陳通記

營業中

休息中

陳通記喺由碼頭旁既熟食中心，去左咁多次長洲，真係唔知有間出名沙嗲牛肉既老字號大排檔。我地星期日lunch time去無可能唔使等位，我地好好彩企岩位，一陣就有枱。除左馳名既沙嗲牛肉，配料仲有本地漁民去捕捉既鮮魷，不過唔一定有貨，我去當日就冇貨。🥢沙嗲牛肉米通沙嗲牛肉米通係必食沙嗲牛湯底味道濃，好重花生味，唔會太咸。牛肉都唔係茶記成日出現既發水牛，牛肉份量都多。🥢羅漢齋米通羅漢齋米通既齋湯底非常清甜，配料有冬菇、蘑菇、枝竹同粟米芯，係健康之選。

週末來到在沙嗲牛肉麵關注組聲名大噪的長洲陳通記，品嚐一下良心的離島風味💛從碼頭落船轉右直行，走到熟食中心第一個路口進去尾鋪就是陳通記，但招牌上只寫著通記就是了👋 .正值盛夏萬里無雲☀️入面冷氣座位早已滿座，但慶幸外面遮陽的設備足夠，加上大風扇猛吹下不覺炎熱。陳通記每檯只限2️⃣位，一家大細過來就會比較麻煩。 餐牌只有一張兩頁📃簡潔易明，一面是上湯粉麵，翻轉就是三文治和飲品，沒有分什麼常餐快餐茶餐。點了最著名的沙嗲牛肉米通($34) 和咸牛肉蛋治烘底($18)🔥 不消一會就送上了三文治🥙經過烘烤後帶點焦香，夾實了頗厚的咸牛肉煎蛋，入口時麵包帶脆身但不會過乾刮喉，鹹牛肉已先搗爛煎成一塊，入口嫩滑蛋混著惹味牛肉碎😋 接著就是漫長的等待，從下單起計20分鐘才端上來🍜但吃完後也覺得值得等待，始終週末比較旺場。沙嗲濃香撲鼻，看見不少花生碎粒，味道適中微辣不會偏鹹。米通直身幼長，較意粉通粉更煙韌彈牙，中間的孔洞留存了湯汁，每一口都夠味👍

============== 𝐹𝑜𝑜𝒹 𝐿𝒾𝓈𝓉·• 沙嗲雞翼肥牛米通 $61·• 奶油包 $8·• 凍鴛鴦 $18💸 $87❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.難得入長洲可以試到陳通記，環境衛生唔好expect太多～2點幾去到好多野已經賣哂，鮮牛﹑咖央多，連通粉都冇哂🤣。好彩佢招牌米通仲有，唔係到到都食到～個湯底好濃好重花生味🥜，有啲似擔擔麵個質地同味道，但辣味就唔夠，整體我覺得有啲啖。米通煮得okay唔會太淋，但佢唔係好掛湯。配料都係正常發揮，雞翼炸得夠脆。嗌一個餸感覺抵食啲。如果係想喺長洲試唔同野食建議兩個人叫一碗好，一碗可以餵飽兩個人仲要差啲食唔哂( ꒪⌓꒪)。嗌左個奶油包，夠脆夠香，就咁食已經好食，用嚟點埋啲沙嗲汁又係令一種感覺。

今日天氣咁好一於入長洲行個圈，入到嚟長洲當然要食下馳名沙嗲牛肉麵啦🥰 一直留意到沙嗲牛肉關注組話陳通記嘅沙牛一流😋就試下係咪咁堅！先嚟一碗沙嗲牛肉公仔麵🍜明顯見到一粒粒嘅花生碎，再試一啖湯底🤤真係好濃郁啊，又唔會覺得鹹，配埋公仔麵食，簡直就係邪惡嘅組合😈 講到沙嗲牛肉，每一塊牛肉都好淋，完全唔會韌都食唔到。只係略嫌佢啲牛肉冇乜沙嗲味。所以食每一塊牛肉嘅時候都會連埋湯一齊食🤣整體來講呢一餐真係抵食，40幾蚊就有一碗高質嘅沙嗲牛肉麵，加多幾蚊仲可以雙拼添👍🏻

