陳通記

營業中

休息中

🐾陳通記 (長洲) 🐾沙嗲牛肉拼雞翼鴛鴦米✔️-一定要叫雞翼！！！！！入長洲玩前做下啲research😍見到陳通記個沙嗲牛肉好岀名就留左肚黎食我地叫左鴛鴦米，姐係粉絲+米粉👍🏻食落米粉嘅口感比較重，沙嗲牛肉我自己就覺得冇想像中咁好食咁重味，反而佢雞翼做得好好，係生炸雞翼咁嘅，皮好脆，啲肉好嫩滑，重好有肉汁👍🏻好食—(非專業,完全跟據個人口味☺)食物:7/10環境:6/10服務:8/10人均消費:$40———————————————▪店舖名稱: 陳通記 (長洲)▪店舖地址:🔸 長洲海傍街熟食中心13號舖

<長洲篇> 疫情下無得去旅行，長洲也不失為好選擇止下旅行癮❤️。一直來長洲都無試過呢間好出名嘅大排檔，好多長洲居民都會來幫襯‼️今次入長洲咁啱10° C 超涷🥶係時候食啲熱辣辣嘅嘢🔥。🥜沙嗲肥牛通粉 $33聽聞非常出名，果然不負所望❣️沙嗲湯底非常非常非常濃郁，花生味🥜突出，充滿椰香🥥，而且入面夾雜花生碎，可見小店用心👍🏻肥牛+沙嗲是永遠不敗組合，併掛湯十足的通粉索曬沙嗲湯汁一流✨。🥪鹹牛肉蛋治 $17看似平平無奇，但食落超正🤭💓鹹牛肉+蛋熱辣辣而且好夠味，配烘底立即將味道昇華✨咬落去非常脆口，簡單配料已經好好味，再加上寒冷天氣食呢個更加無得輸😂

入到嚟長洲諗住行下，食下嘢！聽朋友仔講長洲有間食沙嗲牛肉麵好好食，於是就揾呢間嘢試，首先去到真係好多人等，我係一個唔係好鐘意等嘅人，但又咁多好評於是就等下，嗰度啲侍應話要自己去等位，我同呀婷就一人等一張枱，等左差不多20分鐘左右，有一對情侶嚟度個侍應就即刻俾左個位佢下，又話自己等位？之後仲要聽到我等嗰張枱話等個沙嗲牛麵等左半個鐘仲未到，姐係我白等左嗰張枱，終於等到，當然叫好多人讚嘅沙嗲牛肉麵，同叫左個西多士，先講個西多士，佢好似只係用一塊厚麵包炸咁，平時我地裡面係會有花生醬，但佢完全無，食左幾件就無食，再講個沙嗲牛肉麵，一食就食得出只係落左好多沙茶醬而無沙嗲味嘅沙茶醬味，沙茶醬多於沙嗲醬完全唔係正宗嘅沙嗲牛肉麵！真係唔值得用咁多時間去等！

繼 #凍橙加檸檬... #小秘書 今日繼續講吓 #長洲美食🤤 出發之前我都有做小小功課，除咗問吓啲 #街坊 有咩好介紹，亦都上網搵過啲資料。由 #長洲碼頭 轉右直行，#熟食中心 就喺面前，#海鮮餐、#粥粉麵飯... 都可以搵得到。不過呢日我係為 長洲陳通記 （#通記）嘅 #沙嗲牛 而嚟🤤 #大排檔 式嘅 #服務 同 #格局，無影響大家為食嘅心意，晨早流流就嚟排隊等食。第一次嚟幫襯，當然要試吓佢哋馳名嘅 #沙嗲牛肉，另外加咗碟 #炸雞翼 做 #小食。#炸雞翼 即叫即做，熱辣辣好惹味🤤 等咗大概二十分鐘，我哋嘅 #沙嗲牛肉通粉 終於擺到面前，另加嘅 #太陽蛋 #非常吸睛👀 #通粉 連 #熱辣辣 嘅 #沙嗲湯 一齊入口，#湯料 入面嘅 #花生 同 #蒜粒 產生化學作用，令味道更香口，難怪 #深得民心❤️ 最後配埋杯 #熱奶茶... 簡簡單單嘅食材，完美嘅配搭🤤

