陳通記

營業中

休息中

🍴沙嗲鮮牛肉出前一叮 33 蚊🐮🍜勁多牛肉同麵 出前一叮應該有1.3 個😁 沙嗲湯汁 勁香濃 牛肉彈牙 有咬口 盡吸沙嗲汁 加埋爽口既出前一叮 好正！🍴凍啡 18 蚊🧊☕甜左 d咖啡味香 要少甜好 d🍴西多士23 蚊 🍞平時糖漿點得多 今次要勁邪急既煉奶😈 煉奶加埋牛油滲哂落 多士上面 多士外面香脆 入面包肉軟熟 盡吸醬汁 勁正#牛肉 #鮮牛肉 #出前一叮 #沙嗲 #公仔麵 #西多士 #煉奶 #黃藍是政見好食是良知 #黃色經濟圈 #黃店Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#通記長洲海傍街熟食中心13 號鋪~~~~~~~~~~~~

通記係我地去長洲都必去嘅食肆。每次去長洲我地都唔食早餐, 留肚第一餐食通記。食通記前我其實係唔知咩係米通, 我估係米做嘅通粉呱😂~質地好滑又入湯。嚟到通記我地必嗌嘅沙嗲滑牛米通, 份量其實都多。我地今次叫一碗SHARE。再加一份淨豬膶。 豬膶醃得好好, 完全冇怪味,好好食。兩個人分別叫咗凍檸茶同凍奶茶, 好飲, 味道好BALANCE。雖然環境一般, 始終係大排檔, 但衛生做得好好。問姐姐拎碗仔同羹同會用滾水淥一淥先俾我地, 好貼心。

香港人翻工生活甘大壓力，間中都要俾啲時間自己慢活下散下心既😌 所以今日就去左長洲抖抖氣！.一般人入入長洲通常都係掃街🤭 但係老實講，食左咁多年大魚蛋同芒果糯米糍，你悶未先😌😏🤣 本身我都抱住「沙嗲牛麵可以有幾好食呀，誇張」既心態試，但真係試完你就知🤣🤣🤣.所以今日就入左黎試呢一間係碼頭不遠處，行大概五分鐘就到，熟食中心既街邊檔「通記」！成為我地今日既第一餐，13:30先食，餓死寶寶🤭🙈.諗都唔洗諗！沙嗲鮮牛肉通粉$33一上枱，未食已經聞到好重花生味，食落每一啖都食到勁多花生碎！泥黃色既沙嗲湯底浸住通粉，沙嗲湯係平時串燒嗰種夾雜花生碎既濃郁味道，又濃又香，又唔會過鹹👍🏻.食呢啲濃郁湯底，我多數會配通粉，因為鐘意每一啖都可以食到有通粉，而且掛住濃濃既湯😍🤤呢度每一粒通心粉都好滑溜，都飲到沙嗲湯汁，但今日煮得偏軟身，如果可以做到爽彈一點會更好！.鮮牛肉放在最上面，牛肉份量都幾多幾大片，嫩滑度係及格之上，唔會過熟有嚼勁 ！又唔會用鬆肉粉整到淋哂無咬口👍🏼.沙嗲肥牛肉通粉$33 肥牛比鮮牛肉掛得更多沙嗲湯汁，但個人比較偏好食鮮牛多D!.凍檸茶 $18茶味唔夠，一般茶餐廳質素！而且冰唔夠，好快就融

見到有post推介呢間，朋友最鍾意食沙牛麵話一定要落船就去試。黎到係lunchtime，都幾多人。我地叫左沙嗲鮮牛叮（$33+$5），等左都幾耐先上枱。沙嗲係平時串燒嗰種味，又濃又香，唔會太咸，好味😋😋牛肉份量幾多，又大片👍🏼👍🏼果然無介紹錯。蛋牛治烘底（$17）無留意烘底駛唔駛加錢。三文治味道正常。當然唔少得叫返杯凍奶茶，茶味夠，味道同普通茶餐廳差唔多，但太多冰，放左陣啲冰融左，杯奶茶變得好稀🙈環境好大排檔，可能要搭枱坐，有少少小昆蟲飛下飛下，但整體都企理嘅。

一直聽講呢個沙嗲牛麵好好食但入到長洲本想掃街 覺得食個麵會好飽 好似蝕咗 食唔到其他嘢咁但係因為已經聞名已久 所以都係去咗食食完覺得真係好值得食行入舖頭 有好幾張枱都係食緊沙嗲牛麵/通粉一放低已經好香沙嗲味第一啖就覺得隻沙嗲味好特別 好大陣花生味湯面有粒粒花生碎 好濃郁🥰🤤啲牛肉同生菜吸晒啲湯 食到停唔到😍😍😍P.s.食完先發現有米通粉揀 好少地方有得食米通粉 下次可以試下😍吸晒啲沙嗲湯實好正的確食到後期係有少少咸🙈(都係因為我忍唔住係咁淨飲啲湯)加返支樽裝可樂嘅話 一定好爽下次再嚟長洲要再食🤤

