雅 ‧悠蔬食

營業中

休息中

呢間餐廳之前向荃灣分店食過都已經覺得有驚喜，今次朋友帶我來尖咀分店。同樣餐廳裝修新穎午市套餐主食亦很多元化，韓式，泰式，西式，日式，中式都有 最后我們三人點了花菇蘿蔔支竹炆素腩煲配珍珠糙米飯$88，素腩用了猴頭菇代替，味道醬汁非常十足，但份量如果多少少就更加好。野菜大啡菇炒金邊粉配椒鹽椰菜花$88整碟都炒得好乾身，一點也不油膩，椒鹽椰菜花沾了生粉炸很脆口。泰式鳳梨炒飯配沙爹串燒$88非常口食😋😋😋食完主菜，我們還加配了佢地既限定甜品#巧克力蜜糖吐司遇上香草雪糕脆脆多士加左oreo餅乾再加埋雲尼拿味雪糕超好味。平時食飯食都唔知想食咩，不仿試下素食都會令你有意想不到的味道。雅悠蔬食（尖沙咀分店）📍金馬倫道48號中國保險大廈3樓

今日突然想食素，就上OpenRice搵到這間似乎幾好😊上到去見都full哂，要等一等。等咗5分鐘有位，侍應帶我哋入坐😊我見到其他人食緊都係午餐，份量唔太大份，所以我哋就叫多少少食😋花菇蘿蔔枝竹炆素腩煲配珍珠糙米飯，味道真係似牛腩煲味👍🏻撈飯食一流👍🏻泰式菠蘿炒飯配沙爹串燒，菠蘿炒飯好正好多菠蘿粒，好野味，串燒完全似牛肉串燒，估佢唔到咁好味👍🏻👍🏻推介👍🏻👍🏻野菜大啡菇炒金邊粉配椒鹽椰菜花，又一野味之選，同平時食嘅泰式炒金邊粉係一樣咁好味😋反而椒鹽椰菜花係味道麻麻。甜品有幾款選擇，我揀咗朱古力吐司配vanilla 雪糕，吐司加上朱古力醬撈埋雪糕一齊食，嘩，冇得頂，好好食，雪糕好香滑。食到好飽😋店內環境光線充足，但係坐位比較細，有啲迫。整體ok👌🏻

友人推薦這間餐廳，一來到門口，便被店鋪的裝潢所吸引，紫色主調帶給人一種雅緻的感覺，－洗中式素菜那種圍爐的村土味，讓人很想進去一嘗新鮮美味的素食。餐廳的午市套餐性價比很高，有2款前菜以供選擇，我選了蓮藕海底椰湯配蓮藕薯仔沙律，湯味道清甜，充滿椰香，蓮藕亦新鮮可口，生津解渴，作為前菜非常合適，沙律令人驚喜非常，廚師將蓮藕炸了再撒上糖，甜而不膩，薯仔作冷盤處理，二者配上蜜糖醬汁，令人胃口大開！主菜我點了燒汁豆腐扒配素滷肉羽衣甘藍菜飯，豆腐在燒汁的薰陶下每分每寸都充滿燒汁的香甜味，但又不會味道過濃，送飯一流！素滷肉跟市面上一般滷肉味道無異，有八角的香味，豆腐跟滷肉配上菜飯，味道合襯，三者各擅其長，不會搶去另外兩者的風頭，菜飯安守本分，負責帶出豆腐和滷肉的香味，再加上黃蘿蔔和生薑，令我不知不覺間就將看似大份的主菜吃得一乾二淨了。唯一有點失望的是飲品，我點了檸檬蜂蜜生薑茶，但味道偏淡，扣了少許分數。總體而言，這份午市套餐令人驚喜，味道配搭出色，令人胃口大開，亦改變素食只有白菜吃的傳統觀念，前菜及主菜可謂清新可人，令人欲罷不能😋餐廳環境舒適，服務員態度可親，絕對值得一去再去！

