雅士餐廳

營業中

休息中

食完四眼仔腸粉之後，竟然比我地見到雅士餐廳，原本雅士餐廳唔係我地個EATING LIST裡，但被它的門面吸引，沿著和豐街走了過來。推門入內，著住紅色制服的帶位女士話下午茶時間到6:00PM，老婆話感覺好似AMIGO. 懷舊既西餐廳，人流並不多。鹹牛脷沙律配凍奶茶($24) - 2片和暖而厚厚的鹹牛脷入味稔滑，沙律則水份過多。老婆話凍奶茶偏甜，茶唔會太濃，奶夠滑。炸魚薯條配凍HORLICK ($24) - 新鮮炸的魚柳和薯條香脆，唔會太乾和太油，份量不多。老公鍾意凍HORLICK加左CREAM，不過HORLICK都偏甜。

21/3/2008 星期五終於都可以黎哩度試下啦~~晚上8時半度黎到，都差不多full house。真係好懷舊呢...好喜歡哩度的裝修、擺設同氣氛~好熱鬧呢。唔唔...箍緊牙的我，都係唔好食牛啦...於是就揀左田螺餐，食豬扒；肥豬就揀左咸豬手餐。田螺餐有：1.薯蓉田螺4粒2.蒜蓉包2塊3.酥皮周打魚湯4.幾款主菜揀，我揀左豬扒配飯5.o者喱6.飲品咸豬手餐有：1.麵包2.湯3.勁大咸豬手一大舊配意粉4.o者喱5.飲品嘩~~好飽呀食到~~我食剩就梗架啦，連肥豬咁大食都食唔晒...可想而知有幾大份!最好笑係..佢個白湯黎個陣以為係周打魚湯，仲心諗唔通湯上面d餅就即係酥皮？飲左三份一，個周打魚湯先黎到...先知飲錯左，哈哈XD 酥皮湯好足料，有魚有魚翅有蝦...估唔到個o者喱都幾好食...同埋茶餐叫華田唔洗加錢，而家好多地方唔知點解都要加錢...而家唔洗加，真係開心!^^侍應的服務幾好，個晚都幾忙，雖然佢地笑容唔係太多，但係都無惡劣的態度出現，都好難得架啦~~哩餐肥豬請~多謝肥豬仔~~下次黎要試下個下午茶魚柳同蝦多士先!

今晚同娘親大人&老婆大人去聯和墟「打冷」，點知去到又話裝修冇開檔=_=!娘親大人見呢間餐廳入面坐咗唔少人，話入去試吓。個環境好有80年代既感覺。鍾意懷舊既會幾受落。娘親大人同老婆大人叫咗西冷牛扒，我叫個雜扒。湯就要咗兩個周打魚同一個羅宋。周打魚湯就冇乜特別，個羅宋就真係算係羅宋湯，有菜有肉，出面果d就連菜都冇塊，唔好話有肉。d西冷牛扒只可以叫not bad，嗌六成嚟咗八成熟，都算係咁，仲「o趙」到。不過個雜扒就真係雜扒，牛豬雞有齊！出面食果d，頂晒得兩樣。果半塊雞扒我賀某覺得特別好食，好入味。個薯菜，咪睇好似d加厚薯片咁，一d都唔難食。甜品係啫喱，同飲品一樣平平無奇以聯和墟個地區嚟講，呢間都算係咁嘞！

朋友生日一齊食飯，一想就想起粉嶺區既雅士餐廳，雅士餐廳同我細個食改變好大，可能生意難做，以前好黑好高檔宜家較返光燈光，感覺平民一點，不過咁多年來水準仍然咁高，我地叫左兩個晚餐（＄１１８），個湯係魚翅酥皮湯，我鐘意佢焗到個酥皮唔會太乾，另外有田螺同埋香蒜蓉包，兩樣都好香蒜蓉味，主菜牛扒都好好食，雅士餐廳真係令人有好多回憶，由細個老豆帶我去到宜家自己俾錢去，士餐廳真係同我地一齊成長，同埋做到食物咁多年都無變的確唔易，宜家呢個物價通脹人人都話加價既年代，佢地仍然用返舊有貼了食物圖片既餐牌，佢地呢種精神好值得我地支持，希望下次經過既時候仍然係”amigo"既門面，唔會變左一間茶餐廳啦