平時入長洲覓食通常都淨係掃街🤭 但係食咗N年大魚蛋同芒果糯米糍嘅講唔停表示食到已經有少少厭😬 所以想揾啲特別啲嘅嘢去試吓😝 而講唔停之前聽朋友講通記呢間大排檔嘅沙爹牛好唔錯💫 所以上次一落船就急不及待去咗試🤩沙嗲鮮牛肉米通 $33呢到嘅沙嗲湯底真係好正😍 椰香味同花生味都超級濃郁🥥🥜 而且唔會過鹹👍🏻 同平時樓下茶記食嗰啲沙嗲牛麵完全係兩回事😚 仲要有勁多花生粒🥰 米通亦都好滑溜溜👅一羹畢唒咁多樣嘢一齊食簡直係perfect😝唯一可惜嘅係佢嘅鮮牛肉比較瘦而且有少少筋🥩 不過份量十足 食極都仲有😬西多士 $23佢有得揀配糖漿🍯定係煉奶🍼 而講唔停就揀咗配煉奶🙆🏻‍♀️ 睇佢個樣都知有幾邪惡🤓啱啱炸起熱辣辣嘅多士上面淋咗海量嘅煉奶 再加埋片牛油 呢個卡路里爆錶嘅配搭真係冇可能唔好食😝不過呢間嘅多士之間就冇查花生醬🤭 所以食落其實有少少似奶油多😬整體黎講 講唔停覺得呢到嘅沙嗲湯底真係幾出色 💕入開長洲嘅話不妨去試吓呀💫

一落船第一餐就趕咗去通記😂本身都好鍾意食沙嗲牛肉公仔麵，去親茶餐廳都必叫！更何況，今次有人話佢係數一數二嘅沙嗲牛肉麵，就更加一定要去！！！佢係大排檔setting!不過都舒服，有冷氣禁🤣但就比較食得趕！主角，好快就送到！一飲個湯，好重花生味，而且見到料好足，好多干蒜花生粒！有生菜伴碟，牛亦十分入味，很不錯！唯一要挑剔，就係個麵😂食得出係好普通嘅公仔麵，如果係麵質比較好嘅面餅，例如丁丁，就更加好😭不過個湯，佢贏哂！

只可以講呢間係食咗咁多年嘅大排檔，絕對係信心嘅保證，懷舊嘅特色。今日試咗腐皮卷不過不失。分冷氣座同露天，今日揀咗露天，雖然有風扇但係由於係夏天嘅關係，都有啲熱。正常每次去長洲都會食嘅一間餐廳，係一種情懷。

一個風雨交加的下午，獨個兒來到長洲散心。在船上快快查看有甚麼好地方吃午餐之後，最後選定了這間就在碼頭不遠處熟食中心內的「通記」。為的，是它在網上有不少人讚好的沙嗲湯底麵食。冒著大雨，撐著傘急步躲在不講求環境，只講求食物質素的大牌檔內，不用研究餐牌，二話不說便點了「沙嗲湯底鮮牛麵」（$33），加杯「茶走」（$16），做這天的午餐。這「沙嗲湯底鮮牛麵」不是平常常吃的「沙嗲牛肉麵」，而是「沙嗲湯底鮮牛麵」，靈魂不在那普通的麵，在於那如假包換，濃香鹹甜辣兼備的沙嗲湯。真材實料，充滿沙嗲湯的味道，夾雜著花生碎的幼細口感，讓我不禁愛上。鮮牛也不差，份量比一般的多，嫩滑度也在及格之上，加上數條青菜，便是一個讓人十分滿意的午餐。很少飲「茶走」，這天難得喝上一杯，只下了煉奶的「茶走」醇滑但味道稍淡，不過只需下上一丁點兒的白砂糖，讓味道甜上一些，立刻變成一杯美味的熱飲。下次再訪長洲，很大機會我會再來捧這間「通記」的場呢！

