雅士餐廳

營業中

休息中

無意中起openrice發現喱一間扒房, 好有feel, 一向鐘意懷舊, 古老既我, 被佢既圓拱型設計加外牆裝潢吸引住, 決定計劃今日拜訪一下.由於喱間餐廳離火車站較遠, 要問幾個有心人先知大約位置, 再自己盲中中行下搵下, 先至去到!入到去, 覺得舊得黎好新正, 枱上面無紅色格仔布, 望落有啲似酒窟.對於据排我最在意既係個餐包同餐湯, 喱度既我都覺得唔錯. 一口餐包一口湯, 人生一樂也! 至於牛排, 我實在無咩講究, 只要唔太難入口既, 我都接受.甜品係啫喱, 但我唔太鐘意食啫喱.正所謂”醉翁之意不在酒”, 我黎喱度都唔係主要為咗食, 純粹感受一下人們口中古老餐廳的獨特之處.

今日同女朋友專登黎食lee間 餐廳~~~我地各叫左一個套餐~~都幾多野食~~頭盤有 薯容焗田螺或芝士焗青口~~都唔錯~幾好味~本人中意食田螺之後有蒜容飽&蘇皮海鮮湯~~~~蒜容飽好香~~即叫即整~~夠熱~~~蘇皮海鮮湯味道都唔錯~~~~之後終於到個主菜~~~我叫住西冷牛扒~~份牛扒叫左七成熟~~但整得太老~~威落有渣~~&D汁都幾咸(蒜容汁)~~~之後試下女朋友叫ge雞扒~~估唔到好硬~~~唔好食~~~雖然lee間餐廳d頭盤幾好~~~但西餐d扒唔好食就真係好難吸引到我再返去食><~

男朋友媽媽話去呢間野食 其實我都想去呢間好耐夜晚同男朋友過左上水,所以佢媽媽去攞位先男朋友媽媽話等左好耐真係thx哂=]一打開個menu見到好抵同好多野食男朋友媽媽叫左個雜扒餐跟飯我同男朋友叫左大蝦+牛柳跟薯菜餐包不錯:細係細左d,不過可以等一陣食更多野@@白湯:差左d,冇咩味,不過有好多雞肉雜扒個牛扒係今晚最好食ge我覺得蝦太小太細,牛柳唔係好得,d黑淑汁真係好勁咖啡&檸荼:咖啡d奶自己落,幾好啫喱:唔好食環境0k,又坐得好!

餐廳位在市場旁邊，滿好找的！我門點了兩個不同的套餐，味道都幾好，份量也充足！不過酥皮湯就真是麻麻地，一點都不酥，像塊麵粉皮蓋在湯上面而已。副餐的咖啡也滿香！很適合家庭聚會或是朋友聚餐

平日晚飯都經常食咖哩牛脷飯，D牛脷好正！今日嚟食下午茶，就試下「牛脷麪」啦！有三大片牛脷，仲煎到脆脆地，好香！下午茶餐好抵，叫咖啡係比一壺，足足有兩大杯。

今日來看IKEA開倉, 所以來呢度食lunch. 呢度外表似地似Amigo, 好funny; 而裡面有些似洞穴. 入去只係等5分鐘便有位. 蝦醬海鮮炒飯: 跟中湯, 幾好飲 .個海鮮炒飯好大份量, 勁多蝦仁好開心, 蝦醬好香口, 好開胃, 搞到食得哂. 太陽郎雜扒: 個名好funny. 跟忌廉湯同餐包. 有齊雞, 牛, 豬扒, 仲有煎旦! 不是平時腸仔火腿咁行貨. 份量多, 抵食. 飲埋杯檸茶coffee, 飽飽.

19/2(五) 4pm攝太歲日,抵著9度低溫下陪太子遠赴雲泉.差點冷至下黃泉.於寒風凜冽下,阿梁還對雲泉附近的士多啤梨園生趣,已給列風吹至僵直的我唯得瑟縮於雲泉的寺院.完事後,坐小巴到聯和墟一帶找點吃的及取暖的地方!到了這家三十年歷史老店,點了下午茶餐:奶醬多$20及炸雞翼薯條$30.奶醬多--烘得不夠金黃焦脆的奶醬多士,內裏的奶醬也似乎有所不足!炸雞翼薯條--熱呼呼的粗薯條及炸雞翼同樣了不起;薯條香脆富薯香;雞翼雖不飽滿,但五香味醃得入味,外皮脆口!餐飲--服務生先設下咖啡及檸茶陣,茶壺,茶具,隔茶渣器等餐具,未飲已覺架勢!咖啡及檸茶水準平平,其份量倒比平日喝的多一倍,秀色可餐!中年的女服務生態度專業,下回可以其扒餐為目標!

