影片
更多
2006-05-08
11 瀏覽
呢間老牌餐廳真係好正，樣樣都好好味。1) 紅酒焗牛尾飯：牛尾好稔，紅酒汁好香，同牛尾好夾，用黎撈飯一流。2) 咖哩牛脷飯：牛脷好稔，好入味，咖哩唔辣，好香。3) 菠蘿大蝦焗飯：好大碟，d蝦好大隻，個飯焗到燶燶地，好香，好好味。4) 扒有骨西冷：塊牛扒好大塊，隻碟都差d唔夠擺，雖然不能同d大扒房比，但都算唔錯。5) 炸雞翼：絕對超值，三十幾蚊有六隻雞全翼，真係抵到爛。6) 羅宋湯：好濃味，足料，唔太酸，正。特別推介：愛爾蘭咖啡愛爾蘭威士忌+ 咖啡由經理推架餐車出黎，即場o係你面前煮，經理先用火燒下隻杯，加入威士忌再燒到d酒著火，等d酒香揮發出黎，再加入咖啡，最後加入打好嘅忌廉，一杯香滑嘅愛爾蘭咖啡就大功告成。呢杯咖啡一般都要六七十蚊，佢咁多功夫先收你四十蚊，而且仲要好好飲，一定要試。(不過要等冇乜人先得，人太多，經理可能唔得閒即場表演)
1) 紅酒焗牛尾飯：牛尾好稔，紅酒汁好香，同牛尾好夾，用黎撈飯一流。
2) 咖哩牛脷飯：牛脷好稔，好入味，咖哩唔辣，好香。3) 菠蘿大蝦焗飯：好大碟，d蝦好大隻，個飯焗到燶燶地，好香，好好味。
4) 扒有骨西冷：塊牛扒好大塊，隻碟都差d唔夠擺，雖然不能同d大扒房比，但都算唔錯。
5) 炸雞翼：絕對超值，三十幾蚊有六隻雞全翼，真係抵到爛。
6) 羅宋湯：好濃味，足料，唔太酸，正。
特別推介：愛爾蘭咖啡
愛爾蘭威士忌+ 咖啡
由經理推架餐車出黎，即場o係你面前煮，經理先用火燒下隻杯，加入威士忌再燒到d酒著火，等d酒香揮發出黎，再加入咖啡，最後加入打好嘅忌廉，一杯香滑嘅愛爾蘭咖啡就大功告成。呢杯咖啡一般都要六七十蚊，佢咁多功夫先收你四十蚊，而且仲要好好飲，一定要試。(不過要等冇乜人先得，人太多，經理可能唔得閒即場表演)
張貼