雞駅花膠雞米線專門店

營業中

休息中

同事推介駱駝漆大廈入面一間專食雞湯米線嘅舖頭，店名叫雞駅，是日黎開駱駝漆就試下佢啦😗小店在一樓，出𨋢口後行到尾就見到了，午餐時段很旺場呢，全店滿座。等了一陣有枱了，店內用qr code落單，米線同小食選擇都不少喎😆🥥椰子雞米線點了招牌米線中的椰子雞，湯底很濃郁，雞湯同椰子味也很重。雞件嫩滑，份量不少呢。🐓明太子釀雞翼本想點一份雞翼，但一客四隻怕食唔晒，就改要一隻明太子吧，雞翼內釀了滿滿的明太子，微微辣很惹味😋🍋凍檸茶凍飲加$8，合理啦。唔使加一👍

觀塘翻工lunch成日唔知食咩好，所以我會好留意新開既餐廳。所以搵到新開張既喺觀塘駱駝漆三期一樓，最緊要係唔使等𨋢行樓梯即達！(最緊要快💨)Logo好可愛，餐牌亦一貫style，用童趣味字體。落單是QR code，方便慢慢揀 📝🐔花膠雞米線$68用石碗上，小心熱！米線屬於偏幼食落煮得夠淋，除咗雞之外有蟲草花、雲耳等配料，雞滑度👌🏻，個雞湯夠熱夠濃，不禁飲咗幾啖。🐔沙薑雞擔擔麵(少辣) $52花膠雞之外有擔擔麵😍 上海麵爽口彈牙，幾鐘意佢個麵底。湯底方面叫咗少辣，比起辣我個人覺得則重麻較多，有少少肉碎。雞係分開另上，不過覺得沙薑醬味有少許藥材味，但雞肉部份係幾滑唔老。佢哋都有唔少小食選擇，好似我叫咗芝士年糕配煉奶同埋明太子釀雞翼，yummy!👅

駱駝漆最近都開左唔少新店，見到有間主打花膠雞米線，即刻去試試！🍜招牌花膠雞米線（$68）凍檸茶+$8份量好足好大碗，湯底奶白色有輕微雞油飄浮系表面，飲落唔會覺得油～飲落好滋潤又唔會死咸既感覺。湯底配料有蟲草花、木耳、7件雞、3件花膠，都幾足料。雞件食落味道就似出面燒味舖食到既鹽焗雞味🙈果日食到肋骨位雖然肉唔多，但雞肉嫩滑有雞味，如果想要髀位可以+$10。花膠唔算大舊食落口感偏爽。米線軟硬適中，飲哂碗湯都唔覺得口渴。

雞駅花膠雞米線專門店🐔招牌花膠雞米線🐔🌼 $68呢碗招牌花膠雞米線嘅雞，咁啱係雞髀肉嚟嘅，雞肉肉質非常之滑，雞味濃郁🐔💯仲有兩塊面積唔細嘅花膠，絕對係養顏之選！✨✨人蔘雞米線 🫚$60我呢一份嘅雞肉係雞胸嚟嘅，入口都算滑，絕對唔係擦膠咁😆😆湯底就有少少人蔘味，唔算太濃烈既，所以都唔使怕太濃味接受唔到✅米線就屬於比較淋身一啲，容易有開嘅嗰一種～金磚豆腐💛 $42不嬲都幾鍾意食金磚豆腐，感覺上有營養之餘又好味🤤小食全部都係即叫即整，外面嘅味粉非常之夠味，整到外層有啲脆口，裏面的非常滑溜💯💯係食多多都唔厭嘅小食👍🏻👍🏻明太子釀雞翼 🐓（一隻）$20不嬲都覺得釀雞翼嘅步驟繁複，喺屋企一定唔會整嚟食，見到呢度有得叫，當然就唔會錯過啦😆