大年初一, 周圍都唔開門, 所以博一博, 點知都幾好味, we, couple, only order 1 dinner set , 都ok enough, soup + (main course: 牛柳+ 銀雪魚)+ jelly+ tea =$128, 牛柳got at least 1.5 inch thick, 7 成熟, 都唔韌, 銀雪魚就普通la, anyway, can try try.p.s.是日full house

今日要去粉嶺，Brother 4好好人，做柴可夫之外，仲請爸爸、肥仔媽咪同我嚟哩到食lunch懷舊吓！可能係飲食雜誌介紹完，星期六嘅下午12點半已經full house，等咗1分鐘，個waiter哥哥將最埋張6人枱拆開俾我哋。環境真係幾懷舊，深色木枱、籐椅加籐燈罩，幾有舊式西餐廳嘅feel。因為唔係好肚餓，爸爸同肥仔媽咪share咗個焗魚柳飯午餐（$42）跟餐茶，加$8有餐湯同牛油麵包，湯可以揀羅宋湯，忌廉湯或周打魚湯，爸爸揀咗周打魚湯，但佢話好粉，麻麻地，個焗飯就幾好。我叫咗焗芝士洋蔥湯（$24），有一塊舖咗芝士碎焗得好香嘅小麵包浮在湯面，好多洋蔥，但唔係清湯，有鷄湯味，偏鹹，我覺得好OK。Brother 4叫咗黑椒雜扒跟薯菜及羅宋湯，佢話好好味，我幾欣賞熱烘烘嘅薯條。每個餐湯都有個微暖嘅餐包跟牛油。餐茶叫咗奶茶及咖啡，見個冇蓋嘅糖缸只有一包包嘅白沙糖，以為冇咖啡糖，點知原來有另一個有蓋嘅糖缸散裝放咖啡糖，真係估佢唔到！一致通過下次再嚟！多謝Brother 4，唔好意思我又使出借尿遁哩招，所以唔知食咗幾多錢！

情人節唔想出去同人迫留o係粉嶺睇戲11:xxpm 先搵野食第一次來雅士感覺幾好, 靜靜地, 服務都唔錯叫一個T扒, 一個魚扒+西冷T扒7成好滑滑, 而且超大塊!西冷7成熟得滯, 下次叫5成好了幾好食唔通心情好, 連MILK TEA, 甜品JELLY都好好食飽到加零一都堅持要食晒佢! haa!環境幾舒服, 係舊D不過感覺唔錯架坐到得返我地一台, D人都冇趕埋左單仲叫我地可以慢慢坐, 幾好!我諗閒日來價錢仲抵食!可以再來埋單$240咋

不知是不是人到中年開始喜歡懷舊。第一次去雅士餐廳是1985年既事。第一個感覺是這裡環境極好，個人認爲聯和墟不會有這樣的西餐廳（請不要誤會，我不是歧視，只是餐廳環境跟周圍有點不協調，對面就是街市、露天菜檔等等），後來才知道附近有幾個英軍軍營，很多老外幫襯（附近還有一家叫Better Ole 好似叫畢打奧，老外更多）。雅士是當時我和初戀女友經常撐枱腳既地方，我們最喜歡鋸扒，最貴既鐵板牛扒餐才只要35大圓一份。食完飯看完戲，一百元還用不完！！後來分手，已經很久沒有去聯和墟，直到今天才知道雅士還在，很開心，有機會一定舊地重遊！以下評分是按照十幾二十年前的情況給的，不能作參考，但我相信如果沒有換老闆，水準一定可以keep到的。

吸引主人與奴隸獸，下午茶竟然有蝦多士揀（久違啦！蝦多士），頗有驚喜，而且餐廳很有懷舊風格，一於光顧：1. 大蝦多士配凍檸茶（HK$26）：多士有少少油膩，蝦肉爽口，味道不錯。凍檸茶雖然味道普通，但令主人印象深刻的，是水吧將檸檬片，在杯口砌成一朵花形，一點也不馬虎，好有專業精神。2. 炸魚薯條配咖啡（HK$22）：魚柳炸得剛好，魚肉不會硬實，不算太油膩，味道OK。咖啡還可以自斟自飲一杯半。此下午茶可算滿意。

