陳通記

營業中

休息中

真係每過一陣就會想食返嘅陳通記沙嗲通粉，每次食落都覺得好濃好花生味，但又唔會太鹹，真係超正！而且用咗通粉係更加吸晒啲汁，每一啖都有沙嗲嘅香味，真係會食唔停口！朋友食咗依種嘅西多士都話唔錯，但因為怕太飽我就冇再食到，打算下次嚟再試吓🤤

假日遠赴離島遊玩，順道去了久違的陳通記食碗沙牛通！店子仍然維持著大牌檔的格局，甚是地道。一場來到，每枱都有，必然要點的就是這碗沙嗲牛肉湯通！港式風味的沙嗲湯十分之濃厚，裡面有粒粒花生碎，不會過份的辣，縱使大熱天時食也不覺得辛苦！牛肉夠軟夠嫩，而通粉盡吸沙嗲湯，非常可口！沙嗲牛通之外，我們還加了一客煎豬扒。豬扒不算十分細碟，店方還切開一條條，食時超級方便！外層脆脆的，肉質亦頗鬆軟，絕不會痴牙，最重要的是調味剛剛好，襯沙嗲湯也相當匹配！加一杯凍鴦，此刻味覺已完全激盪！

難得放假入去長洲行下食下好野😋😋 已經2點幾都仲咁多人 餐廳要自己搵位坐 搵到位即刻落單 都要等大約10-15分鐘先有得食 我哋叫左出名嘅沙牛通 & 西多士 味道真係好足料😋😋😋🐮沙爹牛肉米通 味道好濃郁 食到啖啖都有花生碎 唔太辣又唔會油膩 夠晒惹味 🤤🤤牛肉份量正常 質感唔會好鞋口 通粉有得揀米通 / 通粉 揀左米通 比較有特色啲 食落有米香較軟糯😋 🥞西多士 揀左花生醬& 煉奶 加埋牛油 夠晒邪惡😛😛 麵包唔係好厚身個款 但都索晒蛋香味🤤 花生醬搽得好多 食到邊邊位都仲有花生醬👍🏻👍🏻 大牌檔環境算還好 啲檯椅唔會痴笠笠 人多天氣熱 坐出面係有啲焗 但都開晒風扇 都算ok 無蚊咬已經唔錯🙈😛

每次去長洲我都必去陳通記！這家大排檔式茶餐廳的環境一般，但沙嗲真的很好吃。我之前試過沙嗲牛肉米通，這次點了沙嗲豬潤米通。🍜 沙嗲豬潤米通▫️湯底：可能因為配豬潤，比之前牛肉的淡，但還是濃郁的，能吃到花生碎，還帶有一點點辣，非常惹味。▫️米通粉：比通心粉更韌性，能很好地掛湯，每口都能感受到濃濃的沙嗲味。▫️豬潤：大塊、量多又厚，新鮮無雜質或異味，顏色粉嫩，咬下去時滑嫩而有彈性，不會過硬或韌。😋陳通記沙嗲還是一絕啊～

陳通記係長洲數一數二必食嘅餐廳之一，唔使我多介紹大家都知佢哋最出名嘅係💛沙嗲牛肉米通💛，的確上沙嗲味濃，仲要食到好傳統嘅味道，有粒粒嘅花生再溝埋鮮嫩嘅牛肉😍，比一般嘅沙嗲牛結身好多，份量都唔少，再加埋少之又少嘅米通，性價比又高，真係值得一試👍🏻👍🏻其次就嗌咗佢哋嘅傳統🌸西多士🌸同埋🌸鹹牛肉蛋治🌸，都係呢一度嘅熱門之選，價錢又唔貴，又足料😋，的確係回頭率極高嘅茶記，最緊要係仲保持住舊式嘅香港風味，真係買少見少😆😆

