隱居 (已結業)

本身滿心歡喜特登入坑口食呢間，嗌左個lunch omakase 十二件壽司$188，點知超級難食，啲飯好淋一patpat咁，仲要全部都係好普通既魚生，三文魚，蟹棒個類，以後唔會再去幫襯。真係未食過咁難食又唔平既壽司！！！！！！！！！！！！！！！！！！！！！！！！！！！！！！

在open rice找到這間隱世小店,位置在坑口村7-11後面。想不到這小店帶來意外驚喜:當晚有時令的$188一隻香箱蟹(羔,蟹籽,蟹肉均充滿蟹的鮮甜),而令和怪物就新鮮綿滑,蠔味,海水味充滿口腔。還有omakase壽司(即日飛機貨日本食材),串燒:明太子山藥棒棒糖和自家製骨肉棒都好好味。今次點了太多食物,下次再來要試蠔燒飯團和其他名物。店內每位店員都有禮,殷勤服務,小店性格比高,食得開心。這是第一次在openrice寫食評,與大家分享美食!

可由坑口地鐵站一直向厚德街市方向行，經地下行人隧道行經過一所中學就到坑口村。到坑口村牌坊不用行多遠，就看到一間單車舖，隱居就在其隔離不遠爾！雞扒飯&鰻魚飯燒茄子&炸墨魚咀串燒有翠玉瓜、虎蝦和雞翼最喜歡是蠔燒飯團

中午同朋友去坑口行街街，打開openrice搵下附近有咩日本嘢食。唔想去商場既日本連鎖店，又想試下D特色餐廳，最後揀左呢間日本居酒屋。都係一試無妨嘅心態，但發現真係好值得試。連鎖店同呢種小店跟本兩回事，味道及環境小店比較有特色。-店舖門面別樹一格，舖內外都有坐位。店舖環境衛生清潔，連廁所都很企理。-服務員亦服務很好，無論點餐，添茶清理桌面都算細心。-嗌左以下美食：•三色魚丼飯•綜合串燒定食•玉子壽司 •海膽軍艦•安格斯封門柳定食•牛油果豆腐沙律•鯖魚-刺身海膽新鮮同埋大塊過好多地方-封門柳好有牛肉味又夠嫩-串燒有2菜3肉，其中有一份係燒牛舌，得一串真係唔夠喉，超好食-餐具同各伴碟都好精美細緻，顏色配搭得好，色香味俱全，尤其係三色魚丼飯同綜合串燒定食。

中秋節同家人好想食日本嘢，但又唔想出街同人迫，所以今次一早同老闆娘通過電話，點了幾道串燒，刺身，小食，老闆娘仲特別介紹了池魚王刺身，所以試一試，如果唔訂定先呢個中秋就無咁多好嘢食。食完嘢都上網搵下資料整理下，睇下自己食咗咩，同大家分享下。池魚王，日本譯音shima aji。原產地位於日本本州島靠近東京灣附近，這是一年四季都有的魚，但到6-8月特別肥美，有籽。這魚矜貴的地方是離水即死，嬌貴無比。因為它是高級日本餐廳和五星級酒店最高點擊率的刺身，所以要預定才能享用。口感非常爽脆，脂肪比例適中，一點腥味都沒有，魚片透明色澤潤，一口咬入，首先是清甜的感覺，繼而魚油在口中爆發，慢慢滑入喉嚨，有回甘。池魚王作為刺身尚品，之所以稱之為「王」，是因為其油脂非常厚，但卻不膩口，魚肉爽脆清甜，富有層次感。建議如果同時還有其他刺身，請把池魚王放在後一點的時間再品嘗，因為一旦先吃了這款刺身，再吃其他刺身就顯得索然無味了。值得推介

