隱居 (已結業)

      我同事話早幾日去咗間隱世美食係坑口村，食過超水準，講到D嘢食拍得住日本既目利きの銀次（只限日本，香港既係差好遠）咁誇張，有我同太太至愛既海膽、生蠔同燒海鱸魚（同事話必試噃），咁緊係搵埋太太同屋企人試下。      哈哈，好彩真係有去試下，除咗上面三款美食之外，老闆娘仲介紹咗其他嘢食，其間雖然忙，但她都講下係度既故事經歷。      原來老闆娘上年中期先親自落舗頭接手，之前都捱過守過一段時間，而家終於算得上上了軌道，所以經營每一件事都需要下很多時間及苦功。      她是個為食之人，鐘意去旅行，去旅行之餘會搜羅下有咩好食菜式及特別的酒，可以在舖內推介給大家。見佢一邊講一邊笑，到來用餐的朋友，肯定被她的熱情感染，怪唔之得坐無虛席。      

中女獨食難肥日誌 少女崇韓，中女崇日，有咩吸引得過日式居酒屋的美食？坑口村小巷小店，老闆娘忙到踢哂腳都會同客人吹吹水，肚滿腸肥的一個晚上生蠔 $時價是的，誰不愛生蠔？我個人不太喜歡海水味太鹹的，這裡的生蠔十分鮮甜，又creamy，真的超好味而且用叉子踫一踫蠔邊立即有反應，超新鮮即開呢！我們想吃半打，但只剩5隻，即每晚限定售完即止，記得早點到喔！特級綜合刺身丼 $178有甜蝦，帆立貝，三文魚，呑拿魚，左口魚，樣樣新鮮美味，抵食呀蘿蔔蓉燒豆腐 $25不要小看個燒豆腐，燒得外面香脆内裡軟滑，加上燒汁木魚，好味到要encore 呢😍燒鵝肝 $98100分燒鵝肝！大大塊入口即融，放進咀裡滿口油香，加上脆法包多士解膩，無得輸海鮮味噌湯 $38吃到最後喝一碗濃濃蝦味海鮮味噌湯，大滿足

提前一天預定了7個人的位置，店家為我們預留了一張大桌，而且經常走過來給我們續茶，最後還替我們合影，服務很貼心燒牛舌，牛油果粒粒魚丼，吉列炭燒鰻魚丼，三色魚丼都新鮮好吃

...呢間野係坑口村入面，位置唔算易搵。如果唔係區內人，要預啲時間過黎呢😌。.個蟹膏海膽飯好食到痴左線⋯啖啖蟹膏🥰🥰🥰。食得出係新鮮貨，滿口鮮甜。佢地跟飯會送青檸比你為刺身提味，呢層好特別👍👍👍只係啲白飯煮得差左少少，太淋了。.跟飯果粒玉子燒得非常出色😌😌😌甜甜地外脆內嫩。.係一間有誠意既小店💪🏻💪🏻💪🏻亦都好適合大家叫齊三五好友聚會，叫啲串燒係果度度過一個晚上。..

第一次聽完介紹即黎！ 下午聽903咪芝蓮，又見位置ok，即book，仲要有個APP有九折😄係港鐵坑口站行過去都好方便，亦唔遠，十分鐘左右啦。 坐下來，當然唔係全部有九折，其實都預咗，無咩所謂啦😁先點咗少少燒物食先⋯⋯一見到呢個，好吸引，至少有兩種東西係女友至愛👉🏼黑菘露，帆立貝，再有我鐘意嘅豆腐😋 睇吓個賣相幾得😃 正！好味呀😋😋👍🏼 個價就唔平，要成68㗎，但俾足料，再加心機，値得一試㗎，相信下次會再叫😁😋跟住店員介紹今天新鮮限量貴妃蚌，好啦，又係女友愛的，試一隻先😁😁 鮮甜，配料亦好夾好味呀😋👍🏼 跟住38蚊嘅蝦湯到，又係叫一個，我哋都鐘意試咗先，唔會一嘢就叫兩個，扮精明😁✌🏼但好彩叫一個，因份量唔少兼幾濃，所以，對我倆黎講， share 會好啲，當然，要睇下你又幾大食😝 呢個湯呢，物超所值，鐘意龍蝦湯嘅朋友應該都會鐘意的，好味😋👍🏼👍🏼 之後食物陸續到來，韭菜、燒蕃薯、燒雞翼⋯⋯師父用心燒之餘加埋美味嘅調味，真係好味😋👍🏼 尤其是個雞翼🤤🤤 但阿蕃薯先生就差咗少少，本身唔夠靚，唔夠香🤨好了，七七八八，叫翻樣飽肚嘢先，呢度都好多丼飯，但好可惜我倆都唔食生嘢，少咗好多選擇😅 好彩

