雅谷餐廳

營業中

休息中

因為生日所以選擇來到，被譽為當年名人必到飯堂Amigo .所有野都好old School.而家已經好少餐廳有人企喺門口幫你開門我的生日飯由（應該係巴基斯坦籍）嘅哥哥幫我地開門開始.我選擇左四個course嘅晚餐.頭盤：香煎法國鮮鵝肝湯：龍蝦湯+小小白蘭地主菜：扒牛柳配蒜蓉蘑菇汁甜品：香芒燉蛋飲品：熱檸茶飯後甜品：薄脆朱古力包雪糕（有驚喜）.因為生日嘅關係可以預先安排：拿破崙生日蛋糕最後侍應仲會好窩心地，用即影即有相機幫我地影一張相留念。.整體來說amigo 是一間很值得來的餐廳缺少的就是1）每位女仕一支玫瑰花2）每枱現場拉小提琴俾你聽，仲可以點歌 呢兩樣野就已經冇左lu

結婚周年紀念，老公帶我來呢度食晚餐，揸車過來，未落車已經見到有服務生喺門口準備迎接，仲幫我開車門，又有代客泊車。入到去見到餐廳裝修好特別好浪漫咁。我哋叫咗兩個四道菜嘅set dinner，有湯有前菜有主菜有甜品。首先係個湯，佢會用火燒住個煲仔，去到枱前先至倒出來，所以，我哋食嘅時候都仍然係好熱嘅我自己揀咗周打蜆湯，我老公揀咗個蘑菇清湯，我哋覺得周打蜆湯比較好味啲，蘑菇清湯就清左少少，感覺好一般。之後就到前菜，我揀咗個鵝肝，老公揀咗個parma ham 沙律。鵝肝煎到好香脆，而且入口即溶，好好味好鐘意～ 而巴馬火腿沙律就比較普通。食完前菜之後會有個非常醒胃既西柚雪芭，可以清一淸個口味之餘也會另有食慾大開～之後到主菜，我要了香煎鱸魚，魚肉之間既肥膏沒有被煎乾流失，剛剛好煎溶而且仍然留在魚肉之間，一啖食落去溫熱厚厚既魚肉夾著香而沒有腥味既魚油，實在係～好好味～！😋😋😋 推薦！推薦！老公要了肉眼扒 (medium rare)，其實我一向好怕出街食牛扒，因為怕有筋，或者啲肉太un，咬唔開，但係呢個完全唔un👍🏻，而且好好味～之後食埋個甜品，朱古力草莓蛋糕＆咖啡焦糖燉蛋。兩個都ok，不過不失最後叫

香港西餐廳實在有太多選擇，令到好多老牌餐廳如果無咩進步，就會強烈地比下去。原本喺外國食完好多法國菜，充滿期待咁想食下amigo嘅晚餐，可惜就有啲失望。鵝肝係就係大塊，但係嚴重有筋，一路食一路咬唔唔開。個鵝肝我唔明點解可以有人讚得出口。啲麵包就幾好食，可惜佢只係餐包，主食都唔好食。羊架係完全失望，完全唔特別，亦都唔好食。好似一包包嗰啲雪藏羊架，自己喺屋企頹煎咁。quote 朋友嘅comment: Ruby Tuesday 嘅羊架都好食過佢甜品我揀左梳乎厘，成餐就甜品最好食，其他如果好坦白咁對比其他西餐廳，今時今日呢個價位，真係唔入流。可能大家都係食個環境，夠舊式夠懷舊，但係同一個價錢，喺香港絕對有好多其他選擇，同埋服務都好好多嘅酒店餐廳。

兩年前生日來訪過，今次結婚週年老公話想食下氣氛同服務好既餐廳，於是再訪。他說要早兩三星期訂位先有旁邊的圓卡枱，否則要坐中間的枱，私隱度較低$950+10%一位，老實說價錢並不親民，我相信大多數來訪的都是慶祝特別日子的，而不是casual dining 吧每人坐位上都有自己稱呼的名牌，很貼心先上麵包，有法包及多士選擇，我喜歡食香口的其實包包可以再添，但食唔到咁多。多士很薄脆，牛油是玫瑰花形的頭盤選了鵝肝，店家很大器厚厚的兩大塊！外脆內軟，必吃之作！鮑魚清湯，很一般，老公話佢既蜆肉湯好得多食完頭盤就比個雪芭你清清口腔味道等了良久，主角才到，羊架好好味，我點左7成熟，配上薄可汁，肉汁香濃甜品就好一般，朱古力cake靚就靚但偏甜！老公本來選左梳乎厘但佢比錯左布丁要求換番岩但職員說要等半個鐘，算了，照食，很一般甜品後會有live band來問你想聽咩歌，點左首但佢地唔識唱哈哈，唔緊要啦，佢地就選左首I knew I loved you before I met you比我地，好聽好聽最後所有人慶祝既客人都會有一件拿玻倫蛋糕送、而所有女士都有一支玫瑰花收不過實在太飽、個蛋糕打包回家食最後就以包住雲