元旦假期同老婆去長洲 上網有人介紹通記 所以決定第一站去食 地點係熟食市場 我圍住去搵通記 原來通記係熟食市場既中間 去到都唔係太多人排隊 所以好快就有位坐 我同老婆都係叫左沙嗲牛肉公仔麵 加一份西多士 沙嗲湯底比較咸 但我接受到 個西多士都幾加分 下次去長洲一定要再食

『長洲馳名沙嗲牛・可以略過不試』ꕥ 陳通記, 𝐂𝐡𝐞𝐮𝐧𝐠 𝐂𝐡𝐚𝐮⠀⠀難得到長洲一日遊，我的肚子也準備好了吃好多好多美食。下船後就直奔去大牌檔陳通記吃馳名的沙嗲牛做早餐～⠀⠀可惜真的頗失望的～⠀到底為甚麼那麼多人說好吃啊！⠀我跟朋友都懷疑人生了⠀雖然不難吃⠀但絕對不值得去長洲浪費quota...⠀留肚吃試其他餐廳好了⠀⠀〔沙嗲鮮牛肉米粉/米通 $33〕⠀湯底似乎很不穩定⠀我的米通水汪汪⠀我朋友的米粉傑毾毾⠀不過兩個的沙嗲味其實都不濃郁啊⠀完全沒有辣味，偏向花生醬味的沙嗲？⠀但卻沒什麼沙嗲香氣...⠀鮮牛肉份量偏少⠀比較靭...不過還有牛肉味的⠀不至於醃製到沒有味道⠀——————————————————⠀⠀⠀🌟推薦 ʀᴇᴄᴏᴍᴍᴇɴᴅᴀᴛɪᴏɴ⠀⠀⠀⠀⠀⠀⠀N/A⠀🤰🏻回訪 ʙᴀᴄᴋ ᴀɢᴀɪɴ? ⠀⠀⠀⠀⠀⠀No⠀——————————————————⠀⠀⠀⠀通記⠀長洲海傍街熟食中心13號舖⠀——————————————————⠀⠀⠀⠀📍分類搵食 Ğ̈ŭ̈ĭ̈d̆̈ĕ̈T̆̈ŏ̈Ĕ̈ă̈t̆̈⠀⠀⠀⠀⠀⠀⠀⠀⠀⠀⠀⠀⠀

長洲好食嘅野好多，晏晝黎到不防試一試通記。入到黎見檯檯都係食沙嗲湯底，當然我都叫返碗啦。本身都擔心個湯好似好稀，會唔會好淡味。但呢個擔心係多餘嘅，沙嗲湯底味道濃郁，真係好少地方食到咁濃嘅沙嗲湯，好味

到左長洲第一步醫左肚先😂試左通記既沙嗲鮮牛肉米粉 $33沙嗲湯底有好多花生粒係入面帶點微辣但濃郁呢方面我又唔覺得好濃郁同埋其實好水好稀🙈因為佢係將d沙嗲整左落個湯底到但出面既鋪頭係將d沙嗲撈落啲牛肉到食既時候撈勻落成碗麵同湯到可能出面既沙嗲牛麵 會仲濃郁但呢到啲牛肉真係勁多 不過都幾難咬開🙈榨菜肉絲米粉 $28黎到見到啲料多到呢🙀而且啲榨菜完全無渣 正👍🏻👍🏻👍🏻呢個價錢真係好抵食👍🏻

難食到一個點，真心無沙嗲味，🤯牛肉同魷魚唔新鮮！黎到長洲過夜訓醒，上網打長洲美食，就揀左呢間通記叫外賣返去食，去到坐低，個員工無出任何一句聲手指主門口，意思應該係話無位叫我出去，我話：我想外賣。佢唔出聲用手指主門口。我落單果時，員工話：要等15分鐘wo,你買唔買啊？之後我俾左錢係到等左30分鐘想問一問：我想問個外賣得未？我都未講完句野，員工就話：你等下先啦！最後等左45分鐘先有！呢間好中伏！

長洲碼頭附近個熟食中心感覺地道，陳通記在較入位置，餐牌上只提供湯麵，三文治及飲品。先來一份咸牛肉蛋治 $17 烘底後包更香，少少脆，蛋有少少蛋汁，咸牛肉幾好味，但又唔算特別出色。食完份三文治，等左半個鐘都未上碗沙爹鮮牛肉通粉 $33，心諗雖午市繁忙時段，但宜家二人一枱，坐滿都無理由冧檔咁誇張。不過等到呀姐放碗通粉落枱，香濃沙爹味就覺得等都係值得既！沙爹湯底有花生碎粒，口感味道都極佳！CP值爆燈！鮮牛肉有些筋，幾有咬口。不過通粉就有啲反高潮，雖然份量好多好滿足，但因為熟得太耐而淋到有啲爛，無左通粉應有既彈牙口感。但下次再入長洲一定會再Encore個沙爹牛，至多轉食公仔麵！