近年坊間開多左滋補既米線店，今次見觀塘新開左間花膠雞米線專門店，專登慕名來食🤭因為我自己都好鍾意滋補既米線，食落比較健康！睇menu，見呢到都有成10幾款米線揀，湯底仲可以揀濃雞湯、蕃茄湯、胡椒湯同埋麻辣湯，幾吸引😍仲要係好小店自家製作feel，覺得好有心製作d食物藥膳黃酒花膠雞米線：個湯飲落好香甜，亦都有酒香，正！飲得出入面有落到當歸、枸杞、黨參、北芪，好滋補呀！雞件食落都岩岩好，唔會話鞋身，幾嫩滑軟腍，仲有幾爽身既木耳，仲要有兩大舊既花膠😍連滑lulu既米線，真係無得輸！蕃茄湯燒豚肉濃湯米線：個湯底茄味好香濃👍🤤同埋開頭以為豚肉係薄片果種，點知佢係整到日式果種好厚身既豚肉，肥瘦均勻，面頭有d焦焦地咁，好好食囉！呢個好surprise！仲要佢唔貴！佢呢到都有幾多特色小食，不過我地怕太飽，叫左個手拍青瓜，蒜辣味幾惹味，食落又爽口👍

試左藥膳黃酒花膠雞米線 $68, 湯底偏苦😣(可能川弓較多, 唔小心米線會同川弓一齊夾到入口😱)無黃酒香味, 少咸, 雞有7舊, 但唔算滑, 兩舊花膠, 微腥可接受,米線偏少,女仔都唔夠飽😢 可能當日得3枱客, 只開一部冷氣, 有d熱,樓面阿姐全程黑面, 無咩禮貌。 樓上二撇雞無開,見佢新開所以試下。 可惜唔岩口味😔

又同朋友去駱駝漆搵食，見到有一間門口都大隻雞喺度，見到好多用雞湯嘅米線所以就同朋友試下，坐低都係座位好寬敞，坐咗一陣已經好多人都入嚟食，呢間餐廳都係用二維碼點單咁，就唔怕自己點錯啦，餐廳都好貼心，知道駱駝漆好多地方都收唔到訊號，所以都已經提供埋wi-fi，同朋友分別叫咗兩款菜式同埋一份小食。我就叫咗一碗沙薑湯雞米線，雞同埋米線係分開上，米線上面都有唔同嘅配料，例如木耳，腐皮等等。雞湯味道都係好足夠，而且米線亦都可以吸收到湯嘅味道，米線嘅軟硬度適中唔會話太腍同太硬，飲落去冇味精嘅感覺，所以唔會話越飲越口渴。沙薑雞上面嘅沙薑醬亦都係磨得好細，所以就唔會話食到好大嘅顆粒感。沙薑嘅味道同雞非常之夾，而且咬落去亦都唔會話有雪藏嘅味道。招牌花膠雞米線（轉雞髀招牌）花膠雞米線份量十足，真材實料。除咗有一大隻雞髀之外，米線以雞湯做湯底，仲加入蟲草花吊味，並以雲耳、花膠做餸。米線熱辣辣，花膠足足有兩大塊，每塊亦有一定厚度，口感又滑又淋。雞肉嫩滑唔鞋，反而仲有少少雞油，雞肉份量驚人，啖啖肉。呢一款米線嘅雞湯比起我嗰一個沙薑湯雞米線更加雞味濃郁，飲落亦唔會好油或者口乾，相信冇落味精，口感相當清新。而且佢同我

原來公司附近駱駝漆近期新開咗一間花膠雞米線專門店叫「雞駅花膠雞米線專門店」，同事話不如去試吓😋「雞駅」是小店經營，除了花膠雞米線，也有其他如水煮牛，酸菜魚或口水雞飯供選擇！招牌花膠雞米線加$5轉咗上海麵，花膠份量不少，而且有厚度有咬感！湯底味道濃郁，雞件肉質滑嫩，不錯！藥膳黄酒花膠雞米線 ，藥膳味道剛剛好，米酒味濃…悍匪雞翼(胡椒孜然）$42 有4大隻雞翼，炸得皮脆肉嫩多汁，巧惹味😚😚