座落跑馬地黃泥涌道的Amigo（雅谷餐廳）於1967年開業, 餐廳以茶木為裝潢設計為主要元素, 濃厚的藝術氣息, 餐具、食物及服務一絲不荀, 愛吃人仕務必潮拜的餐廳之一。每個角落值得細味欣賞高貴的晚餐訂位名牌所有服務員都穿"踢屎兔"禮服, 讓你有貴賓級服務.餐具印有 AMIGO LOGO4-COURSE SET LUNCH 包一杯餐酒玫瑰花牛油柚子沙律清新可口, 柚子清甜多汁。蜆肉周打湯人生飲過最好飲的周打蜆湯, 用新鮮蜆肉泡制, 香濃、鮮味十足。 羊扒配蒜片香草汁跟薯菜5成熟格紋焦痕, 羊扒烤得剛剛好, 巧嫩滑, 醬汁蒜香夾雜清香香草香味, 配羊扒食清新不油膩, 好味。薯菜分開上拿破倫酥餅酥皮很鬆化可口, 甜度適中, 精品 cake, 食完感覺完全唔夠喉, 好想外賣幾件回家呢!食完甜品, 又要為我地準備飲品。即磨咖啡香濃不苦澀, I love it. 招牌朱古力雪糕每檯賓客額外送每人2粒朱古力雪糕, 厚厚的脆皮朱古力包住冰凍雪糕, 口感好鬼正, 朱古力味又香又濃, 正爆。食完飯, 客人走得7788,  問准餐廳周圍去影、影、影, 樓下酒吧放滿不同的藝術品, 每個角落也有, 像個小型藝

應該係法國高級食府???  餐廳有氣氛, 同朋友一齊試,周打湯溫度好夠,    鮮味無沙, 主菜OK,鵝肝唔會太油膩, 梳孚里第一次食, 口感好輕,    甜品出色!  !!!!!

Taste: decent and proper as always. Environment: very clean and warm with live band singing. Pretty classy. Service: all the waiters there has been there forever, so some of them are really good and some of them not so good. Hygiene: never heard of any problem there. Value: I couldn't say it's the most value for money in town but I think it's decent. Summary: one of my favorite restaurants since I was very young. I especially loved the raw beef here with its special sauce. The onion soup is anot

上周6 提早我倆慶祝 ❤ 2週年拍拖紀念❤事前我是不知會去哪家餐廳，下車一刻，看見餐廳門面帶點地中海的歐陸氣色。原來是老牌法國高級食府 Amigo!(不是公仔箱的崔建邦)據「有點年紀」的朋友說：「當年只有Gaddis比它貴，午餐人均收費都要$1500。」這趟晚餐，我們發現Amigo價格似乎比以前親民。餐廳裝潢灌注著古典的歐陸風味，單是樓下的蠟燭座、雕塑已經是法國及西班牙的風格。服務的店員全都穿上 "踢死兔" (tuxedo)，很紳士。餐廳更為每枱客人奉上印有客人名的燙金 Memo pad，充滿紀念意義。細心看會見到手柄位印上 “Cafe Amigo”自問是業餘品酒家，沒花過時間記酒莊、地名，這些label未懂看XD大部分客人都是點選 Set Dinner Menu，在高級餐廳HK$890 有四個 courses實在划算！(所以我們也點了兩份啦)House bread 有兩款選擇，烤得超乾身的薄多士與鵝肝最夾，欣賞外面乾脆、內裡軟綿綿帶酸度的法包，跟在法國巴黎吃到的有95%相似度。Starter 我倆選了一份香煎鵝肝，一份牛油果帶子海蝦沙律，牛油果沙律應該是最平穩的選擇，帶子嫩滑柔軟，再

