隱居 (已結業)

今日同好朋友去將軍澳醫院探病，探完病之後，好朋友帶咗我哋去後面嘅 坑口村食好西。 一直以嚟都以為村屋係好偏僻。但原來村屋都可以有好好食好高檔嘅餐廳。我哋先叫咗啲送酒嘅菜， 朋友話 雞泡魚乾係啤酒嘅伴侶而我就叫多咗一樣燒牛舌。雞泡魚乾：第一次食雞泡魚乾，食落口，佢個質感有少少似燒魷魚，但就厚身D，同埋質感軟少少。 因為係魚乾，味道相對比較濃烈，送啤酒真係好快就清曬成碟。燒牛舌：個牛舌燒得幾好，唔會太乾，保持到D肉汁， 再加上D燒烤粉，幾野味。蟹膏海膽丼：大份量既蟹膏加埋海膽撈埋一齊，已經好鮮甜美味。仲要再加埋少量嘅魚仔同埋紫菜撈埋啲飯度，真係一流。金露帆立貝燒：要睇清楚,佢係金露唔係甘露。佢個金係真係指金。 有金箔舖喺帶子上面，而帶子下面又鋪咗豆腐乾，擺設精緻，味覺層次豐富。阿根廷珍寶赤蝦：個隻蝦好鮮甜，而且肉質唔會淋。D蝦都幾大件，蝦膏亦都好多，好好食。甲囉燒：見個菜名都唔知係咩嚟，所以叫咗黎試下。 點知係咁正自精緻既一道菜。 喺蟹殼上面有蟹膏同埋鵪鶉蛋。鵪鶉蛋撈埋啲蟹膏之後將飯撈埋落去蟹殼上面， 每粒飯都充滿咗蟹膏嘅蟹香，再加埋鵪鶉蛋嘅蛋香好好食。燒茄子：茄子燒得適中， 茄子外皮燒得

今日去將軍澳醫院探朋友，探完後朋友話附近坑口村入邊有好多餐廳，所以去坑口村睇下。行過大排擋後，見入面深處有間掛滿紅燈籠既居酒屋，個名仲好現境，所以就黎試下。我地首先點左一碟雞泡魚乾黎送啤酒。個雞泡魚燒得好適中。魚外側燒得好香，但內側就保持到煙韌有口感，送酒一流。雞泡魚乾唔夠喉，所以叫多一碟燒牛舌做前菜。牛舌燒得外乾內嫩，好野味。之後開始叫主菜。金露帆立貝燒：以為金露係個名，點知原來真係有金箔喺上面。中間有件厚身嘅帆立貝，在下面係一件炸豆腐。三樣嘢擺位精緻豪華同埋好食。阿根廷珍寶赤蝦：蝦好大隻，蝦肉結實鮮甜，而蝦頭既蝦膏又多又香，好正。甲羅燒：因為未食過，所以點之前都唔知係甘靚。佢個蟹蓋上面有好多蟹膏，而且再加埋個鵪鶉蛋撈埋一齊，令到個蟹膏又濃又滑。 將 鵪鶉 蛋同蟹膏撈完之後再撈埋個飯都幾飽肚。蟹膏海膽丼：將蟹膏,魚仔撈埋D飯度，成個飯充滿蟹既香味同鮮味，加埋紫菜既咸香，好正。燒茄子：個茄子燒得好好，個皮無咩點燒焦，但D肉燒得好淋，D茄肉吸埋肉碎既汁，好香甜野味。值得一提既係服務幾好，會時不時留意客人既碟使唔使換。

好友轉左新工係將軍澳-坑口番工,今晚特地約係舊校附近既 坑口村食晚飯 好好聚聚本新諗住入黎食大排檔 無意間睇到呢間日式餐廳幾特別 就試一試Menu上既菜式睇到花多眼亂居酒屋🏮必食燒物,我地揀左 “燒鵝肝”🦢多士好脆, 鵝肝油脂出哂黎 入口即溶“味噌甲羅燒” 🦀燒既火候岩岩好 好鮮甜 又唔會乾身夾埋燒飯團🍙1齊食 仲好惹味Tim!由於我地兩個都好鍾意食明太子見到Menu上有 諗都唔諗就叫左個”醬燒明太子星鰻丼”丼飯賣相精緻 味道仲好有驚喜明太子同鰻魚仲好夾Tim

