影片
更多
2013-09-02
2161 瀏覽
今年生日老公book咗Amigo同我慶祝。聽咗呢間餐廳好一段時間，係一間好出名嘅法國餐廳，今日有幸一試，真係好期待。古堡式設計，每位侍應都著住踢死兔同帶住白手套，真係好高級咁。喺冇任何menu嘅情況底下，侍應會先問你要唔要啲咩飲，我哋有少少O咗咀，問佢有咩選擇，侍應就答話俾杯水我哋...套餐可選4或3度菜。包括頭盤、湯、主菜、甜品同飲品。湯可轉酥皮湯，不過好似要加錢。聽講呢度酥皮湯出名，梗係要試吓。侍應會先上玫瑰花形嘅牛油，有多士同法飽選擇。頭盤海蝦蟹肉芒果沙律有3小件，每件用兩片芒果包住少少蟹肉，有一隻蝦喺面。賣相雖精緻，但味道就冇嘜特別。香煎法國鵝肝鵝肝都幾大件，煎得好香，texture好鬆軟，好似入口即溶咁。酥皮龍蝦湯等咗好一陣子，酥皮湯終於出現。酥皮漲卜卜，帶點牛油香味，而且好鬆化。無論浸湯定就咁食都好食。個湯好熱，要慢慢飲。但我就唔係太鍾意呢種龍蝦湯味，可能太真材實料啦，飲飲吓好似有少少苦澀咁。見其他客唔係要酥皮，侍應都會即時煮熱啲湯，確保每碗都熱辣辣。湯與主菜之間，會有個雪芭。西柚味，酸酸地，開吓胃。脆煎鱸魚配海蝦松露菌汁厚厚嘅鱸魚煎得好香，肉質滑而有口感，同醬汁味道亦好配
古堡式設計，每位侍應都著住踢死兔同帶住白手套，真係好高級咁。喺冇任何menu嘅情況底下，侍應會先問你要唔要啲咩飲，我哋有少少O咗咀，問佢有咩選擇，侍應就答話俾杯水我哋...
套餐可選4或3度菜。包括頭盤、湯、主菜、甜品同飲品。湯可轉酥皮湯，不過好似要加錢。聽講呢度酥皮湯出名，梗係要試吓。侍應會先上玫瑰花形嘅牛油，有多士同法飽選擇。
頭盤
海蝦蟹肉芒果沙律有3小件，每件用兩片芒果包住少少蟹肉，有一隻蝦喺面。賣相雖精緻，但味道就冇嘜特別。
香煎法國鵝肝
鵝肝都幾大件，煎得好香，texture好鬆軟，好似入口即溶咁。
酥皮龍蝦湯
等咗好一陣子，酥皮湯終於出現。酥皮漲卜卜，帶點牛油香味，而且好鬆化。無論浸湯定就咁食都好食。個湯好熱，要慢慢飲。但我就唔係太鍾意呢種龍蝦湯味，可能太真材實料啦，飲飲吓好似有少少苦澀咁。見其他客唔係要酥皮，侍應都會即時煮熱啲湯，確保每碗都熱辣辣。
湯與主菜之間，會有個雪芭。西柚味，酸酸地，開吓胃。
脆煎鱸魚配海蝦松露菌汁厚厚嘅鱸魚煎得好香，肉質滑而有口感，同醬汁味道亦好配合。但醬汁內嘅蝦味就唔算突出，整體味道亦較清。
扒牛柳拼燒珍寶蠔配紅酒汁
一上枱已聞到牛柳香味，整個碟佈滿紅酒汁。牛柳肉質鬆軟，蠔雖然唔係珍寶，但蠔味濃郁。配菜放於另一隻碟，味道一般。
最後到甜品，真係食甜品已飽哂。Order咗橙酒梳芙厘同巧克力脆糖燉蛋，梳芙厘甜度適中，但燉蛋就太甜，巧克力脆糖有好濃嘅朱古力味。由於生日，仲送一個拿破崙蛋糕。呢個蛋糕反而唔錯。最後重突然放低個朱古力脆皮雪糕，賣相咁靚，飽都要食啦！
每道菜上菜需時，4度菜menu約需3.5小時先完成。雖然整體唔錯，但$2000埋單，就略為貴咗啲。不過餐廳咁出名，一試無防。
張貼
