影片
更多
2010-08-02
81 瀏覽
我寫咗成3百幾篇食評, 都未試過咁勞氣咁俾人搵笨, 所以今次會將被騙經過講得一清二楚俾大家知, 因為我覺得食家有呢個知情權.尋晚5人特登搭車過九龍城食咖喱, 之前己經响 openrice 做足功課, 確保萬無一失, 點知… 大家食到一肚氣, 其實食物都 ok 架, 之不過火就火在隆姐唔老實, 突然暗地起價, 被我哋揭發咗之後, 一句唔好意思之後但又擺明要您屈服 !!! 話說我哋5點半己經到咗, 係第一枱到, 初頭係坐圓枱架, 但驚近門口會阻住同被撞, 所以轉咗長枱, 起初諗住5人要3格枱, 點知隆姐話地方細所以俾2格, 家姐諗住坐得舒服d再要求3格, 點知隆姐串爆眼啤啤走開咗, 既然佢唔想俾, 我哋唯有坐迫d無所謂喇, 跟住叫咗好多嘢食, 大家都覺得好好味好抵食, 甚至連送既南瓜西米露都正, 但到咗埋單喇, 大家見總數咁平都無諗住check單, 再睇清楚下就開始十萬個為什麼, 點解有d價錢好似貴咗 ? 點解有d價錢唔知係乜 ?? 因為張單無寫明係乜架, d 冧把同符號只有佢哋先識睇, 跟住我哋當然慢慢勾返d數出嚟啦 ! 一勾就勾到 4 樣不知明既嘢, 當然要搵人問下啦, 消費者嘛...
尋晚5人特登搭車過九龍城食咖喱, 之前己經响 openrice 做足功課, 確保萬無一失, 點知… 大家食到一肚氣, 其實食物都 ok 架, 之不過火就火在隆姐唔老實, 突然暗地起價, 被我哋揭發咗之後, 一句唔好意思之後但又擺明要您屈服 !!!
話說我哋5點半己經到咗, 係第一枱到, 初頭係坐圓枱架, 但驚近門口會阻住同被撞, 所以轉咗長枱, 起初諗住5人要3格枱, 點知隆姐話地方細所以俾2格, 家姐諗住坐得舒服d再要求3格, 點知隆姐串爆眼啤啤走開咗, 既然佢唔想俾, 我哋唯有坐迫d無所謂喇, 跟住叫咗好多嘢食, 大家都覺得好好味好抵食, 甚至連送既南瓜西米露都正, 但到咗埋單喇, 大家見總數咁平都無諗住check單, 再睇清楚下就開始十萬個為什麼, 點解有d價錢好似貴咗 ? 點解有d價錢唔知係乜 ?? 因為張單無寫明係乜架, d 冧把同符號只有佢哋先識睇, 跟住我哋當然慢慢勾返d數出嚟啦 ! 一勾就勾到 4 樣不知明既嘢, 當然要搵人問下啦, 消費者嘛... 跟住有個長髮阿姐行到埋嚟, 第一時間死遮住張有價錢既面單, 不停同我哋講後面張鬼符號既手寫單, 我哋不甘示弱問呢樣係乜果樣幾錢, 續一將佢擊破, 結果俾我哋拆穿咗佢哋既騙局, 跟住佢就大聲夾惡講 : 唔好意思係呢個價錢架喇, 講呢一句係咪要我哋屈服呢? 我哋最初諗住問清楚張單以為佢哋係無心之失, 低調處理, 點知佢哋仲惡人先告狀既態度, 無心改單之餘仲要俾說話我哋聽, 我哋呢d出嚟消費食得開心貴d又有乜所謂, 但而家係俾人屈喎, 跟住我哋忍唔住大大聲反問佢個 menu 要嚟做乜, 如果您哋樣樣都話唔啱價錢咁咪唔知要加幾多 ??? 個阿姐條氣好唔順咁拎返張單去改, 另一個阿姐就响背後講話我哋阻住晒張枱, 我哋聽到仲火上加油 , 大聲回應話 : 而家係您哋阻我哋時間, 如果您哋老實就唔會有呢件事發生, 根本上我哋諗住俾個機會佢哋改錯, 點知換來惡言惡語, 既然佢哋咁唔禮貌, 我哋亦唔需要尊重同俾面, 大大聲聲話俾全店人知佢哋既罪行, 唔想再有人俾佢哋呃囉 !!!
再一次改完單後, 仍然係錯, 我地 check 清楚之後同佢哋講我哋只計到 $539, 計唔到 $546 喎… 跟住佢哋好似求其講樣嘢出嚟話要每人收 $2, 仲話都己經無收加一, 我咪火住同佢講 : 您要加一係無問題, 但加 $2 無寫明就係問題, 就算每人加 $2都唔啱數啦 ! 佢為咗要打發我哋走, 就悔悔氣話 : 咁您哋而家話幾錢吖 ? 我話我哋只計到 $539, 佢即刻收完錢想趕我哋走咁滯, 咁當然我哋都唔會賴死唔走喇 !
第一張單既4大項錯處 :
第一) 就係白飯menu價係 $8 一碗, 突然暗地加到 $10, 足足呃咗 $4
第二) 椒鹽軟殼蟹牆上標明 $55, 突然暗地加到 $58, 足足呃咗 $3
第三) 辣椒膏炒蜆牆上標明 $50, 突然暗地加到 $60, 足足呃咗 $10
第四) 最後一項係不知明既 $10
一共呃咗 $27, 如果我哋無check單, 真係被人呃咗都唔知, 仲以為好抵…
揭穿佢哋真面目之後, 我都想講返d食物
1) 鐵板蠔餅 $58 - 呢個真係全晚最得, 蠔大隻又多, 鐵板上幾香口
2) 生蝦刺身 $70 - 無蝦鮮味, 不叫也罷
3) 豬頸肉 $50 - 呢個都好味, 個汁都好得
4) 咖喱炒蟹 $220 - 唔抵食, 之前家姐食另一間, 同一價錢但大隻好多
5) 蒜容包 $20 - ok
6) 白飯 $8 x 2
7) 椒鹽軟殼蟹 $55 - 好大碟好抵食, 但超級咸好重味精
8) 辣椒膏炒蜆 $50 - d 肉成個 $1 咁大隻, 好好味, 但只得 8粒
總括 : 食果時好味, 但之後就會好口乾, 因為好重味精
後記 : 隆姐咁唔老實, 幫襯其他店好過, 就算食物幾好都係咁話, 去唔去您哋自己衡量一下啦.
張貼