平時好少會過嚟將軍澳，原來有個地方叫做坑口村，朋友介紹入邊有好多餐廳可以食，雖然距離地鐵站有少少遠，不過最正嘅係居然可以拍車方便好多。打去比餐廳佢就會留咗個村民嘅車位比我拍喺嗰度一陣。我係好鍾意食比目魚嘅，鍾意佢哋油脂分布得好，食落去好juicy又滑咁樣。呢間即叫即燒，佢哋嘅魚都燒得相當之唔錯。另外朋友鍾意食羊架所以都叫咗兩隻羊架俾佢。你睇吓個羊架超級粉紅色就知佢正呀，羊架燒到啱啱好唔會過硬亦都唔會太生。另一個要推薦就係佢哋嘅星鰻丼飯，呢個食完一個都唔夠喉我仲叫咗第二碗添。另外仲叫咗其他嘢食好似聖子同埋豬軟骨拉麵咁樣都唔錯不過上面嗰三樣我就最推介啦

今晚嚟咗住喺坑口村嘅朋友屋企，宜家先知原來坑口村附近有好多餐廳可以食，揀嚟揀去就揀咗間日本居酒屋。本身幾鍾意食串燒嘅我,一嚟到即刻叫咗個京蔥豬先， 豬肉同埋蔥都原來幾夾，燒埋之後更加香。職員同我地介紹今日嘅特價係聖子，$50.1隻即刻燒，見隔離枱嘅聖子都幾新鮮，即管叫咗兩隻試下。聖子真係幾新鮮，不過略嫌鹹咗少少同太油。成餐我最推薦嘅係西京燒，鱈魚非常嫩滑，用入口即溶黎介紹完全冇錯。另外都叫咗一個豬軟骨拉麵 68$, 本身想叫烏冬嘅不過咁岩冇晒，湯底清清地配左兩舊豬軟骨，豬軟骨煲得好淋又入味，食埋碗拉麵都差唔多夠飽。

Hang Hau village is no big secret if you live there and there is a film studio nearby so the only way to get out is taking the minibus from Hanghau village to choihung or HKU.I was in the area because of Uselect so went here for dinner before I went shopping.There is quite a lot on offer but I opted for the Donburis.Although I didn't get the grilled skewers I got the unagidon as the guy looked professional at grilling the stuff.Started with the prawn soup which you can see is really strong.It ta

咁岩去完將軍澳醫院，朋友介紹左呢間畀我, 跟GOOGLE MAP行過黎8分鐘左右就到間野裝修好令首先上菜既係 金露帆立貝燒好精緻呀😍，上面塊金箔好大塊嫁😂帶子超大粒鮮甜😋😋食完想再叫多碟，不過老婆唔比就算啦😂然後到泡菜5花腩串燒, 覺得配啤酒既話就FIT我老婆叫左甜蝦, 中途待應服務超好, 仲主動過黎換左2次碟收走啲蝦殼。到主菜特級綜合刺身"當" 幾款刺身都好食🤤🤤👍🏻👍🏻👍🏻 特別啲海膽好正呀！！！😭😭飯口感剛剛好，而且成碗好大份啲刺身又多，裝左大半碗比老婆食自已都仲有成碗咁多😂飽住走下次再黎將軍澳一定會encore 😍

今日咁岩同朋友黎到坑口，就諗緊食咩好，呢度都好多唔同既野食，但朋友仔就介紹左一間好神秘，好隱蔽既餐廳（位置於坑口邨入面）路程真的有一點遠，步行約10分鐘左右，當中經過隧道，學校，但去到邨口真的有另一番風味，好似已經遠離左繁囂。隱居真係當之無愧，在邨口穿過幾檔大排擋就看到了一個又一個既燈籠，好有神祕又有驚喜入到去地方都算寬敞，而且有一排的bar 枱，吹水飲野一流隱居當中都有好多特別既野食，真係唔係度度都見到有得食（如燒秋葵，雞泡魚乾）今日就叫左幾款特別野食～特級綜合刺身丼（8種食材）- $188刺身丼中有8款唔同既刺身，岩哂咩都想試小小既我，當中仲有一大舊海膽，而且海膽鮮甜，入口即溶，味道濃郁燒雞腎(2串) - $35帶有碳烤後的香氣，吃起來有嚼勁口感，爽口彈牙而不韌，又帶一點點脆的口感。燒雞泡魚乾 - $68雞泡魚乾軟硬度適中，味道鮮甜，有咬口，香口又惹味，非常美味。燒秋葵 - $28秋葵用最簡單的方法來料理（燒），但燒出來令秋葵鹹中帶甜，真的讓人輕易一根一根地食哂**今日既推介係，隱居每日都有不同的新鮮時令食材可以向老闆娘查詢

