雞駅花膠雞米線專門店

營業中

休息中

在觀塘美食真的很多！臨時找了這間在駱駝漆三期的花膠雞湯一試便明白為什麼這麼多人推介！平日下午不用等位置雞湯有數款選擇有招牌花膠雞、胡椒豬肚湯、藥膳湯等等第一次來當然是是花膠及胡椒豬肚湯底點餐後很快就到了兩款的湯底色澤都非常鮮艷先試招牌花膠雞湯 第一啖已經感到很驚喜不會是超鹹的味精感覺 而是由來滲出來的雞香不過因為沒有加$10轉雞髀 所以這碗的雞肉比較少如果大家是為吃雞肉而來的話 建議加錢轉喔！但是令我更驚喜的是另一款胡椒豬肚湯這款的雞肉幸運地比較多肉的部分所以能夠吃到很多雞肉的本質很厚肉而且非常有彈性 感覺非常新鮮這個價錢絕對是很抵食的而這個湯底比起招牌更得我心另外還有豬肚也頗爽口相比之下招牌的花膠會比硬身而我是反而比較喜歡爽口而且如果軟身一點點易入口一些所以這裏有一點扣分 但只是個人喜好如果二選一的話 我更推介胡椒豬肚湯雞！另外米線是偏幼身的 但也有咬口不會煮得太腍見可以加錢轉上海麵 下次也想嘗試呢另外 原本也頗害怕到駱駝漆 因為以前是要排隊很久這個在一樓 行樓梯也很快哈哈而且這裏的姐姐服務態度也不錯價錢也很合理 所以要馬上推介給大家🫶🏻雞駅花膠雞米線專門店 (觀塘)觀塘開源道60號

我得閒就會去下工業大廈行街其實都好多野睇見到呢間米線店起碼有20個人排緊隊好彩排20分鐘內都入到去整返個前菜先啦牛油香草雞翼好香好似整完曲奇餅打開個焗爐嘅感覺面頭加咗牛油好邪惡如果可以帶少少甜味就更正姬松茸竹笙花膠雞米線甘多靚食材喺曬同一碗嘢聽到個名就知滋補花膠好爽個湯底濃到呢應該熬左好耐胡椒湯夠味主食方面自由度大可以轉飯得閒食多啲胡椒真係可以驅寒入面D蜆又滑+juicy檸檬薏米水清清地微微檸檬味薏米有咬口

🔸姬松茸竹笙花膠雞米線 $78🔸麻藥雞拌麵 $68🔸金磚豆腐 $42🔸麻藥蛋 $28-金磚豆腐新鮮炸起脆卜卜，豆腐又滑，椒鹽味又岩岩好，記得一定要趁熱食。麻藥蛋估唔到好有麻油香，而且仲做得好溏心😍麻藥雞拌米粉既醬汁同麻藥蛋的相似，會多一個非常惹味既辣汁，拌埋一齊非常開胃。姬松茸竹笙花膠雞米粉入面有姬松茸、竹笙、花膠、木耳等食材，湯底好清而味道夠濃夠滑，我都忍唔住飲晒d湯😋做完運動補充蛋白質一流啊！

過左午餐時間依然多人，兩點幾見到人龍係門口，不過等左一陣有位了👏🏻👏🏻悍匪雞翼$42四隻剛剛炸起，用上胡椒孜然好惹味，唔會炸到太乾，保持肉汁。麻藥蛋$28最愛食流心蛋，用上少少調味配搭，份量有兩隻，一啖一口。招牌花膠雞米線 配凍飲$76湯底雞味濃，完全無味精，有四五件厚切雞件😎花膠唔會吝嗇，加埋蟲草花及木耳，成件事好鮮味🐓藥膳黃酒花膠雞米線$68此款極力推介💪🏻黃酒好香濃，與雞湯米線係絕配，成碗湯飲晒，非常滋補😚好喜歡餐廳米線口感，彈牙又掛湯。

好耐冇黎觀塘，做完野，梗係要去駱駝漆搵下野食啦～因為都有啲早，大約～5pm，仲未出現等lift嘅人潮👍🏻駱駝漆太多好野食啦，掙扎咗好耐，決定試下呢間未食過，又好多like嘅雞米～招牌花膠雞米線米線上檯，賣相唔係特別靚，不過個湯底好白，試咗一啖，好濃郁，唔會太鹹，冇味精湯嘅感覺。雞件都大份，仲要咁啱係雞髀位，啖啖肉😋而且肉質軟滑唔鞋口～花膠方面，成碗米線都有三塊，呢個價錢來講，已經好足料👍🏻仲有少少蟲草花、雲耳～最後連啲湯都淨係飲淨少少😆