過幾日係年初15，本來諗住當日食素，但係由於嗰日老細下晝請食飯嘅關係，所以就決定提早幾日，補返當日應該要食嘅素。～～～呢間素食餐廳嘅素好靚，係素食界非常之出名，而且我鍾意佢就算一個人嚟食都唔會覺得好尷尬，因為成個餐廳嘅感覺好似私房菜咁，成個環境比較優雅安靜，好舒服，尤其尖沙咀呢間分店嘅座位間隔幾有私隱，啲侍應亦都唔會望住，服務態度好好。～～～睇完餐牌，樣樣都好似好好食，揀咗好耐最後就揀咗佢哋嘅晚市套餐。個套餐入面有前菜、手卷、湯品同主食，仲有埋甜品。～～～前菜：四喜烤麩同麻醬沙薑豆絲粉皮，烤麩好入味，冬菇非常香甜。麻醬沙薑豆絲粉皮亦都出色，清新嘅青瓜絲加埋豆絲同粉皮，真心同雞絲粉皮味道唔係差好遠。～～～手卷&湯品：蘆荀素香鬆苜蓿芽手卷非常清新，記住要快啲食，唔好擺太耐，如果唔係紫菜會變軟身無咁脆口。蟲草花竹笙黃耳百合燉湯飲落滋潤得黎無咩油，而且好多材料，高質。～～～主食：椰香冬陰鮮蔬意大利飯配吉列蒟蒻味道幾可亂真，同平時食嘅海鮮冬陰公意粉味道超似，可能仲好食多少少先tim，炸魷魚係用蒟蒻整成，加埋炸粟米芯，同埋大量嘅菇粒同瓜，完全係令人食到停唔到口，食完呢個之後覺得人多真係有原因嘅。～

📍雅 ‧悠蔬食 (尖沙咀)🔍尖沙咀金馬倫道48號中國保險大廈3樓B號舖-----新年大魚大肉，瘋狂地同親朋戚友食咗好多日，今日就決定清一清腸胃，放工嚟咗尖沙咀呢一間素食餐廳食晚餐。一走進餐廳，淡淡嘅粉紫色同純純嘅白色，清清雅雅嘅感覺令人瞬間心曠神怡。餐牌有多款素食，但有別於傳統嘅素食餐廳，佢哋嘅素並唔係素叉燒、素燒鵝、素雞嗰種，造型非常精緻，而且顏色天然，令人食慾大開。泰式鳳梨炒飯$108 ： 炒飯口感味道非常豐富，裏面加入左大量素嘅肉鬆、菠蘿、素火腿、素菇粒等等，仲有少少黑醋沙律菜伴碟中和油膩感，整體味道完全唔輸有肉嘅炒飯，而且份量好多，食完感覺滿足。鮮蔬豆腐粉絲煲$108：調味調得啱啱好，唔會太清淡，又冇好油膩或者濃味，粉絲索曬湯底，滋味非常，而且佢嘅豆腐仲唔係一般嘅豆腐，而係用咗千葉豆腐，更具口感及彈性。另外提提大家，B仔唔係初一十五，亦都唔係星期五或者假期去，但係都好hit好多人，想食記得最好提早book位。-—-👶🏻B仔整體評價：8.1/10個👍🏻👶🏻B仔抵食程度：7.5/10個👍🏻👶🏻B仔環境評分：8/10個👍🏻👶🏻B仔味道評分：8.5/10個👍🏻👶🏻B仔回頭機會：8/10

8個人，在二人一枱的限聚令下，找地方聚會，慶功不容易。當中有人素食，所有更加少選擇。最後，叮一聲，想起這間，悠蔬食，他們共有兩間店，一在尖沙咀，一在荃灣。素食已經慢慢變得普及化，已經不只是因為宗教而吃素。現在很多人有着不同原因而素食。悠蔬食的菜牌種類豐富，有日式的小菜，有的是韓式，當然有中式及西式，所以我說是一家fusion素餐廳。從Menu可見，可以知道店主及廚師，是花了不少心思去鑽研菜譜。其實素食可以很精彩。我們叫了四個set lunch，另外叫了三個小食：土匪雞翼， 焗田螺及pizza。再加三個散叫嘅餸：咕嚕猴頭菇，雜菜粉絲煲，馬拉盞炒雜菜。冇影低所有菜式，因為忙於傾計及分餸。Set lunch 送湯及飲品，飲品有柚子蜜，薑茶等等選擇。另外，他們有無酒精的嘉士伯啤酒。絕對啱宗教素食者過下癮。