隱藏於村屋中的日本居酒屋，裝潢佈置走簡約風格。一進入店裡，右手邊是開放式的料理台與吧檯區。櫃子裡擺滿了酒作為裝飾；店內約有20多個座位，亦設有室外座位。特級綜合刺身丼 (8種食材) ($188)橙橙紅紅的厚切刺身鋪滿在醋飯上，視覺上給人一種滿足的感覺。刺身款式應有盡有，有玉子、甜蝦、海膽、左口魚邊、三文魚籽、三文魚、油甘魚及帆立貝等，全部鮮嫩甘香，美味可口。味噌西京燒 (海鱸魚) ($158)燒好後的海鱸魚表面金黃， 分量十足，魚肉帶有淡淡的甘甜味，肉質嫩滑得來富鮮味。鹽燒牛舌心串 ($48)光看牛舌的厚度與表層炭烤過的顏色，已令我食指大動。鹽燒牛舌選用厚切牛舌心，口感較好，爽口有嚼勁卻不韌。用鹽帶出牛舌的味道，再灑一點七味粉，更有風味，非常好吃。燒一口甜薯 ($28)體積小巧可愛，一口一粒，入口幼滑軟糯，味道香甜。整體賣相不錯，味道也值得一讚，是有姿勢有實際的居酒屋，絕對值得再來光顧！

呢期成日去東港城砂煲兄弟食飯話曬都叫喺大商場入面容易搵到但係原來聽朋友講坑口村入面一間地方比較偏僻嘅日本菜都同樣好好食所以就慕名去試一試其實可能係坑口村住朋友就唔覺得難搵(其實我搵路都搵左20幾分鐘，1212添)不如我教大家行過去!砂煲兄弟側邊有玻璃門穿過佢落樓下🧜‍♂️🧜‍♂️🧜‍♂️過對面馬路一直行直至見到行人隧道穿過去🦖🦖行到去學校嘅位置轉右入坑口村大排檔後面就係啦!!!好啦終於入正題一入間鋪頭已經feel到好好氣氛每一個職員都好有禮貌笑容好好😬😬😬😬餐牌上面嘅選擇都唔少有生有熟有菜蔬有甜品就咁睇個名已經覺得"松露海膽刺身丼飯"好鬼吸引事不宜遲即刻叫黎試試既然叫得丼果個返底都相當重要我一啖擺落口感覺好正經過壽司醋調味基本上唔需要落一滴豉油都好夠味🙊🙉🙈🍱所有刺身分量10足亦都好新鮮食到一粒飯都冇淨🍱🍱🍱🍱然後再叫一個"金露凡立貝燒"以為淨係個名有金咩!?咁你就錯哂!!!!!!上面真係有兩塊金箔架!!!感覺超級矜貴💲💲💲其實個擺碟都好藝術下一道菜勁豐富層次感由金箔再到海草🌱然後係松露醬到帶子最後係炸豆腐由頭食到落尾會一啖都覺得好好味而伴碟嘅配菜一啲都唔輸蝕蒜片加糖比平時更加香蘿蔔蓉用係帶

同先生係將軍澳醫院覆診後見到呢間係附近，睇啲食評好似幾好咁，於是決定一試。入黎叫左我最愛既甜蝦，清酒煮蜆同埋人地推薦既甲羅燒第一次食甲羅燒，對我黎講真係好特別。開頭叫時唔知係乜，送黎時員工教點食，將粒蛋撈埋啲膏，之後再擺個飯團落去撈埋就食得，真係好！好！味！超重蟹膏味而且好多膏，好正😭😭呢個大推👍🏻👍🏻同埋唔好睇佢望落細細份，其實食完都幾飽肚。清酒煮蜆👍🏻👍🏻真係忍唔住要影一影粒肉😂好大粒，又冇沙又甜，比我一個人清晒🙈然後係我最愛既甜蝦😍😍😍呢個係jumbo版😂好大隻好鮮甜，食晒呢碗甜蝦後已滿足晒🥰🥰最近不得不讚啲服務態度，要比十分，希望啲姐姐們可以keep住落去👍🏻👍🏻