凍冰冰的冬天剛剛過去，襯住今日天朗氣清，一家三口決定入長洲逛逛。長洲保留幾檔大排檔，特意帶阿女見識下，感受一下大排檔的風味。陳通記有湯粉麵，三文治，多士，飲品等美食。價錢相宜，食下午茶最好不過。凍飲用不銹鋼杯裝住，冰溶咗都 keep 到夠凍凍檸茶、凍奶茶，茶底靚，自然兩杯都好最出名既沙嗲牛肉米通，湯底夠哂花生香，米通軟熟，牛肉再多兩塊就更perfect啦西多士真係無得輸，麵包夠厚度，食落外脆內軟夾在中間既花生醬夠多，西多既精髓就係呢度牛油鍊奶撈埋搽喺面，夠哂邪惡呢餐tea，卡路里爆標都抵唔駛問當然有下次啦！

入到嚟長洲一定有聽過陳通記 一落船轉右 行過海鮮舖頭嘅一個小巷 直行就會見到好多茶記 其中一間係陳通記 沙嗲牛肉米通 $42熱辣辣嘅沙嗲牛肉米通 見到枱枱都有一碗 食落去 好重嘅沙嗲湯底 每一啖都有花生碎粒 而且沙嗲湯同出面嘅係唔同 入嚟長洲必食嘅沙嗲牛肉米通😋牛肉好有牛味 好厚切 幾有口感米通都幾多下 基本上一個人食完 要隔2 3個鐘先可以食其他島上面嘅野食西多士有咖央同花生味揀 我哋揀咗花生 西多用煉奶取代糖漿 如果想要糖漿要問佢額外拎 個人覺得點糖漿會好食啲 西多士煎得好脆 外脆內軟 不過冇乜特別同其他茶記一樣

📢入到長洲，首試人氣旺盛嘅大排檔沙嗲牛肉通粉，體驗認真麻麻🥹 。入到店舖位置已經人山人海，超級多人等位，好不容易找到一張搭枱嘅座位。店員超級忙碌亦好不客氣同食客講，食麵最少要等45分鐘🥹，唯有耐心等候 。.📢劑迫嘅環境的確有點難受，而且有點小插曲。坐對面遊客點咗一碗沙牛通，等侯期間叫咗隔離魚蛋粉檔嘅炸魚皮，確係即叫即炸，香脆可口，但奈何服務態度真係好差，唔係食物好好就可以 。.📢陳通記同樣有相同嘅問題，雖然沙嗲牛肉極度濃郁，花生醬同沙茶等調味亦係足料，鮮滑牛量都多，但被店員喝罵，叫顧客收聲唔好講嘢🗣️都真係幾經典，唔係講笑🥹。所以總括依然，大家自行判斷 。

相信大家都對陳通記唔陌生，但我之前每次都係夏天嚟長洲，一直都未試過，今次趁凍凍地終於可以食大排檔啦！當然唔少得嗌沙嗲牛米通啦🤤🥩 沙嗲牛肉/肥牛米通（$42）今次嗌咗沙嗲牛肉米通同沙嗲肥牛米通各一，分別在於前者係用平時食開嘅牛肉片，好有咬口，而肥牛就係平時打邊爐嗰款，肥瘦都算均勻😎香濃沙嗲湯底呢個真係係得頂，絕對唔係平時食茶餐廳嗰啲清湯加嗰少少沙嗲醬，成碗湯都係沙嗲味，唔辣，仲食得出有粒粒花生碎，喜歡濃郁口感入到嚟長洲記得唔好錯過！米通吸收晒沙嗲醬汁，口感軟糯彈牙，唔係平時浸到冧晒嗰啲通粉，成碗食落真係一流～😍👍🏻可能多人，而且即叫即煮，落單後要等10分鐘多啲，不過一上枱熱辣辣，喺冬天食真係一流！不過，夏天可能就要諗諗先😆整體評價價錢親民，又有本土風味，如果去開長洲，值得一試🔥