今日好大雨唔想周圍行搵野食， 喺駱駝漆行街就順便食埋Late Lunch，行到最後一層見到一間好新淨，食雞嘅舖頭就行左入去。舖面好乾淨企理，D 坐位又唔會好迫。我同朋友叫左一人一碗米線同野飲，仲有一份雞翼。🌸 椰子雞米線成碗雞湯奶白色，唔油膩，入口好順滑，仲有微微椰子香味。米線入味，軟硬適中，份量仲好多。店主好有心思，碗米線仲加左不同配料，金銀花、雲耳、椰子片，當然仲有主角「雞」啦。雞件份量唔少， 就算有雞胸肉質都好淋身，而且D 皮好簿唔肥， 食埋都唔會有罪惡感。最後梗係成碗米線連湯清曬❤️🌸 姬松茸竹笙花膠雞米線 本身諗住都係雞湯，D 湯底大同小異，但原來兩個分別好大。姬松茸好香，似菇菌嘅味道，湯底濃郁，但唔會過鹹，味道調較得剛剛好。呢碗有竹笙、花膠，竹茸爽口而家有厚度，個質感係令人滿足嘅，而花膠都好優質，好淋同漿口，膠質非常重🥰🌸 悍匪雞翼(胡椒孜然）我地仲叫左個小食，雞翼上到枱熱辣辣，而上面灑左少少胡椒，好惹味，雞皮脆口， 肉質嫩滑有汁，好食👍👍

又同家人去咗觀塘工廈搵食！今次見到朋友推介一間新開的花膠雞米線🐣雞駅。簡潔水泥風設計，環境舒適。✪ 招牌花膠雞米線 ⌫ 💲78湯汁呈奶白色，充滿濃郁的雞香味道。有幾片花膠，質地彈牙滑嫩，口感豐富。加💲10轉咗雞髀，雞肉滑嫩多汁。米線質感有嚼口。✪ 酸菜魚米線 (小辣) ⌫ 💲68賣相都好吸引。好多酸菜同魚肉片。魚肉鮮嫩，配上微微的小辣味道和酸菜的酸味，味道非常開胃。米線的質感同樣不錯，搭配酸辣湯汁更正！餸菜份量足夠，但米線份量不多，女仔食就岩岩好。✪ 椒鹽粟米 ⌫ 💲38椒鹽粟米口感酥脆，同椒鹽味道好搭配。【 雞駅花膠雞米線專門店 】📌觀塘開源道60號駱駝漆大廈3座1樓I舖

今日介紹嘅呢一間餐廳位於觀塘，係一間駱駝漆大廈入面新開張的米線店。餐廳主打招牌花膠雞米線，另外亦有提供酸菜魚湯底。🌟招牌花膠雞米線 $68裡面有四五塊花膠，湯底是奶白色的，味道濃郁，尤其是雞湯的味道非常好喝。不過，肉的品質比起花膠就差了些，雞口感幾滑，但肉的份量相對較少。🌟藥膳黄酒花膠雞米線 $68味道非常濃郁，雞湯裡面加了當歸和米酒，雞胸肉很嫩滑，而且湯底不油膩，真的可以喝完整碗。🌟蜜糖雞翼 $42 蜜糖雞翼是現炸的，新鮮熱辣的，雞翼口味還有其他味選擇很多，可以一試。📌 雞駅花膠雞米線專門店 @rooster觀塘開源道60號駱駝漆大廈3座1樓I室🚇港鐵觀塘站 B2 出口, 步行約4分鐘📍#觀塘

最近放工去左駱駝漆大廈新開既花膠雞米線專門店【雞駅】食個快捷dinner。不過我自己就無食花膠雞米線，因爲最近先食完，所以就叫左口水鷄擔擔麵同椒鹽燒粟米。 口水鷄擔擔麵可以自己選擇辣度，因爲未食過，所以叫左小辣，但真係完全唔辣，如果本身食得辣可以叫普通或者大辣。湯底花生味重、麵唔會太霖。口水鷄係分開另外上，可以加$10換腿位、肉質鮮嫩，唔會太辣但好香。 椒鹽燒粟米非常好食，燒得好香、又唔會太乾，調味岩岩好。差不多有一條粟米禁多，推薦。