自永順沙嗲牛一文，不少讀者均表示陳通記乃是必試。然陳通記位於長洲，路途遙遠，交通費時，實在令人卻步。直到早前友人邀請，盛情難卻，便抽空前往。陳通記位於長洲碼頭附近熟食檔，從碼頭走去約五分鐘。下午一時半來到，滿座，唯有靜靜的等；約半小時後才被領到一空位坐下。甫坐下便被告知米通售罄，心裏不免一沉——不要緊，沙嗲牛還在！點了沙嗲鮮牛麵，鮮牛蛋治，茶走；店員亦不遑多讓回了一句「等四十五分鐘」便離去了。十分鐘後茶走先來。入口茶味甘香明顯，奶滑順不過甜，稠度剛好，不澀，表現合格。再過半刻，鮮牛蛋治亦到。外表米白，內層豐厚。一口咬下嫩蛋混着炒過的鮮牛塊一起進入口腔，內藏的蛋汁給擠了出來，滋潤了那偏乾的方包；鮮牛少鹹帶嚼勁，與嫩蛋相得益彰，頗有驚喜。良久，麵來。泥黃色的沙嗲湯底浸著淡黃麵條，牛肉片放面，再放上少許花生粒，與常見的「黃牛白麵」不同，這根本不是沙嗲牛肉麵，而是牛肉麵配沙嗲湯底！靠近一嗅，花生味明顯。先呷口湯，濃厚的椰香混著花生、炸蔥頭的香味直衝入喉，迷朦中帶點焦香及八角香，令人難忘；雖口感偏粗，卻無可避免。夾箸麵，彎曲的麵條掛著濃濃的沙嗲汁，一啜入口，麵質爽彈，沙嗲鹹、鮮、香、焦四味交雜，

沙嗲鮮牛肉米通 （HK$33)沙嗲是指沙嗲湯底，唔係沙嗲牛肉。而佢呢個沙嗲唔係辣嘅沙嗲，而係花生味勁重嘅沙嗲。 沙嗲味濃郁，再加花生味香而重，米通吸取了沙嗲所有的精華，好入味，一口接一口。一碗沙嗲鮮牛肉米通配上一杯凍奶茶，令人元氣十足。

無得出外旅遊，唯有去下長洲玩兩日，第1日無良海鮮，無係酒店食lunch,去左呢間馳名既沙嗲牛肉麵咸牛肉蛋治，ok,咸牛肉都算多牛腩麵，餛飩麵 超正沙嗲牛公仔麵，湯底好濃，仲有花生粒，而且仲係用福麵

📍 陳通記 🌟長洲⁣長洲除咗食大大粒魚蛋同芒果糯米糍 重有呢間老店都值得一試 經過小巷 半露天嘅大排檔式座位 座位都非常充足 叫完食物好快送上枱⁣⁣🔶 沙嗲牛肉麵⁣💰33⁣👅8.99/10⁣ 上枱已經聞到一種沙嗲花生🥜香味⁣試左啖 不得了 勁濃花生味得黎鹹味又岩岩好😋 ⁣啲牛同麵都吸哂啲精華 仲掛住啲花生碎⁣🥜

💥最強沙嗲牛💥有人叫通記 有人叫陳通記 唔理阿通係咪姓陳 大家只要知道佢個沙嗲真係好好食📣◾沙嗲鮮牛肉米通沙嗲湯底十分濃郁 入面仲有花生粒🥜鮮牛肉好嫩唔會老 份量亦唔少 另外"米通"即係長形嘅通心粉 多數食呢啲濃郁嘅湯底我都會配通粉 因為鐘意每一羹都可以有湯有粉🥄呢碗野真係大滿足💯◽茶走我唔係專家 呢杯暫時係我飲過最好味嘅😋為免有人唔知茶走係咩 講一次:奶茶加煉奶通記位置有少少難揾 見唔到就問人啦喂 其實附近都好多類似嘅茶檔 不過佢真係最旺 好彩店面夠晒大 所以唔會要坐到好迫 價錢亦都很可以而家諗返起已經好想再食啦🤤

行完小長城後非常之肚餓本身想去既小店無開 所以就上openrice搵下有咩正餐好食母親大人揀左通記💁🏽‍♀️父親大人嗌左牛腩撈粗（$33）母親大人嗌左 招牌魚蛋撈粗（$28）兩老都覺得粗麵唔好食 鹼水味好重牛腩麻麻地 魚蛋彈牙 都推介大家試既~~⚠️記住唔好嗌粗麵！ 我就睇左一兩篇食評都係話推介沙嗲鮮牛麵 所以諗住試下 點知阿姐話無鮮牛😭我唔鍾意食肥牛 所以揀左金錢牛肚米再加$5沙嗲湯 （想吃沙嗲湯的心很強🙈）（$27+5= $32）三碗之中最好味應該係我個碗沙嗲湯的確幾濃郁 仲有唔少花生碎 見下圖隨意夾起少少米粉 都可以見到有啲花生碎🥜掛起米粉度另外加左支好耐冇見過既大支裝可口可樂（$14）同埋凍柑桔蜜🍊（$20）推介柑桔蜜🌟 唔係用濃縮沖劑沖 係飲到有d柑桔碎架 咸味、甜味都岩岩好父親大人仲話：「飲到有柑(甘)味添！」我話：「下，柑桔有柑味好正常丫！」佢再澄清：「係味覺上個個甘味啊！」🙃🙃🙃🙃