跑馬地既Amigo 餐廳同好多香港人一齊長大（門口有個好大既太陽🌅既呢，以故名伶任劍輝以前成日都去架），因為太高級細個經過門口只係得個望字，大個左自己賺到錢點都要去朝聖！😍尋日又落左去食飯，嗰度既氣氛唔使講浪漫💏到震，裝修係全統英式style💂，預早訂位仲會印一本有你個名既memo紙做紀念，好鬼窩心💓！佢既set dinner 三道菜$900左右，我每次都會嗌，今次我揀左沙律、蘑菇清湯同sea bass🐟 。另外加左佢既招牌酥皮蠔湯，$200幾蚊，係鮮蠔打成，堅好味👍，第度真係飲唔到！再加左個#鵝肝醬多士，主菜就揀左焗酥皮鵪鶉🐔，好嫩滑。全部都好有水準，service更加唔使講。兩個人嗌左支香檳同加左個佢最出名既拿破倫甜品🍰，$3000幾蚊，有人請就梗係唔肉赤既😁

內子對這間Amigo餐廳嚮往已久，就趁這個我們的節日來試一試。筆者一個星期前預訂，一日前餐廳來電再確認訂枱。餐廳由外到內都是老闆精心設計的，盡量希望和舊址波斯富街的感覺一樣，古色古香，侍應們亦穿著筆直西裝招呼來賓。兩口子都選了廚司推介晚餐來試試，內子先被玫瑰型的牛油吸引著。頭盤內子選了鵝肝，筆者就要個清一點的火腿蜜瓜。鵝肝入口感覺不油不膩，而且少少滑，有點新鮮感；火腿蜜瓜就顯得清淡一點，火腿不太鹹，捲蜜瓜入口份外清新。最令我們滿意的是那個周打湯，侍應一邊在旁用爐佐熱，一邊將湯倒出來，所以特別新鮮滾熱辣。另外，內裡數隻蜆肉又大又鮮甜，令人十分滿足。上主菜前的番石榴雪葩，用來清一下我們的味蕾。內子選的是蟹肉芝士汁焗鱸魚，淡淡鮮魚肉，而且有濃香芝士，內子吃得讚不絕口。筆者選了扒牛柳配百里香田螺汁，牛柳其實還伴了一點田螺肉，有肉香，亦有海鮮味，七成熟的牛柳，肉緊熟，味道鮮甜。甜品方面，內子選了橙酒梳乎厘，筆者就選了香草脆糖燉蛋。賣相似乎梳乎厘勝一籌，味道方面，橙酒梳乎厘的確有很香的橙味，不過因為筆者嗜甜，所以還是脆糖燉蛋較吸引我。伴上鮮果的脆糖燉蛋，多了一重口感，自然較為吸引我。拿破崙蛋糕是訂

又來到一年一度的生日飯，究竟婚前最後的一頓生日飯，大少會帶我到那裡去呢？一如以往，他都不會預先通知我選了什麼餐廳。美其名是製造驚喜，其實是免得我在他選餐廳時諸多意見罷了，我是這樣想的呢。約我在時代廣場廣場等，到差不多時侯又指示我走向皇冠假日酒店，那區的選擇不多吧？已經心裡有數。原來真是到跑馬地的Amigo雅谷餐廳。通常我們都會談談選該餐廳的原因，然後就出現了以下對話：他:其實心中都有好幾家，不過這樣的餐廳應該婚前來我:什麼?原來婚後慶生就不能吃好一點的?(激動)他: 不是!(你當然不敢說是) 這樣的餐廳拍拖時來,待五年十年以後再來,就可以懷緬一下說以前拍拖時來過,不是更好嗎?一進門就被裡面帶有古堡氣派的裝潢吸引住。走上一條木梯便是用餐的地方。那一個晚上都坐滿人，但一點都不吵耳，只有現場樂隊的歌聲。因為懶得多想，是翻了兩下餐牌就決定點餐。四道菜晚餐包括前菜、湯品、中菜及甜品。也可以選要三道菜晚餐，同一個餐牌，前菜湯品二選一就可以。覺得那個Wine List 實在特別,真正圖文並茂。因為餐裡而沒有包括大少最想吃的蒙古生牛肉，原本他決定點一個三道菜晚餐再另點一份生牛肉 ，怎料侍應生反提議說可

