雞駅花膠雞米線專門店

營業中

休息中

本人於OpenRice 訂了晚上7點兩位的枱，當到達店舖時看見有數位客人正在排隊，便入店內詢問職員已訂位是否都需要排隊，她馬上說：訂咗位都需要排隊。好的，排隊等了一會之後便有位了，我便告訴一位女職員說明了我的姓名，訂枱時間及人數，以便她可以記錄我已出席這次的訂枱服務。結果當天晚上便馬上收到他們記錄我缺席了這次的訂枱，由於本人沒有拍下晚餐的照片，以及沒有拿回收據，所以不能證明什麼，但他們的服務態度真的有很大的改善空間。P.S本身目標不是想嘗試他們的雞湯米線，但由於樓上同類型的雞湯米線舖頭很早便關門，所以嘗試一下這間店，可惜服務十分差！沒有下一次了！「貼錢買難受」🙇🏻‍♀️

黎到駱駝漆大廈搵食其實上一樓已經有好多餐廳見到新開間食花膠雞嘅餐廳餐廳買嘅食物，唔算種類多最主要都係食雞為主當然要食招牌嘅花膠雞米粉首先講個湯好清甜，加咗$10雞比肉每一嚿雞都好嫩滑花膠都好大塊真係食完個米粉，冇飲埋啲湯姬松茸花膠雞米粉朋友食呢個姬松茸花膠湯嘅姬松茸令個湯再濃啲一樣，我朋友食完都係飲晒啲湯 就證明個湯係幾好飲另外，我哋再嗌多咗個雞駅雞翼新鮮炸出嚟，隻隻都好熱好juicy好喜歡小店都好細心，每個花膠米線都會有個細細的碗俾你裝雞骨

《滋陰養顏花膠雞🐥》———————————————-#雞駅花膠雞米線專門店 🐣-雞全部都係雞🐤 喺工廈駱駝漆裡面有呢間新開嘅花膠雞米線專門店～叫得專門店，雞肉嘅質素果然有返咁上下😉而且性價比高，上菜速度又極快，食完仲可以行吓附近😎-🐔 姬松茸竹笙花膠雞米線感覺超養生滋補，裡面有姬松茸、竹笙同大大件花膠，材料豐富😍花膠口感軟滑，充滿骨膠原😚 而雞件亦好嫰滑，雞味濃郁又滋味，我加咗$10升級咗做雞髀，更加啖啖肉😝-🐔 貴妃雞濃湯飯另一款就叫咗湯泡飯，湯頭味道香濃，唔經唔覺就食哂成碗😙 貴妃雞份量十足，都好飽肚😛-🐔 悍匪雞翼聽個名仲以為係譚仔嘅土匪雞，但佢嘅胡椒孜然味更加突出，相當惹味🤣-⭐價錢參考：姬松茸竹笙花膠雞米線：$78貴妃雞濃湯飯：$52悍匪雞翼： $42🍌抵deal 指數：7/10

對花膠雞總係有種情意結，美顏，養生，滋補，聽到都覺得興奮。喺駱駝漆新開嘅呢間花膠雞米線店，新開不久，已經吸引好多人，食過係好食，必定跑出～有很多款不同口味，其中藥膳黃酒花膠雞米線($68)加入了不同藥膳食材和黃酒，絕對係養生中之養生，黃酒香隨着熱氣散發出來，雞湯有藥膳和酒味，不過唔算太濃烈，湯底飲完唔覺口渴，讚+$10要雞俾位，雞肉熟度煮得剛好，肉質嫩滑+$5轉每日鮮制上海麵，喜歡食有咬口麵條的朋友必點

觀塘工廈臥虎藏龍，成日都會發掘到好多。好好味嘅餐廳！最近佢開咗一間雞湯米線，都係駱駝漆大廈裏面，位置好方便，而且佢哋嘅出品都好不錯！招牌花膠雞米線呢個招牌米線湯底甜甜地，雞肉好嫩滑，裏面花膠都唔少，而且都幾厚身，呢個價錢嚟講算係幾抵食！花膠發得好好，好軟琳！不錯！藥膳黃酒花膠雞米線雖然食材方面好類似，但呢個湯底更特別，有淡淡既酒味，味道比招牌湯底濃烈！雞肉一如既往都係好嫩滑同有甜味！明太子雞翼最喜歡食冇骨雞翼，外皮炸到脆脆地，而佢裏邊仲包住明太子，食落去幾個層次！唔錯！