今日同太太去咗坑口行街，好耐冇去到坑口村食嘢，就上網搵吓有乜嘢新餐廳，見到有一間日式餐廳，就行過去試吓。餐廳名叫隱居，果然有啲隱蔽，但係都唔係太難搵，一入村轉左，再行入少少就搵到。餐廳裝修得都幾有日本feel，坐得到舒服。先叫咗兩個燒物，燒豆腐同埋燒雞軟骨，好食，豆腐真係唔錯，仲有啲木魚喺上邊，我最鍾意食。再叫咗個金露帆立貝同甲羅燒，真係有啲金係個面度，😁，件帶子都好厚，好食，甲羅燒啲蟹膏好香，仲有隻鵪鶉蛋黃，攪勻食真係好香。燒茄子好大條，燒得好香，個面仲有啲肉碎，真係一個幾特別嘅食法，同埋好好食。最後甜品就食咗個燒菠蘿，佢仲加咗啲焦糖喺旁邊燒，同其他餐廳就淨係就咁燒有啲唔同，咁樣真係幾好食。餐廳啲員工都好有禮貌，服務又好。呢一餐食得好開心。有時間會再嚟。

唔係有住喺附近嘅朋友介紹，都唔知道坑口村附近原來有咁多嘢食，而隱居就係當中嘅高質之選。門前裝修十分低調，好底有和式料理嘅風格。由於當日係平日，店內人唔算多，所以十分恬靜，而且環境很衛生，非常適合適合拍拖或朋友聚會。另外，店員態度親切，上菜節奏明快，而且服務細心，令成餐飯嘅感覺加分。進入主題講下啲食物質素，成餐飯兩個人一共叫咗十二道菜，當中好多都好有水!首推鹽燒牛舌心串，個人一向有啲d怕食牛舌，因為好意會有蘇味同un，但呢度用嘅係牛舌心，而且燒得啱啱好，外脆內軟，好值得encore。($48)佢個味噌甲羅焼不但賣相精緻，味道亦都很豐富。喺足料嘅蟹膏上加上生嘅鶉春蛋，令蟹膏嘅口感更滑，另外仲加咗明太子，將整個甲羅焼嘅鮮味帶到另一個層次。（$88）燒明太子山藥棒棒糖都好有驚喜，山藥嘅口感好爽脆，明太子亦有點綴味道嘅效果，相輔相成。($38)另外，佢嘅甘露帆立貝焼亦相當不錯，帆立貝十分新鮮，豆腐炸得剛剛好，外脆內糖心，加上松露後整個菜嘅味完全昇華。（$68）

上星期同女朋友一齊去咗坑口呢一間餐廳食嘢。我哋總共叫咗10樣嘢每一道餸都非常之唔錯，尤其係啲燒物。本人覺得牛舌係必試，無論調味定牛味都好夠但係又夾到，又燒得好,有咬口得黎又唔會太un，你知啦牛舌燒得太耐會好難咬得開。佢哋嘅甲羅燒亦都好正，俾隻um春蛋同明太子你搞落去個蟹膏度，再將啲溝暈咗嘅蟹膏放落去個飯團都非常之Perfect，啲配料又唔會掩蓋到蟹膏嘅鮮味。另外我亦都想介紹吓個燒山藥，個賣相好似波板糖咁好得意。有別於一般嘅山藥煮法，燒生藥都幾創新，效果亦出乎意料地好。鍾意食山藥嘅朋友不妨試一試。

今日比較早收工，想食日本野，同老公諗住去坑口睇吓有乜嘢日本餐廳，上OpenRice search完之後發現坑口村有間comment唔錯嘅“隱居”，所以就去咗試啦。店嘅裝修好優雅，有啲似日本住宅區嘅小店，好似處身日本的感覺。我點左一杯柚子梅酒，好好飲，唔會好甜，甲羅燒好香蟹膏味，加埋飯一齊食簡直係絕配，帆立貝好厚身，但唔會太熟，剛剛好。串燒方便，我地點左燒雞軟骨，燒豆腐同燒茄子，三樣都好好味，唔會太鹹，又唔會太燶，恰到好處，茄子連皮都可以食埋。爭啲忘記咗個小牛排，分量十足，而且好有牛肉味。店員嘅服務態度好好，好細心。