呢間位於駱駝漆嘅餐廳主打雞湯米線，長期大排長龍，人氣高企！餐廳以花膠雞為招牌米線，係觀塘區想食花膠雞嘅米線真係無乜，而且佢地嘅價錢都好合理，只係68蚊。我地叫左碗招牌米線黎食，花膠有三大塊，入口都幾爽口，雞肉份量多，雞味都幾香濃，而且食落都幾滑，唔會鞋口。至於湯底就係幾濃郁嘅雞湯，都幾有住家味道😍唔會覺得好咸，加埋蟲草花，個湯底都幾養生。有時想食清啲嘅米線，唔想食麻辣咁重口味，呢個花膠湯米線都幾岩食🤩🤩我地另一碗就叫左蜜糖雞翼芝士竹輪米線，呢碗就平啲，52蚊，但一樣可以叫濃雞湯湯底，雞翼同米線會分開上，雞翼加左蜜糖，食落甜甜地，但係雞翼就炸到好酥脆👍🏻另外，仲點左香草雞翼 ，呢款加左香草醬，食落酸酸咸咸咁，都有香草嘅香味。麻藥蛋就係糖心款，食到有麻油嘅味道。

位於觀塘的美食店真是排隊必試的好去處！🍜✨✨招牌花膠雞米線** 🐔🍲 湯底鮮甜，米線同雞滑嫩，好舒服嘅感覺，最後連湯都一滴不剩！😍❤️✨胡椒豬肚雞米線🐷🌶️ 濃郁的胡椒湯底帶來微微辛辣感，搭配脆嫩的豬肚和雞肉，尤其豬肚煮得好腍，口感絕佳！👍🔥✨蜜糖雞翼🍗🍯 外皮金黃酥脆，裹滿了蜜糖，絕對是搭配米線的完美小食！仲有好多唔同口味嘅雞翼，可以揀一個鍾意嘅口味配米線！😋💖餐廳環境獨特，工廠入邊啱晒打工仔醫肚！環境雖小，五臟俱全，非常適合放工後享受晚餐！🪑🎉

大家都知觀塘駱駝漆大廈多嘢食，最近喺第三期發現咗呢間雞駅花膠雞米線專門店。好彩早少少去食，食完已經有一條人龍出現咗。花膠雞米線$68嚟到梗係要試佢嘅招牌花膠雞米線，雞肉嫩滑，麵質爽口，仲有蟲草木耳，以$68嚟講，真係好足料👍🏻奶白色嘅雞湯清甜美味，忍唔住成碗飲晒👍🏻試咗三款小食必試🌟金磚豆腐＄42呢款小食必試👍🏻👍🏻外皮炸到脆卜卜，入面嘅豆腐非常嫩滑，而且細細粒一口一粒啱啱好。椒鹽味啱啱好唔會太鹹，但建議一定要趁熱快啲食放耐咗會好腍。🥚麻藥蛋$28麻藥蛋都好，有驚喜🤩有淡淡嘅藥材味，唔會太鹹，而且溏心蛋做得好靚👍🏻🧀芝士年糕$38估唔到呢間舖竟然有咁出色嘅芝士年糕，外皮煙靭，中間啲芝士好香，配埋香甜嘅煉奶，鹹中帶甜，朋友超鍾意😍另外加咗$18試咗杯薏米檸檬水，啱晒濕氣重嘅我飲，完全唔甜，喺舖頭自己煮嘅。整體嚟講，性價比高，米線出色，小食惹味，值得一試👍🏻👍🏻👍🏻👍🏻👍🏻

今日放假，難得夜晚同屋企去左觀搪行街。夜晚諗吾到食咩就上社交平台睇推介，點知就睇到雞駅花膠雞米線專門店。 上到去都見到好多人排隊，我地照排隊。見等咁耐我就入去睇睇情況，點知就比招待員趕我出去，佢話到就會叫你，我心諗睇下都吾得，咩事呀，呢下已經燥燥地。 咁今日就叫左三碗米線，分別係椰子雞米線，招牌花膠雞米線，藥膳黃酒花膠雞米線同兩杯飲品。第一碗米線就係上椰子雞米線，好快就上左比我，我食食下就見到一粒黑色有手腳嘅昆蟲，我就同其中一個同事講呢隻係咩，佢就問招待員呢隻係咩，佢話係蟲草花，無問題嘅。但我同屋企都好肯定係小昆蟲，招待員就用手摸完就丟了，呢刻後悔無影低張相再比你地睇下。當刻又醒吾起叫經理黎睇睇。 我地差不多食完，侍應好快就收碟，呢個我明。但係有同事吾小心倒瀉飲品，招待員就即刻罵其同事，話你好肚餓呀，我比個飽你食，仲講左好幾次。我覺得呢招待為人好有問題，下次黎再見到佢我一定吾會再幫襯，希望經理好好處分這個同事，佢好像趕客走。

今日嚟駱駝漆搵好嘢食😍 發現一樓有間好受歡迎嘅花膠雞米線，款式選擇都好豐富招牌雞米線招牌雞米線選用了高級的姬松茸、竹笙、花膠等食材，搭配鮮嫩的雞肉，湯底清澈而味道濃郁🤤🤤 米線滑順，充分吸收湯汁的精華，每一啖口感都好豐富，回味無窮👍🏻👍🏻期間限定:麻藥雞拌飯見到呢個限定料理好吸引🤩 麻辣醬汁與嫩滑的雞肉相互融合，搭配香氣四溢的米飯，份量十足，好飽肚！日本芝士年糕芝士年糕外皮軟糯，內裡融入了濃郁的芝士，口感綿密且富有彈性，淋上滿滿的煉奶超好味😍😍😍熱檸檬水熱柚子蜜