本小姐生日的前一天, 去了跑馬地的Amigo 倒數. 一進入店, 經過一條古雅的小迥旋樓梯上一層, 映入眼簾就是和外牆相襯的希臘感覺建築, 白白的牆身. 侍應給了我們角落的臺, 可以看到整間餐廳. 友人不喜歡點套餐, 總是覺的套餐的食物不太好. 所以佢散點. 我卻相反, 愛點套餐不用煩, 所以我點了$890元的四道菜晚餐.香煎法國鮮鵝肝 (套餐)鵝肝是一件, 不是切片, 減少了我喜歡那種肥油油的感覺. 好軟身, 像吃雪糕一樣. 切起中間都不會散開. 鵝肝汁濃郁. 蒜蓉焗田螺, $240共有半打, 用餐器皿非常精緻, 金光閃閃. 田螺浸在香草蒜蓉牛油汁中夠惹味, 但滑滑的質感不是人人接受. 周打蜆湯 (套餐)有一排很喜歡周打蜆湯, 所以選了這個四道菜餐而不是三道菜, 即是這個湯都$100了. 不過這個湯沒有過人之處.扒牛扒配百里香田螺汁 (套餐)牛扒好淋身厚切, 格仔紋好深好靚, 汁料味道匹配.橙酒梳乎厘(套餐)都是一直挺拔的沒有跌下來. 蛋糕體結實. 另送上的朱古力不太甜, 有amigo 的膠簽, 拍照一流.香煎羊柳配雜菌汁, $420羊柳羊酥味不重, 配上流行的原個焗蒜頭, 整個都很

今日嚟咗哩間老牌餐廳興生日。男朋友一早預約了。原本男朋友諗住訂埋蛋糕，但接線生話蛋糕餐廳會送。男友因此回覆了蛋糕是用來興生日的。從前的amigo好像是不會送蛋糕的，現在有此安排也感到有點驚訝，不竟蛋糕也是它家最岀名的napoleon吧。因為不想a la carte去想吃什麼，我倆也叫了dinner menu。我點了4 course，男友點了3 course。男友因身體問題不能吃甜食，但他們不讓他選頭盤加湯及主菜，說甜品必須跟上。那我們也只好依照，也覺得沒所謂，至少也問過。好的！頭盤來了！我選了它們家岀名的煎鵝肝。它們家的鵝肝是用冬瓜來配的。我記得從前的是用梨子的。這個冬瓜也蠻新穎，水份不會過多但不是少，但能中和鵝肝的油份。醬料也好像淡淡的黑椒sauce的味道，不是好特岀，所以也不是太吃到他的味道，可能是因為冬瓜水份的問題。然而鵝肝自己煎得不夠香，所以總括來說鵝肝只是不過不失。不是有太大驚喜。湯：clam chowder。也是它們的招牌菜。個人覺得晚上的比較好味。因為clams are much bigger和湯比較濃郁一點及有鮮味。這個我覺得不錯！我們另外再叫了一份escargot。味

女朋友生日，想搵一間浪漫既餐廳，Amigo都係唔錯既選擇，餐廳很用心，很多紀念品送，MEMO上印有我們既名字女朋月朋友很開心，環境令她很滿意，好舒服,她很喜歡吃餐廳既鵝肝，一口即溶既感覺終於試到,但燒春雞既味道就認真麻麻，唔夠香之餘,有一點過左火,肉質有點微硬。另外,燒薯仔係我覺得要讚既地方,不同既薯法,帶有不同既感口感,值得推介。餐廳最後亦有送上生日蛋糕，而且有live brand唱歌，很好既服務，走的時間，女朋友都笑得幾開心，下次有機會再幫自襯。

終於明白點解呢間餐廳會咁多名人去食...佢真係唔係因為多名人去先咁出名...唔食過真係唔知..佢既食物真係太出色啦..而且比我想像中既法國菜平...是日係我同朋友二人同月既生日飯局, 我地每年都會搵一個好地方去慶祝大家生日..今年都唔會例外, 朋友話想一嘗名人飯堂, 所以我地就決定黎試一試..一到步, 除即有人開門帶你上去啦..之後一上去, 發現全部都係中年男性既WAITER..全部著晒踢死兔既造型, 而且滿帶笑容, 一個女WAITERSS都冇...而且個個都係勁好服飾..內部裝修都好CLASSIC咁..唔算裝潢, 但好有外國風..到睇MEAU個陣, 我地起初都有唸過叫兩個SET有3個COURSE, 但發現個SET裡面唔係每樣都岩食..所以最後叫左一個SET, 再散叫左個MAIN同湯...3COURSE 既SET 有周打峴湯, 羊架, 芒果味既焦糖燉蛋...個周打蜆湯絕對唔係HEA做, 佢D蜆肉大大粒...非常JUICY....而且佢地係你面前先煮...羊架...個熟既程度岩岩好, 而且好淋....PREFECT....芒果味既焦糖燉蛋 - 冇食..因為唔食到..但根據朋友所講, 佢個