之前住將軍澳的朋友介紹，一直都想試試呢間餐廳。個日朋友揸車，就一齊去食晚飯。餐廳位於坑口村，距離地鐵也不算遠。個晚唔算好肚餓，所以我地只係一人叫左個刺身飯。個飯黎到確實有驚喜，刺身份量夠多而且新鮮，海膽同蝦都好食。侍應態度都好，有主動推薦新鮮刺身。總體黎講性價比好高，值得再試！

味噌海鹽甲羅燒$128好好味的甲羅燒😋見到佢嘅時候我即刻諗起日本店😍因為每一次飛日本一定會食❣️我真係好掛住🥰飯團配蟹膏加埋個蛋黃真係好好食🤤食物真係好高質我已經約左朋友再去了🤭下次點海鮮丼😌

無得去日本之下，我成日都會喺香港幫襯居酒屋。小總結：👍- 呢間算是很不錯，價錢大眾化，唔貴。- 串燒很不錯，尤其係牛舌心同鱔，都好肥美。- 特色卷物都好食，而且唔貴👎- 酒類比較少，而且唔太好飲- 32蚊生蠔唔太得，無乜味我覺得以街坊居酒吧嚟講算係相當唔錯，價錢都唔算貴，佢燒的食物比較出色，過下口癮好唔錯

前幾日放假朝早老婆話想食串燒雞皮同牛舌即刻諗起坑口村間隱居在毫無計劃之下，去坑口商場行街街，順便食個lunch下午一點幾來到店舖估唔到咁多人食要等室外有位有風扇但天氣較熱，所以等室內坐位等了十分鐘左右。。。遠道而來，點都要舒舒服服嘆返個lunch服務員態度都好好，就算我哋等緊都會招乎下，會交代下裏面情況，顧及下等緊位既客人既感受讚因為太多選擇，問老闆有咩好介紹最後點了幾道美食，真係好好味，值得推介。食香味俱全。而趁有時間除咗食之外當然要睇下自己食咗D咩落肚上網翻查下資料呢個推介都幾有營養要向大家分享下薄切也好厚切也好都係好甜入口軟腍又有口感牛橫隔膜肌肉每隻牛只有一條較為罕有肉味較重油花較少適合喜歡肉味濃者豬扒偏厚身肉質夠軟腍但炸漿好薄夠脆身咬下去豬扒仲滲出肉汁好juicy銀雪魚有好多好處:1、銀鱈魚身體內含有大量的脂肪，含豐富蛋白質、維生素A、維生素D、鈣、鎂、硒等營養元素，營養豐富、肉味甘美。其中維生素A可促進視力發育，維生素D能幫助鈣吸收，促進牙齒、骨骼的生長；而且銀鱈魚中富含的DHA，是小兒視網膜的重要組成部分，又是公認的益智與促進小兒大腦發育的重要營養素，是寶寶增強體質，幫助提

☆ 隱居將軍澳坑口村6號地下A舖✦ 帆立貝甘蝦海膽丼✦ 蠔燒飯團✦ 味增西京燒✦ 燒安格斯牛小排✦ 清酒煮蜆✦ 燒原條茄子✦ 燒雞翼✦ 燒雞腎呢間隱世居酒屋真係想試好耐，一試不得了！全部野食都好岩我口味，除左價錢上貴左少少之外(其實唔算話貴，只不過覺得佢係呢到開定價低少少會好d)，都無咩想挑剔了(*¯︶¯*)