雞駅花膠雞米線 都可以話係觀塘人氣最高的小店之一食完之後一出去就見到勁長人龍即使在平日都好多人排隊食佢呀!!!雖然佢地家的招牌菜是花膠雞湯米線但我都已經食過啦 今次卻特意嘗試其他野麻蘗雞拌飯之前都自己整過麻蘗蛋佢既汁都好惹味下 所以特登想試下麻藥雞飯上鋪滿了色澤誘人的麻蘗雞肉 好濃雞味帶有一絲微辣 清新爽口其實都幾岩夏天食~ 好開胃口水雞濃湯米線湯頭濃郁鮮美雞肉軟嫩多汁加上彈牙的米線難怪真係排哂咁長龍啦椒鹽粟米香脆可口好香既椒鹽味佢既粟米都好香口 令人食完會再食呀!!!雞駅花膠雞米線專門店觀塘開源道60號駱駝漆大廈第三座1樓I室

五人同行叫咗花膠雞二個，椰子雞二個，擔擔麵一個避風塘粟米，黃金豆腐磚本人覺得三個湯黎講椰子雞係最好食比較濃味，有奶香又有雞味雞件都好嫩滑著名嘅花膠雞湯本人就覺得一般唔夠濃，唔夠(杰)呢個價錢 都唔期望佢用咩好食嘅花膠擔擔麵就正正常常冇話特別突出都係小小花生味咁少食避風塘粟米都ok 不過呢個價錢 感覺分量有啲少如果粟米再甜的就好黃金豆腐磚都好難唔好食同出面街嘅一樣外皮薄脆 入面豆腐滑我見出面排曬長龍要唔要等真係見仁見智😂

通常lunch 都會周圍去觀塘搵食， 成日經過駱駝漆工業大廈一樓間米線舖都好多人排隊， 今日可能落雨唔洗等好耐， 即刻入去試吓.姖松茸竹笙花膠雞髀米線： 非常大碗， 又足料， 花膠大大塊， 仲要唔止－塊， 姬松茸同竹笙好爽口， 雞脾啖啖肉， 肉質鮮嫩， 仲要價錢一d 都唔費， 食完終於知道點解日日都排長龍藥膳黃酒花膠雞脾米線： 酒味濃， 個湯底超正， 食下飲下最後係成碗連湯清曬， 餐廳都好細心， 枱面已預備一些碗用黎裝骨麻藥蛋： 好入味， 值得一試， 我朋友唔太好蛋都食咗一隻蛋

我其實食過好多次。但今次有位侍應嘅服務態度比較差。唔識去表達，一味話冇話冇。本身件事完咗，但過咗一陣又走來追擊我哋。佢想表達嘅係佢哋冇錯？定係想我哋認錯呢？我估我啲朋友都唔會再幫襯。I wish the company can provide more trainings for all the employees who are working in there. 最後我知個侍應想解決問題，但講嘢嘅方法有啲錯誤。同埋佢比我哋更加執着…

觀塘工廠大廈人氣店💛雞駅花膠雞米線專門店ʕ๑’ㅅ’๑ʔ‧˚ ꔛ ꔛ ꔛ ꔛ ꔛ ꔛ ꔛ ꔛ ꔛ ⸝⸝‪⸝♡近排又去左觀塘駱駝漆大廈搵下有咩好嘢食✨今次食左人氣店🐥雞駅花膠雞米線專門店🧡主打養生雞湯米線🍜平日收工時間去都大排長龍！🌟招牌花膠雞米線$68想食養生少少就叫左佢哋嘅招牌✨湯底呈奶白色 都幾濃郁雞湯味 幾鮮甜💛雞份量都幾多 雞肉唔鞋都算滑🐥仲有啲花膠 木耳 蟲草花等養生配料！米線粗身幾順滑 口感唔錯🫶🏻▪️胡椒豬肚雞米線$60呢碗湯底就較重胡椒味 有少少辣辣地✨比頭先個碗再濃味啲 不過都唔會太鹹 剛好呢碗嘅雞比較多近雞胸位置 所以冇咁滑不過都唔算太鞋 都算還可以～*如果想食雞髀都可以加$10轉*▪️金磚豆腐$42小食當中呢個最吸引我！即叫即炸！食嘅時候要勁小心 因為岩岩炸好 入口真係勁熱金磚豆腐炸至金黃色細細粒 可以一啖一粒外皮香脆 入面豆腐滑嫩 好正！加上椒鹽芝麻調味 超惹味❤️⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 📍 雞駅花膠雞米線專門店 觀塘開源道60號駱駝漆大廈3座1樓I室