長洲呢間沙嗲牛肉麵/通/米通 都好出名，今日朋友終於帶我黎食下，由於冷氣位full，所以坐左出面食。我點左沙嗲牛肉麵，即整所以超級熱辣辣，牛肉味幾重，肉質夠嫩滑，沙嗲湯底真係讚，好濃郁惹味好香，帶濃濃花生味，食落唔膩，仲幾多花生粒。個麵煮得剛好，拌勻掛哂沙嗲湯汁，好正。友人點左 沙嗲肥牛通粉，肥牛入口嫩彈，通粉唔會軟哂，保持微彈，每啖都連住香濃沙嗲湯食，更香更滋味。再share西多士配煉奶，遲左黎無哂咖央西多。不過原味都正，炸得金黃香口，西多吸哂煉奶同牛油香，味道甜美可口，邪惡度爆滿。炸橙原來係炸橙汁，友人話超好飲，超正。見有街坊都飲呢個。我個凍奶茶就夠哂茶濃奶滑香甜，但太熱而冰好快溶，搞到杯野飲好快變淡味。

我哋每次嚟長洲都一定會嚟食呢一間😚因為佢嘅沙嗲牛肉湯底真係超級好食‼️喺其他地方完全食唔到 真係極力推介大家要試吓🤩👅太陽蛋沙嗲鮮牛肉米通 $34佢嘅沙嗲牛肉湯底非常濃郁😋😋有濃厚嘅花生醬味 仲食到粒粒嘅花生🥜好有花生香🤤佢嘅湯底亦都帶少少微辣 個米通仲可以索晒啲湯 配埋太陽蛋嘅蛋汁 食落真係超級無敵正😛而佢其實可以揀鮮牛肉或者肥牛 我哋揀咗鮮牛肉 鮮牛肉都幾淋 唔錯😚所以大家嚟到一定一定要試‼️‼️👅西多士 $23佢嘅西多士可以揀夾住花生醬 上面亦都加咗牛油 煉奶同埋糖漿 真係超級邪惡🤤但係食落真係好好食😋😋😋總括嚟講 佢嘅沙嗲湯底真係好出色 超級好食😍係長洲嘅必食之選🤩不過佢好似下午三點幾四點就會閂門 所以大家嚟食就要早啲啦😚😋 好味：9.21/10🤑 價錢：8.12/10🤗 服務：7.00/10😝 環境：6.12/10😚 衞生：5.09/10🤩 整體：9.00/10

兩個人去長洲，當然就係搵好嘢食啦。上網睇好多食評，都推介呢間嘅沙嗲鮮牛肉公仔麵，而我哋去咁多次長洲都未試過，所以就一於去試吓。佢屬於懷舊嘅大排檔，同埋佢位置喺其他大排檔嘅中間。一開始睇地圖都幾難搵，不過最尾跟下跟下人，就去到了。🍻🍻我哋去到之後，啲店員話要自己搵位，所以我哋搵位都搵咗10分鐘左右。😖始終係朝聖地方，同埋我去嗰日係星期日，所以都明白嘅。相信平日會好啲。我哋最後叫咗兩碗沙嗲鮮牛肉公仔麵，同埋兩杯凍奶茶($18@1)。影完相之後急不及待食。個沙嗲湯底都好香，好重沙嗲味。至於鮮牛肉方面，都好爽口，唔會覺得好難咬。最開心係佢比咗幾條生菜！ （誠意嘅表現）😂😂😂如果要批評的話，我會覺得沙嗲湯底可以更濃，咁樣味道會更加出！至於奶茶方面，我個人會覺得甜咗少少。如果去嘅話可以叫少甜。不過整體來講都係好飲的。如果大家來長洲，不妨一試。雖然唔會話係好好味嘅美食，但係佢比出邊嘅茶餐廳嘅味道算好。喜歡沙嗲牛肉麵嘅你一定要試吓。🍜🍜🍜

今日同屋企人入長洲一遊見到網上推介新鮮沙嗲牛肉麵 仲有鹹牛肉蛋治同埋鮮魷魚 帶住冒險精神一嘗餐廳位於碼頭附近，5分鐘內到達。 可惜今日天氣有點熱成30幾度。 事頭婆好客氣招呼咗我哋入去裏面有冷氣嘅位度， 服務態度唔錯加上而家長洲唔係好多人。 環境個人感覺都還算可以。 但係始終係舊式餐廳， 母親大人認為環境有待改善 。 對於路過嘅小蒼蠅感到不滿。新鮮沙嗲牛肉麵 沙嗲底主要以花生醬同埋蒜蓉撈成， 食落去有粒粒嘅花生味 沙嗲底比較厚身感覺上有啲似食緊撈麵嘅感覺，咪道濃郁。 米通底混為一體， 感覺非常滑口。比較特別的口感。牛肉雖然唔多，但質感同咪道也合格。咸牛肉蛋治味道和出面差唔多。 我只要欣賞佢 用料均勻， 幾乎牛肉和蛋係覆蓋成塊麵包， 唔會有咬咗一啖白麵包的空虛感。鮮魷魚今日依然無貨。。。