專登入到坑口村撐下良心日本菜小店💛當時show🍎仲減$10 可惜可一不可再🥲一定要訂位得幾張枱，大熱天時都唔想坐室外🧐普普通通唔逐款介紹燒雞泡魚乾($68)呢個係幾好食同少見既👍🏻燒得夠乾身同有魚乾味 作為小食加沙律醬食好開胃💥炸榴槤波($48)新鮮炸起好好味流心榴槤蓉，外脆內軟😍味增甲羅燒($88/隻)呢個係全餐飯既No.1🌟🌟平時真係唔捨得食😂賣相好靚顏色鮮艷✨蟹蓋入面充滿蟹膏一啲都唔吝嗇😍😍可以將鵪鶉🥚撈埋蟹膏一齊先 再撈埋有飯素既飯糰一齊食‼️咁就唔會太鹹👍🏻食完個口都仲有蟹膏味 推介🌟蠔燒飯糰($68)創意分十足✨🦪味道普通 飯糰有煎過 脆脆地咁 都係有心機既菜式魷魚筒Overcooked🧐燒得太乾魷魚變到好韌 麻麻地Overall性價比不高🧐價錢唔算好平但食物質素好普通 刺身類都唔係特別新鮮 試一次就夠lu🤔為食指數: 2.5/5性價比指數: 2/5推介指數:2.5/5

之前因為睇到網上食過既人話係隱世小店，於是就稔住去試下支持下。有時🍄🍄會懷疑對食物既要求會唔會因為私人情感而加左分呢🤔？鋪面面積不大，見到menu既海鮮丼都好吸引，所以叫了兩個丼飯黎試！海鮮丼上枱賣相不錯，但是味道真的好一般！特別是加了太多醋，整個飯比較酸；不過刺身也算新鮮的。本身喜歡吃海膽，所以另外再叫了一客海膽壽司，味道都是一般，海膽有點苦！另外叫了一個溫泉蛋照燒雞肉飯，沒有什麼驚喜，不過不失！反而燒雞亦調味和燒既程度掌握得幾好，呢個幾好食，亦燒得很脆口。有時網上吹噓得很好吃的店，真的要親身去試下才可分辨真偽，當然每個人的口味不同所以評價都會有異。但對於經常吃日本料理的🍄🍄，真心覺得有點失望！

今日又係屋企唔知食咩好， 因為我都偏愛日本餐廳既， 咁就揀左坑口村既隱居！ （其實果度都仲有另一間黃店日本餐廳嫁）因為之前都食過，質素都幾高，所以今次都幾大期望！鰻魚火灸左口魚飯呢個飯有晒我最中意既兩種元素！首先係鰻魚，份量冇因為係雙拼就少左，反而條魚好厚肉！啲燒汁都岩岩好唔會太甜搶味！骨都唔算多，燒得岩岩好，如果可以再燒耐啲燶啲就正啦！ 左口魚都係一如往常咁好食！厚身大條，好重魚油脂味，好香！不過都係可以再燒多耐少少，咁可以再逼多啲魚油出黎！

將軍澳近排開左咁多新店， 坑口村呢邊比較偏遠小小既餐廳真係少左黎。 隱居都算真係幾隱世，地鐵站出左都要行番幾個字，過隧道同行少少樓梯先到。不過今次係叫外賣，唔洗自己行醬燒明太子火灸左口魚丼呢個丼飯既足料！起碼有8-10塊火灸左口魚刺身鋪係啲飯面，係完全蓋過晒啲飯呀！ 輕輕火灸過之後啲魚油油脂味好重！好香！加埋上面啲明太子，少少微咸香既味令到個飯冇咁漏，而且啲鮮味出晒黎！超正！外賣都做得咁出色！一定要多多幫襯呀

今日去見客，入咗去坑口呢邊(人生都冇乜幾多次去過坑口😅)真係好遠，不過一場嚟到，一定要同朋友試吓呢度嘅特色野！呢間餐廳喺坑口村！環境:❤️❤️❤️餐廳嘅裝修都係小店模式，用咗比較深色嘅木枱，但係工業風嘅牆壁都幾靚！細細間係己有氣氛嘅食物:❤️❤️❤️❤️叫咗一個lunch嘅炭燒星鰻丼！$78好抵食！鰻魚中規中矩啦，都算大大塊，而且味道唔錯！肉質算好嫩滑！不過略嫌醬汁唔夠入味同埋燒得唔夠火候😂但係如果擬呢個價錢嘅話絕對係抵食！