在下係沙嗲牛肉麵嘅忠實粉絲 尋遍港九新界都好想搵到好好食嘅沙嗲牛今日終於比我搵到啦😭😭😭平日去長洲 諗住少今啲 點知去到通記都坐無虛席一坐低老闆娘話食沙嗲湯底竟然要等至少30分鐘聽到都嚇一嚇 不過放假就係有時間 一於等佢30分鐘過後 主角終於大駕光臨一見到個湯底就知道所有等待都係值得㗎個湯底濃到好似沙嗲汁咁 一撈起啲麵每一條公仔麵都被沙嗲包裹着而沙嗲湯底係微辣 帶濃郁嘅花生香味加上新鮮滑牛 絕對唔會有平時罐頭沙嗲牛肉梅哂嘅感覺我只可以講 通記真係將沙嗲牛肉麵帶上另一個層次 只係等30分鐘 又有得吹下海風 都值啦

星期五來到長洲，剛好係中午時間12點左右，就試下好多人推薦嘅通記。原來閒日都唔少人，都需要等位，好多人一家大小黎食。西多士炸得好夠，味道不過不失，而且食落去感覺較熱氣。沙嗲米通黎到，試啖湯先，果然冇令人失望，沙嗲味好濃郁。我覺得公仔麵嘅掛湯力比米通出色，但米通嘅口感非常特別，可能因為第一次食。牛肉份量同麵嘅份量都非常足夠，一碗食唔哂，所以建議大家可以叫一碗2個人share,留肚再去其他店食其他野！

雖然佢係街市檔，唔係特別靚同乾淨，位要自己覇好似飯堂咁。啲阿姐你要嗌曬佢先聽到你up乜。不過食過一次佢沙嗲之後認真翻唔到轉頭，啲茶記沙嗲同佢完全無得比痴線，佢個沙嗲汁濃到好似唔洗錢咁。飲個湯到底仲有啲花生碎，不得了🙊 平時都係嗌沙嗲雞翼丁加隻炒蛋，我同你講，食過之後你人生已經完滿無遺憾。啲雞翼又煎得靚，真係無得輸🤓 所有野都係值得為佢犧牲😂✨杯奶茶我自己特別鐘意飲，通常會叫少甜，廚房啲糖通常都好似唔洗錢咁😂但係通記你嚟長洲一定要試！！！

本身諗住重陽節翌日黎食通記，點知原來星期一休息，咁我地更係唔博啦，就順延到11月1日先黎玩，食完炸豆卜，大魚旦，炸魚炸蝦，黎親都會食通記，拍拖個陣老婆帶我去食，之前慈×山食過吹到行既天價沙嗲麵，呢間無咁濃不但其實都好食(雖然本人對沙嗲一般般), 70蚊同30幾蚊對比之下，呢一間真係唔洗多講，因為佢用左老字號沙嗲，之前我舖頭都係搵呢個沙嗲個個客都話夠濃好食，食落唔洗多講，叫左個沙嗲牛肉通通粉好食，牛正常但有一，兩舊靭靭地，沙嗲湯底夠濃同杰身，三十幾蚊好對得住個價錢啦，鹹牛肉蛋治正常，無叫鮮牛肉蛋治可能仲好食，凍奶茶正常有茶味，奶平均，除左細個係飲汽水唔係奶茶之外，香港人就係食呢d野長大架啦，不過而家好多餐廳對出品真係唔係好講究，只係諗住賺賺賺，基本奶茶都沖得唔好，相比起呢間通記，今日黎到先發現原來叫陳通記，其實賣既野好簡單，但味道正常唔貴，加上見到有個書架放滿漫畫，有d我都睇過，今日最滿意係呢一餐。

入黎長州緊係黎試通記黎，叫咗1個沙嗲牛肉米通同多士。首先，沙嗲牛肉米通，湯應好濃郁，有米生粒，食洛去，好有口感，係辣咗少少，但真係好好食，牛肉好淋，配米通一流啊。仲有個多士都好正