今次重臨有點失策，就是忘記帶相機。今次足有八人共膳，行山後大家都餓，期待好好的大刷一頓。心中有個大概，點了以下菜式：紅酒燴牛尾 x3咖哩雞x1葡國雞 x1焗豬扒飯 x1咖哩牛筋腩 x1牛柳絲炒烏冬 x1羅宋湯 x8薯菜 x1淨意粉 x1飯 x5一邊食一邊源源不絕上菜，開懷大嚼之際，彷彿身處歐洲小酒館，誰說享用西餐必須正襟危坐？除葡國雞行貨了一點外，其他菜式都十分值回價錢，咖哩裏面的薯塊跟菜上的薯條是極品，一吃不能罷．

今日返娘家同媽咪食飯，因為今日好想食西餐，所以我地就搵左已經開業有好多年０既雅士餐廳啦！可能今日係星期日０既關係，我地都等左大半個鐘先有位，本以為咁多人等一定係好正啦，點知......茶餐廳什排餐都好食過佢!!!!我地一行五人,叫0既0野如下: 扖大蝦王 拼 西冷牛排 ($115) 燒鳕魚 拼 西冷牛排 ($115) 扖大蝦王 拼 牛柳 ($135) 焗田螺 拼 西冷牛排 ($115) 焗青口 拼 西冷牛排 ($115)五個人食0左$652(連加一), 其實一0的都唔貴.....如果好食0既話.......因為呢個價錢0係粉嶺真係可以有好多好多CHOICE...........全晚最好味就係個羅宋湯,好有舊式餐廳0既味道,正!!但係當我個主菜一上0既時候,我見到假所謂"大蝦".......可能係我想像得太大啦!好失望.....因為如果唔係雙拼0既話,單點西冷牛排只需$88(都係跟餐價),咁即係話隻"大蝦"要差唔多成$30囉.......塊西冷反而超級大塊,我叫左5成熟,見到都流口水!點知一切落去....兩刀,三刀,四刀,五刀....先切開左.....平時我出街

又不經不覺已經廿五月天喇，今日我地揀左据扒慶祝o下。地點係粉嶺聯和墟既老店雅士餐廳﹗環境充滿懷舊feel，每張枱上面都有個小籐籃吊燈，浪漫就唔算不過幾有味道，枱與枱不迫狹，尚算企理整齊﹗以前報紙訪問過呢﹗大字標題話:"老牌西餐廳，浪漫優美﹗"我點左個焗紐西蘭青口餐配西冷牛扒﹗而食家就要左焗釀帶子配西冷扒﹗餐湯夠哂得意，有0的梳打餅0係入面，唔通怕唔夠飽？我都係第一次見﹗這是我套餐的酥皮魚翅海鮮湯﹗酥皮夠熱唔厚又夠脆，個湯入面有好多蟹肉同蝦粒，夠哂足料，味道香濃﹗魚翅就九成九係素翅吧﹗青口有四隻，伴以大量薯蓉﹗蒜蓉芝士焗，當然夠惹味﹗食家的焗帶子﹗如食埋0的薯蓉其實已經飽死﹗得兩粒就少左0的，雖然係雪藏貨不過食落好鮮甜喎﹗主角到了，巨型西冷，大塊得緊要，我估起碼12安士﹗一開二兩個人都夠食，大塊到不得了﹗七成熟都燒得火喉岩岩好﹗味道是典型的老餐廳牛扒，有陣肉鬆粉的味道，當然不及出面或自己整成百幾蚊塊只加海鹽的質素。唯份量夠多肉亦香嫩不韌無黐牙，一百左右有成個餐，算是不錯了﹗最後仲有成十年都無食過既青檸jelly，配埋餐茶一人百二蚊落樓﹗環境不錯價錢亦不算貴，夠哂份量最後捧腹而回，心思思想

豐富的午餐仍撐著兩姐弟的肚子，可難得來到粉嶺，當然想到雅士餐廳朝聖一番，原理同大鄉里出城一樣。還好聯和墟離市中心有一段路程，行畢又有少量空隙，為著餐廳那古舊風味的環境，再來一頓吧!　雅士餐廳內偏黃的色調、弧形的天花與古舊的傢私，都令我想起跑馬地的Amigo法國餐廳。當然雅士不會有後者的華麗輝煌，同時價位也親民許多，而帶價錢貼的特色餐單上，除了西餐，其實也會混雜少量港式、東南亞菜式。實在仍飽，選了2份較輕怡的下午茶：　凍朱古力-記得是不少食家的推介，一天吞下2杯朱古力也不理了。其實除了頂層的細滑泡沫忌廉，底層不過是吉百利朱古力粉沖出來的朱古力，味道偏淡，尤其是杯內大量冰塊融化後。普通的味道，受環境影響下也變得有所不同似的；份量不算多，也輕易解決的。　咖哩牛肉漢堡包-吃不出有任何咖哩風味，根本就是份普通的港式漢堡包嘛!只試了一小口，感覺同細佬一樣：不夠時新好吃啊。　果占多-這個平凡的茶記東東，反而香脆又好吃，而果醬那微酸的滋味亦令飽飽滯滯的2人有醒神感。　食到一半竟下起大雨，那刻有點擔心，不過事後想起又覺得是為經歷增添風味。雖然食物質素一般，但這才花廿多元的體驗仍是十分值。不過餐後就勁飽勁