今日趁放假同朋友一齊食午餐，過一個悠閒的中午。 今次去到將軍澳坑口村揾食，朋友已經預先book 定位子。 餐廳在村屋之內，位置不算太易找， 望住google map 都要轉一陣先揾到。 餐廳分室內同埋露天，室內大概有8 張枱, 燈光不太亮，行居酒屋風格。食物方面， 我地叫左綜合粒粒魚丼同埋甜蝦海膽丼，連一碗蝦湯。 蝦湯好香濃，飲完都無口喝。粒粒魚丼都幾大碗， 有一塊燒玉子。甜蝦海膽丼味道都ok , 不過魚生無咩鮮味， 差少少。 不過下次可以夜晚去，試下d 燒物~

Recently We had friend gathering in TKO, didn’t expect that area have Japanese food. When I stepped to this area which is all chinese style food around. It was pretty nice vibe with lot of people. But then I walk up inside to the alley to this restaurant which is pretty suitable about its name 隠居，it hard to find out where is these location. The food overall it’s quite decent. We have 5 family and children are all having great time. It feels cosy like home. Like those original little Japanese st

1) 落單又慢又錯2) 要叫幾次先有醬油提供3)成日叫人等，但熟客優先4)食物上碟時處於常温狀態，如甲羅燒明明係燒既,上碟食就完全唔熱5) 燒牛小排就熟過頭，炸蒜片又林又凍，對食物配料既細節一D都吾上心。6) 西京燒完全吾係個回事，佢係黑椒汁7) 所謂人氣海膽鵝肝飯，有大半係飯，鵝肝起根又老，海膽無味，不值一試8) 蠔燒飯團，不脆不入味，一夾就散，燒飯團應有脆口感覺，呢度一啲做唔到個種味道，令人失望至極9)全餐總共食了一千元，真不值

最近連續兩個週末都去了「隱居」吃午餐正餐前，先送來一碗蝦湯蝦湯只有湯碗的三分二滿，份量雖少，然而，蝦味濃郁，感覺加了很多蝦殼/蝦頭進去，說是蝦湯，其實更像是日式蝦頭味噌湯，對於清淡口味之人可能略鹹。海膽和鵝肝這個邪惡配搭簡直是將膽固醇推向極致。海膽的份量不容小覷，堆疊成一座「小海膽山」，滿滿的海膽足以拌均整碗飯。「海膽山」之下正是煎的微焦的鵝肝，但感覺煎過頭有點乾。除了基本的鵝肝海膽，丼飯亦配上紫菜絲、三文魚子和玉子，而白飯和配料中間撒上了一點飯素，醋飯底粒粒分明，如此一來整個丼飯口感就比較豐富多層次，要不是害怕膽固醇，真想每天都吃一碗海膽丼飯。對比鵝肝海膽丼，這碗燒牛油果雞扒溫泉玉子丼就失色了一點。牛油果和雞扒切成小塊，牛油果沒有常見的腥味，熟透的牛油果加上雞扒的燒汁拌飯一流，不過略嫌雞扒表皮燒的不夠香脆，加上旁邊的溫泉玉子是早就煮好冰起來備用，冰冷的玉子直接放在溫熱的丼飯之上，口感奇怪。話雖如此，這碗丼飯同樣加入了紫菜絲、三文魚子、玉子、飯素等元素，拌均勻後，每一口也吃到不同的配料，如果喜歡牛油果的朋友仔，一試無妨日本餃子中，炸餃從不是主流。無論蘸沙律醬還是醬油也好像不太搭，可惜「

