牛香 每款都有各自特色！🥩◍ 「濟州賞饌-五花肉、梅花肉」 🐖除咗韓牛之外 呢度嘅豬肉一樣正😍五花肉及梅花肉油脂比例平衡 非常適合包住生菜蒜頭一齊享用！🥬😋◍ 「水冷麵」 🍜燒肉後最好來一碗冰涼嘅水冷麵😋可以去除燒肉嘅油膩 食落超爽！🧊◍ 「朱古力布朗尼」 🍫 估唔到最後嘅甜品一樣有驚喜 Brownie超軟熟🥹係一個好好嘅ending！✨◍ 「青瓜青檸梳打、西柚乳酸梳打」 🍸記得叫埋呢度嘅refreshing梳打 一路食一路飲返杯梳打就最適合不過🤤📍雪下覓

🥳❤️同朋友逛完海港城，肚餓到打鼓，決定去「雪下覓炙」食韓燒！一踏入餐廳，就被佢獨特嘅氛圍吸引住！彷彿置身於冬日森林，牆上播放緊夢幻嘅雪景影片，加上木質裝潢，營造出一個舒適又浪漫嘅用餐環境。呢度真係逛街後最完美嘅ending！🍂 秋楓煙燻盛饌($1088/2人) 呢個套餐超值！和牛牛舌、三筋肉、肋肉同小排，喺職員現場煙燻之下，香氣四溢，肉質嫩滑，真係令人回味無窮！✨ 濟州賞饌梅花肉同五花肉，外焦內嫩，配上新鮮生菜同韓式辣醬，清新又唔會膩，每一口都令人驚喜！🦐 醬油盛盒鮑魚、蝦同帶子，醬油非常入位，啖啖鮮味，大蝦仲有蝦膏，食到舔舔脷！🍜 炸醬麵炸醬麵嘅醬汁濃郁微甜，麵條有嚼勁，味道正好！🥗 任食前菜仲有多款韓式前菜任食，泡菜同涼拌菜種類多，玉子蛋卷同薯仔蓉不停encore！🍰 甜品精選甜品係海鹽芝士蛋糕，甜度適中，口感細膩，真係媲美蛋糕店！🍍 飲品方面，提子梳打同菠蘿梳打都好清新，令整個用餐體驗更加愉快。

今次👧🏻約咗表姐同佢食生日飯，揀咗喺海港城既雪下覓炙食韓燒😍！見到佢地仲推出咗個秋風煙燻盛饌套餐，緊係要試下！🌟醬油盛合醬油盛合有齊醬油蝦、帶子同鮑魚，三款都係生食，店員有事先提醒切勿燒熟嚟食🤣，否則海鮮會變霉。所有海鮮都極度鮮甜，尤其是鮑思勁爽口，帶子又飽滿又大隻！醬油唔會太咸又入味。🌟煙燻盛饌煙燻盛饌有齊和牛牛小排、和牛牛肋肉、和牛三筋肉(牛板腱)、和牛牛舌，總共四款牛肉。店員會即場使用煙燻裝置注入煙，所以牛肉喺食前/後都有濃郁煙燻香。四種牛肉各有唔同質感，油脂感亦有不同。牛肋肉就比較有嚼勁，牛舌夠腍又爽口，厚度適中。🌟濟州賞饌豬肉就有齊五花肉同梅花肉，五花肉肥瘦相間，炙燒後冇咩油膩感。而梅花肉就相對瘦，燒後完全唔柴同幾有肉味。用埋生菜包煮豬腩肉/梅花肉，再沾上大醬就岩岩好。🌟水冷麵主食可以揀水冷麵或炸醬麵。蕎麥麵爽口煙韌，食完比較油膩嘅燒肉後，食返啲比較清爽，有白蘿蔔片、青瓜絲同雞蛋嘅水冷麵，都幾fresh又可以增加飽肚感！🌟布朗尼是日甜品係chocolate brownies，估唔到仲要係熱食。可能尤其係熱食，朱古力味相當濃郁又唔甜，質感比較Cakey，幾有驚喜😍！🌟荔枝梳打/

和朋友慶祝生日🎂我們來到位於尖沙咀海港城的高級韓烤餐廳「雪下覓炙」♥️🔎 秋楓煙燻盛饌 ($1088/2人)✨ 煙燻美饌▪️和牛牛舌▫️和牛三筋肉▪️和牛牛肋肉▫️和牛牛小排職員即場煙燻牛肉，煙燻效果仙氣十足，牛肉肉質嫩滑，牛肉味重👍🏻吃起來帶煙燻味，別具風味～✨ 濟州賞饌▪️梅花肉▫️五花肉梅花肉肉質緊實，五花肉肥瘦相間，烤熟後外焦內嫩，油脂豐富～搭配生菜、蒜片和韓式辣醬包裹食用，清新解膩～✨ 醬油盛盒醬油盛盒包括鮑魚、蝦🦐和帶子，款款鮮味十足，爽口彈牙💕✨ 炸醬麵可以選擇水冷麵/炸醬麵，我們選了炸醬麵，帶有微微的甜味和鹹味的醬汁，配上有嚼勁的麵條，使每一口都充滿層次感。✨ 精選甜品精品是朱古力布朗尼 Brownie 🍫朱古力味濃郁，外層微酥脆，而內部就柔軟濕潤，好吃😋🔎 荔枝梳打 ($42)🔎 菠蘿梳打($48)梳打喝起來清爽解膩～荔枝和菠蘿味十足🍑 🍍🔱另有加一服務費