近幾年都冇去過長洲，假日去應該行都行唔到，趁平日先敢去。之前見到沙嗲牛肉麵關注組有好多人都推介佢，就特登入黎食。佢個位置好隱閉下，開住地圖咁搵先識行入去。​揀左坐入面有冷氣既位，不過係夏天都係依然會覺得好熱，位置都比較擠逼。​沙嗲牛肉米通 ($33)​個湯底果然名不虛傳，非常之濃郁，米通好似得呢到食到，幾特別而且佢比通粉更入味。不過就比較重口味，食到尾會覺得鹹。​​凍奶茶 ($18)​奶味比較重既奶茶，怕甜既可以叫少甜。​​

趁天氣唔算好熱果排同屋企人帶埋隻狗去長洲行山喺Instagram見到呢間野嘅沙嗲牛通粉感覺好似幾吸引咁所以就入咗去試因為屋企人好鍾意食西多士所以就首先叫咗西多士夠熱都好香蛋牛治唔記得咗叫佢加烘底餡料唔會太鹹隻蛋都有咁上下鑊氣好評重頭戲就係呢碗沙嗲牛我哋分別叫咗肥牛同埋鮮牛肥牛有啲難咬叫鮮牛會係比較好嘅選擇個湯底十分濃郁有好濃郁嘅花生味超級足料最後都有叫到佢嘅熱奶茶茶味同奶味都平衡茶味都算香濃就算唔落糖都係一杯好飲嘅熱奶茶*額外提一提，雖然去過幾次都好旺場場算大，有時爆到未必有位坐但係店員都會保持禮貌值得一讚

個個都推薦陳通記嘅沙嗲牛，今日難得嚟到一定要試試佢。我叫咗個沙嗲牛肉公仔麵，望落去啲顏色比平時嗰啲更濃郁，食咗一啖沙嗲，發覺佢幾重花生味，再食佢啲沙嗲牛肉，先發現牛肉係新鮮牛肉。整體來講係真係幾高分，每一啖嘅沙嗲味都好濃好香。

陳通記放假來到長洲，我相信好多人講長洲美食名物都會有陳通記。由碼頭行過去只係5分鐘路程，方便容易找到。之前黎左幾次都食不到 今次終於都食到啦 大家記得通記係星期一唔開 唔好摸門釘。相信黎陳通記既人都係為左佢地既沙嗲牛而黎，叫左沙嗲鮮牛肉麵及沙嗲鮮牛肉米，個湯底非常濃，食到有淡淡花生粒，而且有好多鮮牛肉鋪係上面，食落去好有口感，唔會覺得成口粉。再加埋杯凍奶茶，真係不得了，香滑又有茶味，正。 順帶一提，由於通記係熟食中心的老字號大排檔，好多人排隊，要自己搵位坐，加上店鋪收得早，所以建議可以一落船就衝去食左先。

早排加入左沙嗲牛肉關注組之後就見到勁多人極力推介陳通記咁就專登去長洲試一試佢當日叫咗一個沙嗲牛米通(米通喺香港已經好少有）另外再叫咗個沙嗲牛麵湯底真係好出色 沙嗲牛真係配麵係最好食 不過環境真係差少少同埋唔建議夏天去因為真係好熱

之前公眾假期專登嚟好耐都冇去過嘅長洲，發現開咗唔少新式同傳統嘅嘢食，可以周圍覓食啊！呢間老字號大排檔出名多人等位同好味，我哋係傍晚時間等咗半個鐘就有得入座食嘢啦👍🏻個沙嗲鮮牛肉通粉係呢間舖頭超級出名嘅招牌菜，果然名不虛傳，啲牛肉好嫩滑，而且仲好足料，免頭好多之餘個底都仲有唔少，另外個沙嗲醬味道好特別同濃郁，有少少辣同啲沙嗲味完全滲入每粒通粉同牛肉度，啱晒鍾意食濃味嘢食嘅我，碗通粉份量仲唔少添，30幾蚊有一餐飽肚嘅下午茶仲要係高質嘅真係唔錯！雖然而家天氣好熱而大排檔又冇冷氣，食完仲要好急急腳咁走唔想阻住其他食客，但呢碗沙嗲牛肉通粉絕對值得一試，下次你都一定會試吓舖頭嘅其他出名嘢食

雖然好熱但坐係出面食其實好有風味☺️·•沙嗲鮮牛肉通粉/米通。個湯底果然好夠濃，食到有花生粒，正呀😋個底仲有好多鮮牛，食完真係好飽🤰🏼•熱奶茶。鬼死咁熱都係要飲熱奶茶因為想試真d個奶茶，真係唔錯wor👍🏼有茶香又唔會太濃•西多士。貪心既我仲要叫多件西多士🙈原來無花生醬，好似淨係得牛油，不過佢炸得好香，都好食