第1次到尖沙咀分店享受素食午餐！餐廳環境寧靜，座位舒適員工服務一流，nice nice,用心介紹餐牌的食物。午餐我就選了泰式🍍炒飯拼沙爹串燒。湯就選西湯，原因因為這西湯加了薑。暖胃驅🥶一流！炒飯完全和泰式別無差別，非常入味，串燒口感及醬汁簡直和食肉無分別。昨天是十日齋的二十四，感恩有這餐廳，我又完成十日2齋的任務。份量也足夠，最後我選了千層紫薯糕，yummy ! 大家如果想嘗試3餐有1餐食素，極推荃灣店及尖沙咀店的雅悠蔬食。

餐廳把素食嘅主義, 再融合世界各地嘅煮食方法, 發揮得淋漓盡致, SET LUNCH 可選擇既種類好多, 有泰式, 有西式, 目不暇給, 我點選咗個泰式鳳梨炒飯, 有微辣嘅 , 只係68蚊, 另外再加十蚊配前菜同埋湯品嗰個香脆法包, 焗到非常之香脆, 再加少少香蒜, 非常之惹味野菜粟米雪耳忌廉濃湯, 非常之杰身嘅, 湯頭蘊含著豐富嘅雪耳, 咬口爽脆, 非常之香這個鳳梨炒飯我覺得比一般泰式餐廳做得更加之好每粒炒飯炒得分明,爽口, 紫菜, 粟米, 蘿蔔, 青瓜切成碎粒, 豐富咗口感, 最緊要係個醬汁, 辣辣地, 又香, 非常惹味 再加菠蘿非常的juicy, 令到炒飯味道提升不少

今個聖誕冇得出街食，外賣已經變成常態，平常嘅Party food 食到悶悶哋，今次試下素食Party Menu 先～我哋叫咗一個 6人套餐（$788）再加一個黑松露鮮蔬炒飯（$288），佢嘅服務都唔錯，Whatsapp 落單，可以幫手叫埋go go van，都幾方便！仲俾夠餐具同碗，雖然知道唔環保，但我哋實在係咩都冇，有埋碗仔真係大讚👍🏼6人餐包括：🍴紅菜頭蘋果合桃沙律🍴小食雙拼：酥脆腐皮卷、泰式如餅（各6件）🍴牛油果玉子壽司卷（6件）🍴素瑤柱金菇扒時蔬🍴千島醬牛油果薄餅🍴蕃茄田園忌廉燴扁意粉🍴精選純素甜品 - 斑蘭椰汁千層糕、宇治抹茶乳酪蛋糕佢每盒上面都細心用人手寫好係咩，份量都頗多，雖然我哋因為等齊人遲咗開始，基本上D嘢食都凍晒，但依然樣樣都出色好好食！完全冇因為凍咗會影響質素，相信熱食會仲正！素瑤柱金菇扒時蔬好出色，因為係用一條條好細條那種菜苗，唔係一般蔬菜，Party menu 一D都唔hea 你！唯一覺得唔好食嘅係宇治抹茶乳酪蛋糕，佢個味怪怪哋，上面嘅紅豆太甜，呢個係敗筆🙈

食素 ,尖沙咀 西式午市餐有中湯或西湯選擇選擇多,有意粉,焗飯等唔同菜式,另有中式煮法既素菜款加$10有湯同焗多士,單價係偏貴,埋單大約一位$100左右先上湯品,選了香濃西餐湯,湯身比較杰身,入口濃郁夠味另加二片焗烤多士,用來沾湯吃味道剛好,唔錯亦可選中湯是月精選蔬素焗飯放滿芝士再焗香,食到菇片等蔬菜粒,仲有番茄碎,用上新鮮番茄因有芝士再焗,賣相唔錯,飯底無炒過,白飯加料再焗,因為多以蔬食為主焗過之後要食盡快吃,蔬食水份多易出水,整體味道唔錯,清爽新鮮唔油膩同平時食到既肉類焗飯易消化同清淡食素的確會對身體負擔比較少,估唔到係食客都唔少呢尖沙咀金馬倫道48號中國保險大廈3樓B號舖

近排想減下肥，食得清淡啲，就學下人食素，扮吓健康人士<未來漢堡配鷹嘴豆蓉及紅菜頭蘋果沙律$98>話說之前喺某大型連鎖店食過未來牛扒，覺得呢個素食肉類都幾得意，見到餐牌上面有未來漢堡一於就試吓未來漢堡裏面嘅漢堡扒，其實係用豆類製成，但係口感同埋平時食嘅牛肉冇咩分別纖維多左又健康咗，想清下腸胃絕對建議可以食呢個做lunch西瓜紅菜頭核桃沙律做配菜，食落去清清漢堡陣味，好fresh <紫貝天葵荔枝梳打+$10>叫得飲都係加$10，飲落似提子梳打，唔錯嘅