中秋佳節同媽媽男朋友去慶祝，上Openrice搵下坑口有咩新野食，見到坑口村有間新舖，叫做穩居，見到D食評話D野食有誠意，價錢亦都公道，於是就膽粗粗去預約。我地叫左豬軟骨烏冬、鮭魚丼、燒牛油果雞扒溫泉蛋玉子丼、燒韭菜、燒雞腎同日式黑椒枝豆。豬軟骨烏冬湯底非常濃郁好飲，豬軟骨入口即渦，烏冬係用稻庭烏冬，食落口滑溜彈牙，好食。鮭魚丼鮭魚個部份唔係太靚，有D難咬，而個飯亦煮得太淋，有D Gel 口。但玉子蛋非常出色。燒牛油果雞扒溫泉蛋玉子丼除左個飯太淋之外，呢個丼好好食，我本身好怕食牛油果，覺得佢嘅味好重，但呢個牛油果處理得好好，唔會搶味，恰到好處咁同其他食材融合。雞扒貼心咁切粒，再用味淋烹煮，嫩滑得黎，帶少少甜，雞皮係Q彈帶少少爽，令人驚喜！燒韭菜 & 燒雞腎韭菜超新鮮，燒完超鮮甜，而雞腎都好爽口，撒上黑椒同鹽，調味剛好，亦無燒燶，好食！日式黑椒枝豆同出面街食嘅枝豆唔同，出面多數都係用水煮熟之後，再撤鹽巴調味。但呢個係出完水，再用黑椒、蒜泥、同香油拌和而成，食起黎別有一番風味。呢間餐廳真心值得再黎，我地3個人食左好多野，都係300幾蚊埋單，人均都係100鬆，講緊仲要係中秋。咁高性價比去邊搵

呢間隱居真係好隱居，但味道同價錢真係絕對超值！牛油果三文魚粒粒丼，牛油果同三文魚數量超多，又有燒玉子，$78 元，又大大碗，真係好好味！牛油果雞扒粒粒丼就相對較遜色！燒雞扒井大大力推介！雞扒燒得岩岩好再配三文魚子醬實在係超夾，好好味！三色丼都好新鮮！小食芝士年糕好吸引😍😍 帶子海膽都好好味，新鮮。個豆腐牛油果沙律都好好食☺️好新鮮仲有個燒日本蕃薯，但有少少硬☹️食左甘多野，4個人都係140一個！ 物超所值呀！

First time to Hang Hau because of a new Japanese eye glasses opening in the shopping mall. Look for what to eat online and especially focus on local restaurant in Hang Hau, not just franchised dining places. Hence we found this Japanese restaurant which is 7-10 mins walk from the mtr exit. 3 types of don are ordered, include: salmon, hamachi, oilfish don, grilled eel don and salmon don. The sashimi on top is fresh especially the hamachi. The don comes with shrimp miso soup which is built up a fl

屋企附近新開嘅日式串燒居酒屋！住左喺坑口好耐終於有間好食嘅日本菜喇. 老公係生蠔超級fans, 呢度嘅生蠔超新鮮同肥美。另外要提一提嘅係佢地嘅丼飯，極度有誠意同賣相超靚😍😍串燒方面我地點左個西京燒海鱸魚....之前食開都係銀雪魚，佢地用海鱸魚超驚喜，雖然價錢高左少少但係真係 超肥美juicy! 佢地個特色蠔燒飯團係超惹味，飯團燒到香脆再加埋自家製燒汁超蔥味，第一次咁食蠔！ 必試！最緊要嘅係出面有得泊車. 啱晒鐘意周圍搵野食我😌