觀塘真係愈黎愈多好野食，好多小店創業，有自己獨特既味道。今日朋友就帶我去依間位於工廠大廈內既小店，主打雞既米線，全部真材實，標榜冇味精。招牌雞🐓米線： 非常足料，材料蓋過晒d米線，佢地用既材料好新鮮，湯底好香雞味，好濃，雞一d都唔肥又滑，仲有大量花膠，非常滋補，連湯都飲晒。胡椒豬🐷肚米線：胡椒豬🐷肚湯想搵到間好飲真心有d難度，因為出面好多豬肚湯都係味精湯，冇乜邊間會咁有心機係個湯度，依個胡椒湯飲落口就知係有心機，唔會太辣，豬肚份量又多，又唔會太硬。椒鹽粟米🌽：炸完既粟米🌽特別甜，加埋椒鹽，咸咸甜甜好野味。香草雞翼🍗：雞翼炸得好香口，加埋佢地特製既香草牛油口汁，錦上天花。

間唔中都會黎駱駝漆大廈shopping😂見到呢間花膠雞米線專門店全場滿座，心思思又等埋一份。米線店除左主打嘅花膠雞米線，仲有其他配料嘅米線、飯同小食等提供🙂姬松茸竹笙花膠雞米線 $78姬松茸、竹笙同花膠都好養生😂湯頭味道濃郁，有3件花膠，口感軟滑，膠質豐富🫶雞件好嫰滑，雞味濃郁，再配埋姬松茸同竹笙一齊食，材料豐富又滋味！香草雞翼 (香草牛油) $42雞翼炸得非常香口酥脆，雞皮脆口，內裡雞肉仍然嫩滑juicy，每一啖咬落去都卜卜脆，加埋濃郁嘅香草牛油味，零舍滋味！明太子釀雞翼 (1隻) $20將雞翼去骨後填入滿滿的明太子及肉碎，加上特製調味，雞肉入口嫩滑，搭配彈牙飽滿的明太子，口感豐富。 手拍青瓜 $36青瓜清甜爽脆，用上特調的酸辣醬汁拌製而成，爽口清涼又開胃。凍檸茶 +$8 (跟餐)#熱柚子蜜 $16叫左個米線，飲品有套餐價😉

健康😋養顏雞雞麵，一定要來試呢間雞駅🐔🍜位於觀塘駱駝漆大廈，隱世好味的養顏雞雞湯麵，什麼養顏湯都有，仲要係超好味超抵食，今次真係大飽口福啦🥰點左兩碗麵🍜必食1. 招牌花膠雞米線🍜2. 藥膳黃酒花膠雞米線🍜雞肉🐔件件厚肉嫩滑，花膠大大件😋真係覺得愈食愈靚🤤😚🤭如果➕$5，米線🍜仲可以轉每日新鮮製作的上海麵，兩個湯底各有千秋，一樣咁滋補一樣咁正，全部都要飲曬啊😋小食就點左悍匪雞翅（胡椒孜然味，又香又開胃🤤）另外野飲凍咖啡，凍檸檬🍋薏米水，兩個人食都係兩百多，整體來講便靚正😋😛😙

又係雞，又係米線，全部都係香港人中意食嘅嘢😋😋🥰 果然係一個好好搭配😍🥰 湯味濃郁，雞又係夠滑，米線又啱啱好，唔會散又唔太硬👍🏻 好怕食到啲滲到淋曬嘅米線， 凍檸茶茶味濃郁，花膠豬肚都好入味，會再食嘅米線

🤑約 $100-200 🪑星期六7點倒去都有唔少人 但好彩未洗等位 用QR Code落單幾方便 整體有少少fusion style 有中式湯麵同日式小食 好似明太子果類Ⓙ 招牌花膠雞米線 $72呢個幾高質幾抵食 有大大片花膠😆 係養顏恩物 而且雞肉都幾滑😋 用個石鍋同木板呈上 都幾特別Ⓙ 胡椒濃雞湯米粉 $60可以自選湯底（如濃雞湯、蕃茄湯、胡椒湯、麻辣湯）今次試ge胡椒湯底唔會太辣 配埋個口水雞都幾惹味以上湯麵都可揀麵底 （如米線、米粉、上海麵）Ⓙ 明太子釀雞翼 （1隻） $20明太子有少少辣 雞翼都煎得幾香😜Ⓙ 蟹肉忌廉薯餅 $38有三件 個皮都幾脆 d粉唔會太厚 好香口😋Ⓙ 椒鹽栗米 $38呢個整得幾好幾香甜 唔係好多餐廳有得食 面頭都燒得幾脆

今日想去駱駝漆行下，就搵咗間米線舖食下。🔸招牌花膠雞米線(💰68)(7/10)賣相好吸引呀！用石鍋裝住嘅米線，有好多塊花膠、木耳、蟲草花、仲有好多件雞，味道正常。個湯底如果可以多啲骨膠原就好啦🙈 🔸金磚豆腐(💰42)(8/10)呢個豆腐令我喜出望外喎！外皮好脆，入面嘅豆腐都好滑好有豆腐味。味道亦唔會太鹹，啱啱好，食哂成碟都唔覺得膩喎！下次想食米線唔洗淨係食譚仔，食呢度都ok喎！Overall評分: 7.5/10