我吃完由粉嶺回到西營盤, 現在仍覺得非常之飽.小弟今日教會組聚, 一行十二人在加州花園, 到晚飯時間當中十個人去食晚飯, 為左方便大家散水, 揀左黎呢度.小弟和幾位弟兄都點了一級西冷牛扒, 塊扒厚到難以形容, 我們分別要左四成熟碟上, 五成熟鐵板以及小弟的七成熟鐵板, 咁多個都ok.有個弟兄點了T骨牛扒, 塊扒大到隻大碟放唔晒.有幾個弟兄姊妹點了焗意粉及嬒意粉, 全部多到食唔晒.加上入座時, 待應原先只拍了三張檯給我們一行十人, 後來見有檯空左出來, 就自動加多一張檯給我們, 如此窩心的服務, 在老牌餐廳很難見的.埋單$811, 算係中等價錢啦.

我同同事食set lunch，餐廳有懷舊feel，之前同事已經同我講間餐廳嘛嘛，但由於聯和墟冇咩西餐廳，所以食哩間。我火雞沙律，餐湯要白湯，個湯真係好唔掂，好稀，難飲！個沙律一様嘛嘛，雖然賣相好靚，我亦預火雞肉會好(鞋)，冇諗過真係咁韌。我同事燒豬柳配著菜，佢話豬柳又鹹又韌，薯條又唔好食，真係唔知算。服務態度又一般，認真嘛嘛！

想起的，只有「雅閣」- 舊式西餐廳的景致，舊式西餐廳的服務：當您專心致志的研究著吃甚麼的時候，侍應會搶去您手中的餐牌，塞您另一副餐牌- 原來下午茶特價。還以為「鹹牛脷沙律」是預製的貨色，原來是用送一杯茶的時間即整的貨色：鹹牛脷不是醃牛脷，是香煎的新鮮牛脷 - 厚切，熟得均勻，不黐牙，少鹽之餘又半爽- 對辦；沙律是至愛的模式- 未添加罐頭生果，有胡蘿蔔，有西芹，沙律醬加鮮奶之餘，帶點鹹。咖啡原壺上，沖1.5 杯，熱辣辣。一切都是始料不及的好- 可能因為一切都是始料不及的遇上。

今日男朋友黎我屋企拜年,順道去睇<翻生侏羅館>,好好睇啊!!睇完套戲個個都會笑住走. 之後,我地就去食下午茶,經過呢間餐廳,令我地吸引住的係佢懷舊的白色外牆,窗戶是深茶色的.推門入去,室內比室外更有feel.我食唦嗲牛肉漢堡包,熱奶茶.男朋友就食炸魚柳薯條,熱檸茶.我地的熱飲有隔茶渣的器皿,好得意.我都係第一次咁樣飲奶茶.而唦嗲牛肉漢堡包,很好吃,入面有蕃茄/生菜絲.醉牛肉暖烘烘的,面包兩邊又有烘過,仲塗左牛油,非常認真. 炸魚柳薯條剛炸起,仲好熱.炸魚柳肉質新鮮嫩滑,比出面普通的有好大分別.男朋友話最好吃係炸魚柳.服務很好,極期待再來.

上個星期四，老婆生日，見到這間的comment都唔錯，所以就來試試。其實我本身冇什麼大期望，但佢的食物同環境都比我想像中好。食物的賣相真係好一般，但味道是可以的。我要了個六成西冷，都幾軟。老婆見個餐本身是意粉，但又想食長通粉，雖然餐牌冇話可以轉，waitor都好好人同我地轉，仲同我地講返佢個煮法先，服務正。總括而言，是一個二人食飯的好地方。

係粉嶺住左幾年，初時以為北區冇嘢好食，點知原來臥虎藏龍。今日週末放工，好想据扒。腦海即時唸起雅士。雅士餐廳已有多年歷史，具舊式西餐廳風格及堅持。這次叫了雞扒餐配黑椒汁拼薯菜，包蒜蓉包、頭盤、酥皮海鮮湯、甜品及餐飲。一向据扒都避免叫雞扒，因為多數餐廳雞扒都欠水準，不是甩皮扒肉變紅就是冇味多肥膏。但這個雞扒卻沒以上問題，保持雅士一貫水準。配菜用牛油炒過，薯仔厚切略炸，感覺很有誠意。友人要了set dinner，HK$50多元在粉嶺區已不便宜，他笑說雅士多年來都未加過價，同十幾年前一樣，即係暗示這兒的門檻以前是何其高了。