▫️藥膳黃酒花膠雞米線（$68)我絕對冇辦法抗拒任何藥膳湯底嘅食物所以一眼就睇中要試佢！👉🏻湯底超級濃藥材味，酒味亦都好出，而互相都冇搶到大家嘅存在，恰到好處，湯亦夠熱好暖胃，好期待冬天嗰時食佢🙆🏻‍♀️👉🏻主角花膠都幾多塊仲要係大大塊㗎！口感彈牙有咬口，而雞嘅份量亦都好多，肉質都算嫩滑😋⭐️⭐️⭐️⭐️⭐️.▫️姖松茸竹笙花膠雞米線 （$78)同上面嗰款好接近，都係有花膠同雞，分別喺湯底度👉🏻呢款湯底完全係吸盡哂姖松茸嘅精華，鮮味十足，好似飲住家湯咁☺️配料都有唔少菇，口感鮮嫩，竹笙好爽口，索滿湯底咬落爆汁真心好正🤩⭐️⭐️⭐️⭐️⭐️.▫️ 金磚豆腐（$41)👉🏻即叫即炸上檯熱辣辣，外表炸到金黃色，口感外脆內軟，但夾起嗰陣又唔會散開嗰陣又唔會散晒真係冇得輸🥺調味鹹度啱啱好⭐️⭐️⭐️⭐️

👧🏻😋👅🍽✨新開花膠雞超正米線-雞駅花膠雞米線專門店🇭🇰 觀塘開源道60號駱駝漆大廈3座1樓I室 🇭🇰-🐤駱駝漆最近超多新餐廳! 白底黑字既QQ手畫logo吸引左我目光🐤最正係係正一棲, 唔想等𨋢可以行上去食😀🐤QR code落單好方便~ 雖然menu選擇好多, 但個點餐系統都一目了然~-🥥🍗椰子雞米線 $60轉雞髀 +$10💯椰子雞湯超級清甜, 仲有蟲草花同椰子肉; 完全冇味精飲完一D都唔頸渴💯轉雞髀係超明智選擇, 少骨多肉又滑嘟嘟-🐓 招牌花膠雞米線 $68✨花膠同雞兩樣都咁滋補超match, $68但都好多舊大大條花膠✨招牌湯底係濃濃既雞味, 黃油浸晒出黎, 連埋同雞肉一樣咁滑既米線一齊食超正-🐥 悍匪雞翼(胡椒孜然）$42💯雞翼個皮炸到好脆, 但雞肉係好嫩好多汁💯胡椒孜然粉唔會太搶味, 反而輕輕點綴左雞肉鮮甜-☕️ 凍檸茶 & 凍咖啡 跟餐 +$8/杯-

天陰陰，濕淋淋既天氣令人想食d熱野，最好有湯喇……咁就黎左呢到喇！我同同事叫左：(1) 招牌花膠雞米線 $68呢個送到上黎，第一時間試下個湯先，湯夠哂熱，濃濃既雞湯味，好好飲wor！食舊花膠，咁既價錢，花膠一d都唔細，都算厚身，仲有3大舊，至於雞呢，就好嫩滑又有咬口，份量又多，差d食唔落蜜糖雞翼！(2) 藥膳黃酒花膠雞米線 $78呢個個湯底仲要好飲過招牌個碗，濃烈既藥材味，加上酒香，飲完連個人都醒哂，驅走哂濕濕淋淋既感覺，同招牌米線一樣，雞同花膠都好多，完全無將貨就價！(3) 蜜糖雞翼＄42貪心叫左小食，差d食唔哂！不過如果無叫，我覺得會係一大損失，因為雞翼皮脆肉嫩，仲好juicy，蜜糖漿包哂隻雞翼，好食到不得了！觀塘有幾間雞湯米線，我覺得雞駅係最出色既！