雞駅花膠雞米線專門店觀塘開源道60號駱駝漆大廈第三座1樓1室去開觀塘，老友帶我食港式花膠雞米線，估唔到又幾正喎！招牌花膠雞米線配料夠新鮮，面層放了雲耳、蟲草花、芫茜和香蔥，湯中有花膠和鮮雞。湯底夠鮮甜，真材實料，沒有味精，我把湯喝光了。花膠爽口彈牙又夠滑，雞肉醃製得很好，口感煙韌夠入味，雞翼堅正，有香濃的雞肉味，必食！🤤明太子釀雞翼雞翼皮香肉滑，醃製時間剛剛好，大廚把香辣的明太子釀入雞翼中，效果很好，每一啖也滲滿了明太子的香味，食一隻唔係好夠，推薦！😍蟹肉忌廉薯餅即叫即炸，炸油夠新鮮，外脆內軟好creamy，中段加沙律醬提升層次，我食咗三個超曬標。😂雞駅花膠雞米線專門店真材實料，沒有味精，價錢公道，還會再來。😎

去開駱駝漆大廈呢座同層嘅舖頭買嘢，順便食個靚飯～ 原來呢度都幾多餐廳，其中一間就係呢間花膠雞米線專門店 - 《雞駅》🤤見到花膠雞就覺得好吸引🤤 望入去發現平日放工時間7pm左右全店滿座，需要搭檯，睇嚟質素應該唔錯先有咁多人食！😂餐廳主打各式各樣雞米線，主食可以選擇米線、米粉或者飯，加$10可轉雞髀。另有擔擔麵、辣米線&雞飯類同埋各款雞翼、小食。============ヽ(○´∀`)ﾉ♪藥膳黃酒花膠雞米粉 $68（轉雞髀+$10）⭐️推薦🫶🏻 個湯熱辣辣好好飲，藥膳味同酒味都好濃郁，花膠算厚身仲有3、4舊，成隻雞髀上好滿足，肉質嫩滑🤤椰子雞米線 $60 ⭐️推薦🫶🏻 椰子雞湯比較奶滑，香濃嘅雞湯味，一樣都好好飲🤤 雞件無轉到雞髀不過都一樣嫩滑！份量多！桿匪雞翼 $42好香嘅胡椒孜然味，雞翼炸得香脆，入面juicy唔會乾柴柴👍🏻

呢排天氣咁熱☀️☀️唔想煮飯，梗係要食米線啦🍜🍜喺出邊食，都係要食得健康🙆🏻‍♀️🙆🏻‍♀️🔸招牌花膠雞米線($68)🔸真材實料👍🏻👍🏻湯底煮到奶黃色🤍💛好清甜🤤🤤有雞湯味🐔🐔花膠加埋蟲草花，滋潤養顏🤤🤤🔸胡椒豬肚雞米線($60)🔸豬肚好好味🐽🐽而且煮到好入味👍🏻👍🏻好有咬口🤤🤤🔸香草雞翼($42)🔸炸到金黃色💛💛外脆內軟👍🏻👍🏻好Juice🤤🤤🔸凍檸茶(+$8)🔸香港人必飲🥰🥰📍觀塘開源道60號駱駝漆大廈3座1樓I室

今日收工行下駱駝漆, 大家都知好多平野買,特別係小朋友既物品. 行完一樓俾我發現左呢間米線 - 雞駅食飯時間全場滿座, 睇下個餐牌, 原來主打各色各樣既雞湯米線今次我地2個人 叫左2款湯麵加一個小食好多口味提供選擇椰子雞米線職員一放落枱,就已經聞到好香嘅椰子味,試完第一啖湯,真係超濃郁. 又有奶既香味. 配埋啲超滑既雞 真係成碗湯可以飲晒(見圖)胡椒豬肚雞上海麵胡椒味道整很相當適中,唔會太辣, 而且𥚃面有好多豬肚同雞,米線加$5可以轉每日鮮製上海麵, 唔知有無人同我一樣 鐘意食啲煙煙韌韌嘅感覺 就一定要試下呢個上海麵講下重點啲雞🐥大家如果鐘意食雞脾,可以加$10 轉雞脾🍗今次我個碗有我鐘意食既雞胸, 個雞胸係好滑同好淋 食落完全唔似雞胸小食真係好多選擇 今次揀左椒鹽粟米 啲粟米超甜 加埋啲椒鹽粒 同大排檔既味道係一樣嫁店家有2個貼心位凍檸茶係用不鏽鋼杯上 夏天唔洗驚杯飲品變暖飲貼心位係每位客人都會有個碗仔俾大家放骨 唔洗放到周圍都係