最近我食得太多肉好想食素呢，如果用心煮的素食，我第一時間想起這間位於尖沙咀的「雅。悠蔬食 」餐廳，因為這餐廳十分之著重健康飲食還用心烹調各種素食。例如我今日午餐點了「野菜大啡菇炒金邊粉配香脆腐皮卷」， 有餐湯連法包飲品，金邊粉炒得有獲氣而配上啡菇香味俱全，值得讚呀！最後為食的我加埋一客中式甜品：自家製的腰果露，真心覺得好有腰果香滑，估唔到不是糖水舖都做得比糖水舖更用心，啖啖滋味呀！雅 ‧悠蔬食 (尖沙咀) 地址: 尖沙咀金馬倫道48號中國保險大廈3樓B號舖

食過咁多間素食鋪 🥦🥦🥦我始終覺得呢個group係好比心機去打造menu🌽🥕🥔🍆🥑而且食物真係好有水準定時亦會更新菜式次次去都好有新鮮感🥰如果大食啲嘅朋友仔不妨叫個set真係最抵食，有曬湯，前菜，主食同埋甜品🍰🍰🍰兩個人食一個set都夠曬飽前菜其實齊曬中，西式啱曬有選擇困難症嘅朋友仔中式嘅豆腐真係好腍滑入味琥珀合桃勁脆勁香甜❤西式嘅紅菜豆沙律都唔弱充滿橙香相當開胃主菜係紅咖喱配薄餅同飯咖喱好滑，重椰香但又唔太辣而且有陣陣甜味👍👍👍首次見咖哩會加入猴頭菇同芋頭口感超豐富而且創新又有飯又有薄餅想點食都得😻仲未夠食？點解唔考慮叫個小食拼盤？我聽到枱枱都有叫應該好受歡迎🤪🤪🤪所以我都叫咗好鐘意佢唔點醬都好好味每件炸物都有唔同調味好似炸腐皮加咗孜然粉非常清香，入面又勁嫩滑我夠膽講比真雞脾仲滑😻❤又好似紫菜包住牛油果去炸入口即溶🥑🥑🥑🥑炸後牛油果更覺creamy而且仲一啲油膩感都無好值得一試最後到跟餐嘅甜品部分估唔到好高級嘅紅豆綠茶cheese cake都係唔洗加錢雪到凍凍地食落似雪糕綠茶味唔腥🍵🍵🍵仲要有淡淡芝士香🧀🧀好滿足❤😻

推介！餐廳係蛋奶素既餐廳，亦標明可走蛋/走奶。菜式新穎，多元化，日式/泰式/中式/西式/港式都有。環境寧靜，以紫色為主，播住柔和relax既音樂，感覺舒適。✨味道80分，環境75分，服務78分。.🔸泰式鳳梨炒飯($108)⭐️可免蛋！含菇菌類，粟米芯，青椒，紅椒，菠蘿，素肉粒。炒飯炒到粒粒分明，口感豐富，色水好夠，微辣，好惹味。.🔸大啡菇松露薄餅($158)⭐️可免芝士/免奶！Pizza芝士拉絲，芝士味幾濃郁，不過冇乜松露味，反而上面啲沙律菜就好香松露味。大啡菇好厚肉，又juicy，加埋菠蘿，蕃茄醬， 酸酸甜甜好開胃。另外仲有黃椒，火箭菜，筍，瓜類，蘑菇。

我的童年😀😃認識到今天的那位好朋友是吃素的，😊😜為其預早點慶祝生日快樂，🤔🤔於是左揀右揀，又要方便，又要是素的🥒🍆🥕🥔🌽🍠🥑🥥🍐🍅，於是揀了這裡吃慶祝。🤓🤓走進餐廳，座位都ok啦。當日點了兩份午餐set😋😋有主菜、小吃、飲品，然後呢，我地又再加錢吃埋甜品😍😍。味道挺不錯，份量可以啊。如果是男性也夠飽。我們两個女生就更是吃得飽了。可以再encore的店。😃