早個星期九龍城街市食咗碗超難食嘅沙爹牛肉麵又唔熱又冇沙嗲味只得個超級鹹味...😅😅今天中環碼頭上堂後好掛住碗鲜牛肉沙嗲米通坐船入長洲去食...😜😜陳通記沙嗲牛米通加煎豬扒熱鴛鴦冇得輸...😋😋 全院滿座都要等一段時間。見隔離枱幾個婆婆食炸魚皮魚蛋粉忍唔住叫嚟食住等試偉記炸魚皮魚蛋超滿足...😄😄 剛剛好食完净蛋魚炸魚皮碗米通就到喇，柸熱鴛鴦茶一早就到了... 真係久唔久就掛住呢碗沙爹牛肉就要搭船入嚟食...😁😁

已經唔多客，仲要等成個鐘。落單個陣同我講肯定唔會等。以為好好味，點知普通茶記兩分鐘出既餐都好食過佢。網上真係吹得有夠大，啲人係絕食左好耐無食過好味既嘢？一日心情無曬。

唔少人都相信好似我咁，為咗呢一碗沙嗲牛湯專程入長洲。如果遇上假期，仲有機會食唔到。所以我一去到長洲就即刻沖去陳通記嗌返碗試吓，果然湯底十分之濃郁，仲有一啲花生粒，而通粉同市面上嘅餐廳提供嘅不同，通粉呈長條狀，掛湯更容易。

放假同👶🏻👶🏻去左長洲玩去完個張保仔洞探險👶🏻👶🏻竟然話要食嘢 即刻上網做功課見到好多網友都推介呢間陳通記好彩行得快😂😂 因為落完單無耐佢就開始閂門啦個陣好似先四點幾 所以如果大家去食要早小小── ✦── ✦ ── ✦ ── ✦ ──✦── ✦ ── ✦ʚ #沙爹牛肉麵 ɞ 佢個沙嗲湯非常濃郁 仲有粒粒小花生增加咗個口感 但因為個湯底太熱而家濃郁程度係比較難散熱所以個公仔麵好快會變林 牛肉都好林好入味 ʚ #沙嗲肥牛米通 ɞ第2碗都係叫沙嗲 整體同公仔麵差唔多但轉咗食米通 米通中間個窿窿收埋哂啲湯我個人覺得食米通更加好味ʚ #奶油多 ɞ個包都脆卜卜 呢個👶🏻👶🏻最欣賞食完一舊又一舊 仲要話下次再食過呀── ✦── ✦ ── ✦ ── ✦ ──✦── ✦ ── ✦

好日唔入黎長洲，今日甘岩黎探朋友，朋友就帶我地黎食依間地道野。朋友推介沙嗲牛麵及多士系列。叫左個沙嗲牛米粉，發現佢用料都幾足既，肉眼可見既大量花生！沙嗲底係融左落湯底入面，相對既牛肉係比較淡味。講番湯底，主要既沙嗲味來源，係幾香濃既，唔錯！牛肉似新鮮牛肉，切得比較唔規則😂但肉質幾好既。煉奶花生醬多士，即叫即整，上菜時仲提我地趁熱食😂 一切落去就知勁野！外皮係仲脆既，入面既花生醬好多，加埋表面既練奶食，真係超級邪惡！ 好正！個人中意西多士多過沙嗲牛，值得一試👍

兩年未入過長洲，最想去就係張記同陳通記，同事揀咗陳通記，為咗試佢哋個沙爹牛米通。有少少失望，因為我想食張記多啲😩😩因為契婆葬喺長洲，細過年年都會去兩次拜祭，不過去陳通記係近呢十年嘅事，有次朋友帶我去食，話出面好少有米通同橙冰。未至於話好好食，不過沙爹牛配米通的確唔錯，米通吸汁有咬口，牛肉軟滑唔會鬆泡泡👍🏼👍🏼，同公仔麵比較，係另一種食法。今日一行7人只喺叫咗4碗米通同4杯嘢飲，因為坐船已經食咗早餐，10點鐘唔多人，所以起餐都好快，同事一致中評，反而十分喜歡辣椒油。埋單時姐姐態度有點差，事源因為冇單，同事就講比佢聽我哋食咗D乜，點知佢好大反應：「唔洗講！我自己睇！」真係比佢嚇一嚇😖😖是日消費：4x沙爹牛米通 2x凍飲 2x熱飲共$246