星期六晚落聯和墟食飯, 見到這間成7,8年冇食過的餐廳, 聯和墟又冇物好西餐受, 不打奧都死埋, 所以入去懷舊一番. 裝修好似像時間停頓一樣, 又係白色的批盪牆身, 灰暗的燈光, 再加上古董一樣的木檯和標緻性的半月窗, 連我都好似回到從前一樣.講番食物, 我order咗兩個餐+$18例湯和飲品紅酒焗牛尾 - 啲汁好濃和入味, 啲牛尾淋, 邊起膠, 好似牛根一樣, 勁正 ($65)焗羊膝 - 勁靱, 接近咬唔入, 頂胃, 放棄吧! ($107)周打魚湯 - 一般, 有件餅浸住, OK羅宋湯 - 好濃味, 感覺好豐富, 不似荼餐廳例湯, 好味價錢好似和以前差不多, 部份味道都好食. 服務可接受, 你叫去攞嘢都幾快和肯做, 但冇物笑容. 不過今嘰時勢, 你同我都笑唔出啦!總結 : 整體上味道好, 價錢合理, 可以一試但要睇你食什麼!

昨日年初三下午我和女朋友經過聯和墟，見佢有開門就入去食0野，看過食評知佢的咸豬手好食，就問佢呢個時間 (下午兩點五十五分)有冇得叫咸豬手，佢話有，跟住我就叫0左，而女朋友就叫0左下午茶餐。侍應很快就來了餐飲及餐包，之後...................三十五分鐘過去了，也沒有其他0野食到，看到鄰檯遲過我入0黎都都埋單，跟住就問0下個女侍應，點解餐湯仲未到，佢就話：個湯係跟包上架，廚房會出湯架喇.......我就話：個包放0係度半個鐘喇，跟住佢未等我講完已經去serv第二張檯，都冇入廚房跟0下，唔知佢係咪輸0左馬仔，0個一刻真係好嬲，好想就咁走0左去錢都唔放低，跟住再過多五分鐘，都係冇動靜，我又嘈個女侍應，佢先入去拎個湯出0黎，跟住仍然冇聲氣，咁我就叫個男的跟0下，佢入0左去廚房一陣先至拎我女朋友個下午茶餐出0黎(日式叉燒拉麵)，再同我講咸豬手有排等............咁我話轉食下午茶餐啦，咁佢話唔得喎，k!@我已經飲0左個湯，咁我話個湯我另外俾錢，佢立即話好.............即係未整啦.........當時係三點四十分，距離我落單足足有四十五分鐘............

2008年12月26日 雅士餐廳行完了衛奕信徑8段，另一半帶我來了網友稱粉嶺Amigo的雅士餐廳吃聖誕大餐!從小就喜歡“聖誕大餐”這個名稱，有點懷舊，又有很豐富多彩的感覺，單是說說名字已經感覺開心!它的門口真得有點像Amigo，好funny，裏面的聖誕氣氛也不錯呀。這個聖誕我就是想要這種feel，多謝您!Order了聖誕大餐($188)外再加了一個意粉配餐湯甜品餐飲($94):每個菜的分量可真不小，吃得很飽。龍蝦海鮮湯：龍蝦味有番咁上下，不錯。蜜糖煙鴨胸伴意式三色粉沙律: 鴨胸香嫩，也想不到三色螺絲粉沙律都很合我口味香草美國火雞拼丹麥火腿(配杏仁甜薯、金巴厘火雞汁) 火雞片雖然不會很嚡，但有進步空間。配個紅莓醬好食咗D。紐西蘭肉眼扒(配炸薯格、意式炒雜菜、青胡椒忌廉汁)：肉眼扒比想像中好，有texture有肉味，青胡椒忌廉汁幾好味喎，薯格就一般，有D漏氣，但估唔到個意式雜菜賣相樣衰衰，但味道好好啊，食哂！聖誕布甸：不會很甜，但硬了點。禮物盒：有好多嘢，有得戴有得吹有得玩，好開心，即刻開嚟玩同拍照，好細路。檸檬茶辣蒜煮大蝦天使意粉：分量大，蝦就麻麻，無乜味，意粉保持有嚼勁，偏淡口，多放了

真係好遠，都好少去到粉嶺食野，今次都係因為有人帶住先識去。呢度好有懷舊色彩，格仔檯布同制服呀!!!令我諗番起d粵語長片入面男女主角拍拖都去0既西餐廳有d回到從前0既感覺~呢度d燈光比較暗，真係好適合情侶黎慢慢談心哩~當然朋友家人黎都一樣談得心啦~哈~我叫左茄汁豬扒焗長通粉，朋友叫左西冷意粉，d服務員都似做左好耐，問咩都答得到詳細，我諗應該係因為老闆好先留得住人~朋友0既西冷扒黎先，woo~好大塊，女仔一定食唔哂，我試左一舊，好爽口，意粉就好似淋左少少。我0既豬扒長通粉都好大碟呀!豬扒邊緣有d脆，入面又軟熟同有肉汁，yummy~長通粉就有d乾，d茄汁唔係幾夠點，不過大致上都令我滿意，我下次會叫下甜品食，因為今次飽左食唔落